انا مشكلتي مش عارفه هيا بسيطه ولا كبيره والله .. انا بنت فتانيه ثانوي واخويا في سنه ثالثه عندي ابن خالتي قد اخويا في سنه تالته دايما بيجي عندنا يذاكر واحنا كمان عايشين احنا وخالتو في نفس العماره عشان كده هو طول الوقت عندنا .. المهم من ساعه ما عزلنا جنب خالتي وهو بيرخم عليا جاامد وبيحب يضايقني وتصرفاته معايا جريئه شويه يعني ممكن مثلا اكون لابسه الحجاب وفي شعر باين بالغلط يقوم مدخلهولي بنفسه وممكن لما اجي اخرج مع صحباتي يقولي مش هتخرجي باللبس واخويا يوافقه وماما متتكلمش حتى قبل كده كنا في العيد وخرجت انا واختى واخويا وهو واخته وكنا بنتمشي في النادي وانا واخته ماشيين وفي ولد عاكسنا قام هو راح زعقله وكان هيضربه بس انا منعته بعدها فضل يفش خلقه فيا بس المره اللي فاتت لما جه عندنا كنت انا معرفش انه موجود وخرجت بشعري ولما شافني اتكسفت منه ودخلت بسرعه من ساعتها وهو بقى بيتكسف مني ومبقاش بيرخم زي الاول حتى فمره قالي هبعتلك اغنيه حلوه اسمعيها كانت اغنيه رومانسيه اسمها يخليك ليا .. انا بعتله اغنيه من عندي لقيته تاني يوم عاملها نغمه للموبايل .. وقبل كده قالي انا حلمت بيكي ,, قلتله خير قالي مش فاكر غير انك كنتى لابسه فستان بنفسجي وانا ماسك ايدك وماشيين في شارع كله ناس وعربيات وفي عربيه خبطتك ولما وقعتي وعيطتي انا قلت للناس انك حامل عشان كده بتعيطي مع اننا مكناش متجوزين .. انا حسيت ملوش داعي يقولي الحلم بس سكت ومتكلمتش .. وقبل كده كان عمال يبصلي وانا لما بصيتله ابتسمت عادي وقلتلته مالك باصص كده ليه قالي ولا حاجه بس بشبه علي واحد صاحبي انا اتضايقت منه ومشيت وفي تاني يوم فضل يقولي معلش انا مكنتش عايز ازعلك والله انا بحب اناكف في الناس اللي بحبهم .. انا مبقيتش عارفه هو بيحب يضايقني ولا معجب بيا ولا ايه نظامه .. تعبت من كتر ما بقيت بفكر في الموضوع وبقول هو لو كان معجب بيا دلوقتي كلها سنه ويخش الجامعه ويشوف بنات كتير غيري ,, معايا حق ولا لا .؟
الحب بين الاقارب
هل ابن خالتي معجب بي ام لا ؟؟
اضيف بتاريخ: Thursday, June 23rd, 2011 في 05:56
كلمات مشاكل وحلول: بنات, بنت, مشاكل الحب, مشاكل الحب بين الاقارب
ان كنتي تحبينه فحسب وجهة نظري انصحك يا اختي بالحديث معه عن شخصيتك وعن شخصية شريك حياتك المستقبلي وقربي المعنى للصفات التي يتميز بها كي يحس انه يشبهه كثيرا. وبعد ذلك اترك له حرية الادلاء برايه عن تلك الصفات سواء باايجاب او بالسلب ثم اتيحي له فرصة للتعبير هو الاخر عن صفات شخصية شريكت حيات وركزي فيما يقول لعله يبادلك نفس الشعور ويخجل من اخبارك واتمنى منكم ان تركزوا في دراستكم اكتر اما بالنسبة للزواج فكل شيء باذن الله عزوجل اتمنى ان يجمعكم الله في خير ويديم المحبة .
بيموت فيكــي طبعا .. ياريت ماتفرطيش فيه بسهولـة
بصي انا عندي مشكلة برده مع ابن خالتي ومش عارفة ايه الحل بس الحل ليكي انك تقوليله ان في واحد متقدملك زي منا عملت لو وافق وقالك عادي يبقي نظراته كانت عادي ولو رفض يبقي هو بيحبك صدقيني انا مجربه يس معملته اتغيرت اوي
و بيحبك ومجنون بيك وانا عملت نفس اللي عمله عشان احسسها باهتمامي ارجوك ارجوك ارجوك ماتفرظي او تشككي في حبه لك لانه من الممكن دون مجامله انو يضحي بنفسه عشانك وراح ينجرح اكثر واكثر وردي عليه وارسلي له ورقه مكتوب فيها (احبك) فقظ وما ترسلي له رسايل جوال كثير لانه راح يفكر انك تلعبي فيه مو جاده في الموضوع لاتنقطعون عن بعض نصيحه انتي ارسلي له هديه قبل ماهو يرسل لك وقولي ردت فعله عشان استفيد والله وربي يعلم اني اتكلم من كل قلبي ارجوك افهمي وتاكدي انه يحبك ومجنون ومغرم بيك ارجو اني افدتك ربنا يفقكم ويجمعكم بدار النعيم ويجعلكم ازواجا واحبه فيما قريب مع تحياتي
شوفي انا هكلمك ذي ما بكلم اختي واسمحيلي بكده.الي بينك وبين ابن خالتك مشاعر صادقه وصافيه ودي نتيجه المرحله الي انتو عايشين فيها دلوقتي وصدقيني انا متاكد انه معجب بيكي جدا بس افتكري انو ده اعجاب مجرد اعجاب ومشاعر بس منقدرش نقول عليها حب وكمان احب اقول ان تقارب السن قوي بينكم هيكون له تاثير سلبي علي ارتباطكم اتمني تكوني فهمتي كلامي صح ومتزعليش من رايي وزي ما بقول ديما ده مجرد رايي الخاص ولكي مطلق الحريه والاختيار
يا اختى العزيزة مشكلتك شبية بموقف حصل معايا كان مع بنت خالتى برده
وكنت بعمل معاها زى ما كان بيحصلك ومصارحتهاش ولا هيا عملت اى حاجه لغاية ما اتخطبت وعرفت بعد ما اتجوزت انها كانت بتحبنى وكانت مكسوفه منى
الملخص لحكايتك انك تجسى نبضة وتحاولى تسالية بعقلانية شوية اعرفى اية تجاه نحو الحب
ان كان حب فيل كده ولا لاء واكيد هوا هيسالك يعنى هيدور بينكم نقاش وبعقلك تقدرى تطلعى بالنتيجة
أنا شايف إن دا عادي بيحصل مع أى إتنين بيقضو معظم الوقت مع بعض أى واخدين على بعض يارب يكون رأيى صح
انا من راي انك تجسي نبضه عن طريق اخته
روحى اساليه انت بتحب ولا مبتحبش اذا كان بيحب اساليه هي مين لو قال انه بيحبك انتى قولى له انك بتحبيه
اخي سامح مقدرش اروح اساله لانه لو قالي اني زي اخته مش هعرف ابص فوشه تاني وقول كل اللي عندك يمكن استشف منك الحل .. وبجد شكرا لكل اللي ردوا ..
على فكره فى شباب عاوزين يوصلو لحاجه البنات عمرها ما تحس بيها الى بعد ما ترتكب الغلطه
فى شباب بتهزر مع بنات علشان بتحبها انتى بكلما منك توصلى للانتى عاوزه اسالى هل هى بيحبك او بيعتبرك زى اختو انا عندى كلام كتير بس مش عارف ابدا منين وعلى العموم ربنا معاكى
صح ياحبيبتي هذا بيحبك بدليل بيغار عليكي وانت انتضري ونصحيه لتسمحيله يتكلم كلام مثل الحلم الي سولفه الك لان راح يشوفك بنضره خفيفه انتي امنعي يتكلم هيك وهو راح يتعلق فيكي اكثر وبالتوفيق اختك من العراق
اختى العزيزه كل حاجه فى الدنيا ليها احتمالين نعم او لا وانا من رائ الشخصى موضوع الكسوف بينكم غير موجود هو بيعبرلك عن نفسه فى حاجات وكده وبيهزر معاكى وكده يعنى فانتى بصنعه لطافه كده شوفى نيتو منك ايه بحبك وعايز يخطبك على الاقل دلوقتى لانكو صغيرين شويه ولا بيهزر عادى معاكى اذا كان بيحبك وعايزك فالطريق الصح امامه يخطبك من اهلك وتكون كل حاجه فى النور اما اذا كان بيهزر وعايز يتسلى شويه يبقا انهى الموضوع دا فورا خوفا لا تتطور العلاقات وتحدث امور تضرك انتى قبل اى شئ وربنا يوفقك الى مافيه الصواب