مشاكل البنات مع الشباب

عرفت شباب كتير والموضوع ده تاعبنى نفسيا

مشكلتى حكاية الحكاية من اول السطر ماليها بداية, انا عرفت شباب كتير فى حياتى اكتر من صداقتى للفتيات, منهم اصحاب ومنهم كنت بعتبرة اخ ومنهم كنت بعتبر حبيب, والحقيقة انى حبيت كتير او ممكن تقول اتهيالى انى حبيت , او اعجاب, المهم انى الشباب الكتير اللى حبتهم دول او حبونى ودخلت معاهم فى مغامرات عاطفية اخرها بوس واحضان؟ فقط لاغير ولم اقع فى المحظور,,,,,
للاسف الشديد انا ندمانة على قد ماتعلمت كتير وفهمت شخصيات كتير, بس للاسف كل دة اثر علية دلوقتى بالتاثير السلبى مخلينى بقارن بين اى شخص عرفتة (طبعا بينى وبين نفسى), مع شخص ارتبطت بية مؤخرا ؟
انا نفسيتى تعبانة جدا ونفسى اتوب وارجع بس مش عارفة ازاى؟

مشاكل وحلول ذات صلة

اضيف بتاريخ: Sunday, January 16th, 2011 في 09:06

كلمات مشاكل وحلول: , , , , , ,

17 رد to “عرفت شباب كتير والموضوع ده تاعبنى نفسيا”

  1. ابواميرة
    16/12/2013 at 17:18

    اختي لابدلك من التوبةلله وكثرةالاستغفار والندم على مافات وعدم الرجوع ليه وربناغفوررحيم بعباده المذنبين التايبين ومن تاب عن ذنبه تاب الله عليه واحمدي الله واشكريه انه هداكي ونجاكي من شر نفسك الامارةبالسوء واحذري من الشباب ومحادثتهم اوالخروج معهم اوالتساهل في شرفك وربي يسترعليك وكل البنات المسلمين ويصلح احوالكم

  2. ناصح امين
    25/01/2011 at 09:01

    بااااااب التوبة مفتوح ولو بلغت ذنوبك عنان السماء والارض لكن من شروط التوبة هجر المعاصى فاقطعى علاقتك بكل الشباب حتى لو تقدم لخطبتك شاب لا تتركى لنفسك العنان حتى تعقدى مقارنات بينه وبين سابقه بل كونى معه فى حدود ما احل الله واهجرى ما نهى الله عنه فالاختلاط حراااااام حرااااام حراااام لكن لو صحت توبتك ابشركى برضا الله ورضوانه

  3. هناء
    24/01/2011 at 15:34

    كلنا بنغلط وانتي غلطي عوزه بجد تتوبي استغفري ربك وصلي وقربي من ربنا وهو الوحيد اللي هيقف جمبك مش هتلقي حد في الزمن ده يقف جمبك هو الله واحد احد الله هتلقي معاكي انتي صلي واستغفرلي لربك

  4. همسه
    17/01/2011 at 03:36

    كلنا غلطنا محدش خالى من الاخطاء وانتى ندمتى بس مشكلتك انك بتقارنى بين الشخص اللى ارتبطى بيه وبين اللى كنتى بتعرفيهم ببساطه كده قارنى من نحيه ان الشخص ده اشتراكى وقدرك وحبك واثبت كلامه يعنى راجل بجد وبين اللى كانو عاوزين يلعبو ويستهترو بيكى يعنى لعب عيال لو قارنتى فى المضمون مش فى الشكل حتلاقى خطيبك او جوزك هو اللى كسبان حاولى تحبى مميزاته واعتبرى الحياه اللى فاتت حلم وصحيتى منه وارجعى لربنا وادعى وربنا قادر انه يقلب القلوب من حال لحال انسى اللى فات وركزى فى مميزات ورجوله الشخص اللى قدرك وحبك

  5. نور
    16/01/2011 at 21:19

    توبى الى الله عز وجل وهتلاقى ربنا ان شاء الله يقبل توبتك واول طريق التوبه ما انتى فيه الان

  6. K.N
    16/01/2011 at 19:42

    wna zayek bl zabt bs mafish 3’er 2wl wa7ed ely 3mlt m3ah bos w a7dan w knt so3’ayara f 2ola gam3a wna dlw2ty kbrt shwya w brdo m2blany nafs el moshkela .. ,,dlw2ty hat5eteb l doctor fl gam3a w msh 3rfa asar7o b2eh wla a5aby 3anno eh !! ana kaman m7taga 7ad ysa3edny bra2yooo brdo …..

  7. سينا
    16/01/2011 at 19:41

    اختى اولا احمدى ربنا لانه بيحبك لومش بيحبك مكنش هيخليكى تكتبى مشكلتى هنا ولازم تعلمى ان ربنا بجد عاوزك ترجعيله وتتوبى انتى دلوقتى عرفتى شباب كتير ياترى ترجعيلهم ولاترجعى لربك ياريت تعاملى المقارنة دى هتلاقى ان ربك اهم من اى حب اواى صداقة وبعدين متزعليش منى الشباب احيانا لما يكلموا البنت ويدخلوا معاها فى حوارات عمرك ماتكونى غالية عنده زى مابيقولك لانك لوغالية هيحافظ عليكى هو بس بيجى لما يكون محتاج يسمع كلمتين يداوى بيهم جراح الدنيا ياحبيبتى ارجعى لعقلك ولطبيعتك وانسى كل حاجة وغيرى حياتك ابتدى من جديد صلى لربنا واستخيريه كل يوم قبل ماتنامى صلى ركعتين بخشوع وادعيله وبعدين من ترك شيئأ لله عوضة الله بأحسن منه ويريت قلبك تقفليه مفيش احسن من انه يكون مليان حب ومغلف بغلاف محدش يوصله غير زوجك وسيبك من الاوهام دى يارب مكنش طولت عليكى

  8. توتا
    16/01/2011 at 19:34

    بصى قربى لربنا وتوبى للة عشان ربنا يغفرلك وترتاحى الصلاة والتقرب من اللة بيريح قلبك ونفسيتك وبلاش تتعرفى على حد تانى غير زوجك بس واستنى نصيبك يجيلك متجريش وراة

  9. wa3d
    16/01/2011 at 17:47

    السلام عليكم احب اعرفك ان الله غفور رحيم المهم انتى تكوتى فعلا عاوزة تتوبي عن اللى بتعمليه وعليكى بالصلاة والصوم من اجل ان لا تجدى وقت لفعل هذا مره اخري وعليكى ان تشغلى وقتك باى اشياء مفيده وحافظى على الشخص اللى ربنا بعتهولك وربنا يوفقكم ان شاء الله

  10. سامر
    16/01/2011 at 17:10

    هل حبيبيك عرف هذه العلاقات ؟؟ ارجوكي انسي ما وراء وامتدي الي ما هو قدام … واعتبري ان ما ارتبطي بيه هو الشيء الحقيقي الملموس والطبيعي والباقي كله خيالات .. لا تمد بالواقيعه بصله … حبي كل ما هو فيه حتي عيوبه ونقصاته حبيها

  11. محمد شهريار
    16/01/2011 at 17:09

    معنى انك عرفتى ان ده غلط وحرام
    يبقى دى بدايه التوبه
    انصحك ان تبتعدى عن النت نهائيا
    وغيرى رقم تليفونك
    ولا تسمعى لاحد
    الله دلوقتى سترك مين عارف بكره لو استمريتى هيفضحك
    الله يمهل ولا يهمل
    الله غفور رحيم
    استحى من الله
    ولا تجعلى الله اهون الناظرين اليكى
    توبى واندمى على ما فعلتى
    وعليكى بالصلاه والصيام والدعاء
    واسترى نفسك
    وربنا يهديكى

  12. ناصح امين ..
    16/01/2011 at 13:42

    يعنى ايه مش عارفه اذاى ….؟؟ اعملى عكس ماكنتى عليه وتوبى الى الله – وتصالحى مع نفسك باالتقوى والأيمان – واختارى طريق الصواب الذى ( ضلّلتيه ) وبداية ألألف ميل ( خطوه !!)

  13. الأسكندرانى
    16/01/2011 at 12:37

    الله يهديكى ويستر عرض حافظى على نفسك .. انا رجل ومشكلتى مثلك تعارف من عنت كتير وكنت دايما اطلب من الله الهداية وادعوة فى الصلاة وحدث ان خطف الموت فجأة جار لنا فاحسست اننى الذى توفى فهو يقاربنى بالسن .. احساس كان قوى احسست ان الموت موجهة لى انى مكانة فدخلت فورا على جهازة وازالت كل من مضاف لدى من النساء واستغفرت وسئلت الله قبول التوبة واستمرارى عليها .. واذا بى احس بان جبل ثقيل بعد عن صدرى وراحة وحرية من قيد كان يكبلنى
    كنت سجين .. فالحمد لله اردت اقص عليكى قصتى قد تكون اوقع وسبب لكى لأن يهديك الله سترك الله فى الدنيا والآخرة اختى العزيزة .

  14. امير القلوب
    16/01/2011 at 12:09

    اولا تستاهلى لأنى طريق الشات اخره كدا واكتر
    احمدى ربنا انك محصلكيش اكتر من كدا
    حاولى اخدى فقرة نقاهه يكون فى مكان هادى وسيبى الكمبيوتر والنت وقسمى يومك لمراحل من ساعة صلاة الفجر لحد النوم ويتخلل اليوم معاد فطار ثابت اذكار صباح ومساء ورد قرآنى زيارة اهلك قراءة فى كتب دينيه وثقافيه واجتماعيه البعد عن سماع الأغانى والتليفزيون
    ومتحاوليش تقيمى اى علاقه خلال فتره لا تقل عن 6 شهور عالأقل لحد ماتحسى انك رجعتى لنفسك الحقيقيه مش المزيفه اللى كانت عالشات وتكونى رجعتى انسانه سويه تقدر تاخد قرار وانسى اى مقارنات واخلصى للشخص اللى هيخلصلك بجد لأن كل شخص قبلك عالنت كان من بره كويس لكن من جواه كان زائف بيحاول بكل الطرق انه يوصل لغرض معين .
    بالتوفيق

  15. الطائر الحزين
    16/01/2011 at 11:44

    ات اتق اللة واستعذي من الشيطان واقراي القران وبصراحة انا راح ادعيلكي بالثبات انا من الاردن اسمي محمد

  16. سيد العاطفى
    16/01/2011 at 11:25

    يا اختى انا لا الومك على ما حدث منكى ولكن اقدم لكى الحل فى الاتى
    1-قربى من ربنا اوى بالصلاه فى اوقاتها والصيام احيانآ وقراءة القرآن
    2-اشغلى وقت فراغك بقراءة الكتب الدينيه والعلميه المفيده
    اجلسى كثيرآ مع افراد المنزل وقربى منهم وصاحبيهم لكى تشغلى وقت فراغك بعيدآ عن الاشخاص اللى مش كويسين
    4-ابتعدى عن اصدقاء السوء سواء الاولاد او البنات
    5-اتخذى فقط واحده او اثنين من البنات واجعليهم اصحاب لكى وتكونى واثقه فيهم
    6-لا تستمعى الى مغامرات اصحابك او غيرهم مع الشباب حتى لا تعودى الى مصاحبة الشباب والمشى معهم مرة اخرى
    7-امسحى كل ايميلات وارقام الناس اللى كنتى مصاحباهم قبل كده واذا لزم الامر غيرى ايميلك ورقم تليفونك حتى لا يستطيع هؤلاء الاشخاص الوصول اليكى بعد ذلك
    8-لا تتحدثى او تحبى او تقيمى اى علاقه او اى كلام الا مع الشخص الزى يخطبك او خطبك بالفعل حتى يكون هناك مبرر للتحدث معه
    9-حاولى ان تفضفضى ما بداخلك لاحد قريب منكى حتى تشعرى بالراحه وحتى لاتفكرى فى ذه الامور التى حدثت معكى قبل ذلك
    10-ضعى الله امام عينيكى دائمآ والشخص الزى تتزوجينه وفكرى فى مستفبلك جيدآواهتمى بدراستك اذا كنتى بتدرسى او بشغلك لو كنتى بتشتغلى او بشغل ومصالح البيت لو قاعدة فى البيت
    واخيرآ ادعوا الله لكى ان يسعدك وعن كل هم وحزن يبعدك وبرضاه عنك يوعدك ووفقك الله لما يحبه ويرضاه
    (سيد العاطفى)
    مصر–بنى سويف

  17. ملك
    16/01/2011 at 10:18

    هية البوس والاحضان بسيطة بالنسبة ليكي عادي مفيش مشكلة يعني وعمتا يعني كل ابن ادم خطاء وخير الخطئين التوابين وربنا يصلح حالك وانسي اللي فات وبصي لمستقبلك ومتقارنيش حد بحد لانك كدة ها تتعبي في حياتك وربنا يهديكي ويوفقك

اترك رداً أو حلاً لهذه المشكلة