السلام عليكم ورحمة الله وبركاته
معلش هاطول عليكوا اوي مع اني يعتبر مش مستني رد بس عاوز اطلع اللي جوايا وخلاص
انا عندي ٢١ سنة والحمد لله من عيله محترمه ومعروفه جدا ف محافظتي وفي كلية من كليات القمه والحمد لله متفوقفيها عمليا مش دراسيا واششتغلت ف شركات ف الاجازات والحمد لله المستقبل يعتبر الحمد لله مضمون الى حد ما بس مشكلتي اني اول ما دخلت الجامعه مكنتش عاوز اكلم اي واحده لأني عندي طموح كبير اوي ومش عاوز العب بواحده لأني مش عاوز اتجوز الا لما انا اللي ابني نفسي بنفسي
ومش هاعرف واحده الا لما اتجوزها مش هاصاحب ولا هالعب بحد المهم من اول يوم ف الجامعة وواحده معايا ف الكلية حسيت انها معجبه بيا من اول ما شافتني وانا اعجبت بيها بس نفضت وسكت مكنتش باهتم بنفسي عشان محدش يبصلي وكانت برده هي وغيرها بيحاولوا يكلموني بس كنت باتعامل بطريقه غبيه عشان مش عاوز اقع ف غلط كله كان بيحاول مره واتنين ويزهقوا الا ده لمده سنة بتحاول تبين انها بتحبني وحاجات كتيره المهم اشتغلنا ف حاجه تبع الكلية ووقتها بدأنا نتكلم كتير لحد ما لمحتلي بسيط انها بتحبني روحت قايلها بحبك وحبينها بعض اوي وكنت معاها في حدود اوي وكنت باكره اني حاسس اني باسرق حاجه كلمت اهلي علطول اني هاخطب وقتها كنت ف ٢ جامعه وقلتلهم عليها وعرفتهم عليها وكانوا بيكلموها وهكذا لحد ما حصلت مشاكل كتيره اوي بينا انا وهي وبعدين اهلي قالولي لأ مش هترتبط بيها ده مش كويسه وكده عشان مواقف عملتها المهم هي معايا ف الكلية ونفس القسم وجارتي وكمان جنبي ف الامتحان وهي قالتلي ان اهلها بدأول يرخموا وكده قلتلها يا بنت الحلال انا هاسيبك كان بسبب مشكله بينا قالتلي لأ قلتلها لأ هاسيبك المهم سقط نفسي ف الامتحانات الترم التاني من سنة ٢ عشان ابعد عنها وانساها واخد سنة راحه وعملت كده فعلا السنة ده منسيتهاش لحظه لكن بدأت ازاكر حاجات وكده اضيع وقتي ف كورسات ظبط نفسي وروحت شركات وهكذا بعدها بسنة تقريبا كلمتني تاني يومها كنت ماسك الفون وعاوز اكلمها وماسك نفسي اكتب الرقم وامسحه وفجأه لقيتها بتتصل كانت وحشاني اوي اتكلمت معاها وبعدين قلتلها مش هاتكلم تاني قالتلي لأ انا هاكمل معاك قلتلها انا قدامي ٥ سنين لحد ما اتقدم قالتلي هاستنى
يا بنتي مش بتاع افلام وتيجي تقوليلي معلش هاتخطب قالتلي لأ مش هاتخطب وانا مقدرش اعيش من غيرك كملنا وبدأت احوش واشتغل واعمل جمعيات وهكذا بعديها ب ٣ شهور بدأت تقولي مش قادره استحمل البيت عندي وكده ومشاكل قلتلها خلاص هاحاول اخطبك ف اخر الترم الاول قالتلي اهلي مش هيوافقوا قلتلها طيب هاحاول بعدها بقتره قالتلي انا مش قادره استحمل انا تعبت واهلي ضاغطين عليا اوي ومامتها تعبت وعملت عمليه وقالتلها لو حصلي حاجه يبقى بسببك لأن مامتها عارفه انها كانت بتكلمني وبترفض العرسان بسببي قالتلها لو مت يبقى بسببك ولو هو اخر واحد ف الدنيا مش هاقبله المهم بعدها كلمتني وقالتلي اهلها وصلت بيهم للضرب وقروا فاتحه وعطوا كلمه لواحد وهتتخطب قريب ليه عاجبها عاجبها مش عاجبها خلاص كلمتني وقالتلي كده تعبت نفسيا جدا وسيبتها قعدت تكلمني سيبتها قفلت ف وشها ومردتش وقلتلها كلام جارح لأني مقبلش اكلم واحده مخطوبه المهم جات ف يوم كان اول يوم ف العيد اللي فات كلمتني وقالتلي وحشتني والكلام ده كان ع افجر كده وبحبك ومش عارف ايه وبعدين قالتلي اخر المكالمه النهارده اخر يوم هاقدر اتكلم معاك ع انك حبيبي استغربت بعديها قفلت شكيت كلمتها الصبح انتي فين قالتلي بره شكيت قلتلها انتي مع اخت خطيبك او خطيبك قالتلي اه قفلت ف وشها باليل وانا نازل لقيت خطوبتها كانت اليوم ده والخطوبة معموله اتخنقت اوي بعتلها رساله الف مبروك وسكت كلمتني بالليل وعيطت اوي وبحبك بس خلاص مش ليك ومحتاجاك جنبي اخويا وكده انا كان نفسي ابقى كده فقبلت بعد كتير لكن هي وهي بتكلمني هي طابعه الاول كانت واخده عليا جدا ومش بتخبي عليا حاجه فكانت تقعد تحكي وتهزر وتضحك حتى لو هي مخنوقه بتبقى مبسوطه معايا حسيت انها فعلا بدأت او هتقدر تعتبرني اخوها بعدين بدأت عاوزاني اقبل الوضع اللي هي فيه وافضل برده ف حياتها يعني توريني صور بنت اخت خطيبها وحاجات كده انا طبعا باتعصب جدا وكنت باعملها مشاكل كتيره ولما بتعمل كده باتخانق تقولي لازم تقبل الوضع ده وانا مش هاقبله لأنها بعديها تكلمني تقولي وحشتني اوي وكده وانا مش هاقبل ابقى خاين بس بجد انا زي السمكه وهي بالنسة ليا الميه ده اكتر من ٣ سنين حب كلها ذكريات كنا مع بعض ق اليوم ال ٢٤ ساعه بالظبط طبعا طولت اوي عليكوا لكن لو حكيت هاحكي لبكره وانا للاسف مش باحكي لحد لكن بدأت اتعب وصحيتي تتتدهور ومخبي عن اهلي حاجات كتيره بسبب صحتي ممكن تسببلي الوفاه بس هي من كم كلمتني وقالتلي انها حاسه انها هتموت واسامحها ع اي حاجه ومن وقتها وانا كل اللي باتمناه اني ابقى معاها ف الاخره مش عاوز الدنيا بس هي لسه قاصر حتى ومش هينفع حتى اتجوزها واطلقها ف وقتها لكن بجد فكرتي الوحيده دلوقتي اني عاوزها تبقى مراتي ف الاخره وهابعد عنها كده كده ف الدنيا لأني مش قادر اطيق اي واحده تانية مع ان الحمد لله شكلي كويس وحالي مش واقع اوي بس وانا دلوقتي واقع جدا ولا عارف ازاكر ولا اشتغل ولا اعمل اي حاجه غير اني اطلب من ربنا اني ابقى معاها ف الاخره
اسف اني طولت لكن عاوز اطلع اللي جويا بجد حتى لو محدش قراه بس اطلعه بدل ما اموت واطق كده من القهره بس انا عاوز ابقى معاها اخوها وكل حاجه اساعدها ف حياتها بس مش تخليني اقبل الوضع ده لأني عمري ما هاقبله لأني بجد بعشقها بس حتى الكلمه ده مينفعش اقولها خلاص مبقتش تخصني
اخي الكريم فترة وتنساها انشاء الله انت رجل عليك الصبر مزال الحياة قدامك ماتخليش هدا الشئ الباطل يقضئ عليك ولا تتوهم انه حب صادق لانها مش جوزتك اولا فكر انك تتوب لله اخي وحبها في الله وحرام عليك تتكلمها وهي مخطوبة او متجوزة ادا كنت تحبها في الله فحب لجوزها او شريك حياتها كما تحب لي نفسك انها لاتخونه وتنساك وتتوب لله
اخي اعلم انك من حين ولادتك مكتوب من هي جوزتك فلا تظلمها
واعلم جوزتك في الدنيا والاخرة امر مسير وليس مخير فاسعي اخي للعمل من اجلها
فأن الله يحبك اكثر منها فأنه كتب لك الجوزة التي هي كنت تحبها وهي التي ستحبها وهي الجوزة التي لك وهي الانسانة التي تبحث عنها وهي الانسانه التي ستكون جوزتك دنيا واخرة
وستعرف دلك بأدن الله وستندم على من وهبت حبك وقلبك انه مايستاهل والله المستعان
ويومها ستضحك وستقول مادا كنت افعل ليش عامل لي نفسي المتاعب وليش ماصبرت على جوزتي التي تستاهل قلبي وحبي وحتندم على الوقت لي ضيعته على الكلام الفارغ ولاوهام صدقني
لو كانت هده الفتاة خير عليك ماكان الله سيبعدها عنك فأنه هو اولا بمصلحتك .
بالنسبة اخي جوزتك في الاخرة هي جوزتك في الدنيا التي انت ستنقدها من النار وهي ايضا ستنقضك من النار والتي ستدخلها وتدخلك للجنة بسعييك معاه في الدنيا
اسعي اخي للجوزة الحلال وخدها بالحلال وحبها بالحلال وليس بالعلاقات ارضئ الله سيرضيها لك
اخي كل ماتفكر فيها اقراء القراءان او اهتم بشئ اخر وغير رقم هاتفك وتجنبها بقدر الامكان
ربنا معاك
“عسى أن تكرهوا شيئا وهو خبر لكم”
شوف أخي صدقني مريت بنفس التجربة بس أنا البنت وهو الراجل
المهم من يوم أتخطبت قررت يكون أخي ولما كلمته وافق في البداية والحمد لله إنه طلع شخص كويس
وطلب إنه يكون كلامنا بعلم خطيبي وفعلا كلمت خطيبي إنه في شخص بعرفه وهو عبارة عن مجرد أخ وحاولت أتعامل على اساس إنه أخي ونجحت لحد ما… لأنه ساعدني وحاول نفس الشئ وكانت نيتنا طيبة.
المهم لما إتزوجت حسيت إنه هالعلاقة غلط لأنه أي مشكلة تعترظني مع زوجي أعمل مقارنة بينه وبين زوجي لحد ماتعبت نفسيا ولما حس بتعبي قرر إنه يقطع حتى علاقة الأخوة وفعلا قطعها ومرت الايام ولم يحاول الإتصال بيا ولو مرة،وماقدرت أنا كمان أتصل لأنه حسيت إنه إلي كان حبيب مستحيل يصير أخ لأنه حيبقى على طول حبيب وهذا حرام لأني متزوجة وبحترم وبحب بجد زوجي لأنه طيب وحنون وقررت أخليه ذكرى جميلة وساعات أقول وادعي ربنا يجعل ملتقاناالجنة .
الحمد لله انا كويسة ودنيا ماشيا وبقوة شخصيتي قررت أحترم ديني قبل ماأحترم حبي
ودايما بدعيله ربنا يوفقه وسمعت إنه تزوج كمان وصار عنده بنت وهكذا الدنيا تدور ويارب إبعد عنا الحرام وقرب لنا كل ماهم حلال.
المهم من خلال تجربتي الشخصية أنصحك إنك تنساها وتخليها ذكرى وكمل حياتك وإرتبط لأنه الزواج سيعصمك من الخطأ.
يا اخى صاحب المشكلة اذا كنت زعلت من ردى اقدم اعتذارى يا ريت تقبلة انا قلت اللى يملا عليا ضميرى وشكرا
انا بجد عيط لاني كتير حاسه بيك بس البنت مالهاش يد لو كان عليها كانت بقية تحت رجلك بص اخويه واسمحلي اقولك اكده لاني قدرتك انا عاوزاك تعرف اني اي شي ربنا كاتبه ليك خير واني انتا مارتبطش بيها يبقه ربك كاتب ليك زوجه تانيه غيرها وعلي شان كده ماتزعلشي ولا تحزن فكر اهم شي في مذكرتك ومستقبلك وشغلك ماضيعشي كل حاجه من ايدك اهم شي شغلك لانك وقفت علي رجلك خليك ماشي فيه وازا علي الحب فالانسان لازم يجرب يحب ويتحب بس انتا المفروض تبعد عنها وتغير خط تليفونك ولو اتصلت فيك ماتردش وفهمها انه خلاص واني هاتخطب قريب وهي باكده هاتبعد عنك بس بجد حرام تبقه دكتور وتتاخر في الجامعه وبعدين حبيبي انتا لسه بدري حب وجواز ايه وانتا في الجامعه صدقني والله دي فتره وهاتعدي وحاول تتقرب من ربنا قوي وادهي ربك لانه صدقني ربك احن واحد عليك واتمني تطمني عليك ده رجاء اختك في الله حبيبة الرحمن
السلام عليكم
واحد وخلاص :
اولا انا مش فرحان ولا بتباهى بموضوع ان بنات حاولوا يكلموني او حاجه لكن انا فعلا والدي معروف جدا ف محافظتي ف كان كتير كان هييجي يتكلم ع اساس ممكن تقول معروف الا حد ما وانا مش محتاج اتغر لأن حاجه متبسطنيش لأني مش عاوز اكلم حد والله واللي بقى بيتقال عليا بعد كده ده عبيط ده بيتنك ع ايه ده طبيعي لما ولد يصد بنت وانا كنت غلطان واللي بيقول انا خاين انا بقولك مش عاوز اكلمها الا لما اهلها يكونوا عارفين وخطيبها اني باكلمها كاخ لو محتاجه هي حاجه غير كده مش باكلمها خالص او باحاول امسك نفسي بعدين انا بقول انا نفسي هي تكون معايا ف الاخره لأن هي كلمتني وقالتلي ان قلبها تعبان وكشفت واحتمال لقدر الله بعد الشر يحصلها حاجه لأن شريانها ضيقه تقريبا مردتش تتلم كتيره وانا مصدقها محدش يقول كدابه ف عشان كده باتكلم لكن والله خطيبها ده انا مخنوق عشانه لأنه اكيد حقه يكلم واحده مكلمتش حد قبله يوم ما هيعرف او يشك هيكرهني ويشتمني من غير ما يعرفني لكن واله انا ملعبتش بيها وانا اصلا اهلي نفسهم مش موافقين عليها بس كنت اقنعتهم بعد عذاب بعد ما كان التاني اتقبل واتقرى فاتحه وقالوا كلام رجاله مينفعش يتفشكل بسسسسس مش عاوز اتكلم تاني
احساس فظيع الانت فيه ربنا يكون فى عونك بس ان شاء الله ربنا هيعوضك وسيبها على ربنا
الحياة مش بتوقف لازم تنساها علشان تبدا حياه جديده وتاخد بالك من مستقبلك ولو ليك نصيب فيها هترجعلك بس المهم انك تبعد عنها لان عمر الحب ما ينقلب لصداقه او اخوه
اخى العزيز انت شاب مؤمن وطيب جدا لاكن ليس الجنه بالتمنى ولاكن بالعمل انتبه الى صحتك واهلك لان لو صار لك مكروه لاسمح الله سوف تضر بأهلك واترك هذا الوهم وانتبه الى حياتك واهلك واتجه الى الله العلى القدير وسوف يساعدك على النسيان ولو جاء لك خاطرها اقرأ القران وصلى ركعتين لله والله الموفق
بص انا هقولك هى كلمة واحدة اللى على الجبين هتشوفة العين يعنى سيب كل حاجة على ربنا وتوكل على الله وهى فعلا لو بجد زى ما انت بتقول مظلومة ومغصوبة على الخطوبة ربنا ما يرضاش بالظلم بس اتعامل مع الموضوع عادى خالص وانشاء الله لو من نصيبك هتفوز بيها وربنا يوفئك
عزيزي اللطيف اقول لك كما قال النبي صلي الله عليه وسلم الكيل الذي تكيل به تكتال ان لم تبتعد عن تلك الفتاه وتغلق في وجهها كل السبل ان اتصلت بك ثانيا سوف ياتي يوم وتفعل خطيبتك مع شاب احببته في السابق مثل ما تفعله انت مع تلك الفتاه والله لو كنت علي حق وتراعي الله تعالي في نفسك ما كنت كلمتها في البدايه واعلم ان الحب ليس من المحرمات انما المحرم هنا ان تتكلم مع انسانه اجنبيه عنك بكلام الغزل وخلافه وانت فعلت هذا استغفر الله واننتبه الي دراستك افضل
بص ياصحبى هيه لو بتحبك اوى زيك كده هتعمل ايى حاجه عشان تفركش الخطوبه دى زى مثلا انها تصرحه انها بتحبك وانك مغصوب عليها وكده وفى الحاله دى فركش لان مفيش راجل هيسمح لنفسه بكده ولون فى اتعملت معايه وطلع معندوش دم والها هتجوزك بردك ؟ اما لو هيه صممن انكم اخوات وكده يبقه هيه بيعاك يا صحبى ومتستحقش انك تفكر فيها ولا تعمل العمايل دى لا لشخص وفى انتا شيفها وفيه ؟ طب وبعدين احنا ضمنين شويه من الدنيا ايه ضمنك الاخر؟ فكك مفيش حاجه مستهله “انا اهه بقالى سنه بتعزب وجانى الضغط وكنت هموت بس فى الاخر لايت الدنيا بتقلى ادرب دماغك فى الحيط هوا كده ونكان عجبك ” هعمل ايه خليك مركب وماشى مع الموج ولى ربنا ريده هوا الى هيكون
يا اخى اتكلم وطلع اللى جواك فضفض بالمعنى البلدى والله انت فى كلامك كلام حلو وكويس وكلام تانى مش كويس انت عاوزها تبقا مراتك فى الاخرة طبعا لا لانها هتختار زوجها اللى فالدنيا مش انت وبعدين انت دخلت الجامعه ومكنش فى دماغك الامور دى وبعدين البنات جم يتكلموا معاك من كل ناحية فعلا دى حقيقة ولا انت معلش عندك شوية غرور شى تانى انت لسة صغير وصغير جدا كمان ليه التشائم واحساس ان الدنيا وقفت عند كدة خلاص هى اتخطبت ربنا يسهلها وانت بتقول مستقبلك مضمون مع ان المستقبل بيد الله ومفيش حاجة مضمونة ولكن ذاكر واجتهد هتحب تانى وهتتجوز وهتلاقى الحياة مع مراتك شكل تانى وهى دى فعلا اللى عاشرتها وحبتها وام اولادك اللى بيتفل عليكم باب واحد والدنيا كلها بتشهد على كدة دى اللى هتختارها مراتك فالاخرة مش واحدة حبتها ايام الجامعة حب زى السرقة كدة اسف طولت عليك ويمكن قولت كلام مش كويس بس انا زى اخوك بردة وقرات كلامك وكان لازم ارد يمكن تلاقى فيى كلمة حلوة تريحك وتطمنك والسلام ختام
حاول انك تنساها خالص ومتكلمهاش خالص مفيش حاجه اسمها اخوه انتم بتضحكوا على نفسكم ومتقبلش على نفسك انك تكون خاين لانكم الان بتخونوا خطيبها لكن ايه سبب رفض اهلها ليك
انا مش قادر اصلا اظن فيها ظن وحش ومقلتش اني عاوز ابقى اخوها لكن عاوز اساعدها الفترة ده بس لأنها محتجاني في شغل وفي حياتها وانا اصلا مش قابل الوضع ده لكن كل اللي عاوزه اكون معاها ف الاخره بسسسسسسس او يبقى ليا فيها حق لأني انا اللي مربيها بجد ده بنتي مش هاعاملها تاني كحبيبتي ف الدنيا حتى لو ايه لكن ده بنتي والله بجد عارفين يعني ايه بنتي وشكرا لردودكم
من ترك شيئاً لله عوضه الله خيراً منه
مرحبا على فكرهالحب عند المصريين شيء جميل بس الانسانه الي حبيتها لو تزوجتها صدقني حاتخونك لانها لو عي صح ماكنت تكلمك كلامها مش مضبوط سوري انت راجل حبيت صح بس هي ماتعرف الحب انت ممكن نبرة صوتها شكلها بتشدك لكن لو فكرت صح في مستقبلك حاتلاقي الحب الصح الي هو بالحلال البنت دي بتلعب بيك ولا تعرف الحب وعيب لمن تكون مخطوبه وتكلمك بصفتك اخوه مفيش حاجه اسمها اخويه بين البنت والولد واكيدانت لو اختك جات وقلت زميلي بكلموا اسهر معاه زي اخويا دنت تموتها بص انا سعوديه وبنصحك دي مش بتحبك الحب مش كده وربي لو الفلوس جات في ايدك لاتسيب خطيبها وتجيلك جري هي واهلها فكر كويس وانتبه لحالك وغير رقمك صدقني حتلاقي يوم الحب الصح بس انت الي تختار مش البنت تقرب نت الواد
انا بقولك اوعى تظن فيها ف يوم من الايام ظن وحش او تتكلم عليها وحش محدش عارف هى بتتعامل ازاى مع خطيبها انت مفيش ف ايدك غير انك تتمنالها كل خير وتعيش وهى سعيده بس اوعى تكلمها تانى علشان الحب عمره ما يبقي اخوه اوصداقه ولكن ينفع العكس ومتكلمهاش تانى علشان ميتعملش فيك انت كدة بكره وبعده ما انت متعرفش نصيبك فين
هي وجدت البديل واختارت حياتها
عليك انت ان تجد البديل وتختار حياتك
اعرف حالةمثل حالتك بين اثنين تربط بينهما ظروف العمل وافقت فيها البنت علي خيار الرجل الجاهز بحجة ان اهلها جبروها ولم يتقدم الرجل الاول لخطبتها لانه غير جاهز.
الان يجمع بينهما ظرف العمل بدون مشاكل
قرر كل واحد منهما انه لن يعود الي الاخر مهما كانت الاعزار واصبحوا زملاء
ربما تستطيع ان تفعل ذلك
المهم اسعي للتفوق واسترجع تميزك الاكاديمي وابني مستقبلك
وكلوا باوانه
حلو جدا حلك …. الدنيا مش كل حاجة و المراءة في الاخرة بتختار احسن شخص كان بعاملها في الدنيا
وفقك الله