مشاكل الثانوية العامة

قلقان وفاضل شهر على امتحانات الثانوية

من الأخر كده
انا في 3 ثانوي الشهادة الثانوية العامة علمي علوم
كنت ضاربها صرمه و مش حاطط في دماغي اي تعليم
و مفهم نفسي طول الوقت اني كده كده هلم المنهج و هجيب مجموع
لحد ملاقيت نفسي في أخر شهر و مش عارف حاجه و لا عارف الم حاجه
كان فيه مشاكل كتير أه .. و كان فيه قلق و ده اللي كان مخليني مش بذاكر او بمعني أصح ” حِجه ” علشان مذاكرش
و في نفس الوقت فيه ناس حاطه أملها عليا
و نظره أمي كل يوم ليا بتقطعني و انا شايفها بتقولي ” اول يوم جامعه انا اللي هوصلك بنفسي و اشاورلك و انت داخل كليتك ”
فوقت متـأخر أوي .. بس حاسس انه فيه أمل
لأني مش هيأس من رحمة الله
اكيد فيه زيي و مر باللي انا مريت بيه
ياريت نصيحه لوجه اللي اعمل في أخر شهر علشان افرح الغلبانه اللي ماحليتهاش في الدنيا غيري

مشاكل وحلول ذات صلة

اضيف بتاريخ: Wednesday, May 13th, 2015 في 11:38

كلمات مشاكل وحلول: , ,

4 رد to “قلقان وفاضل شهر على امتحانات الثانوية”

  1. صاحب المشكله
    02/07/2015 at 19:26

    شكراً يا جماعه بجد انا مش عارف اشكركم ازاي .. اولاً انا صاحب المشكله دي ^_^
    انتم بجد مثال للخير اللي لسه موجود في الدنيا
    انا عملت بنصيحتكم و اعتزلت العالم و قضيت من 15 لـ 20 ساعه في اليوم
    و جابت نتيجه الحمد لله انا في طريقي للـ 98 % بإذن الله
    و انتم السبب بعد ربنا سبحانه و تعالي
    اوعوا توقفوا الخير ده
    لكن فيه مشكله تانيه .. بس ممكن تستغربوا منها شويه
    انا الحقيقه حلمي ابقي وكيل نيابه زي ما جدتي الله يحرمها كانت بتتمني و هي اللي علقت الحلم ده في دماغي .. لكن كله معترض علي اني أدخل كليه الحقوق و انا علي الاقل ان شاء الله
    ممكن اكون جايب مجموع صيدله .. عايز نصيحه كمان اسمع كلام نفسي و لا كلام أهلي
    و بشكركم تاني من كل قلبي

  2. مسلمة
    04/06/2015 at 22:04

    حتي لو يوم واحد خللي املك كبير في ربنا اعمل كل اللي تقدر عليه يا رب يوفقك

  3. مسلمة
    04/06/2015 at 22:02

    بسم الله الرحمن الرحيم نصيحتي اعرف انها مهمة ونتيجة ترضيك ان شاء الله
    التزم الصلاة وتقرب من الله نام بدري واصحي في الفجر صلي واقرا كام ايه مما تيسر من القرن الكريم قبل المزاكرة معلش لازم وخد اليوم كله بقي مزاكرة اعتزل العالم اللي حواليك انا عارفة النصيحة متخرة بس هتجيب نتيجة هايلة ان شاء الله

  4. اشرقت
    13/05/2015 at 15:51

    بص يا باشا الموضوع شوية صعب بس مافيش حاجة مستحيلة اللي فات مات و بلاش تبكي ع الأطلال المهم انك عرفت غلطك المهم الحق نفسك حط جدول و احاول انك تقسم المواد و التذاكر ١٠ الي ١٥ ساعة في اليوم او مش ٢٠ !!! عشان ما فيش وقت بالعربي موت نفسك بالدراسة و اعتزل الناس مانت قضيت فيها راحة من السنة كلها حاول أقفل الموبايل بتاعك و خبيه بعيد وانسي تليفزيون و خروج و تضيعة كلام مع الناي تدعي ربنا كتير و صلي الصلوات بوقتها و اتغدي كويس فواكه و خضروات سمك و بيض و اشرب مايه كتير عشان تعرف تركز أبدل مجهود جبار و ربنا هيكرمك و خليك دايماً
    متفائل و احسن الطن بالله ربنا يوفقك و يصلح أحوالك

اترك رداً أو حلاً لهذه المشكلة