مشاكل الحب والزواج

مشكلتي مع خطيبتي(زوجتي) وحبيبها السابق هتقتلني

تقدمت اليها ولم اكن اعرفها من قبل أطمأن قلبي لها و ارتحت جدا للجلوس معها في زيارتي الاولي و في زيارتي التانيه تأكدت من مشاعري نحوها واحسسنت اني وجدت الانسانه التي كنت ابحث عنها وتعلق بها قلبي ونويت ان اخبر والدها بترحابي باتمام زواجي منها. فاذا بها تخبرني بما اسمعه في الافلام والمسلسلات فقد تقدم لها شاب قبلي بسنتين وجلس معها مرتين و بعد ان وافق الاهل عليه ووافقت هي اخبروه بمعاوده القدوم بعد ان تنهي دراستها الجامعيه وفي هذه الفتره كانت تسأل عنه فعلمت عنه الاخلاق الحميده و التدين والاحترام بين الناس فتعلقت به واحبته دون ان تتكلم معه او تعرفه عن قرب وحتي صورته فلم تتذكرها فلم تراه الا مرتين فقط…ومرت سنه بهذا الوضع ثم عاود التقدم لاتمام الزفاف واذا باهلها يرفضونه رفضا قاطعا ويقسم الاب بأغلظ الايمان انها لن تتزوجه فأقسمت هي الاخري انها لن تتزوجه ولن تتزوج غيره وظلت المسكينه في حاله من البكاء و الحزن وقلبها مكسور سنه او اكثر وتدمرت علاقتها بوالدها لابعد الحدود فلم يعد الود كما كان من قبل,,, عندما رأيتها رأت فيه ترحابي بها وترحاب اهلها بي الشديد فهم من قريه ولا تستطيع ان تقف امام اهلها فكانت بي مواصفات العريس الجيد(عمل مناسب – عيله محترمه معروفه – وسامه – علي درجه من الخلق والتدين ولله الحمد) فلم تستطع ان ترفضني ولم تستطع ان ترتبط بي وقلبها لغيري فأخبرتني بهذا السر لأرفض انا ويكون سبب الرفض مني انا.وفعلا ذهبت وانطلقت من بيتها عازما عدم العوده مره اخري..وفي طريقي لمنزلي كدت ابكي لما حدث لي فتصلت بوالدها وطلبت منه محادثه ابنته لاني نسيت ان اخبرها شيئا هاما..كلمتني فقلت لها (ليه عملتي كده كان ممكن تخليني بكلامك امشي لوحدي وليه اظهرتي ليا حسن خلقك وخلتيني ارجعلك واشوفك تاني) دخلت غرفتها وطلبت مني رقم هاتفي للاتصال بي وتوضيح الامر ..اتصلت بي في اليوم التالي صباحا فبادرتها بالاعتزار لاتصالي لاني كنت في حاله نفسيه صعبه واعرض عليها مساعدتي لها بمحاولتي اقناع الاهل فرفضت وتعددت الاتصالات بيننا لاربعه اشهر تقريبا فتاره تخبرني بمشكله تمر بها هي او احد صديقاتها وتطلب مني النصيحه وتاره اخبرها انا واخببرتني انها تحب الكلام معي واني عندما اتحدث معها اخرجها مما هي فيه من حزن وألم .الي ان جاء يوما قالتلي(اكون سعيده لو ارتبطت بيك) عندها اتصلت بوالدها وتمت خطبتنا وكتب كتابنا في شهر دون اي مشاكل .تطلب مني كثيرا زيارتها والجلوس معها ونتكلم في التليفون طويلا وتصطنع المواقف حتي تجعلني ازورها اكثر من المعتاد بالنسبه لي وترسل لي رسايل حب وغرام وهيام وعشق //الان وهي خطيبتي او زوجتي لا استطيع نسيان ماحدث ويكاد يتوقف قلبي كلما تذكرت ان زوجتي الحبيبه كانت تحب انسانا قبلي وتريده زوجا لها وافكر احيانا انها كانت تتمناه وعندما فقدت الامل فيه وافقت علي انا ..الان هي خطيبتي (زوجتي) منذ بضعه اشهر وفي طريقنا للزفاف ..اخاف ان اظلمها بعد زواجي منها بتفكيري في هذا الموضوع و أسأل نفسي هل نسيته فعلا وتحبني ؟هل احبتني انا اكثر ام هو اكثر؟؟هل سقارن بيني وبينه؟؟هل اذا اختلفنا يوما هل سيراودها تفكير ان ذاك الشخص كان افضل مني؟؟هل سأستطيع ان انسي هذا واعيش حياه عاديه مع زوجتي الحبيبه وخصوصا اني غيووووووووور لابعد الحدود…//ام من الافضل ان اتركها واجرح نفسي واجرحها ولا اضمن ان اجد من احبها ولا اضمن ان انساها يوما فربما اذا طلقتها اندم اشد الندم علي فراقها .وربما اندم اذا تزوجتها لعدم راحتي ممكا حدث/فاتحتها في هذا الموضوع واكدلتي انها تحبني حبا شديدا و اذا وضعت في اختيار بييننا فستختارني بدون تفكير(ماهي لازم هتقول كده)..اخبروني بالله عليكم و ساعدوني انا في عذاب ولا استطيع اتخاذ القرار

مشاكل وحلول ذات صلة

اضيف بتاريخ: Friday, December 3rd, 2010 في 06:17

كلمات مشاكل وحلول: , , , , ,

12 رد to “مشكلتي مع خطيبتي(زوجتي) وحبيبها السابق هتقتلني”

  1. فيصل
    26/07/2018 at 14:01

    نتفهم الغيرة و انك تريدها لك منذ ولادتها اخي انا ساوجيبك على بطرح سؤال واحد هل كنت حاضر معها في ماضيها حتى تحاسبها انت لم تكن موجود اخي و من هنا انطلق معك لاقول لك ان التجوال في ماضيها نقص في العقل و ان الحب مشاعر تبنى بالاهتمام وانا جميع ما يشاع ان حب اذ وقع فانه ابدي

  2. محمد شهريار
    03/01/2011 at 15:34

    الموضوع بسيط جدا يا اخى
    الحب والحنان والله بينسوا كل اسوه
    اديها حبك وهتلاقى منك كل حنان
    ومن يتق الله يجعل له مخرجا ويرزقه من حيث لايحتسب
    ومن يتوكل على الله فهو حسبه

  3. صاحب المشكله
    10/12/2010 at 05:47

    اشكركم جميعا علي ردودكم المريحه واشكر سوسو والنمر الاسمر ونيمران فعلا ايها النمر الاسمر انا محتاج حد يشخط فيا كده عشان اعقل لاني في فتره تفكيرك فيها مجنون وفكر بغير عقلانيه صحيح الواحد صعب انه يلاقي زيها تاني ….وانتي يا اخت نيمران انا فكرت كتير في كلامك لقيته فعلا عقلاني ومقنع جدا بس انا دي اول مره احب فيها احس بكده ةخطيبتي بتحبني لابعد الحدود لو قرأت لكم رسايل الموبيايل عندي هتشوفو رسايل العشق اللي علي اصوله .. زي ماكون لقيت الانسانه اللي كنت بدور عليها من زماااان واخيرا بقت معايا ومن شده حبي لها بفكر في كده ومنغصه عليا سعادتي بها..كنت اتمني انها تكون صافيه ليا.. فعلا انا غبي جدا لاني بفكر في كده لانها اصبحت الان ملكي انا وحدي وحاسس اني هكون اغبي لو تزوجتها وانا جوايا الاحاسيس دي هتكون عيشتي جحيم وعيشتها ومش هقدر انسي اللي حصل –كانت بتقولي زمان وانا بكلمها قبل الخطوبه انها قعدت مع واحده صاحبتها وقالتلها لما تتخطبي هتنسي الاولاني ده خالص و ليا كزا واحده تعرفهم حصل لها نفس الشئ كانت عايزه واحد ولما اتخطبت لغيره نسيت الاول خالص وحبت خطيبها جدا….ارجوكم ساعدوني بردودكم انا تعبان فعلا

  4. نيـــــــــمران
    09/12/2010 at 10:59

    حكمى سيكون قاسيا .. انت غيور حدا كما تقول , وتعيش فى عذاب , والشك سيقتللك .. كل هذا وانت لا تزال فى مرحلة الخطوبه وهى المرحله التى يستطيع فيها الانسان ان ينسى للطرف الثانى كل اساءه بدافع الحب , ولكن الاعراض التى تتحدث عنها ظهرت معك من الان فماذا سيكون بعد الزواج . هذاالزواج عنوانه جحيم الى الابد .. قد يدفعك الشك والغيره بعد الزواج الى ما لا يحمد عقباه لانك ستتحدث معها كثيرا فى هذا الامر بعد الزواج وستحدث مشادات كثيره بينك وبينها لانها لن تتحمل هى الكلام فى هذا الموضوع كثيرا وقد تفقد اعصابك وتقدم على تصرف تكون نتيجته ضياع كل شىء .. ان اقل ما يمكن ان نتوقعه لهذه الزيجه هى الفشل والطلاق فى افرب وقت . صحيح انك يمكن ان تعانى بعض الالم اذا ابتعدت عنها الان ولكن سياتى اليوم الذى تنسى فيه هذه الفتاه وسيرزقك الله بغيرها تسعدك وتملا حياتك بالبهجه ولا تنسى المثل الشعبى (الباب اللى يجيلك منه الريح سده واستريح ).. وربنا يوفقك .

  5. ام حبيبة
    06/12/2010 at 22:24

    اتخيلى انك معك جوهرة اهتم بيها وحافظ عليها ولا تجعل الهواجس تعكر صفوة حياتك القادمة

    ربة منزل

  6. الصقر الجريئ
    06/12/2010 at 19:00

    يا اخي الحبيب
    لا تجعل ماضيك او ماضيها يكون سببا في تعاسة اي منكما
    فماضيها ملك لها طالما لم تغضب ربها ، وماضيك ملك لك طالما لم تغضب ربك وليس لك حق محاسبتها عن ماضيها
    لك الحق ان تغضب وتفكر ان كانت قد اقدمت على ذلك وهي مخطوبة لك
    ويا اخي لو انك رايت تفاحة رائعة وجميله ولكن بها جزء معطوب فماذا تفعل ؟؟؟ ستقوم برمي الجزء المعطوب وتأخذ الباقي
    سلامي لك

  7. عبد الله
    06/12/2010 at 03:41

    صلى استخاره لله باستمرار
    اذا سألت فاسأل الله وأذا استعنت فاستعن بالله .

  8. magdy
    04/12/2010 at 11:31

    خير الكلام ما قل ودل
    توكل على الله ولا تضيع انسانه بهذا الوصف من بين يديك
    واترك الماضى لانه لن يسعدك ابدا وليس فيه ما يخذلك

  9. النمر الأسمر
    03/12/2010 at 17:13

    شوف انا مش هقولك غير يا بني ادم انت افهم انت غاوي تتعس نفسك بأيدك ولا ايه البنت دي فعلاً بتحبك ركز في تسلسل الاحداث الدقيقة اللي انت قولتها هي قالت لك وده والله العظيم مجرد تعلق بنات بأول راجل جاي يتقدم لها ونسجة احلامها بناء عليه وده كل البنات بتمر بيه وبتشوفه انه لا قبله ولا بعده لكن انت اخلاقك وادبك وجنتلتك في الحديث والكلام خليتها تشوف نموذج الراجل الحقيقي واللي لمسته بجد مش مجرد تخيلته هي لا كلمت الراجل الاول ولا قعدوا سوا ولا خرجوا تقدر تقولي هي حبيته بناء علي ايه ؟؟؟؟ شكله انا متأكد انك عندها اروع واجمل منه بس انت معاك اللي هو مقدرش عليه واللي هي حبيته فيك رجولتك بموقفك معاها وهي اخدت القرار من داخلها وتأكد انها محااااااااااااال تشوف حد غيرك
    اسمحلي اقولك عشان انت صعبان عليا انت غبي قوي قوي قوي
    بتحبك والله البنت دي بتحبك وبتحبك بجد وقوي هو حد يطول يا بني آدم يرتبط ببنت صادقة وطيبة بالشكل ده
    المشكلة فيك مش عندها وخد في بالك الست مش بتنسي الراجل اللي بيلمسها اولا خاصة لو كانت بتحبه زي حضرتك مش اللي بيحبها اولا ولا حتي كلمته هي عارفة وحاورت نفسها قبل ما تقرر وده بالنسبة لك كان افضل لو مش قالت لك وبعدها انت عرفت مكنتش هتقدرها
    قدر الجوهرة اللي في ايدك واتقي الله فيها ومش تخلي الشيطان يوس وس لك بعد كده هو عارف انك بتحبها قوي بس افتكر انها بتحبك اكتر منك يا كبيييييييييييير

  10. soso
    03/12/2010 at 12:38

    يا اخي العزيز انا هكلمك لاني بنت زيها ممكن الواحده مننا تتعلق بواحد وتعجب بيه بمجرد ان مافيش واحد تاني يملي فراغها مثلا وبعدين علي ما اظن ان حبها الاول مش حب حقيقي وكامل بالمعني المعروف للحب هو كان لمجرد اعجاب فقط لا غير وعلي فكرة احنا كبشر سواء ولد ولا بنت بنمر بتجارب علشان نعرف بعد كده قيمة الحاجه ال هنملكها طول العمر هي زي ما انت بتقول حبته بس حب اكيد من طرف واحد واحنا كبنات لما بنفكر في الحب الفاشل بنراجع انفسنا وبنفكر صح وهي فكرت صح هي حبيتك وانا عندي احساس كبير جدا انها بتحبك بجد ومن قلبها اكتر منه لاني بجد حاسه بيها وكمان انت شاب كويس واهلها موافقين وبتحبها وبترتحلها واحنا كبنات مش عايزين اكتر من كده حب وحنان واهتمام وحياة زوجيه مستقرة وهادئه ……… بس المشكله دلوقتي فيك انت ليه بتفكر فيه دلوقتي بعد ما ارتبط بيها وكمان كتب كتاب ليه مافكرتش كويس قبلها علشان ماتظلمهاش ولا تظلم نفسك بس احب اقولك انك انت ال تاعب نفسك وعلي فكرة مافيش بنت في الدنيا ديه مامرتش بتجارب الكل مر بتجارب وفيه بنات بتحكي وفيه بنات بتنكر هي وثقت فيك وحكتلك يعني المفروض تحترمها وماتخليهاش تندم انها صارحتك بال جواها بجد انا مش هقولك سيبها علشان ماينفعش تسيبها علشان هي حبيتك بجد وانا حاسه بكده وانت كمان بتحبها يبقي المفروض انت ال تنسي الماضي وماتحاولش تفكرها كل شويا منعا للمشاكل انسي علشان تريح بالك زي ماهي نسيت عيش حياتك معاها كانك ماتعرفش الماضي وعيش حياتك وانسي وربنا يسعدك ويسعدها ……..

  11. حسن الدمياطى
    03/12/2010 at 11:29

    بجد انتا عجيب” انتا مكنتش عارف انك هتحس بكل ده ابل كده ؟فى اساله كتير اوى هدور فى دماغك زى يا ترى لما اكون معاها فى وضع الزوجيه هتحسنى انا ولاهوه ؟؟؟؟؟؟؟؟كفايه الاحساس ده يأتلك”””” انتا من المفروض انك كنت تبعد انتا دلواتى ساعتها على اجتياز الازمه لكنك من غير متحس حطيت نفسك فى ازمه”اكيد هتالك نسيتو والكلام ده مينفعش تالك اااااه فكرا وكده وهيه على زمتك “لكنها مش غلطانه انتا الى غلط ” لكنى هريحك والك انها هتنساه بس كله بايدك انتا ومعملتك ليها واكيد انتا هتحس ان كانت نسته اولا اعمل اختبارات لها ابل الدخله بس اوعه تديقها خليك ديمن الافضل ولاحسن هوه دا الحل واكيد هتحبك اكتر بكتير من التانى واكيد هتكون فكراه بس فكراه كمجرد طيف وعدا انما انتا هتكون الى مستحوز عليها كاملا البها وعقلها ومشعرها لاكن كل ده هياخد وقت ونتا وشطرتك بس مش اقل من سنه من الجواز وزى ما التلك انتا وشطرتك ” لو بتحبها بجد اعمل الى انا التهولك واكيد انتا هتحس منها انها اصبحت ليك كامله مكمله حسن المعمله للمراه كفيل انها نسه ابوهه وتحبك انتا ” ولو سبتها هتكون ظلمتها وحتماااااااال كبير يحصلها حاجه لان خبتطين ف الراص توجع وظلمت نفسك ” ونتا ما على تدور على وحده تنيه وتحبها وتحبك رببنا يدليك طولت العمر “ولو اتجوزت وحده تنيه ايه دراااااااااااك انها مكنتش على علاقه بواحد تانى وباااااس وعمل الى هوه عيزه ونتا شربتها ” اتوكل على الله فى البنت الى معاك ربنا عاوز كده عشان تفضل انتا تحبها العمر كله وخايف انك متكونش احسن من الى فات ” وهيه كمان هتفضل شيلاها جميل انك وافت جمبها + انا هتحبك اوى اوى اوى اوى اوى ونتا ومعملتك ليها متنسااااش والف الف مبروك ومتحطش فى دماغك لان الاكله الحلوه مينسكاش طعمها الا الاكله الى احلا منا خليك انتا الطعم الجديد الاحلا يلا سلام

  12. حل
    03/12/2010 at 11:24

    كانت تعرف رجل
    ورفضه اهلها ووجدت البديل المناسب
    شكلها حسمت امرهاواختارتك
    بقي عليك التعامل مع الماضي وهو مكشوف امامك
    يا اما تنسي وتعيش ، يا اما يتغلب عليك شكك
    هي اختارت من تريد ، هل ستختار انت من تريد ام تجلس تبكي
    وفقك الله

اترك رداً أو حلاً لهذه المشكلة