السلام عليكم ورحمه الله وبركاته
انا عندي 20 سنه وفي كلية كويسه اوي بس في محافظة غير محافظتي ف مش ساكنه مع اهلي ,,,ساكنه المدينة الجامعية زي غيري
انا امتلك من الجمال قدر لا باس به ..قدر يجعل لو حد شافني يقول اني جميله .
اول ما دخلت الجامعة كان عندي 17 سنه وكنت من بلد ير البلد وكنت طفلة ..اتعرفت علي واحد زي باقي البنات وشفته فتى الاحلام ..الصراحه كنت صغيره وكنت ببص للشكل وهو كان جميل اوي ولد تتمناه كل البنات زي ما بيقولو ..حبيته والمفروض انه كان بيبادلني نفس الشعور وكنت بحسد نفسي عليه ..وكل البنات برضو
انجرحت منه كتييير واستحملت اهانات وتقريبا كان كل ما يحس اني بحبه وعمري ما هسيبه كان يجي عليا اكتر واكتر ..مش كنت بحبه بس انا كنت بعشقه كل معاني الحب كنت بحسها ناحيته علي رغم كل حاجه ,,اهانه وشفت ..خيانه وسامحت ..ذل وشفته ..اي حاجه وكل حاجه ..
في الاخر لقي واحده احسن مني واجمل واهلها احسن وكل الناس برضو تتمناها ..وصاحبتي ,,اكتشف انها معجبة بيه علي رغم معرفتها باللي بنا ,,بكل بساطه في اسبوع واحد قاللي مش بحبك ومش عاوزك وارتبط بيها
حسيت ساعتها بجرح وعذاب مقدرش اوصفهم ..فضلت فتره حوالي سنه مش قادره اعيش واتعذبت بعده اووي
بعده بدات اشوف اني جميلة واني استاهل حد احسن منه وبدات اهتم بنفسي وبدا اهتمام اللي حواليا يزيد
اكتشفت اني لا اراديا بقيت اعمل حاجه وحشه اوي …بمجرد اني احس اللي قدامي ده معجب بيا او كده وانا حتي مش معجبة بيه اسيبه يتمادي في ذوقه وعروضه انه يساعدني مثلا واسيبه يقرب يقرب لحد ما يعترفلي بحبه اقول لا معلش انا مش شايفاك غير اخويا والاقي نفسي مش طايقاه وعماله اهرب منه ومش عاوزاه يشوفني
مش كده وبس ده انا ممكن اشوف الانسان اللي قدامي واحس اني معجبه بيه واحس فعلا اني بحبة وافضل احاول اخليه يحبني او الفت نظري ليه وانا مقتنعه تماما اني بحبه واني فعلا عاوزاه..واول ما يجي ويعترفلي احساسي يتقلب تماما واحس اني مش طايقاه
انا عارفه اني اللي بعمله ده شئ وحش اوي بس والله العظيم غصب عني انا فعلا ببقي حاسه اني بحبه ساعتها وبعيش ايا بدعي ربنا انه يكون بحبني زي ما بحبه واول ما يحبني فعلا الاقي نفسي بقوله لا وببص علي حد تاني احسن منه …والله العظيم غصب عني ومن غير اي ادراك مني
انا اكتشفت اني بنتقم منه في ناس تانيه ,,بخليهم يحبوني زي ما هو خلاني احبه واروح اقولهم لا..انا عارفه انهم مش ليهم ذنب في عقدي النفسيه بس والله العظيم من غير ما احس ولا افهم انا بعمل ايه
اناحاولت اروح لدكتور نفسي بس ظروف اني طالبه مش سامحالي ده غير اني لو قلت قدام اهلي كده وطلبت منهم كده دول كانو يقتلوني
ارجوكم فعلا انا تعبانه ومحتاجه مساعدتكم ,,انا ضميري بيانبي ونفسيتي تعبانه ومش قادره
انا اسفه علي الاطاله وشكرا جزيللا
اولا انت جايه الجامعة عشان تدرسي وتحققي طموحك وامالك في الحياة وترفعي راس اهلك وتشرفيهم بنجاحك وتفوقك اما انك ضاربة بكلهذا عرض الحائط وجاي تقيم علاقات غرامية وتعارف بينك وبين الشباب في الجامعة بكل وقاحة وقلة ادب ومش مكسوفه من نفسك وانت تقولي هالكلام الفارغ واللااخلاقي مافائدة الغربة والابتعادعن الاهل والدراسة في الجامعة وانت على هالوضع المزري واللااخلاقي مش عارفه انك بتصرفاتك دي تجلب العاروالخزي والفضائح لنفسك ولااهلك المساكين الذين وثقوا فيك وسمحوا لك بالاغتراب والدراسة وتحملوا كافة مصاريفك هل هذا جزاءهم ومكافكتك لهم والامل اللي هم عايشين عشانه تستاهلي كل مايجرى لك وربما اكثر من هذا لانك فتاة غير محترمة وبلاخلاق ولاتربية وحرام فيك التعليم وخسارة فيك كل قرش اهلك يصرفوه عليك ماذا كنت متوقعة من شاب ساقط وسافل باعك وراح شاف واحد غيرك لانه شافك رخيصة ولاتستاهل الاحترام ولا التقدير والمصيبة انك تغالط نفسك بانك تحبيه وعايزه تنتقم منه فروحت في مصيبة ابشع من الاولى تضحك على الشباب وتوهميهنم بالحب الكادب والمشاعر الخادعة وفي الاخر تتركيهم وكان ولاد الناس لعب رخيصة في يدك ولاقيمة لمشاعرهم على الاطلاق وعمرك ماتعرفي الحب ابدا ولاهتلاقيه دام انك على هالحال والنظرية دي اتقي الله في نفسكي وفي اهلكي وفي شرفكي وسمعتكي وفي اخلاقكي وتربية الاهل لكي وحافظي عليهم جيدا واقطع اي صلة لك بالشباب نهاية واهتمي بدراستك ومستقبلك والله يرضي عليك ويصلح حالك ويهديك ويوفقك في حياتك
السلام عليكم يااخواني واخواتي الاعزاء للاسف الشديد هذا هوحال بناتنا واخواتنا في الجامعات اصبحت مرتغ ومستنقع قذر للمحرمات والفواحش والرذيلة الا ماندر والكل يغض الطرف عن الممارسات والتصرفات الخاطئة والغير اخلاقية التي تحدث داخل اسوار تلك الجامعات خوفامن الفضائح اوالمسالة القانونية او تفادي فقدان العمل فيها للاستاذة والمعلمين والمعلمات وكلهذا يجعل المصيبة اكبر واعمق ولايمكن التساهل اوالتغاضي عما يحصل لبناتنا واخواتنا فيها انعدمت القيم والمبادى وضاعت الاخلاق والتربية وغاب الوازع الدينى عندالكثير من الناس واصبحنا نرى ونسمع بلاوي ومصايب تقشعر منها الابدان وتتالم لها القلوب بنات جامعيات في سن المراهقة اصبحنا حوامل من خلال علاقات غير شرعية مع شباب ساقطين ومنحرفين او انهن متزوجات زواج عرفي اومسيار من قبل هولاء الشباب وربما من المعلمين والدكاترة في تلك الجامعات لماذا نخفي الحقائق ونغمض عيوننا عن تلك الحقيقة ولانعترف بها الاعند ماتحصل الكارثة وتننشر الفضيحة ونجلس نتباكى عن اللبن المسكوب ونقول ياليت هذا الشي لم يحصل الكل يتحمل العب والمسوولية امام الله وامام المجتمع باكمله ولانرمي الحمل على احد الجميع بلااستثناء يتحمل المسوولية سوا كانوا الاهل في البيت او الادارة والمعلمين والمعلمات في الجامعة هولاء امانة في اعناقنا شباب وبنات ونحن مسوولون عنهم والله عزوجل سائلنا عنهم يوم القيامة لماذا لم نتقي الله فيهم ونراعي تلك الامانة ونحافظ عليها ونصونها اصبح الكثيرمن الشرفاء الغيورين يحرمون على بناتهم الالتحاق في تلك الجامعات لهول مايحدث فيها من مصايب وفضائح تمس العرض والشرف والاخلاق وتجلب العار والخزي ان حال تلك الجامعات في اغلب بلادنا العربية سئ للغاية ولايبشر بالخير على الاطلاق دام ان القائمين عليها اناس بلادين ولااخلاق وغير امناء عليها وعلى من بها من طلبة وطالبات تحتاج لغربلة من جديد واستحداث قرارات صارمة ورادعة من قبل الحكومات على تلك الجامعات ومراقبة مايحدث فيها من تجاوزات وتعديات غيراخلاقية ومنافية للدين والاعراف وتضر بكل شرائح المجتمع وهذة صرخة استغاثة نبعثها لكل من يسمعنا من المسؤؤلين عن التربية والتعليم في بلادنا العربية نتمنى ان تلقى استجابة منهم والله من وراء القصد وهوحسبنا ونعم الوكيل
السلام عليكم اولا هو غلطان وميستهلكيش علشان هو بيبص للمظهر بس مش اكتر واحمدي ربنا انك سيبتيه وبكره ربنا يكرمك باحسن منه بس انتي غلطانة انك بتعملي الاشخاص التانية علي انهم مثله الناس مش زي بعضها خلي املك في ربنا كبير ومتياسيش من حاجة ربنا يوفقك انا زي اختك ومن سنك ومخطوبة مش حقولك حاجة تضرك
الموضوع ومافيه لو انتي بتراعي ربك في حالك وفي نفسك وفي اهلك اللي عطينك الثقه في انهم واثقين فيكي ومخلينك مغتربه في بلد تاني مش هاتعملي اكده انتي لسه صغيوره استني ربي يسعدك وتخلصي جامعه وتثبتي وجودك بشاهدتك وصدقيني هاتلاقي نصيبك جاي لحد عنك انسان يحبك مش يذلك ده الحب انما اللي بينك وبين الاخ ده كان استهبال منه حاولي بدل ماتحبيه حبي ربك وادعيه انهه بستر عرضك وينحجك ويرزقك بالزوج الصالح
يا بنت الكرام مهما كان الولد خائن او الحب فاشل تظل هناك لحظات لا تتنسي من ذاكرتنا تظل هناك مواقف كل ما نتذكرها نبتسم من تلقاء انفسنا يا بنت الكرام الم تمر في ذاكرتك بعض اللحظات اللتي كنتي سعيده بعيشها الحياه لا تتوقف عند خيانه شاب لفتاه او العكس هناك لحظات حلوة نعيشها او عشناها حتى مع من جرحونا انتي بتصرفاتك هذة حرمتي نفسك من سماع كلمه احبك وحرمتك من عيش اجمل اللحظات حتى لو كان الشخص اللذت تكلميه خائن يا بنت الكرام تجربه خيانه ليست سببا لانعدام ثقتك في كل الناس هناك من الشباب من ضربوا اروع الامثله في الوفاء
الحل سهل اوى وبسيط جدا انتى لا محتاجه دكتور نفسى ولا بتنتقمى من غيرك ولا بتنتقمى من نفسك الحكايه وما فيها انك خايفه تتجرحى تانى ولما بتبتدى تخوضى تجربه وبتشعرى من دجاخلك انو هو ده الشخص المناسب عقلك الباطنى بيحثك وبيقولك طيب ماهو الى اخلصتيلو وحسيتو معاه بالامان اتخلى عنك اكيد ده كمان هيتخلى عنى العقل الباطن ده بقى هو الى بيتصرف التصرف ده وهو صح مش غلط لانو انتى دلوقتى انهيتى فتره المراهقه من حياتك وابتديتى تتعاملى بواقعيه اكثر من الخيال الى كنتى بتعيشى فيه من قبل تعرفى انتى كده باحسن حال بس مش لازم تدى لاى حد انطباع بالحب لازم تتعاملى مع الجميع على انهم مجرد اصدقاء او زمايل حتى لو حد اعجب بيكى قليلو لا انا مبفكرش بمواضيع الاعجاب دى انا هدفى اتم تعليمى وبعدها بفكر بالارتباط وقتها عقلك الباطنى هيرجع لصوابو وينتظر ابن الحلال الى يقدر جمالك ويقدر مشاعرك ويدخل من الباب مش من حافة الطريق وباتمنالك التوفيق وشكرا
انا صاحبه المشكله انا احب اشكر كل اللي ردو عليا بس احب اوضح نقطه
انا عارفه كويس يعني ايه جرح وعمري ما اتمنيت اجرح حد بس انا عملت زي ما ((شمس ))جزاها الله خيرا بتقول ((انه انا مش اصد حد لان ممكن يكون احسن من اللي فات ))
الولاد دول لما بتعامل معاهم بتعامل من مبدا انهم زمايل مثلا وعادي وبقول لنفسي اديه فرصه يمكن يطلع احسن من اللي قبله ووالله بحس لفتره اني بحبه جداااااا جداااا لحد ما يجي يعترف بحس ساعتها اني مش طايقاه
انا مش ببقي اقصد اني اجرحهم انا نفسي اتحب والاقي الشخص اللي يصوني ويحميني ولما بسيب حد يقرب مني شويه بيكون لاني حاسه اني بحبه او معجبه بيه لكن والله ما ببقي اقصد
انا متشكره اوي لكل اللي ساعدوني وردو عليا ,,جزاكم الله كل خير جميعا
انتي عامله زيى بس انا عمرى ماقولت لواحد بحبك غير لمه اكون واثقه تماما اني بحبه فانتي حاولي ياتبعدى عن الشباب خالص لغيت ماتهدى او علي الاقل لمه يجيلك نصيب بس اللي انا اعرفو الي انجرح مايجرحش صح وانتي حاولي تنسي الشب دا بجد دا حقير وناقص لعلمك انا برضو كنت بكلم واحد وسابني من غير سبب بس اكيد عرفلو واحده ما هما كدا عملين زى القرع يمدو لبره ولا انتي اى رايك مستنيه منك رد
الحل بيدك يا سيت كيف ما انت انجرحتي من حبيبك بدك تجرحي كل من حوليكي سيبيك من دا العمايل الناس مش زي بعض راح يجي يوم شخص يحبك كثير لكن انت ما راح تقدري حبو تتخلي عليه بس في اخير تندمي
انا حاسة ياعمري بيكي ولكن انت قولي لنفسكي ماذنب الاخرين بعذابكي
وانا كمان اعرف كيف صعبة لما البنت اتحب والمقابيل يجاوبها بالخيانة. بس اريد اقولك شي واحد انه هذا الشخص عمرة مايتهنى بحياتة ولايرتاح وانتي لما اتفكرين بي قولي سلمتك لله
بياخذ حق كل انسان انتي لاتصورين انه الله حيتركة الله يهمل ولايمهل
احنة بشر ياعمري ومادام عايشين بهذي الدنيا لازم انشوف كل شي الشر والخير ونتحمل ونصبر لان هذي الدنيا هي تجارب
ولاتخلي الناس تدعي عليكي لان اكيد اي شخص يحبك وانت بتصدي بيتألم وانت مبينة له بالبداية انتي بتحبي لا ياعمري انا بعرف ان جرحكي صعب وصعب والله
ولكن ماعندي سوى اقول لكي هذا الشخص مايستاهل هذا الحنان والحب والعشق الي انتي عطيتيها الة
بس قولي حسبي الله ونعم الوكيل وياعمري صلي وادعي رب العالمين ان يريح قلبك ويرسلك الانسان الي بيستاهلك بس ارجوكي لاتصدي ولا ترفضي لان محتمل يكون احسن من الي فات لان نحن في بلدنا انقول الله ميسد باب الا مايفتح مليون باب وانت بعدك شاية والحياة قدامك ويارب يوفقك ويسعدك ويارب اكون بهذي كلماتي ريحتك ولو لثواني
الحل ان تبعدي عن تكوين علاقات حتي تخلصي دراستك وتكوني جاهزة للزواج لا ضرر ولا ضرار
لاحظي ان المكر والكيد يرتد عليك
لا يحيق المكر السئ الا باهله
وسمعة الجامعة ستصاحبك للمنزل
انت تنتقمين من ذاتك … لا بد ان تصالحي نفسك …
انسي وعيشي … ارضي بنصيبك
هو اختار غيرك … انت اختاري غيره