انا بنوتة عندي 24 سنة بحب واحد كان معايا من ايام الجامعة و هو كمان بيحبني المشكلة انه من بلد ارياف شوية و انا من القاهرة الموضوع ده عامل لي ازمة لخوفي من اختلاف الحياة بين هنا و هنا و كمان انا مش عايزة اسكن هناك ولا اهلى موافقين اسكن هناك هو لسة متقدمش بشكل رسمي بس يعتبر العيلتين عارفين الموضوع هو لسة في بداية حياته خالص و معندش امكانية يجيب شقة بره البلد حتي لو ايجار لان اهله كمان قالوله ماينفعش يبقى عندك شقة تمليك و تروح برة تجيب ايجار هو اقتنع اننا نسكن برة بس مش في بداية الجواز و ساب المدة مفتوحة يعني ممكن بعد 10 سنين او اكتر عشان نعرف نسكن برة وانا مش حابة كده ولا اهلي لانهم بيقولولي ساعتها هتبقي اتجوزتي و رضيتي تقعدي هناك يبقى ليه بقى هيفكر يغير المكان ؟؟ انا مقتنعة جدا بالكلام ده و قولتهوله و هو بيوعدني انه بعد كده هنسكن برة بس بردو مهما كان مفيش ضمانات و الفكرة نفسها انا مش مقتنعة بيها لاني مش عايزة هناك خالص .. دلوقتي انا مش عارفة اعمل ايه مش قادرة اسيب حب عمري ولا قادرة انساه بعد محاولات كتيرة للبعد والنسيان و كله فشل انا و هو بالعقل عارفين ان الموضوع مش نافع لكن بردو مش عارفين نبعد عن بعض و موضوع الشقة عامل عقبة كبيرة للموضوعنا لانه لو اتقدم بيها الشقة هتترفض و هيكون مطلوب منه شقة تانية بس مش شرط تكون تمليك نفسي الاقي حل و مش عارفة
لاما فى مشكلة ولا راح يكون طالما انتى بتحبية وهو بيحبك والحيرة هنا مش بين حبك وقناعاتك انتى واهلك المشكلة هنا هل انتى اهل للارياف هل هو اهل للمدينة الفكرة فى الاتباط مبنية على اسا س التكافئ والتكاتف فى امور تاخذ بالعقل وامور تاخذ بالحدث وامور تاخذ بالحكمة وامور تاخذ بالفطرة وامور تاخذ بالقلب انتى حاولى تعددى لية مزايا المدينة والخير الا راح ينهل منة اولادكم فما بعد حينما تشاهدونهم يكبرون فى جو نظيف وتعليم وسمترية يندى لها الجبين جمع الله بينكم فى الخير ورزقكم راحة البال واستقامة الحال وعوضكم عن الحيرة سداد الراى وحسن الماّّّل
شوفي يااختي المراة تتبع زوجهاوين ماراح وين ماعاش دام الشاب يحبك وفعلا شاريك بالغالي فماتخلي الحاجات الهايفة حجرعثرةفي طريق سعادتكماابدا وصدقينى اهل الريف ناس بسطاءوكرام واهل تخوةوشهامةومروة احسن من اهل مصروالمدن الكبرى توكل على الله وتزوج من الانسان اللي اختاره قلبك وربنابيكرمه نشاءالله ويلاقي شغل في القاهرة وتشوفوا لكم شقة هناك وتعيشوا فيها وربنايجعله من نصيبك وتلاقي السعادةوراحةالبال معه باذن الله
اولا :– لو عاوزه حل بجد للمشكله دى يبئى لازم تفهمى الفرق بين الريف والعاصمه الاول عشان تعرفى تحلى مشكلتك بنفسك
ثانيا :- ابن الريف بيحبك واهلو موافقين مش لانو بيحبك لاكن موافقين عشان انتى من القاهره وهو من الريف وده بالنسبالهم ملوش اى تفسير غير ان ابننا هيتجوز بنت من القاهره
ثالثا :– تقاليد الريف مختلفه اختلاف كلى وجزئى عن المدن وبالذات المدن الكبيره كالقاهره والاسكندريه مثلا فالعادات مختلفه تماما
رابعا :– حبيبك اتحط فى موقف لن يستطيع الخروج منو ابدا — اتحط ما بين حب وما بين اهل — لو اتخلى عن حبو هيكسب اهلو ولو اتخلى عن اهلو هيكسب حب ويخسر مستقبلو — معادله كده صعبه شويه
المعادله دى تكمن فى اهلو زمانهم شغالين عليه بئى من اولها كده عاوزه تاخدك مننا وفى الريف بئى الراجل لما يتجوز فى المكان الى فيه مراتو عيب جدا والمشكل كمان ان حالتو الماديه لا تسمح لايجار شقه ولا حتى للمصاريف لانك قلتى انو غير ميسور
رابعا وخلاصة الكلام :—-هو مفيش غير حل واحد هو الى ممكن يوفق جميع الاطراف يتمم حبو ويرضى اهلو — هو انو يشوفلو شغل فى القاهره بكده اكيد لازم هيشوف شقه فى القاهره وبكده اهلو مش هيمانعو لانه اتجوز فى المكان الى فيه شغلو — غير كده المعادله دى مستحيل تتحل — غير كده انتى كمان مستحيل هتتأقلمى مع وضع الريف ومع الايام هتخسرى حبك وهتخسرى نفسك — يبئى الاول قبل اى حاجه لازم يكونلو وظيفه فى القاهره عشان يلبى رغبتكو ويتم الزواج — اما حكايه انو مع الايام هيجبلك شقه انسى الموضوع ده نهائى لان بعد الزواج بتكتر مشاكل الحياه من مصاريف وسكن و اطفال ومفيش اى فلوس بتتوفر اصلا بعد الزواج وبكده انتى مش هتستحملى لانك حطه فى دماغك انو بعد الزواج هتنتقلو للقاهره وده مش هيحصل وقتها هتحصل مشاكل كتير انتى دلوقت فى غنى عنها —
ان كنتي تحبيه من صدق حتعيش معاه وين ما كان يعني مش عتخلي موضوع الشقه يقف حاجز امام حبكم وارتباطكم
انا هقول كلمتين وبس
اللى بيحب حد يسكن معاة انشالله فى عشة.
دة رأيي الشخصى فى الحب