أنا كتبت عن مشكلتي قبل كده ، و حالياً رجعت اكتب عنها تاني لأن في حاجات كتير جدت و اتغيرت.
أنا طالبة في كلية و كليتي 6 سنين ، اتعرفت على شخص في سنة أولى كان بيمر بظروف صعبة وقتها و كانت أخته متوفية ، و معرفته بيا كان سببها إني شاف فيا حاجة منها. بعد ما كان منغلق على نفسه نتيجة حزنه عليها بدأ يتغير و بدأ يحكيلي عن نفسه و يحاول بثبتلي إن الشخص ده مش هو شخصيته الطبيعية و أنا كنت قادرة أشوف ده بوضوح جداً. كان أسلوب تعامله معايا مختلف تماماً عن تعامله مع أي بنت تانية. بياخد باله من تصرفاته معايا لأنه عارف إني عندي مبادئ و كل حاجة بقولها لمامتي ، فكون إننا قريببن ده ميمنعش إن يكون في بينا حدود و لحد دلوقتي بعد سنتين من الفترة دي ، يمكن قربنا زاد و عرفنا بعد أكتر بس معرفتي بيه كانت دايماً جوة حدود الكلية.
طول فترة معرفتنا لبعض كان متقلب جداً معايا، فترات يقرب أوي و فترات يبعد تماماً ، مكنتش قادرة أفهم ليه بيعمل كده و أفتكر إنه مرة قالي إنه مش عايز يتعلق بحد بعد أخته فغصب عنه بيبعد الناس عنه. فأنا كنت بحاول أديله مساحته دايماً.
السنة إللي فاتت هو قرر إنه يسافر برة عشان كان عايز يحول الجامعة و قعد 3 شهور كان بياخد كورس لغة و كنا الفترة دي كلامنا على النت بس بنعرف أخبار بعض، بعد ال3 شهور رجع و بالرغم من إنه نجح في اللغة ، كان مقرر إنه مبقاش عايز يسافر لأنه حس بقيمة حاجات كتير مكانش حاسسها و هو هنا. بعد ما كان واقف القيد في الكلية، رجع تاني بس بقيت أنا سابقة بسنة و دي مكانتش مشكلة أبداً، و هو دايماً يشكرني لأني ساعدته كتير أول لما عرفني و كنت حتى سبب إن تقديره كان امتياز في الظروف إللي كان فيها.
المهم ، من فترة قريبة جدأ ، كنا بنتكلم عامةً فلقيته بيقولي إن مامته نفسها إنه يرتبط و على التخرج يكون أتجوز علشان نفسها في حفيدة بنت بس هو شايف إن أفضل إنه يعيش لوحده ، على الرغم من إني حسيت من أسلوب كلامه إنه تحذير لأنه فضل يقولي أنا شخص شخصيتي معقدة و أحسنلي أكون لوحدي و إنه مش عايز يقرب مني أكتر من كده علشان خايف يكون أناني و “غلس” معايا و أنا من بين كل الناس إللي بيعاملني كويس فمش عايز ده يتغير كانت معاملته معايا عكس كلامه تماماً، و لما حكيتله عن آمثلة حوالينا مرت بتجارب جواز و كده قالي” أنا شايف إننا نركز في دراستنا ، دي الحاجة إللي ضامننها”
التناقض هنا إن تصرفاته معايا اختلفت ، أسلوب كلامه ، بقى بيعلق على شكلي ، بقى بيتفنن إنه يحرجني ، يبين اهتمامه قدام الناس و وسط صحابنا ، يقوللي إنه سايب كل الناس و جاي يقعد معايا، بقى لما يحصل حاجة مني و يعجب بيها يقولي” أنا هاجي أقابل باباكي” ، بدأ يدور على شقة لأهله بس كان هو إللي ماشي في إجرائتها و كانت هتكون بأسمه هو ، حسيت إنه بالرغم من الكلام إللي بيقوله ، هو بيفكر فمستقبله. لكن رجع يفكر تاني إنه يسافر بعد ما شال الفكرة من دماغه و الحيرة إللي فيها إنه لازم يختار يا إما دراسة أفضل ، يا إما يضحي ب ده في سبيل إنه يكون حواليه ناسه و صحابه.
هنا أنا بديت أخاف ، لأني مقدرش أنكر إنه بقى جزء كبير من حياتي ، آه إحنا عمرنا ما اتكلمنا بصراحة عن أي حاجة و لا في أي حد أبدى إعجاب بالتاني بس إحنا الاتنين عارفيين قيمة كل واحد عن التاني إيه. أنا بحكي لمامتي عنه و هو كمان بيحكي عني ، و ماما برضه عمرها ما اتكلمت معايا بصراحة بس هي حاسة إنه فيه حاجة من نحيته.
بس أنا مش عارفة هو ليه بيتعامل معايا كده طالما هو مش عايز يتعلق بحد ، يمكن هو خايف يخسر ناس مهمين في حياته زي ما خسر اخته، طيب ليه تصرفاته معاكسة لكلامه؟ ليه بيحب يعرف عنى أكتر و حابب يتعرف على مامتي لأني بحكيله عنها كتير.
لو سافر هيغيب مش أقل من 6 سنين لآنه هيبدأ دراسة من الأول و أنا في الحالة دي هشوفه مرة في السنة و ده شئ مخوفني. خايفة الفترة دي لو اتقدملي حد مقدرش أوافق عليه لأني مش هكون مستعدة إني أخسره ، خايفة من تعلقي بيه عامةً. أنا عارفة إنه مش مستعد نفسياً لأنه بيمر بمشاكل كتير و هو لسة مش مستقر على حاجات كتير في حياته و أولويته الوحيدة بعد وفاة أخته كانت دراسته بس أنا ظهرت في الصورة.
هو إيه ممكن يكون مصير الموضوع ده؟ هل هو ممكن ياخد خطوة في الموضوع لما يكون مستعد نفسياً؟ هل ممكن يتكلم معايا بصراحة لو خلاص قرر إنه يسافر؟ هل أنا المفروض إللي اسأله إحنا وضعنا ده أصنفه إزاي و مصيره إيه؟ و في نفس الوقل خايفة أسلئله و اخسر صداقتنا أو هو يبعد مثلاً لأنه هيشوف ده حل أمثل ليّا عشان مستناش.
عزيزتي من كلامك عن الشاب ده انه شخص لايعرف يحدد مصير حياته ولاهو عارف الدنيا ازاي ماشيه لاتتامل انه الشخص المناسب لك الجواب باين من عنوانه مثلما يقولوا عايزك تستنيه 6سنوات عشان يرتبطك بك وده ضرب من الخيال استحالة اهلك يرضون بهذا وقاعد يتهرب من الاقدام على اي خطوة لاجل الارتباط بك صدقينى انه شخص فاشل وعمره مايسعدك او يحقق لك الامان والاستقرار في الحياة اتركيه فورا واخبريه بان اهلك عايزين يخطبوك لشخص من اقاربك عشان يحل عنك ويبتعد واحذري من الاستمرار معه في العلاقة اوالتكلم سوا بالنت اوالموبايل حتى تحافظي على شرفكي وكرامتكي واخلاقكي وتربيتكي وثقة الاهل فيكي وربنا بيكرمكي باحسن منه ياقمر هتلاقي ابن الحلال اللي فعلا يقدرمشاعرك ويصونها ويحافظ عليك ويسعدك في حياتك
اختي العزيزة كل اللي ذكرتيه عن الشاب يدل على انه شخص غيرمبالي لابك ولاباي احد ثاني وشخص يحب ياخذ ولايعطي ودي انانية ومرض لايرجي شفاءه ابدا اي نعم قديكون على دين واخلاق وتربية ومحترم وابن ناس كويسين لكن مثل ماذكرت لك كل انسان فيه الصفات الجيدةوالغير الجيدة وكل واحدعنده عيوب ودي عيوب هذالشخص غيرذلك انه متردد ومش عاوز يتخذ قرار في حياته ساعة يقلك عايز يسافر يكمل تعليمه واحيانا يتراجع عن السفر ويلغي الفكرة نهائيا انت وضعك معه كيف لازم تصاحيه وتعرفي منه الحقيقة هل هوجاد في الارتباط بك اذا كان نعم عاوزك ويحبك ومش عاوز يخسرك اذا يتقدم لااهلك ويخطبك رسمي منهم حسب الاصول وان كان لا وشايفة انه يتردد اويتهرب من الخطوة دي فتاكدي انه شخص انهزامي ولافائدة من الاستمرار معه في العلاقة كي تصوني شرفك وكرامتك وكرامةاهلك من كلام الناس عنك اوحتى زملايكم لمايشوفوكم مع بعض باستمرار شكلها مش حلو ويعرضك للقيل والقال والاساءة لسمعتك وسمعةاهلك والافضل انك تحطي النقط على الحروف وتعرفي منه اخرة العلاقة دي وربي يسترعليكي ويوفقكي في حياتك ويصلح احوالكي