السلام عليكم .. انا طالب ف 3 ثانوي السنه دي .. انا من اولي ثانوي و2 ثانوي مش كنت بذاكر وكنت بقعد ع النت كتير وكده وكنت مهتم بالبرمجه وكده وتصميم مواقع وكده وكنت بحب الكمبيوتر .. بس انا عندي هدف من وانا صغير وهو اني ادخل كلية طب.. وانا كنت متحمس جدا من بداية 3 ثانوي اني هذاكر كويس جدا واهتم واجيب مجموع وادخل كلية طب .. المهمه انا السنه دي حصل معي مشاكل من اول السنه ومش ذاكرت وفوقت دلوقت للمذاكره وكده لكن متأخر جدا ويعتبر لسه بدأ ف كل المواد وفيه مواد لسه مش بدأت فيها خالص .. والمشكله ان لما بروح الدرس لازم اكون مذاكر وكده وانا مش عارف اذاكر ف البيت ولا اعمل ايه .. وكمان انا الحمدلله وثق ف ربنا جدا وبصلي وبدعي ربنا وكل حاجه .. بس انا كل ما ابدأ اذاكر افتكر ان فيه ناس سبقتني ف المذاكره واني مش هلحق اذاكر او اخلص او اعمل اي حاجه .. وانا مستحيل اني اقسم السنه دي وكمان بردو لازم ادخل طب .. بس انا بفضل افكر ف حاجات كتير اوي وبكتئب … ايه الحل لو سمحتم ؟ وكمان هل ده عادي ان انا ف البدايه كده مش بدأت صح ؟! مع ان انا ببقا متحمس جدا وفجأه بدايق اوي
وشكرا ليكم
مشاكل الثانوية العامة
متأخر جدا في المذاكره .. 3 ثانوي
اضيف بتاريخ: Wednesday, September 20th, 2017 في 04:19
كلمات مشاكل وحلول: الثانوية, الثانوية العامة, كلية الطب, مواقع
الفيصل في الثانوية العامة عشان تطمن بالك وتريح ضميرك هوا علاقتك مع ربنا تكون قوية جدًا (انتا وربنا وبس) والمذاكرة أول بأول نصيحة مني يا ابني وماترميش ودانك للناس ايللي بيقولوا مابنذاكرش .. كله في ثانوية عامة بيذاكر… وانتا بتبني مستقبلك انتا مش مستقبل ولا حياة حد تاني … فشد حيلك واتكل علي الله وقوي علاقتك ب3 حاجات بس وخاصةً فس السنة دى (الله ، الكتاب ، المعلم )
بجد شكرا جدا ليكم انا الحمدلله بدأت وان شاء الله واثق ف ربنا وواثق اني هقدر احقق اللي انا عايزه .. ومفيش مستحيل ابدا مع التقرب من ربنا .. ربنا ع كل شئ قدير .. وشكرا جدا ليكم بجد ع ردكم (ابوالبتول) شكرا جدا ليك انا مشكلتي مش كانت مع النت انا بس كان تفكيري اني متأخر وكده بس الحمدلله عادي انا هجتهد واعمل اللي عليا وان شاء الله ربنا هيوفقني ويوفق كل مجتهد بأذن الله وبشكرك جدا بجد ع كلامك لانه شجعني كتير ربنا يخليك يااارب ويوفقك ف حياتك … (asmaa) وشكرا جدا ليك ان شاء الله يااارب ادخل طب وربنا يحققلي حلمي وانتي كمان ربنا يوفقك ويسعدك يارب ف حياتك ويحققلك كل اللي بتتمنيه..
ياابني انت الان في3 ثانوي وبعدها تكون في الجامعة حرام عليك تضيع مستقبلك التفت لمذاكرة دروسك وبطل السهر على الانترنت والجلوس عليه لاوقات طويلة اشغل اوقاتك بالمذاكرة دي اخر سنة لك في ثانوي لازم تجيب مجموع كويس يدخلك الجامعة وتخش كلية الطب اللي تتمناها منذ الصغر اجتهد وبطل نت ولعب عيال وشلة وسهر وكلام مع البنات والحاجات الفارغة اللي مالها قيمة عايز تحقق طموحك يبقا ذاكر اول باول واجتهد واستعن بمدرسين خصوصي ولاتضيع اي وقت ولاتقلق اوتفكر في الناس اللي سبقوك في المذاكرة خليك احسن منهم واجتهد وكافح ومع الارادة والمثابرة والعزيمة والاصرار تحقق كل احلامك وامانيك في هذة الحياة وربنا يوفقك ويسهل امورك ويسعدك ان شاء الله
قبل متقراء الملخص تحت خالص لو مش فاضى متتعبش نفسك وضح من لهجتك انك مصرى انا كمان فى ثانوى و بتحديد ثانية ثانوى انا عنيت زيك كده بس فى اوله بسبب بعض المشاكل كان عندى كم من الدروس اللى متذكرتش فى مواد كتير هههههههههه انا عرفة انك ممكن تقول عليه اسفه بس دى ظروف المهم كان فاضل 3 او 4 ايام على امتحانات اخر السنه وكان اول امتحان عربى وكانت الحمد لله فى العربى ولكن فى الفيزياء أصعب مده انا كنت كحك بمعنى الكلمه قالت لمامه مامه قالت لبابه قال له كلمه ابدا لا انسها بنتك متصقتش فى الفيزيه ابدا رحت دورت انا وماما على مدرسين على النت وشفت مدرس فيزياء على الهوا مدرس ممتاز انا عافكره شفت مدرسه اللى بتدينى فى المدرسه شرحها وحش وبتصدقصد بس شرحه بجد حلو جدا عرف انا جيت كام واللهى مغشت 14.5 من 20 انبسط اوى الخلصه شوف في مدرسين كتير اوي على النت هيسعدوك انا متأكده جرب المدرسين كتيررررر اوى وانشاء الله تنجح بس استنى وانت بدور شوف المدرسين اللى فى برامج اللى يقولك اهلا طلاب وطالبات الصف 3 الثانوى ويارب تكون دكتور اد الدنيا