مشاكل الحب والزواج

بيحافظ عليا ولا بيهرب منى

انا بنت 18 سنه من سنتين حبيت واحد وهو كمان حبنى .عشت معاه احلى سنتين فى حياتى كلها من اول ما عرفه و حياتى اتغيرت بقيت احسن فى كل حاجه .اتفوقت فى دراستى جدا و مشاكلى مع اهلى اتحلت واصحابى بقيت كويسه معاهم ,حتى علاقتى بربنا بقت قويه .كانت اول مره اصلى وبدات اقرا قران والتزمت فى لبسى . حتى انى قبل ما اعرفه كنت بعمل حاجات وحشه .كنت بشوف افلام ******* بس بعد ما عرفته مبقيتش بعمل كده .كنت بكدب كتير اوى على الفاضى والمليان .بس من اللحظه اللى عرفته فيها وانا اتغيرت وبطلت كل حاجه غلط . حتى هو كان بيقول انه اتغير وبقى بيتحمل المسئوليه و علاقته بربنا بقت احسن .هو اكبر منى بسنه .و لسه بدرى عليه لغايه ما يقدر يتجوز . المشكله انه قرر انه هيبعد عنى عشان مش ضامن انى هكون من نصيبه وعايز يحافظ عليا . بس الفكره انى اول ما قاللى انه بيحبنى قلتله انى مش عايزه احب عشان متعلقش بحد وانا مش ضامنه انى هتجوزه . قاللى وقتها انه هنتكلم مع بعض فتره عشان نعرف بعض .بس الفتره دى طولت وحبينا بعض و اتعلقت بيه واتعلق بيا .المشكله انه لما بعد عنى . بدات ارجع لحياتى القديمه تانى و مش عارفه افضل كويسه زى ماكنت و انا معاه . بدات اضيع اكتر ما كنت ضايعه . مبعديش يوم غير لما ابكى . عينيا بقت حمرا و نظرى بدا يضعف من كتر ما ببكى . حاولت اعمل حاجات كتير عشان ابطل اشغل تفكيرى بيه بس خلاص مش قادره . اتعلمت لغات و قريت كتب وعرفت ناس كتير و عملت مليون حاجه بس لسه كل ما بصحى الصبح بفتكره وابكى وقبل ما انام ببكى . الموضوع اثر عليا و بقيت بتعب و بروح لدكاتره وكلهم بيقولوا حاله نفسيه . انا بفكر اكلمه و اقوله انى خلاص مش قادره اعيش و هو بعيد عنى . خلاص انا حاسه انى بموت . هو الصح انى اكلمه ؟ ولا اعمل ايه؟

مشاكل وحلول ذات صلة

اضيف بتاريخ: Sunday, January 3rd, 2016 في 09:27

كلمات مشاكل وحلول: , , , ,

6 رد to “بيحافظ عليا ولا بيهرب منى”

  1. رورو
    21/03/2016 at 09:39

    ي حبيبيتي مش عارفة اقولك ايه والله ربنا معاكي وترجعوا لبعض ان شاء الله

  2. Milino
    05/02/2016 at 10:23

    مرحبا
    صعب جدا ماتمرين به اختي وللاسف لاتمليكين العزيمة لنسيان هذا الحب
    انت لم تحاولي لتقولي انك فشلت وماتمرين به لازم ارادة قوية للخروج من حالتك
    عقلك مزال مخزن الذكريات بجميع مشاعرها وعندما يستحضرها للاسف تاتي مليئة بالاحزان
    للتخلص من هذا الحب لازم تمشي على هذه الطريقة وانا تضمنك خلال 21 يوم يكون هذا الشخص مجرد شخص
    في البداية ساعتمد برمجة العقل الاواعي وهنا كل اول خطوة قبل ماتنامي تذكري كل المواقف معه و الذكريات وحاولي ان تعيشها كما كانت لمدة ثلاث ايام وعندما تشعري بالبكاء ابكي كثيرا
    بعدها هذه اهم مرحلة الان مزقي اي صورة ممكن تفكرك بيه
    ورددي في نفسك انك نسيته وانك لاتحبينه كل ماتتذكريه كررها 21 مرة وحاولي قدر المستطاع تجنب اماكن تذكرك بيه وصديقي راح في الاخير تضحكي بل كل حتى لو رايته لن تتحرك مشاعرك
    لكن خلال فترة العلاج حاولي ان لاتلتقي به وكل ماتضعفي رددي انك تكرهيه وكل السلبيات
    والدنيا اجمل بكثير انت مازلت صغيرة وتتاكدي ان سعادتك ليست متوقفة على رجل

  3. mostafa
    22/01/2016 at 03:00

    انتي غلطي غلطة كبيرة جدا و هي انك لما اتغيرتي للاحسن اتغيرتي عشان شخص و مش عشان نفسك و ده غلط لأن الحاجات دي كان المفروض تعمليها عشان نفسك من الاول مش عشان ارتباطك بشخص او حاجة و مش المفروض تتخلي عنها او تفرطي فيها
    تاني غلطة هو انكم خفتم من الواقع او من المجهول اللي انتو داخلين عليه و المستقبل بالتحديات الكبيرة اللي فيه اللي هي عبارة عن حاجات هبلة الكبار مندمجين فيها و انتو عشان صغيرين متخيلين انها مهمة او خطيرة
    ادوا لكل حاجة فرصتها و بالعقل و ادوا للارتباط ده فرصته و بالعقل برضه و يمكن يكمل فعلا و يمكن ميكملش محدش ضامن حاجة بس في نفس الوقت ده مش مبرر انكم تنهوه محدش ضامن عمره من الاساس بس حتي لو الارتباط ده فشل يبقي يفشل للاسباب الصح و الاهم من ده كله تفضلوا محافظين ع التغييرات الايجابية اللي نتجت عنه

  4. مجنون نسوان
    04/01/2016 at 01:44

    شوفي يااختي حنا ساعات نتمادى في المعاصي والذنوب ونستمر فيها تضيع عمرنا ونتناسى الخالق عزوجل ولانخشاه يكون هذاابتلاء منه عزوجل عشان نتوب ليه ونرجع لصراطه المستقيم وربي ارادلك الخير فبعت لك هذالشاب لكي يصلح من حالك ويجعلك بنت صالحة ويهديك على يديه لكنك اضعتيه من يديك ولم تحسنى التعامل معه ايه فيها لو تزوجك واقنعتيه يذهب ويخطبك من اهلك قعدتي تخترعي له الحجج الواهية وتقف في وجه كل الطرق للارتباط بك وتسديه امامه مماجعله يصرف النظر عنك ويحترم رغبتك في عدم الارتباط به ورجعت لحياةالضياع اللي كنت عليها سابقا ولم تستفيدي من تجارب الماضي ولم تعرفي طريق الخير الذي اراده الله مع ذلك الشاب فخسرتيه للابد بعنادك وتهورك وسيطرة الشيطان عليك ان كنت حقانادامةعلى تفريطك في الشاب وتريدي استعادته فعليك اولا بالتوبةالصادقة مع الله وتقلع عن كل الذنوب والمعاصي اللي انت عليها وتبحث عنه لعلك تجديه اوتعثري عليه وان تعذر ذلك ولم تفلحي في العثور عليه ادعي له بكل الخير والتوفيق من كل قلبك وربي يوفقك ويسترعليك

  5. بف بف
    04/01/2016 at 01:34

    و الله مشكل لكن أنت شخصيتك ضعيفة نوعا ما إقنعي نفسك انو هو لي لازم يجري وراك و انو هو لي بيسأل عليك هو الراجل مش انتي ازاي تسيبي نفسك تنزلي بكرامتك انت فتاة مش معقول خليك قوية و متماسكة و الأيام بتسبتلك إن كان رايدك في الحلال و لا لأ سيبيها على الله و لا تغضبي الله من أجل رجل فالله أولى بحبك له من الراجل ده كوني قوية و متمسكة أختى ولو بكيتي وضعفت خليك ابكي زي منتي عيزة كده كده تتعودي عفراقو ختى ولو بعد سنة من البكاء والله راح تتعودي دا كلام عن تجربة و الله ولي التوفيق

  6. أمجد عبد الوهاب
    03/01/2016 at 16:48

    بيحافظ عليا ولا بيهرب منى
    بسم الله الرحمن الرحيم – لا مش الصح إنك تكلميه – الصح إنك تركزي في حياتك وتبعدي الشيطان عنك واعلمي أنك لاتهمين أحدا على وجه الأرض إلا نفسك نفسك – حياتك حياتك واعجبتينى عندما قلتي : أنا كنت بقرأ- وأويدك في اتجاهك للقراءة والإطلاع ولو سألتيني لماذا أعارض إتصالك به أرد وأقول لك أنك لا تتسولي الإهتمام من أحد ولو أنه كان حريصا عليكي لكان داوم إتصاله بكي لكنه فضل البعد معللا بعده هذا بعدم إمكانياته في إتمام الإرتباط بك وهو عذر أقبح من ذنب أنتي لم تضلعيه في شئ وما سيواجهه مع أخرى من باب أولى يواجهه معك أنت – إيه هو هيتجوز واحده تعفيه من كل مسئولياته مثلا ؟ لا طبعا كان المفترض أن يظل بجانبك على الحلوة والمرة ومش كل حاجه الماديات لكن الحب الإفلاطوني الذي يتوهمه بعض الشباب بأن قراره بالإبتعاد عن رفيقته بسبب عدم مقدرته إيفائه بما يسعدها – كلام فاضي – دا عمل زى صاحب الحب العذري اللي شايف حبيبته تغرق أمام عينيه ولم ينقذها بسبب أنه لايريد أن يلمسها – كلام فارغ وسفسطة شباب فاضيه – يا أخي اللي هتعمله مع أخرى أعمله مع من يرتاح قلبك معها بس ومن قررت أنت الإتبعاد عنها لم تعضلك في شئ – اللي تقدر تجهزه جهزه والسلام – لكن المشكله أن محدش بيمنطق الأمور صح – قال أنا قررت الإبتعاد عنك بسبب أنني لا أستطيع إسعادك !!!!!!!!! ياسلام على الذبح على البارد
    كلام فارغ ولا أساس له من العقل والمنطق –
    لاأقول قصر ديل يا أزعر – ربنا معاكي ويوفقك إلى صاحب عقلية سليمة ورغبة حقيقية في الحياة ليسعدك وتسعديه وربنا يحميكي ويحرسك وينجيكي من كل شر

اترك رداً أو حلاً لهذه المشكلة