مشاكل التعليم الازهري

مشكلة في دراستي في الثانوية الازهرية

ياجماعة أنا طالبة فى الثانوية الأزهرية القسم العلمى ودى السنة الاخيرة وخلاص امتحاناتى بعد 8 أيام بالضبط
وفى الحقيقة أنا كانت أحلامى كبيرة أوى وكان حلمى انى أكون طبيبة نفسية خريجة طب والحمد لله مستوايا الدراسى من زمااان أوى من صغرى وأنا ممتازة ودرجاتى دايما نهائية وكنت دايما بكون الاولى على السنة اللى أنا فيها … وكان دايما كل مدرسينى وأهلى وأصحابى كانوا بيأكدوا انى هحقق حلمى وهجيب أعلى مجموع …
لكن للأسف السنة دى مريت بظروف عائلية وصحية ونفسية كتيييييييير وأثرت عليا وعلى مستوايا الدراسى وعلى حياتى كلها … الحمد لله قدر الله وما شاء فعل
المهم انى دلوقتى خلاص يادوب اسبوع على الامتحانات وأنا حسة انى مدمرة وصعبان عليا نفسى ومستوايا اللى انحدر بالشكل ده ولما بحاول أقف على رجلى من جديد وبستعين بالله وهو خير معين وبذاكر بلاقى ان فى مشكلة كبيرة عندى وهى الفيزياء والرياضة وطبعا أى حد أزهرى لا يخفى عليه ان الرياضة 6 فروع … عشان كده أنا بفكر أأجل الفيزياء والرياضة وسعات بقول أجل السنة كلها ….
بس بجد تعبانة وحيرانة ربنا سبحانه وتعالى بيقول “فسألوا أهل الذكر ان كنتم لا تعلمون ” وأيضا “وأمرهم شورى بينهم ”
عشان كده أنا قولت أسأل بعد ما قربت أتجنن من الحيرة
أأجل السنة كلها وأضيع سنة من عمرى ؟!!!!!
ولا أجل الرياضة والفيزياء وأحاول أنجز فى باقى المواد وأنا ونصيبى ؟!!!!!!!!

ولا اسيبها زى ما تيجى تيجى وده كله نصيب وقدر ف الاخر “وعسى أن تكرهوا شيئا وهو خير لكم وعسى أن تحبوا شيئا وهو شر لكم ” ؟!!!!!!!!
ولا أعمل ايه ؟!!!!!!!
رجاااااااااااء اهتموا وتذكروا “والله فى عون العبد مادام العبد فى عون أخيه ” وعلى فكرة أنا صليت استخارة مرتين بس بردو مضطربة ومحتارة
وأخيرا أعتذر للاطالة واتمنى التوفيق والخير لكل المسلمين والهداية للحق والصواب والخير لكل البشر

مشاكل وحلول ذات صلة

اضيف بتاريخ: Thursday, January 12th, 2012 في 18:55

كلمات مشاكل وحلول: ,

3 رد to “مشكلة في دراستي في الثانوية الازهرية”

  1. طالبة ازهريه
    15/06/2015 at 11:50

    اناطالبه ازهريه كان عنددي حلم زيك وحصلت معايا نفس المشاكل بتاعتك وفكرت اني اعيد السنه وبالفعل عدها وكنت فكره اني هحقق حلمي لاكن للاسف ماقدرتش لاني تعبت اكتر فاكملي وسيبيهاعلي الله وتذكري ان الله لايضيع اجرمن احسن عملا حتي لوحلمك متحققش تاكدي ان الي ربنا كتبه ليكي هو الي هيكون الافضل

  2. عبدالرحمن
    26/04/2012 at 09:56

    بسم الله الرحمن الرحيم
    من وجهة نظرى تخش الامتحان ولا تأجل ولا تعيد السنة
    لأنك لو عدت السنة : هتيجي على شهر واحد هتحس بالملل لأنك خدت السنة دبل او تجي على الامتحانات وحصلك ظروف تتعب مش تركز يبقى هية هية وضيعنا سنة
    ولو هتأجل مادة : يبقى طولت مدة المذكرة وهتعب نفسك اكتر واحتمال متجبش اللى انت عايزة فايبقى ضيعت وقت وجهد
    الافضل انك تعتمد على الله ربنا بيقول انا عند حسن ظن عبدى فليظن عبدى بى ما يشاء
    الانسان لو عندة إرادة يبقى عند القدرة على انهاء اى حاجة

  3. امة الله
    20/03/2012 at 19:42

    السلام عليكم ورحنة الله وبركاته……….
    طالما ان حضرتك بتقولى ان مستواكى كويس جدا طول السنين بخلاف السنه دى (اهم سنه طبعا)ومريتى بظروف صعبه وخارجه عن ارادتك انا من رايى تدخلى الكليه اللى انتى عاوزاها طالما انك متفوقه بانك تاجلى السنه كلها ومش مشكله سنه تضيع بدل ماحلمك طول السنين يضيع ودى وجهة نظرى باعتبارى طالبة ثانوى ازهرى الف الثانى الثانوى الازهرى العلمى

اترك رداً أو حلاً لهذه المشكلة