مرحبا…
شاب جار بيت سيدي و ستي بيحبني من زمان و أنا بحبو بس بالرغم من هيك كل مره كان يحكيلي فيها أنو بيحبني و يصرح عن مشاعرو كنت بصدو و ببهدلو و ما بعطيه فرصه، أبل فتره بعت لي مسج ع الفيس بوك تبعي و هون حسيت أنو أخر فرصة لإلي و ممكن بعدها ما يرجع يحاول يتواصل معي، المهم رديت ع المسج و بلشنا نتراسل ع الفيس حكي عادي و بعد 3 أيام رجع و أعترف لي بحبو و أنا حكيت لو أنو لازم نعطي فرصة لبعض حتى نتعرف ع بعض أكتر و أني ما بعرف شخصيتو بعد ما كبرنا منيح أنا بس بعرف الطفل الصغير الي كنت بلعب معو واحنا صغار، رضي بقراري أنو يكون تواصلنا مجرد أصدقاء في أول فترة مع أنو مو هاد الي بدو اياه، بعد أسبوعين من التواصل المستمر و بعد ما حاولت أجمع أكبر قدر من المعلومات عنو حسيت أنو مش هوه الشب الي بيناسبني و بحلم فيه نظرتو للحياة مختلفة تماما، أنا عندي طموحات كبيرة بحياتي من الناحية العلمية و هوه عكسي، كتير بهتم بتصرفات الإنسان و أخلاقو و بصراحة ما بحب بعض الكلمات الي بيستعملها، مشان هيك خلص ما صرت أرد ع مسجاتو مع أنو ألبي بيحترق من جوا بس مش حابه أضل أحكي معو و خليه يتعلأ بيا و أنا عارفه أنو أحنا ما بناسب بعض… ألبي ملهوف له
بدي نصيحتكم شو أعمل؟ أرجع أحكي معو و أنا عارفه أنو ما بيناسبني ولا ضل عامله حالي مش فارق معي و مطنشه؟
الحب يااختاه لابد فيه من العطاء ولأ مكان للانانية فيه اذا كنت تحبينه حبا حقيقياً فحاولي نصحه ليتغير بدلاً من تركه معذبا وانت تتعذبين معه فلو خسرته ستندمين حيث لايفيد الندم