الحب على النت

خايفة يغير رأيه فيا بعد تعارفنا على النت

انا فتاة عندي 19سنه وبالصدفه دخلت علي موقع شات واتعرفت علي واحد واتكلمنا علي الموبايل وحسيه اني مرتاحه معاه وبعدين هو عرض عليا ان اقول لماما اني بكلمه وهو كلمها  وبعدين هو قال لمامته عني وهو بيقول عاوز يشوفي الاول قبل مايدخل البيت انا مش عرفه اعمل ايه انا قولتله لا وقافلانه ورجع كلمني علان يكون ضميره مستريح اني اللي مش عاوزاه هو بيقول انا هاروح اقلهم عاوز اروح اتقدم لوحده اتكلمت معاها علي التلفون بس ولا حتي شوفتها انا مش عارفه اعمل ايه هو من محافظه غير بتاعتي   ارجوكو افيدوني انا بموت لو حسيت انه ممكن يبعد هو ممكن يشوفي ازاي بس انا عاوزه الاقتراح يكون كويس في نفس الوقت يشوفني وميكونش فيه مشاكل او اي حاجه تضرني لو ماكنش فيه نصيب

مشاكل وحلول ذات صلة

اضيف بتاريخ: Friday, October 22nd, 2010 في 22:18

كلمات مشاكل وحلول: , , , , , , , ,

23 رد to “خايفة يغير رأيه فيا بعد تعارفنا على النت”

  1. sweet heart
    21/06/2011 at 04:02

    اممممممممممممم شئ بيحير والله من رايي الخاص لازم يشوفك طبعا وتشوفيه من حق الشخص لاحب انه يشوف ويسمع الشخص الي قلبه حبه من حيث الصورة لاترسيلها لما تثقي صح فيه هنا ارسيلها له~~
    وبالنسبه لنه ممكن يغير رايه هاد معناه مو حب صراحه مصخره من جد ولعب اولاد وماله شخصيه
    هو صح المظهر شئ مطلوب بس هل فعلا يستحق قلبك القلب شئ محد يفهمه صعب تلاقي شخص يمتلك قلب غير الناس نفترض شافك متلا ما عجبيته شو حيكون مو قفك هنا منه ……………؟؟؟؟؟؟
    لو هو يدور ع الجمال احكي له روح فصل وحده ع مزاجك يابابامحلات الخياطه موجوده الوضع فري فري الدنيا موقفت عليك بس احكي لو تلف الكون متلي متلقى بنت حبتك من قلب وحيجي يوم وتندم >>>>>>>>>>>>>>>>>>>>>>>هو حيندم اكيد لو بعد عنك لانك حبيته حب صادق وين نلقى بزمنا هاد حب صادق صار وجوده قليل كلوا بدوا مال وجمال غير هيك محد بدوا !!!!!
    والله لو في وحده بنت ناس مريبه صح مثقفه وادب واخلاق ومحترمه وطيبه وجمالها عادي متلا مو ذاك الجمال ليش ميرتبط فيها شو ناقصها عن غيرها بدوا ميريام فارس ولا هيفيا وهبي متلا كلهم عمليات تجميل مو جمال رباني تمتلك كلوا اصطناعي …
    انتي اخر شئ سوي استخاره وشوفي هل ممكن تكملي معه الطريق كله او تتراجعي هل يستحق حبه لك
    سلملي امرك لله كل شئ نصيب بالدنيا صح>>>>> بس ليش ربي خلق لنا عقل لنفكر بامور الحياه
    ولو بيحبك والله قوة الكون كلها متوقفه راح يجي لعندك هيوصلك هيوصلك وين ماكانت اراضيكي لانك نصه التاني حتكوني ونتي تكملي له الحياه لانوا يحبك عن جد هنا ..ساعات متعرفي الايام والزمن شو يخبي لك من مفجات واحزان
    وانتي اتخذي قرارتك صح قبل اي شخص لان هذي حياتك وملكك انتي مو ملك حد تاني
    ربي يوفقك ويجمعك ويجمع كل شخص مع حبيبه امين يارب
    سلام يا قمرررررررررررر

  2. قلبى الصغير
    31/03/2011 at 19:21

    بالنسبة للصورة هو أكيد بيحبك وأنت بتحبيه وعوز يعرف اذا كان شكلك مقبول ولا قبيحة ولكن يجب عليه ان يتقدم للبيت ووأديله بعض المواصفات عنك انك مثلآ بيضاء أو سمراء وبدينة أو نحيفة وكفاية كدهوصدقينى أول مرة هيجى ويشوفك هتبقى صدمة ليه لأن الكلام غير الشكل بس لو جالك المرة التانية عشان يقرأ الفاتحة باذن الله هيحب شكلك أوى ان شاء الله وهياخد عليه

  3. الدلوعه
    26/03/2011 at 08:08

    صدقينى انا ضحيت بصورتى لانى حبيت وانا مش هندم لانى انا بعتله صوره محترمه مش هلوم نفسى انا بتشاف فى الشارع كل يوم لانى بروح لكليتى المهم انا هئولك نتيجتى فى اارب وئت

  4. الدلوعه
    26/03/2011 at 08:04

    على فكره انا زيك كده بالظبط
    ونفس العمر
    وكنت بدور على شريك حياتى عبر النت وحبيت شخص سعودى على فكره انا مصريه المهم
    كنت رافضه مبدا الصوره ومش بورى صورتى لحد
    وحبيت السعودى وهو كمان حبنى انا شفته وهو لا ماشفنيش بس والله هو حبنى انا متاكده لكن ماكنش ينفع انو ياجى لحد مش عايز يضحى عشانه بالصوره بالنسباله شئ هين المهم هو فعلا معذور لانه من دوله تانيه وماينفعش يقطع مشوار لحد ماشفهوش بس انتهى اللى بينا بعدها اتعرفت على واحد سورى حبيته جدا طلب منى الصوره بردو كنت رافضه
    فضلنا
    شهرين
    بعت صورتى ليه اعجب بيها اوى
    بعدها طلب كاميرا عشان يشوفنى كل يوم لانى انا بشوفه كل يوم وهو مواعدنى انه فى اارب فرصه هيتقدم لوالدى فلو واثقه من حبه ليكى وريله صورتك مش هتندمى ابدا لانك ماعملتيش حاجه غلط انتى حبيتى واللى بيحب بيضحى بس للتضحيه حدووووووووووووود سلام عزيزتى الله يوفئك ويوفئنى على فكره انا كنت بئوله انك فى يوم هتئولى
    عرفتك من النت وغيره كان بيؤلى انا مئدر الفكره وبحترمها وانا مادتهوش صورتى بالساهل ابدا

  5. ديما
    25/11/2010 at 00:13

    بصي …لو مش عايز ييجي في البيت الاول قوليلو انا ما بوريش صورتي لحد ..الي عايزني ييجيلي ..مش لازم يقول لاهله انا تعرفت على بنت بالتليفون ..يقولهم واحد صحبي دلني عليها ..او سمعت عنها من واحد صحابي وانتي بتكوني قريبته..لو هوة موافق على كدة يبقى كويس ولو مش عاوز قليله دا اخر كلام عندي ..البنات الي عالفيس بوك عايزين حد يبصلهم علشان حاسين انو جمالهم محتاج شوية ناس ينبهروا بيه..عايزين شوية تعليق ..في عندهم نقص ..ما يعرفوش بالاصول ..بس انتي مش منهم لانك لو منهم كنتي حطيتي صورتك من غير ما يطلب ..اعملي الي بقلك عليه وربنا يوفقك ..ولو ما حصلش نصيب اوعي في يوم تندمي لانك هتعرفي انك ما غضبتيش ربنا …الي بيدخل من الباب بيلاقي الجواب .صح.
    لو جي وشافك وعجبتيه وعجبك كان بها .لكن لو انتي ما عجبتهوش او هوة ما عجبكيش او حاجة تانية يبقى ملكيش نصيب فيه ..وما تنسيش ان ربنا مش بيضيع حد وربنا ستار على عباده.

    ممكن تقولي لمامتك على كلامه وشوفي هتقلك ايه..بس بردوا لو حصل بكرة نصيب ولا حاجة ممكن يقلك ن مامتك كانت بتساعدك على حاجة غلط .لكن لو ما قابلتهوش وحصل نصيب او ما حصلش في كل الحالات انتي هتكبري في عينه ..وربنا يجيب الي فيه الخير …سلامي ليه .

  6. mohamed
    03/11/2010 at 14:29

    انا من رأى ان احسن حل هو ان هو يشوفك بس من بعيد يعنى مش تعدوا مع بعض علشان لو ما فى نصيب وتكونوا تتكلموا فى الموبايل وانتوا شايفين بعض اكيد ده احسن حل وربنا يوفقكوا .

  7. أحمد الاسيوطي
    27/10/2010 at 22:57

    شوفي يابت الناس ولله لو انتي حسة انو لو الصورة شفها وما راح يعمل حاجه وحشة فيها خليه يشوفك ايه يعني ولو عايز يقبلك عادي انزلي قبليه بس الصراحه يعني يكون فيه حد معاكي ومامتك تكون عارفة دا الصح انا عملت كدا قبل كدا مع بنت وما حصل نصيب مع بعض يلا المهم شوفي اتوكلي علي الله من الاخر بجد وامشي ورا قلبك اوي تمشي ورا كلام الناس دا اللي هيوديكي ف دهيه سدقيني لكي خالص تحياتي أحمد الاسيوطي

  8. اميرالاخلاق عدى
    26/10/2010 at 18:49

    (وَلاَ جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاء أَوْ أَكْنَنتُمْ فِي أَنفُسِكُمْ عَلِمَ اللّهُ أَنَّكُمْ سَتَذْكُرُونَهُنَّ وَلَـكِن لاَّ تُوَاعِدُوهُنَّ سِرّاً إِلاَّ أَن تَقُولُواْ قَوْلاً مَّعْرُوفاً وَلاَ تَعْزِمُواْ عُقْدَةَ النِّكَاحِ حَتَّىَ يَبْلُغَ الْكِتَابُ أَجَلَهُ وَاعْلَمُواْ أَنَّ اللّهَ يَعْلَمُ مَا فِي أَنفُسِكُمْ فَاحْذَرُوهُ وَاعْلَمُواْ أَنَّ اللّهَ غَفُورٌ حَلِيمٌ [البقرة : 235])

  9. سيد العاطفى
    24/10/2010 at 00:24

    ده لعب عيال وكلام مالوش لزمه اوعى تبعتيله صورتك دا مهما ان كان واحد غريب ما تعرفيهوش اللى عايزك يجيلك مش انتى اللى تروحيله الله اعلم بعد ما ياخد الصوره هيعمل ايه ولا هيبقى ايه رايه
    اوعى يا اختى تبعتيله صور ولا حتى تخليه يشوفك بالكاميرا انا بقولك الكلام ده من واقع تجارب حصلت لناس قبل كده وندموا على اللى عملوه
    قوليله انا فى بيت ابويا وعايزنى تجيلى وقوليله اذا كنت مش عارف ولا مش قادر يبقى دى مشكلتك
    واعلمى ان كل حاجه نصيب ولو ليكى نصيب فيه هتاخديه حتى لو حصل ايه
    واوعى تجرى ورا عواطفك على حساب نفسك اصبرى واجمدى واللى فيه الخير يقدمه ربنا
    وربنا يوفقك لما فيه الخير
    (سيد العاطفى)
    مصر___بنى سويف

  10. نسيم الروح
    23/10/2010 at 23:18

    على فكرة انا اتمنى مشكلتك تنحل بجوازك منو بس

    اذا كان يستهلك على فكرة انا حبيت واحد وبرو على النت وبرضو اتكلمنا على التلفون بس بصراحة اتقدملى بان والتدو اتصلت على والدتى (وهو مكنش عارف عنى غير انو مرتحلى صحيح اكلمنا كتي لمدة سنة وشوية بس بجد مكنش عارف حتى اسمى هو حب الشخصية )
    لو الانسان الى هياخدك هيجوزك علشان شكلك فهيجى يوم شكلك يتغير
    واذا كان علشان عيلتك ممكن يحصل حاجة تحصل لقدر الله ليهم يعايرك بيها
    اذاكان علشان فلوسك فهى نعمة زائفة

    ولالو كان عاوز يتاكد انك جميلة فيبقا كدة هو ميفرقش كتير عن واحد جالك البيت واتادم وجاى يشوف جمالك بس الانسان الى جالك البيت مميزاتة
    1 بسهولة تعرفى الى ربوة مين هما وربوة على اية وابوة بيعامل امة ازاى
    2؟هتكونى عايشة جمب والدتك الى بتحبك واتفهمت انك بتحبى واحد وكانت حنينة عليكى ورحبت بية
    3 لما تحتاجى والدتك فى ولادة او فى حاجة وهى لو احتجاتلك هتوصللها بسرعة
    3 هتبقى فوسط اهلك عايشة وعاملنلك عزوة لو فكر الانسان الى اتقدملك دة يقذيكى هيعمل حساب اهلك
    4 لو حصل حاجة بينو وبينك خلافات اهلك يكونو عارفين اصلو وفصلو ياخدولك حقك
    واخيرا وليس اخرا عمروووو ما يقولك دا انتى ماشية معايا واقسملك انى ساعت اى خناقة الراجل بيبقى عاوز يجرح مراتو بدون تفكير وبيقولها دا انتى كنتى ماشية معايا لانو بيكون متعصب
    واخيييييرا وانا سيباها للاخر عن قصد::::::: اللى جالك البيت هتسمعى منو احلى كلام احلى من الى انتى عارفاه دلوقتى وهتتشرطى وتتامرى وهدايا واحلى كلام فى الحب لانو هيكون عاوز يثبتلك حبو ليكى دا غير انو اول كلمة بحبك منو هيقولهالك وانتى معاه مش فى التلفون والفسح والخروجات الرجااال هم الرجال هو تفكيرهم كدا واتاكدى ان اهلك هيختارولك واحد فى المواصفات دى كلها بس الصبر اصبر تنول واهو كلو بيجوز وبيقول يا ريتنى مدخلت برجليا بس الشاطر الى يعيش كل لحظة حب وهو مع حبيبو بجد بنظرة العين دى بتفرق
    ربنا يوفقك اختك نسيم الروح

    اه نسيت اقولك لو عشتى فى محافظة تانية ممكن حماتك تستفرض بيكى وساعتها يبق انا لله وان الية راجعون وقاعدة مفيش راجل بيقف قدام امو حتى لو متاكد انها غلط

  11. صاحبه المشكله
    23/10/2010 at 21:08

    انا قلتله كده انو يجي يشوفني في البيت بس هو بيقول انا هروح اقولهم عاوز اتقدم لوحده انا بكلمها في التلفون بس ممكن هما يقولوا طيب ما في 100 واحده احنا عرفينها وشيفينها وهو عاوز ابعتلوه صورتي علشان هو بيقول اتصدم كتير ومش عنده استعداد يتصدم تاني هو قالي انوه نازل يوم 28 وعاوز يشوف صورتي علشان يكلمهم في البيت علشان عاوز يخلص الموضوع قبل ما يمشي تاني علشان لو مشي هو مش عنده استعداد يتكلم معاي تاني ولما قولتله انا خايفه يعمل حاجه بالصوره قال ما في بنات كتير حاطه صورهم علي الفيس بوك ممكن اشوفهم بس انا مش عاوز كده وبعدين انا مش عارفه اعمل ايه ساعدوني ارجوكوا

  12. المحامى
    23/10/2010 at 20:43

    خليه يتفضل يشوفك فى البيت وسط اهلك وانت بتقولى انه عارف مامتك وكلمها يبقى مافيش مشكله بس ياريت تبقى اخر حجه وتعزمونا بعدها على الشربات

  13. ياسو
    23/10/2010 at 18:54

    اختى فى الله انا رئى انو يجليك فى البيت وسط اهلك ويتعرف عليكى وعلى اهلك على الاقل لو حصل نصيب ما يقولش انى اتعرفت عليكى تعرف نت او يقولك انا شوفتك فى كفتريا ويقول انك بنت سايبة ولكن لما تقوليلو لو بتحبنى تعالة واتعرف علية فى البيت وسط اهلى سعتها مش حيتردد لحظة ويقول عليكى بنت محترمة وطالعة من بيت اصول لو رفض خالص كل شئ اسمة ونصيب

  14. مـــــى
    23/10/2010 at 17:53

    بصى لو انتى حاسه من جواكى انه فعلا بيحبك وعاوزك مش هيغير رايه عشان شكلك او مظهرك لانه حب شخصيه وروح وانسانه بتحبه وشرياه وعاوزاه ولو انتى عاوزة تقبليه خدى والدتك معاكى ويكون فى مكان عام وخلى بالك على نفسك واعرفى انك على الطبيعه انتى وهو اكنكوا بتتعرفوا من جديد الكلام حاجه وانكوا تشوفوا بعض وتتكلموا حاجه هيشوف كلامك وطريقتك خجلك بصتك كل حاجه وانتى هتبصى لنظراته وكلامه وحركاته وهتتعرفى على شخصيه فوق الشخصيه الى انتى حبتيها ممكن يكون مش بيتكلم ع الطبيعه زى مابيتكلم فى الفون وانتى اكيد جرئيه على الفون فىمشاعرك وحبك وهتكونى غير كده على الطبيعه لو ده الى خايفه منه لا مش هيغير رايه لانها طبيعه فينا كلنا على الفون غير الطبيعه بس انتى لو واثقه من حبه وانه عاوزك فعلا قابليه وخدى والدتك لانه مش هينفع يدخل البيت وهو مش شافك على الاقل من بعيد على الطبيعه وان شاء الله ربنا يوفقك ويسعدك ويعملك الى فيه الخير وابقا طمنينى عليكى

  15. طـــــــــارق حبيب
    23/10/2010 at 16:25

    اقولك حاجه بصراحه ومن الاخر ياختى ….اللى بيحب حد بيعمل المستحيل عشانة مهما كان الظروف واللى خلاة يقول بحبك يخليه يجيلك بيتك ويشوفك ومش هيخسر حاجه لو معجبتهووش او هو كذلك
    وبالتوفيق

  16. حماده
    23/10/2010 at 16:19

    لا يوجد أمان اليوم أغلق على أهل بيتك حتى لا يطمع فيهم الذي في قلبه مرضاً

  17. ahmed moatamed
    23/10/2010 at 14:21

    الصراحة ثم الصراحة حتى يرتاح ضميرك وتكبرى ف نظر هذا الانسان وفى نظر نفسك ويكون سبب ف توفيق ربنا ان شاء الله

  18. مصري بالخارج
    23/10/2010 at 14:07

    مع انى مش مقتع بحاجة اسمها حب علي النت بس في حاجة اسمها كاميرا نت لو مش في اليت انزالي سيبر بس اوعى تبعتى ليه صورتيك

  19. فارس بلاجواد
    23/10/2010 at 08:55

    اختى الصغيرة الراجل شكلة مابيلعبش وده الواضح من كلامك انو عايزيتقدملك علشان يثبتلك انو هو ما بيهزرش وكمان عندو حق فى انو يشوفك ازى هيقول لاهله انو عرف وحده عن طريق النت او التلفون طببعا صعبه خليه يشوفك بس ايه خدى باااااااالك الحزرالحزر ان خلتيه يشوفك يكون فى مكان عااام اكررمكان عام وما تنجرفى وراء حبك

  20. no name
    23/10/2010 at 04:16

    انتى ممكن تشوفيه عادى لأن دا الطبيعى انكو تشوفو بعض الاول بس اهم حاجة متروحيش تشوفيه وانتى لوحدك خدى حد معاكى طبعا بس انتى لازم تشوفيه الاول لانه فعلا مينفعش يروح يتقدم لواحدة ميعرفهاش ومشفهاش حقيقى دا رأيى الشخصى وربنا يوفقك يارب

  21. متابع
    23/10/2010 at 04:01

    انت قلت خايفة يغير رأيه …ف اذا كانت نيته سليمة ف لا ترضي تقابليه برى علشان تكبري ف عينه وخليه ييجي البيت ويشوفك ولو ما صار قبول ف عادي ما يرجعش تاني ولو عجبتيه ح يرجع ويذكر انك ما رضيت تقابليه برى وساعتها مش ح يقول تعرفت عليها عالنت ….لأنه هو كمان كان عالنت …..وزي مافي ناس زباله ع النت اكيد في ناس محترمين ….والله الموفق

  22. سيد العاطفى
    23/10/2010 at 01:48

    اختى فى الله
    من حق الشخص الزى يتقدم لخطبتك ان يراكى قبل الاتفاق على اى شئ وهذا ما قاله الشرع فهو من حقه ان يرى وجهك ويديكى على الطبيعه حتى يرى منكى ما يجعله يوافق على هذا الزواج او لا
    ولكن يراكى فى بيت اهلك او ينظر اليكى من بعيد فى الشارع مثلا ويكون بغرض الزواج وليس لغرض اخر والاقضل ان يراكى فى بيت اهلك وهم جالسين معك وتتكلموا وانتم جالسين معهم فى حدود التعارف
    فانتى قولى له اذا كنت تحبنى وتريد الزواج منى وتحب ان ترانى فى الاول
    فما عليك الا ان تاتى الى بيتى وترانى هنا وسط اهلى وفى الحاله دى تبقوا نفذتوا شرع ربنا وكمان هو شافك كما يطلب
    وهذا هو الصح والله اعلى واعلم
    وربنا يوفقك ويسعدك
    (سيد العاطفى)
    مصر___بنى سويف

  23. اختك فى الله
    23/10/2010 at 00:52

    ايه يا بنتى التفكير الخطا دة عايزة ترتبطى بانسان من غير مايكون شايفك ولا شوفتية طب شوفوا بعض ولو المدة قريبتكوا من بعض وحس انه حبك وانتى حبتية يبقى مفيش مانع ولكن انتى لوحبتية تبقى بتكذبى علىنفسك دا مش حب انتى تفكيرى فين تعرفى اية عنه ولا يعرف اية عنك انتى غريبة ولا كمان مامتك عارفة وساكتة عادى انا اللى شوفتة فى الدنيا من الناس مش مستغربه حاجة سيبك من الحوار دة ونصيبك هيجيلك انتى لسة صغيرة

اترك رداً أو حلاً لهذه المشكلة