مشاكل الثانوية العامة

طالب ١ثانوى ولحد دلوقتى مبعرفش اذاكر

السلام عليكم
انا في كارثه انا طالب ١ثانوى ومعتمد على الشرح والدروس طول عمرى ومعرفش ازاى بقدر اذاكر ورغم كده دايما بطلع الاول لحد ما دخلت اعدادى واكتشفت انى لازم اذاكر وانا معرفش ازاى خالص ومشكلتى انى حلمى اخش كلية الهندسه ارجوكى فيدونى

مشاكل وحلول ذات صلة

اضيف بتاريخ: Thursday, December 31st, 2015 في 19:03

كلمات مشاكل وحلول: , , ,

ردود to “طالب ١ثانوى ولحد دلوقتى مبعرفش اذاكر”

  1. Waelali
    07/01/2016 at 13:52

    السلام عليكم
    هادخل فى الموضوع بدون مقدمات
    اولا انا هاتكلم من واقع الخبرة
    ثانيا انا متقبل النقاش بصدر رحب
    واخيرا خلينا نتكلم بصراحه

    احنا دلوقتى فى عصر السماوات المفتوحه (كنايه عن الدش والانترنت) والاعلام الله يسامحة محطم الشباب (من وجهه نظرى طبعا) .
    بص يا بنى انت اول حاجه تعملها تحدد هدفك فى الدنيا ولازم تراعى فى تحديد الهدف الامكانيات الخاصة بيك.
    تانى حاجه لازم تاخد بالاسباب يعنى لو جعان هتاكل طبعا ولو عطشان هتقوم تشرب . موش هتقعد تستنى لما تشبع وتتروى تلقائى كدا من نفسك. انا قصدى انك عمرك هتكون مهندس او دكتور من عير ما تتحصل على العلم المناسب يعنى لازم تذاكر كويس جدا وتتحصل على مجموع مناسب طبعا.
    تالت حاجه لازم يكون ليك حد كبير يكون فاهم كويس جدا تستشيره وتاخد رايه . طبعا ممكن اكتر من واحد يعنى لو عايز تعرف عن كليه الطب اسال واحد فى سنه رابعه طب موش واحد لسه فى سنه اولى وهكذا.

    نيجى بقى للمذاكرة

    اول حاجه لازم تدخل المذاكرة بجديه ونشاط ( لازم تكون نشيط وسعيد) ودا ممكن عن طريق عدة اشياء.تتخيل نفسك دكتور جامعة ,دكتور اطفال قد الدنيا , راكب عربيه كويسه ورايح شغلك .

    تاخد دش قبل المذاكرة , متاكلش كتير لازم تكون خفيف وانت بتذاكر عشان تفهم ولازم تتمارس اى نوع من انواع الرياضة الخفيفة لوقت قليل .

    بالنسبه بقى لطريقه المذاكرة دى لازم حضرتك تقعد مع نفسك شويه ولتكون صريح جدا وتاخد فى بالك الظروف الحياتيه الخاصة بيك وتحدد كيفيه المذاكرة.

    بمعنى مثلا تضع خطة للاستغلال الامثل للوقت .هتقدر تذاكر كام ساعه فى اليوم ويا هل ترى هتذاكرهم ورا بعض ولا متقطعين (ولا انصح بالراحه اكتر من ربع الساعه بينيه فى وقت المذاكرة).

    فى راى انت لازم فى اول الدراسه تتحصل على الكتب الدراسيه وتقراها كلها قراءة جرايد.

    وبعدين مهم جدا انك تكون حاولت تقرا الدرس او الوحدة قكويس جدا قبا ما المدرس يشرحها فى الفصل.

    ومهم جدا جدا انك تراجع الدروس الو الوحدة فى نفس اليوم اللى شرحها فيه المدرس.

    وطبعا انا موش هقولك اهميه انك تاخد الموضوع بجديه وتركز مع المدرس وهو بيشرح ومحاوله الحل للاسئله ومراجعه المدرس للحلول الخاصة بيك.

    واخيرا بعد ما انت وضعت الخطة (تشمل وقت النوم -المذاكرة لكل مادة-وقت الرياضة-وقت الفرجه على فيلم كويس اسبوعيا او الخروج مع صحابك يوم فى الاسبوع كنوع من الخروج عن الروتين). انت لازم تكون رقيب على نفسك تشون مدى التزامك بالخطة ومدى تحقييق المرجو من الخطة. وتقدر تعدل من الخطة او من نفسك حسب الوضع المتاح.

    اخر حاجه اقدر اقولهالك ان كل واحد يقدر يتحصل على اى شئ ولكن لازم الارادة والاستعداد للاخ بالاسباب والتوجه نحو الهدف دون الالتفات الى اى شئ أخر .

    استعن بالله ولا تعجز

اترك رداً أو حلاً لهذه المشكلة