الحب على النت

الحب على النت ارجوكم ساعدوني

السلام عليكم..
انا شاب من مصر عمرى 29 سنه تعرفت على فتاة فلسطينية عمرها 21 سنه عن طريق الانترنت.. بقالى سنتين بحبها اوى وهيه كمان بتحبنى…
بس فى مشكله كبيره اوى بتاقبلنا.. ان هذه الفتاة بحكم عادتهم وتقاليدهم لا يمكن ان تتزوج من خارج العائلة .. بمعنى اصح هيه مجدلاوية..فى فلسطين..
هيه بنت محترمه لاقصى درجه وانا حبيت فيها ده .. انسانة تصلى وتصوم وتعرف ربها كويس .. لدرجة اننى من يوم ان تعرفت عليها وانا حياتى اتغيرت.. مكنتش بصلى بانتظام بدات فى الصلاة .. من يوم معرفتها وانا بعمل حجات كتير كويسه . بدعى ربنا كتير .. دايما بتنصحنى بتقف جمبى .. فى اى مشكله لما بلجىء لها …بلقيها جمبى دايما فى ازماتى بصرف النظر عن المشكله اتحلت او متحلتش بس اهم حاجه انها مش بتتاخر عليه…بتاعملنى باحترام وبما يرضى الله بنتكلم فى كل حاجه الا حاجه واحده انها مش بتقبل انى اتكلم معاها فى امور عاطفيه وحب.. لدرجة انها لا تقبل منى ان اكلمها فى كلام حب ولا ابوح لها عن مشاعرى وتقولى لي لو سمحت عايزنى افضل اكلمك بلاش تكلمنى فى الكلام ده .. انا عارف انها بتحبنى بس هيه مينفعش تصرح بكده لانها بتخاف ربنا.. لدرجة انها كذا مره تقلى انا عمرى مكذبت على اهلى وعمرى معملت حاجه بدون علم اهلى .. وقلتلى انا خايفه من ربنا ومش هينفع نتكلم مع بعض تانى.. كل مره بتقلى كده.. لكن انا بزعل وبتاثر واتحايل عليها .. فهيه بتضعف وبتكلمنى .. والله وربنا يعلم انى مخلص ليها .. وبحبها ونفسى اتجوزها ..كذا مره تقلى انا فى بيت اهلى لو عايزنى انا مستنيه… ارجوكم ساعدونى

مشاكل وحلول ذات صلة

اضيف بتاريخ: Friday, October 8th, 2010 في 00:13

كلمات مشاكل وحلول: , , , , , , , , ,

17 رد to “الحب على النت ارجوكم ساعدوني”

  1. البرنس
    10/09/2019 at 22:10

    اخي انت مصري والفتاة من فلسطين وتقول انها مجدلاوية يعني بنت قبائل وده من الصعب اقناعهم بانك تريد الجواز من ابنتهم وسوف يسالوك منين تعرفها وشو عرفك فيها واسئلة طويلة لاتنتهي ولااظنهم يوافقوا على زواجك منها مهما كانت الظروف انصحك بان تتركها وتفهمها بان الزواج قسمة ونصيب وتنسحب من حياتها نهايا حرام عليك تعلق البنت معاك على احلام واهية وربنا يسترعليك ويكرمك بحسن منها وهي برضو ربنا يكرمها بحسن منك ان شاءالله

  2. ابوبتول
    09/08/2014 at 22:54

    من خلال معاشرتي للكثيرمن الجاليات العربية احب اخبرك ان الفلسيطنين مايحبوش جنس المصري ابدا وبيكرهوه ودايم مطلعين عليه كلام في الطالع والنازل من غير اسباب وكذا المصريين مايحبوش صنف الفلسطيني ويقولواعليهم يهودالعرب ودول فيهم وفيهم ومن الكلام اللي يغث البدن ويوصل للحدالتشهير بالعرض والشرف ودي هي الحقيقة

  3. ابوبتول
    09/08/2014 at 22:48

    اخي من مصر الحب مايعرفش حدود ولاجغرافياابدا ويدخل القلب من غير استيذان اذاكانت البنت كويسةمن دين واخلاق واهلهاكويسين فماالمانع من الارتباط بها وان كنت مش صادق معهابلاش تلعب بعواطف ومشاعربنات الناس اتقي الله في نفسك وفي البنت دي وانت لك اخوات وكماتدين تدان انسحب من حياتهاللابد وبلاش تحطم قلبهاوتجلب لهاالمصايب والقضائح وربنايغنى كل واحدمنكم من فضله ويكرم الجميع

  4. ابوبتول
    26/07/2014 at 02:22

    احكي لك قصةحدثت مع اخي الاكبر كان بيدرس عندكم في جامعةالقاهرة في اواخرالثمانينات وتعرف على زميلته في الجامعة وهي مصرية وحبوابعض واراد الزواج منهاواخبرت اهلها بالموضوع واشترطوا انه يجي مع احدمن اهله ويخطبهارسمي وعندمااخبر والدي بالموضوع ثار الوالد وغضب قال ان ارسلتك تكمل تعليمك والا تحب وتعشق ورفض النقاش معه ولكن اخي لم يضعف اويتراجع اصرعلى الزواج من البنت دي وحاول مع ابي وامي وخلا ناس تتكلم مع الوالد حتى اقتنع وسافروا مصر وحصل وخطبهامن اهلها والزواج بعد مايتخرجواوكان فاضل لهما2سنتين وبعدهاتزوج اخي منها وجاء بهاللسعودية ولهم حتى اليوم قرابة 25سنة زواج وعايشين ومخلفين ولاد وبنات وفي منتهى السعادةوالاستقرار

  5. ابوبتول
    26/07/2014 at 02:10

    يااخي الحب شي عظيم لايعرف جغرافياولاحدود يطرق القلوب من اول مرةويدخل بلااستذان ودام البنت متوفرفيهاكل هذي الصفات من تدين واخلاق حميدةفمالمانع انك ترتبط بها فاظفربذات الدين تربت يداك ومايمنع كونهافلسطنينةوانته مصري بعرف ناس صحابي متزوجين من بلاعربية مختلفة هذي مغربية وتلك يمنيةوهذةتونسيةوالاخرى اردنية وعايشين في منتهى السعادةوالاستقرار في حياتهم الزوجية ارجوا ان تكون قدالمسووليةوتخاف الله في بنات ناس اماتذهب لهاوتخطبهامن اهلها اوتتركها في حالها بلاش تظلم بنات الناس معك اذاكنت غير اهلا للارتباط

  6. نونو
    24/01/2014 at 01:44

    اسمع اذا عندها هل التحفظ فهيصالحه من كلامك اثرت عليك فهذا ايجابي فلما لا اتخطبها وانت اصلا باين من كلامك تكن لها الحب والتقدير والاحترام

  7. ابواميرة
    01/01/2013 at 11:47

    انالي صديق عزيز كان يحب بنت وهي من تونس وهومن اليمن وعايش في السعودية وكانوايتكلموعبر الفيس بوك والنت واستمرت العلاقة 3سنوات وفي الاخرسافر لبلدها وقابل اهلها وتزوجها هناك وبعدين جابهالعندو في السعودية وعايشين سعيدان ومتهنيان

  8. ابواميرة
    01/01/2013 at 11:42

    شوف يابني الزواج مايعرفش حدود اوجغرافيا كل شي قسمةونصيب ذاانت صادق في حبك للبنت وبجد عاوزها وشايف انهامودبةواخلاقهاكويسة مايمنع اتقدم لاهلها وين ماكانوا واطرق الباب تلاقي الجواب وانشاالله تكن من نصيبك وربي يتمم لكمابالخير

  9. palstainn
    08/02/2012 at 11:27

    يااستاز لو بتحبه بجد قررا وبسرعه انك تتقدم الها بسرعه او اتسيبها بهلحظه..حرام انك اتعلق بنت الناس هيك اعتبرها اختك بتوفق حد يحبه ويكلمه متل ما بتكلم بنت الناس ..حبيتها اتجوزها مش قادر انسهاوتقي ربنا ودعي ربنا يسامحك..
    انا فلسطيني لو اجي شب من مصر يتجوز اختي بوافق لكن اول سؤال بقلك ايها كيف اتعرفتو علي النت كيف عايزني اثق في شب ما بعرفو ولا بعرف اي شي عنو ..اعطيك اختي كاني برميه بوادي مجهول..عزراا

  10. الطيار الرايق
    18/10/2011 at 08:59

    انسها وابعد عنها لان الفلسطنين الا زى كده مش هيوفقولك فوفر على نفسك وانسها ومش كل من حب ومطلش حبه مات / المحامى

  11. سيما
    08/10/2011 at 16:10

    أنا برئي تروح تتطلبها من أهلها لأن بهالوقت مافي بنت عندهالتحفظ

  12. فلسطينية وافتخر
    08/05/2011 at 20:39

    انا راي انو تروح تخطبها لانو حرام البنت ما راح تحب حدا غيرك وما راح تكون سعيدة في زوجها از ما تزوجتك لانو بتحب شخص تاني

  13. ميزو
    18/10/2010 at 16:43

    ابعد عنها وصدقنى مش هتكون ليك واسال مجرب وكانت من فللسطين برضه

  14. فارس بلا جواد
    10/10/2010 at 11:03

    نفس المشكلة عندى بس مع الفارق فى طريقة التعارف انى تعرفت عليها شخصيا وايضا فلسطينيه

    ولكن لا استطيع الذهاب اليها ربنا يجمعكم على بعض

  15. احمد
    09/10/2010 at 19:28

    مش الصعب انك عرفتها من النت الصعب انها من فلسطين حتروح فلسطين ازى

  16. shamool
    09/10/2010 at 02:26

    دلوقتى ياناس الحب عطاء جنسى لاما تنسى

  17. القلب المجروح
    08/10/2010 at 20:30

    طالما بتحبها وبتحبك وانت كويس وهى كويسه يبقى اتكلم مع اهلك فى الموضوع ولو وافقوا روح اتقدم لها ولو ليك نصيب فيها هتكون ليك
    بس المهم خليها هى تمهدلك الطريق الاول قبل ما تروح عندهم وتتصدم بحاجه انت مش قدها وضع خطه قويسه للذهاب اليها دى دوله تانيه وناس غرب وحضر اجابه لكل سؤال ممكن يسئلوهولك يعنى مثلا لو قالولك عرفتها ازاى وهتعيشها فين ومهرها كام وهكذا وتكون متفق معاها على كده
    ولو اهلها وافقوا يبقى الف مبروك
    ولو ما وافقوش حاول اكثر من مره لاتيأس وضحى عشان حبكم ولو فشلت انساها وانت مرتاح لانك عملت اللى عليك وربنا يوفقك بس ابقى قول لنا عملت ايه ســـــــــــــلام

اترك رداً أو حلاً لهذه المشكلة