مشاكل الحب والزواج

حبيبي يقترح عليا الزواج العرفي

انا بنت عندى 17 سنه في 2 ثانوى بحب واحد عندة 21 سنه ولسة بيدرس في كلية وهو بيحبنى اوى واتقدملى كذا مرة واهلى رفضوا ومش موافقين علية الان بابا عاوزنى لابن عمى وانا مبحبهوش ومش عاوزة انا بحب حبيبي بجد بحبه اوى ومقدرش ابعد عنوهو كمان وبدا يفتح معايا موضوع الجواز العرفى وانا رفضت وهو بيقولى ان مفيش حل غير كدا اهلك مش مموافقيين علية ولازم نتجوز كدة ونحطهم قدام الامر الواقع لكن انا برفض لانى مينفعش اعمل كدة من وراة اهلى ومينفعش اتجوز بالطريقة دى وبردو اهلى مش موافقيين علية ارجوكمممم عاوزة حل انا مش عارفة اعمل اية مع اهلى

مشاكل وحلول ذات صلة

اضيف بتاريخ: Monday, February 16th, 2015 في 00:10

كلمات مشاكل وحلول: , , ,

7 رد to “حبيبي يقترح عليا الزواج العرفي”

  1. waelgharam
    03/03/2015 at 16:36

    أنا عايز أقولك حاجه مهمة جداا إخواني نسيو يقولوهالك
    الأب والأم عمرهم ماهايرضو ليكي شر أبداا
    ولما تتزوجي وتخلفي هاتعرفي قيمة أبوكي وأمك جيداا وكل كلمة هايقولوهالك هاتكون من قلبهم ومش هاتلاقي في الدنيا دي حد بيحبك ويخاف عليكي أكثر من نفسه مثلهم فأنصحك بأنك تكوني معاهم في كل حاجه حتى لو كان مخالف لرأيك .
    وممكن تسأليهم عن السبب بهدوء جداا وتحاولي تقربي وجهات النظر
    ولابد من البعد عن موضوع الزواج العرفي لأنه كارثه وهذا الشخص لو بيخاف عليكي ماكنش قال كده لأنه مش هايخسر شيء إنتي اللي هاتخسري

  2. نسمات الأمل
    28/02/2015 at 03:17

    أختي الكريمة انتي لسا بعمر المراهقة و هذه هي أيام الحب و المشاعر الفياضة و لكنها بنفس الوقت أيام الأغلاط الكبرى في الحياة و خصوصا‏” البنات ‏….و مشكلة الحب أنه الاندفاع العاطفي الذي يعمي العقول و العيون و الفكر ‏…..و لكن دعينا نفكر سوية..‏ لم تتزوج فتاة دون رضى أهلها إلا و ندمت فيما بعد أشد الندم ‏..‏ فمن باع نفسه بالرخيص سيبقى رخيصا و من باع نفسه بالغالي سيبقى غاليا‏” ‏..الحب في فترة المراهقة ضياع و وهم و قصص الأفلام و المسلسلات حطوها ليخربو عقول الشباب و البنات و لا تصدقي أن أي شاب مهما كان جادا‏” سيحترمك إن تركتي أهلك و ذهبتي معه و سيرميكي رخيصة مثلما ذهبتي معه رخيصة و لن تستطيعي الرجوع لأهلك بعدها و ستندمين ساعة لا ينفع الندم ‏….كل ما يخالف الطبعة و الأعراف فهو غلط و خليكي ماشية ضمن العرف العام و انتي الكسبانة

  3. عـــــــابــر سـبــيـــــل
    18/02/2015 at 11:37

    افترضنا سمعتي كلامو وبعدين حصل انو سابك ولا طفش ولا مات حتي
    هتقولي لاهلك ايه او حتي هتوجهيهم اذاي ولو كانو صعايذ\ده ثلا يبقا الله يرحمك
    بصي يابنت الناس ده حب مراهقه ومتسمعيش كلام الاخ ده وحاولي تقطعي علاقتك بيه لييييه بقاا علشان العلاقه دي انكتبلها الفشل وعدم الاستمرار واولها رفض اهلك ليه نصيحه ارجعي ومتكمليش

  4. العاشق
    16/02/2015 at 23:26

    ايه فايدةالتعليم اذاكنت مش عارفه ان الزواج العرفي حرام شرعالايجوز وهوكالزنا لانه مخالف لشرع الله عزوجل اوعك توافق الشاب على مايطلبه منك لاجل ماتجلب العارلاهلك وترخصي نفسك وتفرطي في شرفك لاجل واد سافل وحقير قوليله في وشه هل ترضى اختك تتزوج واحد زواج عرفي وشوفي حيقلك ايه ولا ردةفعله اكيد بيرفض طبعا ولكنه يرضهالك لانوشافك رخيصة اوووووووووووووي وينضحك عليك بكل سهولة ابعدي عنه نهايا وسمع كلام ابوك وماتخرجي عن شوره ابدا ابن عمك اولى بك من الغريب عل الاقل لحمك ودمك وهيصون كرامتك وشرفك ربي يهديك ويصلح حالك

  5. abdo
    16/02/2015 at 13:26

    اياكى ان تفعلى هزا هتجيبى العار لاهلك ولنفسك والشخص دا لسه بيدرس يعنى بياخد مصروفه من مامته والجواز مسؤليه ابعدى عن هزا الشخص وانسيه وايام كفيله ان تنسيه واحترمى كلام اهلك هما ادرى بمصلحتك وحافظى على نفسك وشرفك

  6. Soooo
    16/02/2015 at 02:49

    أوعي تتجوزي عرفي لعده أسباب وهي :
    ‏١- هتندمي طول حياتك وحقك هيضيع وسط المحاكم
    ‏٢- هترخصي من نفسك قدامه وهيستهتر بيكي ولو حصلت بينكم مشاكل هيهينك لأنه عارف أنك ملكيش ضهر
    ‏٣- بعد الجواز العرفي لو حطيتي ابوكي قدام الأمر الواقع وخلتيه يجوزك حبيبك رسمي وحصلت بينكم مشاكل أبوكي هيقولك مش ده أختيارك أشربي
    ‏٤- أبوكي مايستهلش اللي هاتعمليه فيه متحطيش راسه في الارض خليكي نبيهه
    ٥- أبوكي أكيد له وجهه نظر في رفضه لحبيبك أنتي مبتحبيش أبن عمك عشان مش مديه نفسك الفرصه وحاطه الرفض الحل الوحيد
    ‏٥- مبتسمعيش عن فضايح الجواز العرفي تتخيلي أنك في يوم تقفي قدام المحكمه عشان تثبتي أنك متجوزه ولا تجيبي اسم لأبنك ده غير الفضايح اللي هاتعمليها لنفسك

  7. NONA
    16/02/2015 at 01:27

    صلى استخاره

اترك رداً أو حلاً لهذه المشكلة