مشاكل الحب والزواج

امه نجحت في تفريقنا بعد الحب والانتظار

انا كنت مخطوبه لابن اغلى واحده عندى ف الدنيا زى امى وحصلت مشاكل بنا وفشكلنا ومن بعدها شوفت كره الدنيا منها ليا ولمجرد ان خطيبى حب يرجع عشان عرف انه ظلمنى بقت تتصل تشتمنا واحنا اصلا بعيد عن اى كلام معاها وخطيبى سافر سنه ونصف وطلب منى استناه عشان هيصلح الموضوع ونرجع صدقته واستنيته مش هنكر عمل كل حاجة ترجعنا وهى كانت بتقول كلام عليا وحش كتير ومع ذلك كل صلاة استخاره لينا كانت بتخلينا نتماسك اكتر وكل مره نيأس ونبعد نرجع نتماسك ونطلب الحلال
جه نزل بعد السنه والنصف كانت عايزاه يخطب وهو رفض عشانى وهى بردو رافضه انها تخلينا نكمل
لحد اخر يومين ف اجازته هى خلت واحد يكلمنى ع الفون ع اساس انه عايز يخطبنى وقالى هاتى رقم والدك بعدت نفسى وقولتله اتعامل مع اخويا بالفعل كلم اخويا واكتشفت ف نفس اليوم انه ابن خالة خطيبى وهى اللى خلته يعمل كدا اخويا كلم خطيبى وقاله كدا غلط ووو مسافه ماقفل معاه لقيت ام الواد اللى كلمنى بتتصل تشتمنى باافظع الشتايم فضلت اقولها شكرا احتراما لخطيبى لحد ماقالتلى انتى كلبه بتجرى وراه قولتلها اساليه قالتلى يعنى هو اللى بيجرى وراكى خوديه بطوله قولتلها لانا رميت عضمة وهو جرى ورايا ولا هو كمان كدا عشان اجرى وراه فضلت تشتم وام خطيبى كلمت اخويا وشتمته وكل دا اخواتى ساكتين عشان هما ستات وكلمو اخو خطيبى الكبير ولا حياة لمن تنادى شايف اننا اللى غلطانين وخطيبى بيقول انه خدلى حقى ورجع بعتلى رساله انه زعلان انى قولت عليه كلب وخساره فيا اى حاجة جبهالى وانى مكنتش احلم باى حاجة منها من صدمتى مردتش وسكت وانتهت الحكايه وانا اقسم بالله دا ماحصل منى ولا عمرى اغلط ف راجل انا لو بعرف اغلط كنت غلطت فيها هى يمكن تشبيهى كان غلط مش عارفه بس مقولتش كلب دى وبردو دا من دا كتر غلطها فيا معقول ساب كل اللى حصل فيا وسمع كلامها انى شتمته معقول بعد كل السنين متحمله معاه وف الاخر يقولى كلامه دا
انا مش عاررفه انا مظلومة ولا ظالمه انا مصدومة فاللى حصل واهلى مش بتاع مشاكل لاحول لهم ولا قوة

مشاكل وحلول ذات صلة

اضيف بتاريخ: Wednesday, February 22nd, 2017 في 07:43

كلمات مشاكل وحلول: , , ,

2 رد to “امه نجحت في تفريقنا بعد الحب والانتظار”

  1. ابوالبتول
    03/03/2017 at 16:40

    يابنتي قرات مشكلتك بالكامل وقفت على كل ماذكرتي فيها وعايزك تسمغ كلامي واعتبريني زي والدك اللي خايف عليك ويهمه سعادتك في هذي الدنيا اولا- انت فتاة محترمة ومتربية وبنت ناس كويسين والف منو يتمناك زوجة له ثانيا- الست دي ام الواد ده ست غير مودبة ولامحترمة من اصله وكل كلامها وتصرفاتها معك توكد هذا واكثر من كدا ثالثا- عايزك تشتري كرامتك وسعادتك وتصرفي النظر والتفكير في الشاب ده نهاية حتى لوكان اخر راجل في الدنيا ماتفكري في الارتباط به رابعا – احذري من التساهل معه اوالكلام او المقابلات ارفضيه تماما ويكفى ماجرى لك ولااهلك من تصرفات وكلام امه وتاكدي ان ربنا بيكرمك بخيرمنه مليون مرة وبيغوض صبرك خيرا نشاالله

  2. بلبل
    02/03/2017 at 10:42

    إنتو النساء للأسف مريضات بتحاربو في بعض ، يعني أمه (إمراة) حاربتك (إنتي إمراة مثلها) ، وبالأخير بتلوموا الرجالة هههههههههه

    اللهم اضرب الظالمين بالظالمين

اترك رداً أو حلاً لهذه المشكلة