مشاكل الحب والزواج

اهلى موافقين عليه بس هو لسه صغير

انا بحب شاب من 3 سنين وهو كمان بيحبنى بس بعدين قال اننا لازم نبعد عشان لسه سنه صغير و مش هيعرف يتقدملى و انه مش عايز يربطنى بيه و افضل مستنياه . انا فى الاول اقتنعت بكلامه و بعدنا بس بعدها باسبوعين رجعلى تانى واستغل فرصه انى نجحت وعمل انه بيكلمنى عشان يباركلى بعدها قال انه مش قادر يبعد و انا فكرت انى مش عايزاه يفهم انى برفضه لو موافقتش نرجع لبعض فرجعنا و بعدها بشهرين قاللى احنا لازم نبعد عشان انا كده هدمر حياتك لو فضلت معاكى و معرفتش اتجوزك و انا كده بعلقك بيا اكتر وبعدنا و بعدها انا قلتله انى مش قادره استحمل اننا بعيد عن بعض و رجعنا لبعض تانى وفال لو مكنتيش انتى كلمتينى كنت انا هاجى واكلمك بس انا برضو شايف ان الصح اننا نبعد عشان انا ظروفى مش هتسمح اتقدملك دلوقتى و سنى صغير جدا .هو عنده عشرين سنه و اهله شايفين انه لسه صغير .بس انا فى يوم اصر اننا لازم نبعد و قال انا مش هغصبك على حاجه حددى انتى المعاد اللى عايزه نبعد فيه فى اليوم ده انا فضلت ابكى كتير و اهلى قلقوا عليا فحكتلهم كل حاجه .راح والدى قاللى انا معنديش مشكله تتخطبوا او حتى تتجوزوا و اصرف عليكوا بس هو يتقدم حتى لو مش معاه حاجه.و انا هديله الشقه و الشبكه و الجهاز وهعملكم الفرح بفلوسى وانه الولد كويس وليه مستقبله و محترم وابن ناس و كفايه انه مش عايز يعلقنى بيه و شايف انه غلط يكلمنى من ورا اهلى . المشكله ان اهل الولد شايفين انه لسه صغير حتى على خطوبه .و ان المواضيع دى بتحتاج فلوس وهما عايزينه يكبر ويشتغل و يتجوز من فلوسه مع ان هما اغنيا جدا و اكتر مننا غير انهم جوزوا اخوه بعد الكليه علطول يعنى اخوه اتجوز من قبل ما يشتغل اصلا . احنا لسه بنكلم بعض لغايه دلوقتى عشان انا محددتش معاد نبعد عن بعض فيه وكل يوم بابا بيكلمنى ويقلى انا عايزه يبقى جوزك و هطمن عليكى معاه ولو جه معهوش غير الهدوم اللى عليه انا موافق بس اللى انتوا فيه ده حرام وفى نفس الوقت مش عارفين تسيبوا بعض و انا لو جوزتك لحد غيره ولو بعد عشرين سنه عمرك ما هتنسيه و هتظلمى اللى اتجوزتيه و بيقلى حاولى تكلميه ان اهلك موافقين عليه و مستعدين يدوله كل حاجه بس هو يتقدم . انا مش عارفه اقول للولد ازاى ان اهلى موافقين عليه وهو فى نفس الوقت قايلى متقوليش لاهلك حاجه عننا عشان مش عايزك تبانى غلطانه قدامهم .غير ان اهله رافضين فكره انه يتقدم او يخطب لانه بالنسبالهم عيل ولسه صغير وان الموضوع مجرد افكار مراهقه . انا عارفه ان كلام والدى موثوق فيه عشان هو كان هيعمل كده مع جوز اختى لولا ان اهله ساعدوه وهو اشتغل ودبر اموره . انا بس نفسى نتخطب عشان مش عايزه نفضل مستخبيين كده ولا هو يفضل خايف ان اهله يعرفوا انه بيكلم بنت . كمان هو خايف يكلم اهله فى موضوع انه يتقدم او يخطب عشان هو اول مره كلمهم فيها عمل نفسه بيهزر و كلهم بهدلوه فخايف يكلمهم بجديه . بابا قال انه لو كلم اهله ممكن هو يتفاهم مع والده و يخليه يقبل .بس انا خايفه يفهموا ان انا رخيصه او اننا هنموت عليهم و كمان خايفه افتح الموضوع ده مع الولد يحس انى بحطه قدام امر واقع . اعمل ايه؟؟

مشاكل وحلول ذات صلة

اضيف بتاريخ: Thursday, March 3rd, 2016 في 14:18

كلمات مشاكل وحلول: , , , ,

ردود to “اهلى موافقين عليه بس هو لسه صغير”

  1. الفهدالاسود
    03/03/2016 at 21:00

    اختي للاسف تصرف ابوك وكلامه ده غلط كبيرجدافي حقك وحق اهلك كلهم باين ان ابوك راجل طيب وعلى نياته وماعرف شلون الحياة ماشية المفروض مايقولوش الكلام ده لك خالص ليه انت رخيصة للدرجة دية ولا بنت بايرة ماحدش عايزك اوهيتقدم ليك اسمحيلي طريقة ابوك مليون مرة خاطئة وتقولي كمان كان عاوزيعمل كدا مع عريس اختك اللي اكبرمنك انتي المفروض ترفضي الشاب ده مهماكانت اخلاقك وتربيتك وحبك له دوسي على قلبك وارفعي راسك لفوق اووي وحافظي على كرامتك وعزةنفسك اذا كان عاوزك فعلا يتقدم لااهلك ويجيب اهله معه عشان يخطبك رسمي غير كذا يفتح الله كل واحد يروح لحال سبيله انتهي كل شي اقطع علاقتك به تماما وللابد وتاكدي انه فعلا عيل صغير جدا وتافه كمان بلاشخصية ولا رجولة عنده مش عارف يقنع اهله اوياثر عليهم زيماكل الشباب بتعمل مع اهاليهايبقى ملوش لزمة خالص وصدقينى عمره مايسعدك ولايقدريصونك اويحافظ عليك النوعية دي من الشباب بعرفهاكويس تمام المعرفة عاوزك تظلي معاه على طول وهومحلك سر مش قادر يعملك حاجة اوحتى يقرر مصيرحياته مع الانسانة اللي تحبه شخص ضعيف الارادة مشلول التفكير فاقدالشي لايعطيه ابدا وحتى فعلا لوتزوجك هتبقى في نظراهله رخيصة اوي لانك انت واهلك جريت وراءهم وده ماحدش يرضاه لك ولا لااهلك الكرامة فوق كل شي دام اهله رافضين انه يتزوج لانه في نظرهم عيل صغير ومش قادرعلى تحمل اعباءالحياة والمسوليات فده كافي لقطع العلاقة معه نهاية وللابد واتمنى لك التوفيق والسعادة مع ابن الحلال اللي فعلا يستاهلك ويقدرك ويحافظ عليك ويسعدك في حياتك القادمة الف من يتمناكي ياقمورة

اترك رداً أو حلاً لهذه المشكلة