مشاكل البنات مع الشباب

الشباب بيفكروا ازاى

الحقيقة ان الواحد اوقات بيتحط فى تساؤل مع نفسه انا فيه ايه غلط , انا بنت عندى 25 سنة ومعايا ماجستير وعمرى فى حياتى متقدملى اى حد رغم ان انا حد عادى جدا, معاملتى طبيعية محترمة لبسى عادى جدا بمعنى محتشم وكمان محدش يعرف انى معايا دراسات عليا ولا حتى اقربائى واتمتع بقدر من الجمال عمرى ماعملت صداقات مع ولاد ولا حتى اعجبت بحد منهم لكن اللى كان بيضيقنى ان البنات اللاتى على قدر عالى من عدم الاحترام والاخلاق المش كويسة بمعنى انها ممكن تعمل علاقات مع ولاد وتزودها شوية بيتجوزوا شخصيات ومناصب رهيبة يمكن تعليمهم عادى وشخصيتهم تافهة نسب الجمال ليهم معدومة,لدرجة ان انا حسيت انا الدنيا مشية بالعكس كل متكونى محترمة ومتعلمة يتحط عليكى علامة x كل اصدقائى واقربائى البنات حتى الصغيرين اتجوزوا وكمان اخواتى كلهم صبيان حسيت انى محرجة منهم لان الوضع غير طبييعى بالمرة لان ممكن الواحدة يتقدملها حد غير مناسب مرة فى عيب مرة مش نصيبى مرة لكن عمرى فى حياتى طول 25 متقدملى اى شخص , حسة ان انا غير مرغوب فيا من قبل الشباب والله اعلم .

مشاكل وحلول ذات صلة

اضيف بتاريخ: Wednesday, February 9th, 2011 في 17:27

كلمات مشاكل وحلول: , , , , , ,

20 رد to “الشباب بيفكروا ازاى”

  1. الطيب
    14/03/2019 at 23:10

    والله يا اختى انا بدور على عروسه تكون اخلاق و محترمه بس انا تعالمى دبلوم سياحه و فنادق رياضي بلعب جيم و عندى شقه كنت خاطب قبل كدا صالونات و محصلش نصيب اظن ان عمرى ما هلاقى الانسانه المناسبه عشان كل ما احب و مره لما كنت خاطب كانو يا بتشك يا عندها عدم ثقه يا مش بيعجبها حاجه يا بتلكك على النكد و المشاكل يا مش بتتكلم و ساكته دايما و انا الحمد الله مش من طبعى الخيانه او اعرف كذا واحده مش من طبعى

  2. الطير الحزين
    30/04/2014 at 21:42

    كل شىء قسمه ونصيب لاياس مع الحياه ولا حياه مع الياس خاليكى واقعيه شويه وشوفى البنات بتعمل ايه واتعلمى منها الكويس ميش الوحش

  3. HanyMoh
    11/08/2011 at 05:29

    السلام عليكم ورحمة الله وبركاته..

    أختاه،، الزواج ليس غاية للمرء وإنما هو وسيلة..

    قد يكون طلبك شباب كثيرين من قبل من أبيك أو أخيك وقاموا بالرفض بغير إعلامك..

    فأختي في سنك تقريبا وبنفس مواصفاتك إلا أنها لم تعمل ماجستير،، وكلمني شخص بشكل مباشر،، ولكني لم أره مناسبا لها ألبتة فلم أخبرها واكتفيت بأن استشرت أخي وكان رأيه من رأيي..

    ولكن عندما جاء من رأيناه مناسبا أخذنا رأيها ووافقت وتم كتب عقد زواجها منذ أيام قليلة..

    الشاب العاقل المثقف حينما يفكر في الزواج فإنه سيختار

    فتاة متعلمة ومثقفه مثله أو أقل قليلا أو أكثر قليلا

    يجب أن تكون ملتزمة ومتدينة وعلى خلق

    يجب أن يكون لديها قدر معقول من الجمال والجمال شيء نسبي فمن أراها جميلة قد يراها غيري غير ذلك..

    أنصحك أن تثبتي على ما أنتِ عليه بل وحاولي القراءة أكثر وزيادة خبرتك في العلوم الشرعية..

    ولا تقلقي فإن الخير مثل الشر يأتي بغتة

    فقد يأتيك زوج المستقبل في يوم وتجدي نفسك في بيت الزوجية بعد شهر أو أقل..

    وللعلم إذا رأيت أنك تميلين لشخص وأحسست بأنه يميل إليك فلا حرج من إخباره بهذا الشعور ولكن بطريقة مهذبة لا تطمّع من في قلبه مرض ويجب أن يكون شخصا صالحا متدينا مشهود له بذلك حتى لا يفضح أمرك..

    وإن رفض فلم تخسري كرامتك،، وإن وافق فهو الفائز بك..

    ولا تستمعي لمن يأمرك بالتبرج أو وضع الألوان على الوجه وهذه الأشياء التي تنفر الأزواج الصالحين

    فالعنوسة أفضل ألف مرة من الزواج من شخص حقير يذيقك ألوان العذاب ويكرهك في حياتك..

    واشغلي نفسك بأي شيء يفيد،، وأنا على ثقة بأنك سترتبطين قريبا..

    لأنه قد يحدث أن يكون شابا يريد التقدم لك ولكنه يخشى أن ترفضينه ومع الوقت ورؤيته لك أنك لم ترتبطي بأحد فإنه سيزيل الحرج ويتقدم بإذن الله..

  4. انسه
    11/08/2011 at 03:34

    حاولى تغيرى من شكلك يعنى مثلا بدل مايكون لبسك عادى خليه استايل ومحترم فى نفس الوقت طريقتك فى الكلام ممكن تكون جاده اوى حاولى تخليها بسيطه وعامه زى باقى البنات
    وعرفى قرايبك وكل الناس انك عملتى الماجيستير يمكن يكون السبب فى ان عريس يتقدملك من ناحيتهم

  5. milky
    14/04/2011 at 04:23

    لاء بصى عشان توصلى للسبب الى منيل الدنيا معاكى كدة محتاجة تسالى الناس الى حوليكى اية الغلط فيكى لان كل واحد شايف نفسه مفيهوش ولا غلطة
    ممكن تكون طرقتك فى الكلام حادة ومش بتضحكى وتهزرى مثلا (الراجل بيحب البنوتة الى تعمل جو كدة لذيذ) بس باحترام طبعا
    ممكن ملامح وشك تكون حلوة اوووى بس بتكشرى كتير مثلا ملامحك ديمن استريت كدة
    ممكن شخصيتك تكون متحفزة
    ممكن طبقة صوتك
    ممكن اهتمامك بلبسك مهو مش معنى انك تلبسى محترم تلبسى وحش لا البسى على الموضة بس اختارى الى يناسبك(متجبيش كلوا الوان غمقة)بلاش كلاكيع
    الابتسامة يا اختى بتعالج اى حاجة وكمان الابتسامة فى وش غيرك صدقة
    ادى ملامح انثوية شوية اهتمى ببشرتك البسى كعب بلاش الزحافى دة(بس مبيعملش صوت متمشيش تطرقعى كدة)
    من الاخر هى لمسات بسيطة ضفيها لشخصيتك باذن الله هتسعدك

  6. حسام الدين
    05/04/2011 at 01:43

    أختى فى الله لا تعتقدى ابدا ان باغضابنا لرب العالمين سننال ما هوا مقدر لنا, و اعلمى ان ليس علينا الا الثقة به سبحانه و طاعة اوامره و الرضا بقضائه, و أسأل الله العظيم رب العرش العظيم أن يقر اعيننا بما يرضيه و ان يرزقنا الخير كله و ان يرضنا بما قسمه لنا. و أن يرزقنا و إياك و جميع المسلمين و المسلمات الازواج الصالحين و الزوجات الصالحات
    اللهم آمين. اللهم آمين. اللهم آمين. فهو ولى ذلك و القادر عليه
    لا تيأسى أختى فى الله بارك الله فيك, و سترنا و ايك فى الدنيا و الاخرة

  7. hala
    09/03/2011 at 20:41

    وعسى ان تكرهوا شيئا وهو خير لكم يااختي اعملي بحث عالنت عن ادعية لزواج البنات واعمليها وان شاء الله ربنا يستجاب ليكي ولينا وكل واحد ونصيبه ربنا كريم ربنا يستر علينا في الدنيا والاخرة

  8. جنه
    17/02/2011 at 04:35

    الجواز ده رزق وكمان طول ما انتى محترمه هتلاقى اللى زيك ويصونك

  9. DaRwasha درش
    17/02/2011 at 04:05

    مش يمكن ربنا بيختبر قوة ايمانك
    خلي عندك شوية ايمان بالله وبقدرة ومتستعجليش علي نصيبك
    ومتشوفيش الدنيا ماشية غلط الدنيا ماشية بالميزان ربنا هو اللي ممشيها بطريقة ونظام معين ومحدد لكل شخص طريقة واتجاهه اللي هيمشي فيةواللي هيقعد ويقف وينام فية
    بس ربنا بيختبر كل واحد في الدنيا بطريقة معينة ويشوف قوة ايمانة
    متزعليش من الايام ربما يكون ربنا مأخرك للأحسن ومتفكريش ان الوحشين اللي بيتجوزا ناس صحاب مناصب حلوة مرتاحين مش يمكن ربنا موقعهم في بعض مش يمكن اكلهم وعيشتهم حرام
    لا تنظري للظواهر يا اختي الكريمة

    معلشي طولت عليكي شوية

    اتمنالك السعادة وراحة البال

  10. حيدر
    14/02/2011 at 18:30

    قد يكون هذا صحيحا ولكن هل حاولتي اختيار شاب من مستواكي الاجتماعي وتعرضي عليه التعارف . انا ارى ان العالم اصبح متقدما والاتصالات تطورت وكل شي اخذ بالتغيير حتى تجارب البشر تعيد تكوين الاصح لكل زمان
    ارجو الامعان مع كل كلمة

  11. بحبك موت مصر
    14/02/2011 at 16:07

    بجد يا اختى انتى مشكلتك فىيها بعض التحيرر بس هيه بتحصل مع بعض البنات لان اليزومين دوول كل بنت بتشوف نفسها عشان تدورلها على عريس يعنى بتلبس وتتمكيج ممكن تغير سلوكياتها لجذب الشخص لكن ده غلط بس هيعملو ايه عشان يلاقو عريس وانا بقولك اتمسكى باحترامك ودينك وتدينك وان شاء الله ؤبنا هيبعتلك نصيبك وعلى راى المثل يا بخت من صبر ونال انتى لو قدى كنت جيت اجوزتك لانى بجد احترمت شخصيتك ولابد انك تتمسكى بيها كشخصيه محترمه **** ربنا يبعتلك نصيبك ويوفئك فى حياتك وشكرا …..

  12. ميرنا
    14/02/2011 at 02:26

    كلمه باختصااااااااار جدا . كل انسان كتاب حيات بيتولد معاه بمعني كل واحد بينزل من بطن امه نصيبه بيبقي معاه و حضرتك نصيبك موجود و في امان انما الوقت المناسب ان شاء الله هيكون موجود . و الله في خلقه شؤن. ربنا يوفقك و اتمنالك كل سعاده. اختك ميرنا

  13. fouad
    13/02/2011 at 11:29

    السلام عليكم أختي يا ريت تسمعيني كويس حأوللك شيء سيبك من الناس و كلمهم و سيبك من كل المشاكل و سيبك من اي شيء و فكري اننو إن شاء الله نصيبك جاية إن مش في الحياة دي في الجنة إن شاء الله أختي الجواز هوه قدر يقدرو ربناانتي حططي فبالك مدام و الحمدلله إننك أخت محترمة ربنا إن شاء الله حيخترلك نصيب يأدررك و يحترمك بس إنتي إلتجئي إلى ربنا أكتر و دعي ديما أومي صللي الفجر و دعي لو بتفككري بحجاب إتحجبي ربنا يدديكي حيحببك أكتر ربنا كمان بيحب بيحب عبدو أكتر ما الأم تحب طفلها كوني صبورة شوية و إن شاء الله حيجي النصيب ما تأولي انا مش حلائي نصيب و لا تخللي الكلام ده يعمي يأس بحياتك خلليكي متفاألة و اولي انا درست و خلصت و مثقفة و برضي ربنا و الناس يتفلقوا بكلمهم المهم انتي كويسة و راضية رببك و اهلك و السلام عليكم

  14. صاحبة المشكله
    11/02/2011 at 16:26

    بصي انتي كلامك كل صح لاني في جامعه وبشوفو اشكال بتتخطب لاحسن شباب عندى ولعلمك احنا اللي بنخليهم يعملو معانا كدا طب تعملي اى لو كنتي بتحبي حد ومحترمه معاه واختابرك كذا اختبار وانتي كنتي محترمه برضو وتبصي تلاقيه سابك وراح خطب واحده من البنات الشمال دول انا بقي حصل معايا كدا شفتي بقي احمدى ربنا بس لعلمك هو الزمن اللي احنا في دا كل ماينفعش نكون مخلصين معاهم وانا من رائى انزلي واخرجي وكلمني وجربي وعيشي حياتك عشان تتجوزني فالزمن الي احنا في دا

  15. RAMZY
    11/02/2011 at 14:17

    شوفي الناس الكويسه الي بتقولي عليهم وبيتجوزو البنات دول ممكن يبقي كويس ماديا او اجتمعيا لكن لو كويس اخلااقيا كان هاياحد واحده اخلاقها كويسه فا ماتزعليش لانهم ما يستهلوكيش واخيرا الطيبون للطيبات

  16. bode
    10/02/2011 at 04:09

    معلش هضحك بس مش بضحك علي كلامك بضحك علي الزمن معلش هقولك شئ نصيبك اكيد هيجيلك واحسن مما تتخيلي لكن محتاجة شوية تفكير اخرجي شوية مع اهلك متبقيش منطوية في البيت بس والكمبيوتر والانترنت والفيس بوك وغيره كلها حاجات مش بتساعد ابدآ دي بتخرب بيوت كتير محتاجة الخروج شوية **** وربنا بيكافأ كل شخص علي جهده بس بالطريق الصحيح وانتي بأذن الله في اقرب وقت هتلاقي اللي يسعدك انشاءالله

  17. MOHAMED
    10/02/2011 at 02:27

    آمة الله لا تتعجبى ولا تتحرجى من شيىء إنها إراردة الله فما يدريكى لعل الله مدخر لك من يعرف قدرك .
    ولكن انصح نفسى واياكى بالتقرب الى الله سبحانه وتعالى .

  18. munshy
    09/02/2011 at 23:36

    صراحه فعلا كلامك دا بيحصــل .. بنات مش كويسه بالبلدى كدا بيقعوا وقعات تمام اووى
    بس متقلقيش نصيبك هيجى هيجى

  19. mido
    09/02/2011 at 22:32

    متخفيش ربنا ان شاء الله شيلك الاحسن وبصفتى كشاب انا اقلك ان نسبة كبيرة منا تفضل البنت المحترمة المتدينة اكتر من غيرها (فاظفر بذات الدين سلمت يداك)

  20. توتا
    09/02/2011 at 17:31

    لا يا حبيبتى انتى لسة نصيبك مجاش انتى فعلا كلامك صح جدا ان البنات اللى اى كلام بيتجوزا ناس كويسة بس دة فى الاول والاخر نصيب سبيها للة ومتكسفيش من حاجة زى كدة لازم تكونى فخورة بنفسيك وعندك ثقة دى حاجة فى ايد ربنا

اترك رداً أو حلاً لهذه المشكلة