انا احب واحد معانا بالشغل وهوا يحبني هوا اجنبي كلمت اهلي انو يبا يخطبني بس اهلي رفضوا في البداية كذبت عليه وقلت انو اهلي موافقين انا سعودية وهو يمني
قدمت على معاملة زواج في الامارة بدون ما يدرون اهلي وبعدين اهلي عرفو بالموضوع قالولي وقفي المعاملة اجليها لبعدين مو وقتها ذحين قلت مقدر اوقفها لان المعاملة في الحكومه مو لعب امي قالت كمليها المهم كملتها من غير ابويا يدري طبعا امي اساسا رافضة الزواج بس لاني انا ابغى الولد فهي شبه موافقه ابويا ما ادري اذا موافق او لا لانو قابل الولد وتكلم معاه بس يقولي انا كلام ويقول للولد كلام يعني عندي يقولي الولد مو كويس ولما يكلم الولد يمدح فيه وذحين الولد يدق على ابويا وابويا ما يرد عليه وعصب عليا يحسب اني جالسه اكذب عليه باني اقول انو اهلي قابلين هالزواج بس مو مقتنعين لانو اجنبي المشكلة ذحين اذا ابويا رفض يكتب كتابنا بيصير ع الولد مشكلة كبيره وفيها سجن لانو يعتبر احتال ع الحكومه وانا ماني عارفه ايش اسوي تكفوووووووون ابي حل وربي بموت وماني عارفه ايش اسوي نفسيتي تعبانه والولد نفس الشي الله يخليكم سااااااعدوني …
مشاكل الحب والزواج
رفض اهلي لخطيبي بعد معاملة الزواج
اضيف بتاريخ: Saturday, September 3rd, 2016 في 14:46
كلمات مشاكل وحلول: الحب, الزواج, بنت, زواج, شاب
لو ان الشاب محترم وواثقه فيه وهو لديه اخلاق ويقدر يفتح بيت اتوكلى على الله وبلاش موضوع اجنبى ده لانه عنصرى وليس له علاقه بالدين والسعاده لاتعرف مكان ولازمان واليمنى بن اصل وقبيله ومايتعيب وانا معترض على الاخ السعودى اللى بيقول لازم الزواج من سعودى سبب التفرقه بين الامه العربيه والكراهيه هى التعالى من دول الخليج على الدول الفقيره ومش عايزين ندخل فى سياسه ربنا يوفقك لكل خير اهم حاجه تكونى متاكده منالشاب واخلاقه
اختي انت سعودية والشاب يمني لكن ماعرفتينا طبيعة تعارفك بالشاب ولا عن دينه واخلاقه واهله ناس كويسين اولا ومقدرته على تحمل اعباء الحياة الزوجية كلهذي الشروط مهمة جدا في الشخص اللي يتقدم لك وانت ماذكرتي منها شي سوى ان الشاب يحبك وانت تحبيه وهذاليس بكافي لاجل الارتباط به ياما شباب ضحكوا على بنات زيك كدا باسم الحب والمشاعر الكاذبة والعواطف المزيفة بل افضع من كدا فرطن في شرفهن وجلبنا العاروالفضائح لاانفسهن واهلهن تلاحقهم طوال العمر لاتتسرعي في اتخاذ القراروالغي المعاملة التي تقدمت بها للامارة لاجل الموافقة على زواجك من هذالشاب الاجنبي وتاكدي انه مااراد الزواج بك الا مصلحته الخاصة لكي يتاجر باسمك ويكسب الملايين بفتح محلات له ولجماعته مستغلا اسمك كمواطنة سعودية وعندما ينال كل مايريد وتتحسن احواله المالية يطلقك اويتزوج عليك بااخرى وصدقيني انني ابغا لك الخير والسعادة من كل قلبي لكن مع ابن الوطن السعودي اللي مهما لفيت ماتلاقي احن منه ولاكرم منه ابد ولن يستغلك اويلعب بمشاعرك اويهينك انت ولااهلك لانك بنت بلده وارجع واقلك ناظري البنات اللواتي تزوجن سعوديين واللواتي تزوجن اجانب وشوفي اوضاعهن وحياتهن وبعدها احكمي وهذا عن تجارب حقيقية شاهدتها بنفسي واعرف بنات سعوديات متزوجات من اجانب ذامصري ولاسوري ولايمنى ولااردني الخ واوضاعهن متردية سفور وانحلال وتبرج واختلاط وعادات دخيلة على مجتمعنا السعودي لايقرها دين ولااعراف ولاتقاليد بعكس البنات المتزوجات من سعوديين حياة سعيدة ومرتاحة ماديا ومعنويا ومحترمة ومحافظةعلى شرفها واخلاقها وتربيتها وعلى عادات المجتمع السعودي المحافظ والله يصلحك ويهديك ويسترعليك وكل اخواتنا المسلمات