مشاكل التعليم الجامعي

خايفة على نفسي من الضياع ومش عارفة اعمل ايه؟

السلام عليكم ورحمة الله وبركاته

انا طالبة جامعية عمري 21 في سنة ثالثة مشكلتي بدأت مع نجاحي في الثانوية العامة

انا كنت طالبة شاطرة جدا ومهتمة بدروسي وكان كل املي وحلمي اني احصل على الثانوية العامة وادخل الجامعة وكنت دائما بسعى لتفوق والنجاح  وفي المقابل بابا كان خوفو عليا زايد ودائما يحسسني اني مصدر ازعاج له واني لما بخرج مش بيكون مرتاح كنت بحس اني مش زي البنات انا الحمد الله ربنا مديني  جمال لكن عمري مفرحت لاني حلوة بلعكس كنت بتمنى لو مكنتش حلوة عشان ارتاح من مشاكل بابا معايا وشكو الدائم فيا

المهم وصلت لثانوية العامة وتعبت فيها تعب كبير بردو بسبب بابا مكنتش اقدر اروح ازاكر مع صحباتي إلا بالخناق والزعيق والمشكال ولا بقدر اخد دروس اضافية إلا بردو بالخناق والعياط لغايت لما كرهت حياتي وكرهت الثانوية العامة وبقيت عايزة السنة تخلص وبس عشان ارتاح من الهم دة

وبعد كل العذاب دة الحمد الله نجحت

لما اخدت الثانوية العامة كنت عايزة اسجل في كلية طب بس مكنتش مصرة عليها يعني كانت مجرد فكرة في دماغي وفي الاساس كان مهم عندي اني ادخل جامعة مستواها كويس وليها مستقبل

لقيت بابا بيقترح عليا اني ادرس في جامعة خاصة عن بعد انا الحقيقة رغم كل مشاكلي مع بابا انا طبعا بحبو وعارفة انو بابا خايف عليا بس خوفو زايد اوي بصارحة فحبيت ان يرتاح من الازعاج الي بيحصلو مع خروجي من البيت وقلت اسجل في الدراسة عن بعد وعملت كدة بنيت اول ما لاقي فرصة جواز كويسة اتجوز وارتاح واريح بابا من غير ما الجواز ياثر على دراستي

لكن المشكلة اني سجلت في الدراسة دي  واتعذبت فيها بمعنى الكلمة لقيتني في النهاية بقيت مسجونة في البيت مش بطلع منو نهائي ولا حتى بروح لصحباتي وليا حد بيجيني ولا بشوف حد وبقيت في وحدة ميتخيلهاش بشر بقيت عاملة زي المسجون الانفرادي واعاصابي تعبت وانا من النوع الي بتعب من المشاكل ومبقاش فيها طاقة اقعد اتجادل مع بابا عشان يسبني اطلع او اروح لصحباتي ومش عايزة اتعبو معايا لانو مريض

انا حاليا في سنة ثالثة ربنا وحدو الي عالم السنين الي فاتت ازاي مرت عليا كل سنة بتعدي عليا بالامراض والعياط والمشاكل ولما بنجح مش بحس نهائي بنجاحي دلوقتي انا مش قادرة ازاكر نهائي ولا حتى قادرة ابص في الكتب وعندي بحث لازم اخلصو على اخر الشهر لسة مخلصتش نصو والوحدة تعبتني واحيانا بتدفعني لاشاء مش حلوة بندم جدا  عليها انا الحمد الله متدينة وبصلي وبقرا قران وكان مبداي اني مش اسمع اغاني ابدا لقتني من الملل بقيت بسمع اغاني ودلوقتي بدات احيايا ادخل على مواقع مش حلوة وبندم على طول بعد ما بقفلها وبيجيلي اكتئاب معتش بقرا قران واحيانا ببعد عن ربنا اوي واحيانا بندم وبرجع تاني اقرب منو انا نفسي استقر واثبت ونفسي الاقي الي عيني على كدة ونفسي كمان اتحمس لدراستي بس مش عارفة ازاي انا مش بلاقي حد يشجعني على اي حاجة يعني حتى لما بشد الهمة شوية في المزاكرة مش بلاقي الي يشجعني على الاستمرار بلعكس بلاقيني زاكرت وتعبت ومش لاقية حتى شوية تغير عشان اقدر استمر ولما بهتم بديني واقعد اقرا قران واصلي الفجر حاضر مش بلاقي الي يعني ويشجعني على الاستمرار بلاقي حوليا ملل وزهق ومشاكل ووحدة ومفيش اي حد نهائي يخفف عيا حتى بكلمة

انا مش عايزاكم تقولولي دوري على صاحبة تعينك او اتعرفي على اصحاب يعينوكي لاني دي حاجة مستحيلة بالنسبالي انا مسجونة في البيت ليل نهار ومش بطلع منو الا مع بابا

ارجو انكم تساعدوني وتنصحوني بجد

مشاكل وحلول ذات صلة

اضيف بتاريخ: Thursday, December 23rd, 2010 في 17:44

كلمات مشاكل وحلول: , , , , , ,

25 رد to “خايفة على نفسي من الضياع ومش عارفة اعمل ايه؟”

  1. هديل دودو
    23/10/2011 at 05:12

    انا من رأي أكبببببببببببببببببر غلط الانزعزال ده . صدقيني هيضرك كتير .. خلي حد من عائلتك او اي حد يكون قريب من باباكي يتكبم معاه ويخليه يسيبك شويه بحريتك ولكن في حدود طبعا . انا عارفه ان والدك خايف عليكي وبيحبك . بس خوفوا زياده عن اللزوم ده هيضرك وهو مش علي علم بكده لازم يفهم كده بأي طريييييييييييييييييقه لان الهو بيعملوا ده غلط غلط غلط غللللللللللللللللللللللللط … كل حاجه ليها حدودو ( خير الامور الوسط ) اه خايف عليكي ماقولناش حاجه بس بحدود مش بالطريقه دي . وخصوصون ان باين عليكي انك بنت محترمه واخلاق فامفيش مانع لخروجك … وعندي نقطه اخيره . انتي مش بتنزلي الجامعه ؟؟ اكيد بتنزلي ؟ صحبي علي النت بس خدي بالك بردوا من بتوع النت .. بس صحبي لمجرد الفضضه او تضيع وقت او عشان تريحي نفسك من الي انتي فيه انك تلاقي حد تتكلمي معاه يريحك شويه علي الالقل

  2. احمد شعبان
    11/04/2011 at 22:06

    انا متأكد ان اللي باباكي بيعمله ده من خوفه عليكي ومن اللي بيشوفه من عدم رقابة وكثرة خروج البنات من البيت وصدقيني هو بيحبك وعاوزك تبقي احسن بنت في الدنيا وشايف انك ممكن تدخلي علي الشات المحترم او المواقع الاسلامية وتحاولي تتعرفي علي صحاب جدد والنت اختراع عظيم لازم يكون ليكي نصيب منه بدل الوحدة اللي انتي عايشة فيها وتذكري ان طاعة الوالدين تجلب رضا الله وتمسكي بقيم الدين وحافظي علي الصلوات وربنا يزيل همك ويجعلك من اهل الجنة

  3. شمس
    05/04/2011 at 00:01

    اختى الغالية ادعو اللة ان يسعدك وداومى على الصلاة وقراءةالقرآن وادعو اللة ان يفرج همك وحاولى ان تصلحى العلاقة بينك وبين ابيكى واعتبرينى اختك وفضفضى لى على همومك اكيدهترتاحى شوية

  4. القبطان ووالضابط
    20/02/2011 at 01:46

    انا كنت قاعد مع واخويا وكنا نتصفح على النت ققرأناالمشزر بتاعك ا ايه احنا اتأثرنا بهزا انا واخويا فقط ومش عندنا بنات اخوات وكنا دايما بنقول كنا نفسنا يبقى لينا اخت بنت بس بجد انتى اختنا ولازم تحافظى على نفسك ممهما كانت الاسباب انتى بنت اموره مؤدبه وفهمى بابا على كل اللى حصلك هو اقرب منا واعتبرى ان باباكى صديقكك واحكيوله وقوليله ويارب يصلح حالك يارب وحال بنات المسلمين يـــــــــــــــــــــارب

  5. لكل مشكله حل
    17/02/2011 at 18:09

    السلام عليكم ورحمه الله وبركاته
    اختي الفاضله…اسال الله العظيم ان ينور حياتك ويثبتك على الحق ويوفقك في دراستك وحياتك ويسعدك في الدارين…والله ارضائك لوالدك ..والتغاظي عن مجادلته والترضيه عليه هو من البر الذي دعانا الدين له…والبر هو سبب من اسباب دخول الجنه….وهي اعظم هدف لنا …اللهم يجعلنا واياكم من اهل الجنه….
    ……(ووصينا الانسان بوالديه احسانا حملته امه كرها ووضعته كرها وحمله وفصاله ثلاثون شهرا حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين …)

    …(ووصينا الانسان بوالديه حملته امه وهنا على وهن وفصاله في عامين ان اشكر لي ولوالديك الي المصير)

    اختي اقترح عليك دخول المواقع الاسلاميه النسائيه فهي كثيره ومنتشره …ابحثي عنها في النت…وبهذا ستجدين صحبه خيره تنتفعي بها …وبرضا والدك دون الحاجه للخروج ..واثاره غضبه…وستجدين اخوات مثلك ..محافظات على امر الله ومنتهيات عن ما نهى…
    اما ماتعانين من التردد على المواقع المضله والمضلله…فهذا يحتاج منك لجهاد النفس ومعادات الشيطان..ووسوسته وتزينه تلك الامور ليجرك للفحشاء والمنكر…فلا تنخدعي يااختي …فكم من الناس من سجن… سجن حقيقي…فكان سبب هدايه له وحفظ القران والسنه واصبح من الائمه…ابحثي في النت عن معانات الائمه فستجدي العجب..اقرئي سير الائمه مثل الامام احمد بن حنبل…واتعظي بهم….وابتلاءات الدنيا كثيره …احمدي ربك على ابتلائك فهناك من يتمنى ان يكون مثلك في امان واستقرار وسكن وستره…(وان تعدوا نعمه الله لا تحصوها ان الله لغفور رحيم)…(واذ تاذن ربكم لئن شكرتم لازيدنكم ولئن كفرتم ان عذابي لشديد )
    اشكري الله على نعمه الصحه والعافيه والعلم والاسلام والنعم كتيره…وواجب علينا الحمد…
    وياختي اوصيك بكثره الاستغفار….سبحان القائل…
    (ويا قوم استغفروا ربكم ثم توبوا اليه يرسل السماء عليكم مدرارا ويزدكم قوة الى قوتكم ولا تتولوا مجرمين )
    واكثري من ذكر (لا حول ولا قوه الا بالله)…..تصرف عنك البلاء…وتقويك على العلم النافع….واستعيني بالله…
    اسال الله العظيم لكم الثبات والتسديد والتوفيق…..وادعي الله التوفيق في الدراسه في السجود ….واقيمي الليل…..وان شاء الله ربنا يعينك على ويلطف بك…..

  6. بتكلم يبقا نو كومت
    17/02/2011 at 04:11

    بارك الله فيكي انت بريتي والديكي وعمرك ما هتنضري ابدا اسمعي فين ماما في الموضوع ده مش هكدب عليكي بعد كل ده لو طلبتي من باباكي انك تخرجي وتمارسي حياتك هيزيد شكه لازم الكلام اللي قلتيه لينا تقوليه ليه صدقيني هو الحل تاني حاجة باباكي مش شايف اخلاقك وتفوقك ليه مش قادر يثق فيكي ثالثا ليكي اخوات غيرك رابعا اعمامك خالات اقاربك فين خامسا ابعدي عن العزلة علة فكرة اللي حصلك ده لسة البدايه لازم تطلعي منها بسرعة الا العزلة ولو بدأتي تخرجي ابدأي تدريجيا متنطلقيش اوي تعرفي ان البنات اللي هي فاشلة وصايعة ميتخافش عليها زيك لانك كتير محرومة لو خرجتي مشاعرك هتروح لأي حد انا بقول كده علشان حاسس انك هتخرجبي فبقولك تكوني حريصة ومضيعيش مجهودك وشدي حيلك وباباكي بيحبك

  7. خالد احمد
    13/01/2011 at 06:35

    ماشاء الله عليك ربي يحفظك كلامك عقلانى وحلو بس انتى كل مشكلتك الذهق والملل ومين فى الدنيا كلها مبسوط ولا عنده كل اللى بيتمناه ولكن لانك بنت فمن الطبيعي ينخاف عليك وعاوزك انك تحبي نفسك وتكونى واثقه وانك متفوقه وجميله وتقولى الحمد لله على هذه النعم وشوفى غيرك اقل منك بطثير وعايشين وراضيين وانتى مطلوب منك الرضى وان تحمدى الله بكل الاحول والقناعه بما انتى فيه وان تفتحتى حوار بينك وبين والدك وتعتبريه صديق واب واخ وتفاهمى معه وقربي منه اكتر والبنت مثل ما بيقولوا حبيبة ابوها يعنى تقدرى انك تقنعيه بكلامك الحلو البعيد عن العصبيه والبكاء والعصبيه انك تزورى صديقاتك بمواعيد وانك تحافظى على نفسك وان ياتى صديقاتك لك وكله بالتفاهم وان لم يقتنع اول مره حاولى مرات اخرى وحافظى على قربك من الله وصلاتك وقراة القران وهو لما يشوفك كده اكيد بيثق فيك ويعطيك متنفس لك ولكن اطلب منك اول شئ انك تحبي نفسك ومش عيب حب الذات حتى تهتمى بنفسك وترتقى للتفوق والنجاح وتكون لك شخصيه ناجحه واثقه وتاكدى ان ربي سيعوضك بابن الحلال المحترم الذى يعوضك ويسعدك وتكونى كسبتى الدنيا والاخره ومين قال حرام سماع الاغانى ومن حرم زشنة الله التى انزل لعباده ولكن طبعا مش اى اغانى لا طبعا فى كلمات جميله شي يريح النفس وان لنفسك عليك حق وساعه لك وساعه لربك واجعلى كل امورك لا ضرر ولا ضرار وابتعدى عن الاغانى الساقطه واستمعى لموسيقى نريح اعصابك وتنمى لديك خيالك وتريح بالك ومع المحافظه هعلى الصلوات بوقتها وقراة القران واقراى كتب مفيده واهتمى مثلا بمساعدة ماما بالبيت واذا وبالمذاكره وانتى بثالث كليه ماشاء الله عليك اتمنى لك السعاده والتوفيق وتاكدى ان كلنا اخوان لك واصدقاء واحذرك من الانجرار وراء النت وبلاويه واستخدميه بالاشياء النافعه مو التافهه وحاولى تسترخى ولا تعصبى لاى سبب وخلك قويه واكثرى من ذكر الله الا بذكر الله تطمئن القلوب واى شي حلو تعمليه بحياتك اجعليه مصدر سعاده لنفسك كونى ايجابيه وستشعرين بالفرق ربنا معاكى ويقويك ويسعدك ويوفقك ****

  8. لحظات فرح
    09/01/2011 at 19:22

    السلام عليكم
    اختى فى الله من الواضح انك بتتدخلى نت وشات حاول يكون ليكى اصدقاء على الشات بس اصدقاء تتاكدى انه على مثل خلققك وتربيتك مش اى حد وياريت اوعى تنجرفى فى تيار الحب على الشات والا هيكون مصيرك زيا انا حياة ضايعه بدون هدف
    اتمنا لكى التوفيق وابعدى عن حب النت ابعدى

  9. محمد عبداللة
    07/01/2011 at 15:39

    لاتزعلي بجد انتي ممتازة وربنا هيكرمك بس لازم تفرحي بنفسك وتزاكري كويس ولازم تحبي المزاكرةوعمر ماكان الجمال عيب ان طالب في كلية الهندسة جامعة الازهر

  10. madooooo
    06/01/2011 at 06:01

    ربنا يعينك ويصبرك ويثبتك
    انا اللى عجبنى مبداك انك مش حابه تسمعى اغانى انا زيك بس للاسف من املل بسمعها احيانا بس مقرر بينى وبين نفسى انها حرام وانى هبطلها نهائيا فى يوم من الايام ان شاء الله
    بالنسبه لابوكى فخدى بالك انك بنت عارفه نى فى ولاد صبيان اهلهم بيعاملوهم تقريبا زيك وبيخافوا عليهم اوى طبعا لخوف الشديد ده غلط والتحرر كمان غلط لازم يكون فى اعتدال شويه بس كله حسب مفهيم ديننا الحنيف وتقالدينا الاسلاميه
    المهم انتى لازم تكلمى بابا وتقعدى معاه قعده صراحه وتصارحيه انك مخنوقه وانه الضغط ده تعبك وماثر عليكى وتخلى اختك تتكلم معاكى برضه وتسعدك انك تفهميه الوضع بتاعك وتقوليله انك عايزه شويه متنفس علشان القفله دى غلط عليكى وقليله انك لازم تحتكى بالناس علشان تاخدى خبره علشان ميجيش واحد يوهمك بالحب او بالاعجاب وتقعى فيسه ليه لانك معندكيش خبره فى التعامل مع الناس مش بقول تروحى تكلمى وتصاحبى شباب بس قوليله لازم اصاحب بنات ويبقى عندى اصدقاء واشوف مواقف قدامى علشان اتعلم من الحياه وافتحى قلبك لاختك وخليها تساعدك وادعى ربنا كتير انه يزيل همك وخدى بالك لا قدر الله لو حصل لبابا حاجه بكره هتبقى لوحدك وهتحسى بقيمه انه كان خايف عليكى بس طريقه تربيه الناس الكبار مختلفه عننا بس مش عايز الموضوع ده يعقدك ولا تتاثرى بيه مع انى عارف انك متاثره بس الناس الكبار تفكيرهم غيرنا وبصرحه الشباب بقم زى الزقت مش كلهم طبعا لسه فى ناس محترمه بس قليل
    المهم اهم شئ المصارحه لانها هى الحل
    وربنا يثبتك ويكرمك ويارب يبعد عنك ولاد الحرام

  11. khalaf
    06/01/2011 at 05:01

    اسمعى يا ابنتى مفيش اب يكره ابنه وخصوصا البنت الحلوه المتفوقه واوكد للك انه بيحبك وبيخاف عليكى جدااااااااااا ونتى لازم تعرفىى ده كويس ركزى فىى دروسك ومستقبلك وبلاش اوهام وربنا معاكى

  12. meeed0 19
    02/01/2011 at 16:35

    بصي يا بنت الحلال انا مش هقوليك تعصي كلام والدك بس لازم تعرفي والدك إن ليكي شخصيتك وحياتك إنت وأنك بتعرفي تتحملي المسؤليه كويس مهما كانت وإنك متربيه كويس ولو هو مش واثق فيكي هليه يثق فيكي يا إما دي بقى مشكلته هو

  13. emad
    30/12/2010 at 14:45

    السلام عليكم ورحمة الله ,,, ابنتى الفاضلة .. انا اب لبنتين فى مثل عمرك وانا بخاف عليهم من الهوا الطاير عشان الوقت الان غير زمان والناس اتغيرت ومشاكل الشباب كثرت مع البطالة والغلاء جعلوا الشباب مستهتر وبيعمل اى شىء دون تفكير ..احمدى ربنا انك عندك الى يخاف عليكى ويهتم بيكى والبيت مش سجن ممكن انت تخلى البيت جنة وممكن تخلى والدك يصطحبك لزيارة اقاربك ويعرفك على الاهل ومنهم من هم فى مثل عمرك تقدرى تتواصلى معهم ووتتصل بيهم ويتصلوا بيكى وعمر ابوكى ما ها يمانع او يمنع اقاربك من الاتصال والزيارة المهم هناك حلول آمنة لمشكلتك واوعى تفقدى ايمانك بالله واوعى تنساقى وراء المواقع الغير محترمة .. اسال الله ان يصلح حالك وحال جميع بناتنا وابنائنا .. آمين

  14. أشروفة
    30/12/2010 at 04:45

    حبيبتي مش هاتلاقي ابدا حد يحبك ولا يخاف عليكي زي باباكي اقبلي منه اللي بيعملوا معاكي بحب لأنه بيحبك وبيخاف عليكي انا اب لثلاث بنات لو تعرفي العذاب اللي الواحد بيتعذبه من القلق والخوف على بناته كنتي عرفتي مدى حب باباكي لكي ان شاء الله بعد ماتتجوزي وتخلفي بنت هاتعرفي في الوقت ده بس اد ايه كان باباكي بيحبك وبيتعذب عشانك خلي وجودك في البيت بحب وبرغبتك وهاتلاقي الأمور اتغيرت قربي من ربنا قوي وماتدخليش ابدا على اي مواقع غير مظبوطة دايما افتكري ان ربنا قدامك ووالله والله سيعوضك الله خيرا ان شاء الله وهاتتخرجي وتبدأي حياتك العملية وانت كبيرة وعاقلة وشايفة الدنيا صح ونضيفة وكلمة نضيفة في البنات غالية قوي فوق ماتتخيلي وهاتتجوزي وتخلفي وتعملي مع جوزك زي مانتي عايزة وتعرفي قيمة باباكي عندك بعد كده والحبسة في البيت أحسن مليون مليون مره من ندم واحدة خرجت من البيت وندمت والله ماتكفيها الدموع طول حياتها .. حبيبتي احمدي ربنا وارضي ربنا يرضيكي ويعافيكي ويبعد الشيطان وأصحاب السوء عنك وقومي دلوقتي اتوضي وصلي ركعتين لله وادعي ربنا مايوقعكيش في غلط تندمي عليه أبدا آمي

  15. Sherif
    29/12/2010 at 19:35

    السلام عليكم جميعا وكل سنه والجميع بخير وصحه وسلام وعلى الاخت الفاضله. فى البدايه انا مشفق عليكى جدا وحاسس بيكى وربنا يقويكى ويثبت ايمانك . بصراحه الدنيا دلوقتى غير زمان كانت البنت تمشى فى حاله محدش يقدر يكلمها او يتعرض لها لكن دلوقتى الدنيا مش فيها آمان محدش بيخاف على التانى حتى الاخوات مش بيثقوا فى بعض . فعليكى انت تحمدى الله وتصبرى (الصبر مفتاح الفرج) ولاتيأسى .انا مش مع والدك فى ده بس هو فاهم الدنيا اكتر منك وعنده خبره فى الحياه ولما هتخرجى للدنيا هتقدرى والدك وهتحسسى انه فعلا كان بيعمل لمصلحتك وربنا يوفقك فى دراستك ويكرمك بإن الحلال اللى يسعدك ويعوضك ما فاتك .

  16. نانا
    26/12/2010 at 22:33

    انا بابا وماما منفصلين معايا اختي اكبر مني بس

  17. elkingshahd
    26/12/2010 at 09:27

    السلام عليكم
    بنيتي العزيزه عمر البيت ما كان سجن انا احس بما تحسين به ولك ان تفخري ان لك ابا مثل اباك يخاف عليكي ويرعاكي لكن لي عندك سؤال اين امك وهل يوجد شخص اخر معك في البيت مثل اخوات
    المهم الحل يكمن في نقاط بسيطه
    اولا عليك بالصلاه والدعاء الي رب العباد
    عليك ان تجعلي صديقك وونيسك هو القلم فعتدما يجد الانسان نفسه وحيدا ويمسك بالقلم يكتب اروع الاشياء وستجدين راحه عارمه وان اردتي ان تكوني واقعيه انظري الي الجانب الاخر من مشكلتك ليس اباكي ولا جمالك ولكن سوء اخلاق الشارع وما يحدث فيه من مضايقات وسرقه فحالك والله انه لحل مثالي خاصه انك جميله وعاقله فحافظي عليهما واحفظيهم لاولادك وزوجك
    وفقك الله

  18. محمد
    25/12/2010 at 18:01

    السلام عليكم
    اول شي احمدي الله علشان صخرلك اب يخاف عليكي ولو فضل الله ثم خوف ابوك اعتقد ما وصلتي لهذا المستوى من التعليم
    فيه ناس كثير محرومين من نعمت الابوه شوفي ايش حاصل فيهم نسميهم عيال شوارع
    نسميهم بلطجيه نسميهم اسامي كثير
    فنصيحتي لك كلما تعذبتي من ابوك تذكري الناس اللي حالهم اصعب من حالك اكيد راح ترتاحي
    واسف اذا غلطت في رأيي
    واتمنى لك يا اختي السعاده والتوفيق وان يحقق لك جميع احلامك ويحفظ لك والديك.

  19. المستشار
    25/12/2010 at 16:41

    إسمعي إختي الفاضلة أنا شب بس إقسم بالله إنه أبي متل أبوكي أنا ممنوع أطلع من البيت غير معااه مع إني خاطب لس هوة خطبلي بالغصب//**\\المهم إنتي عندك حل واحد إنك تقعدي مع أبوكي وتفهميه إنه ممكن لا سمح الله يتفوي بعد عمر طويل وممكن ما تكوني متزوجة ميشان هيك لازم يثق فيكي من هلا لحتي يطمن بالمستقبل

  20. املكة الحزن
    24/12/2010 at 22:02

    اصبرى يا انسة لان خوف باباكى عليكى ده اكبر دليل عل انه بيحبك بس هو خوفو كتير شوية بس عندوا حق الدنيامبقاش فيها امان خالص

  21. Marwan
    24/12/2010 at 16:37

    السلام عليكم اختي
    اولا ربنا يوفق في دراستك
    لكن حاولي تخلي رنا دايما قصاد عينك وفكري في العقاب لان عقاب ربنا شديد هتقولي ربنا عفور رحيم لكن برضو ان الله شديد العذاب والعقاب وفي الاخر ربنا يرحمنا برحمتو كل ما تلاقي نفسك فاضيه متقعديش وحدك اقعدي مع ماما او اخواتك او اتصلي بصحبتك تيجي تقعد معاكي وربنا يصلح حالنا وحالك

  22. نانا
    24/12/2010 at 16:23

    اشكرك على ردك بس انا والله مش بعمل حاجة تشكك بابا فيا بابا من لما كنت صغيرة في ابتدائي خوفو زايد عليا انا عندي اخت اكبر مني بابا مش بيخاف عليها زي بس اختي مش شبهي بابا دائما يقولي الشبابا في الشارع سافل وبيقعدو يطلعو عليكي بس انا مش البنت الوحيدة في الشارع فيه بنات كتير غيري وفيه الي احلى مني كمان
    بالنسبة للصحبات انا مش بخرج نهائي ولا حتى دقيقة الصبح عشان لما بخرج بحس ان خروجي ثقيل على بابا وبيضايقو انا ممكن اصر واخرج لكن انا مش بحب اضايق بابا عشان مريض وكبير كمان انا في دور احفاد بابا ربنا يديلو الصحة وطولة العمر وانا كمان اصغر واحدة في البيت مش

  23. النبيل شارل
    24/12/2010 at 15:54

    يا بنت الكرام استمري في دراستك واحصلي على اعلى النتائج انتي عملتي كل ما في وسعك وطعتي والدك ولم تجادليه لانك خائفه على صحته انتي حقا بنت رائعه ابوكي لم يفعل ذالك إلا لحرصه عليكي قد يكون بالغ في ذالك لكن لاتقلقي اجعلي الانترنت متنفس لكي اجعلي الكتاب صديق وسيأتي يوم وتعيشي اجمل اللحظات مع اصدقائك واحبابك

  24. الجزار0
    24/12/2010 at 15:30

    لن اوجه لكى اى لوم ولن اعرض لكى حلا 00لانه سيحبس معكى فى محبسك 00انستى الجميله 0فجمالك سسبب تعاستك0الا يوجد لكى خال او عم او عمه فهؤلاء ممكن ان يقنعوا والدك بالعدول عن قرارات حبسك فى منزلكم روحى عند حد منهم اوان اقاربك ممن هم فى سنك يأتوا لزيارتك 0التغيير مطلوب واشكرك جدا فبرغم كل ماانتى فيه بتقاومى وتنجحى وتثبتى وجودك 0ومن ناحيه اخرى إن لم يوافق والدك على اى حل فلقد قربت النهايه من إكمال تعليمك انتى متفوقه وبإصرارك ستنالى شهادتك والان ياست البنات اجتهدى وصلى واستغفرى الرحمن الرحيم وتمسكى بقرآنه واعملى به الله يوفقك

  25. حقيقة
    23/12/2010 at 23:35

    الله يوفقك
    البيت مش سجن ولا حاجة بالعكس انتي ابدعتي ونجحتي وقربتي توصلي للنهاية
    استمري واتكلي على ربك وكملي دراسة واقري قران وصلي واتركي الأغاني وادعي وربي حيوفقك
    ابوك خايف عليك فلاتلوميه
    إذا بتغيري جوا خلي صحباتك يجوكي للبيت أو اطلعي معاهم وما تتأخري عشان ابوك ما يخاف اكثر
    خلي ابوك يثق فيك وبيني لة انك بنت متربيه ومحافظة على نفسها مشان يفرح
    الله يستر عليك ويوفقك

اترك رداً أو حلاً لهذه المشكلة