انا عندي 19سنة من القاهرةوبحب واحد من المنيا عنده22سنة وبيحبني جدا وبنحب بعض بقالنا6شهور واهله عارفين وهيجي يتقدملي كمان شهرين واهلي لسة مش عارفين انا بس حكيت لماما مش بالتفاصيل من بعيد لبعيد بس مردتش عليا المشكلةفي اهلي بابا دكتور وتفكيرهم غريب بيبصوا للفلوس والمستوي والشقة في مستوي عالي والشهادة والاخلاق بالترتيب والانسان اللي بحبه مش هيقدر يبدا بالمستوي العالي دة في الاول عشان لسة في بداية حياته وانا مش اقدر اسيبه وفي نفس الوقت عايزاه يبعد عشان مش عايزاه يعلق نفسه بيا من كتر حبي فيه وانا حكتله وفهمته كل حاجةوان اهلي احتمال كبير جدا هيرفضوا ومش عارف يعمل ايه قالي نسيب بعض عشان تكوني مرتاحة ومش تعبانة نفسيا بس انا مش هاقدر اسيبك وبعد كدة لاقاني عيطت غير كلامه وقالي احنا هنفضل مع بعض و هاجي اتقدملك وهاقنعهم انا واهلي واللي ربنا شايفه هو اللي هيكون ويكون لينا نصيب مع بعض
ياريت حد يساعدني عشان مش عارفةاعمل ايه بحبه اوي ومش اقدر ابعد عنه مهما حصل
مشاكل الحب والزواج
خايفة من رفض اهلي لحبيبي
اضيف بتاريخ: Wednesday, August 29th, 2012 في 23:51
كلمات مشاكل وحلول: الحب, الزواج, القاهرة, المنيا
اوعي تتخلي عن حبيبك لانك رح تندمي بعدين لانوا الحب عمروا ما كان فلوس وعمر السعادة ما بتتحقق بالفلوس وطول مانتوا متمسكين ببعض اكيد رح تحققوا اللي بتتمنوه بس شوية صبر وشوية تفاؤل وخلي املك بربي كبير لانوا هو قادر علي كل شي لان
اولا تصلى صلاه استخاره….وتوكلى عالله…مش بالمظاهر ياريت كل حاجه بالمظاهر….لازم اهلك يشتروا راجل …ويبؤا متاكديين ان الراجل ده حيحافظ على بنتهم ويصونها….وتقولى لباباكى ممكن اخد واحد غنى ويطلع عينى ويعرف عليا بنات كتير……توكلى عالله واوعى تسيبه
اتكلمى مع بباكى كتير وحولى تقنعى فى طالما انت بتحبى ومتخفيش سبيها عاى اللة هو الى هيحل الموضوع ان شاء اللة بس انتى صلى وادعى كتيييييييييير ربنا بيحب العبد الى بيلجالو وقت الضيق ولا تملى واصبرى انشاء اللة انتو لبعض
اوعى تسيبيه ابدا بصي عليكي بالدعاء
متسبيش اي وقت في اجابه دعاء ومتدعيش ادعى ان ربنا يسخر اهلك لصالحكم ويسخر اهله لصالحكم ويجعلك الخير الكثير في هذا الرجل وبقدره قادر يخليلك رده فعلهم عكس ما تتوقعي تماما ويزرع حبه فقلبهم ويقبلوه بسرعه دايما ادعى بالدعاء دا وربنا مش هيردك
وانتى بردو حتى لما يجي يتقدملك مش تسيبيه انا اعرف واحد اتقدم لبنت بيحبوا بعض بس لما اهلها بداو يبصو للشقه بردو والشبكه قليله هي اتخلت عنه ووقفت فصف اهلها انتى عرفه هي لوكانت بتطيب خاطره وبتحسسه انها جمبه كان اصر عليها بس هي باعته
يعني اوعى تبعيه ابدا ابدا مهما كان اعملى اضراب عن الطعام وحسسيهم انك هتضيعي منهم لو ماخدتيش اللى بتحبيه ويارب تتجوزو يارب وتتبسطو طول عمركو مع بعض
صدقيني طالما مهنتيش عليه لما عيطتي دا عمره ماهيفرط فيكي ان شاء الله ودا اللى هيحافظ عليكي
المهم انك متقفيش ضده كفايه الظروف اللى هيشوفها فخليكي انتى الحته الحنينه فحياته اللى تهون عليه كل الصعاب لحد مايوصلك ان شاء الله ومتياسيش اختى ان شاء الله هتكونو لبعض
خليكى معها علشان الحب والثقه احسن ميت مرة من فلوس ومنصب وشقه عارفه حبك وحبه هيخليكم فى شقه صغيرة انتم خلها قصر بحبكم وبتفهمكم لبعض وعيلكم صدقينى الحب بيجى مرة واحدة مضيعهوش علشان حاجات بتروح وتجى بس الحب مش بيروح ويجى
انا بقى مشكلتى انا من المنيا وهو من مصر اهله هو رافضين الموضوع خالص وكل حاجه قفله فى وشنا بس حبنا اقوى من كل حاجه هو هيجى وانا هقف جمبه وشقته معاه وفلوسه وشغله وقالى ابوكى هيحط ايده فى ايد راجل ادعولنا ربنا يتممهالى على خير ونتى سيبى حبيبك يروح لاهلك لو بتحبيه هتساعديه وتقنعيهم
الأخت العزيزة….كلام حبيبك صح…. خليه يجي يتقدم لك (مع اني شايف انكو لسه صغيرين شويه و لو هو مش بيشتغل يبقي بلاش يتقدم ) و لو في خير ربنا يقدمه….الأهالي دلوقت عاوزين رتجل جاهز من كل حاجة …عشان كده محدش بيتجوز دلوقتي…مين هيقدر يجيب شقه و يجهز بيت بالمرتبات الهزيله و غلو الأسعار….نصيحتي ليكي بلاش ترتبطي بيه الفترة الجاية لحد ما يجي مع اهلة و بعدين انتي لسه قدامك سنين عشان يجيلك زوج مناسب فلا تستعجلي..
دا الكلام اللى المفروض الناس كلها تمشى بيه الفلوس والمنصب ممكن يروحوا فى لمح البصر
ان الله يعز من يشاء ويزل من يشاء
((..إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ ))(2)أخرجه الترمذي وابن ماجة،