مشكلتي ان في واحد زميلي في المدرسه بس طول اربع سنين مكنتش اتعرفت عليه و لكن بعد كده اكتشفت انه في نفس الرياضه اللي انا فيها و اتعرفت عليه و كنت كل ما اطلب منه مساعده في حاجه يقولي حاضر و انه موافق يساعدني و بعدين اكتشف انه و لا هيساعد و لا حاجه و اتكررت انه لما اكون في مكان يسلم علي كل القاعدين الا انا و عنده استعداد اه يساعد اي واحده تطلب منه حاجه الا انا فهو كده هو بيكرهني و لا ايه انا مش عارفه و ساعات لما يشوفني يكلمني كانه عايز يفتح مواضيع معايا فانا مش فاهمه هو اللي بيعمله ده طبيعي و انا اللي في كل مناسبه انا اروح اكلمه الاول؟
هو فى الغالب إقترب منك وفهم شخصيتك وظن انه لما يتجاهلك ده هيخليكى تجرى وراه ودى طريقة تفكير بعض الناس لما يحسوا ان الشخص اللى قدام منهم محتاج لهم…نصيحتى ليكى لو فيه مشاعر معينه جواكى من ناحيته يبقى بلاش ترمى نفسك عليه وتجاهليه كما يفعل معكى ولا كأنه قدامك ولا حتى تنظرى إليه وساعتها هو اللى هيجرى وراكى زى البوبى ولما ده يحصل ويجرى وراكى متعبريهوش فى الجذمه لان الصنف اللى زى ده من البشر بيكون فى الغالب ملعون وخاين وهيتعبك أوى
يااختي الواد ده قاعد يتسلى بك وعايز يوقعك هو غمره ماحبك او فكرفيك طنشيه ولاتعبريه خالص وفكري في دراستك ومستقبلك وحافظي على شرفك وكرامتك وسمعة اهلك والله يسترعليك ويكفيك شره وشر كل الانس والجان
عزيزتي صاحبة المشكله هو لا يكرهك لكن ربما هو الخجل المصاحب للاعجاب ربما يكن لك نوع من المشاعر ذات الصله بفترة المراهقه والتي يصاحبها خجل شديد لانه يحاول فتح مواضيع معك اهتمي بدراستكفهذا افضل واستمري بالمحافضه على اخلاقك وصلواتك ..وفقك الله