الحب على النت

خسرت خطيبي بسبب مباراة مصر والجزائر

بنت 28 سنه كت مخطوبة لواحد مصري اتعرفت عليه عن طريق النت لمده سنتين جه الجزائر بعدها وعملنا الخطوبة وكل حاجه كانت تمام …بس بعد المتش الله يخرب بيت اللي كان السبب فيه ظهرت شويه مشاكل وبدأ الخوف يدب في قلبي وأهلي بردو قلقو من حكايه انتقالي لمصر المشكله ان احنا قررنا نتجوز بعد الامتش بشهور المهم محصلش نصيب و بابا وماما نصحوني اننا افسخ الخطوبة من كثر خوفهم من عيشتي في مصر ومعاملة المصريين ليا في حالة ما ادا كانو فعلا زي الخلق ما يقول في الجرايد رغم اننا متأكده مليون في الميه من طيبة الشعب المصري بس انا بردو خفت من اننا اروح اتجوز الراجل اللي بحبو وأهلي مش راضيين ميه في الميه وده من خوفهم عشان هما كانو بحبو خطيبي كتير ولسه بيحبوه انا انفصلت عن خطيبي بس لسه في اتصالات بيني وبينو لانه لسه في امل في رجوعنا …هو عايز يجي اليومين دول عشان يكلم اهلي تاني بس اهلي لسه فكرهم متغيرش …محتاره وتايهه اعمل ايه اجوزو ولو حصل حاجه بعيد الشر اندم ولا اضحي بحبيبي اللي باع الدنيا واشتراني افيدوني ارجوكم

مشاكل وحلول ذات صلة

اضيف بتاريخ: Thursday, December 9th, 2010 في 10:28

كلمات مشاكل وحلول: , , , , , , , , , , , , , ,

37 رد to “خسرت خطيبي بسبب مباراة مصر والجزائر”

  1. البرنس
    10/09/2019 at 20:46

    عنجد اتفق مع -مجنون نسوان- في كل ماقاله لك فهو راي صحيح وسليم من الافضل لك الزواج من بلدكم والشباب عندكم بالجزائر فيهم الخير والبركة واصرفي النظر عن ده الشاب المصري فهو لايصلح لك ولاتتاثري بكلامه المعسول فهو يضحك عليك وغير صادق في كلامه لك واي علاقة تكون من خلال النت مصيرها الفشل دي الحقيقة وربنا يهديك ويسترهامعاك

  2. مجنون نسوان
    17/01/2016 at 23:47

    مع كل احترامي للاخوة المصريين الا ان اغلبهم ناس بتوع مشاكل وبلااخلاق ولاادب ولايعرفوا حقوق الانسانية مطلقا المراة عندهم مهمشة ومعنفة ومظلومة ولايعطونهاحقوقها سوا كانت زوجة اومطلقة اوارملة اوحتى عزباء وساحات القضاء مليئة بقضايا كثيرة منهاالعنف الاسري والاغتصاب والتحرش والطلاق وغيرهامن القضاياالتي تكون المراة طرف فيها ناهيك عن رفض النساءالمصريات الزواج من الرجل المصري وتفضل عليه الرجل الرجل الاجنبي سوا كان عربيا اوحتى غربي من جنسيات مختلفة والشواهد موجودة وماجبت كلام من عندي بعرف ستات مصريات محترمات وعلى دين وخلق ومن اسر عريقة متزوجات من زملاء واصدقاء عرب من مختلف الجنسيات العربية سوا كان سعودي اوخليجي اوعراقي اويمنى اومغربي اولبناني اواردني اوسوري اوسوداني وعايشات في قمة السعادةوالهناءوالاستقرار الاسري مع ازواجهن وعموما العلاقات بين مصروالجزائر لهاجذور عميقة في التاريخ لايمكن ان تتاثر بماتش كورة اواي خلاف قد يعكر صفو العلاقات بينهما مهماكان مصروالجزائر تربطهما اواصر العلاقة منذ قديم الزمن ولاحدينسى موقف مصر مع الجزائر ايام الاستعمارالفرنسي وكذا موقف الجزائر مع مصر ايام العدوان الثلاثي و في حرب اكتوبر

  3. amali kabir
    18/10/2014 at 02:09

    عليك يالاستغفار أختاه والالحلح في الدعاء واليقين في الله سبحانه فهو قادر على كل شئ عسى أن يغير رأي أهلك ان كان هذا الشاب فيه خير لك فكل الدول العربية فيها خير ونحن أمة الاسلام أمة واحدة متوحدة ان شاء الله

  4. ابواميرة
    01/02/2013 at 21:10

    اختي الجزايرية السلام عليكم ورحمةالله وبركاته مابين الشعبين المصري والجزايري اكبر مماتتصوري علاقات تاريخية منذالقدم ناهيك عن رابطةالدين واللغة عمرهاماتتاثر بمباراةرياضية اومنافسات شبابية لااحدينسى ماقدمته الجزاير لمصر اثناءالعدوان الثلاثي وفي حرب اكتوبر المجيدة عندماقطعت الجزايرالنفط على دول الغرب المتحالفةمع اسراييل كذلك دورمصرالكبير في الثورةالجزايرية ايام الاحتلال الفرنسي ومساعدتها للثوار حتى حصلت الجزايرعلى الاستقلال وجلاءالمستعمرالغاشم عن اراضيهاوالتاريخ يشهد بكل الاحداث وملاحم البطولات التي سطرها ابناءالبلدين والشعبين الشقيقين باسطرمن ذهب وسوف تبقى خالدةفي التاريخ لكل من يحاول تعكيرصفو هالعلاقة الضاربةفي جذورالتاريخ وتاكدي ان الشعب المصري اخو الشعب الجزايري ولافرق بينهم وان تباعدت الحدود يبقى الحب والتقديرفي القلوب وكثيرمن المصريين يعملو في الجزاير كذلط الجزايريين في مصر ومنهم من تزوج هناك وعندواولاد وكل العرب اخواننالافرق بينناوبينهم

  5. المغروره
    02/10/2012 at 23:41

    هههههههه ضحكتينى والله اهللك خايفين عليكى من مصر للى هى بلد الامن والامان متنزليش علشان 80مليون مصرى عاقدين مستنينك تنزلى علشان احنا فاضين للجزائر وللى جين منهاهههههههههههههههه

  6. heba
    14/08/2012 at 16:51

    حاولى مع اهلك تانى وتانى احسن انا مصريه وعارفه ان المصريين جدعان بس بصراحه انا لو مكانك مش هتتجوز من ورا اهلى ابدا ادعى ربنا كدا واستمرى فى النقاش مع اهلك بس اوعى تتجوزى من وراهم عشان هتفضلى حاسه بالذنب نحيتهم وهما رفضوا لخوفهم عليكى بلاش تخيبى املهم فيكى واعرفى ان رضا الوالدين بالدنيا وما فيها وهو لو نصيبك مستحيل حد يقدر يمنع جوازكم لكن متعمليش حاجه غير فى النور وقدام اهلك ارجوكى

  7. مني
    10/02/2012 at 17:26

    عبد الناصر الزعيم العربي ساعد الجزائر في حرب التحرير من الاستعمار
    والجزائر ساعدت مصر في حرب العبور وانتصرنا بفضل دماء شهداء مصر والعرب جميعا
    هل تعلمي انه يوجد شهداء جزائريين هنا في مصر ومن الطقوس في ذكري حرب اكتوبر بيوضع علي الشاهد زهور في يوم ذكري النصر
    ياجماعه احنا عرب
    وفوق ده مسلمين يعني لو عربيه هتتجوز خواجا رغم انو علي نفس الديانه بتتعب عن متتجوز عربي مسلم
    احنا عرب كورة ايه وهبل ايه ده

  8. كبرياء انثى
    11/07/2011 at 03:10

    انا براي اللي ببيع الدنيا كرمالك بيستاهل انك اضحي كرمالو
    انا مو مصريو ولا جزائرية انا فلسطينية
    لكن انا بسمع عن اخلاء المصرين وتسامحهم
    جربي وما بعتئد رح تخسري

  9. خالد محمد
    13/12/2010 at 02:40

    يأختى العزيزة احب اقول لكى ان فى مصرين متجوزين أسرائليات يهود وروس ومن كل جنسيات العالم اليهود وعايشين فى مصر ما فى حد تعرض لهم بأذى فما بالك بعربية مسلمة المصرين بطبيعة حالهم طيبين أهلا بكى فى بلدك الثانى وبين اشقائك المصرين

  10. حبيبه
    13/12/2010 at 01:23

    تعالى انتى مصر ومتخافيش وراكى رجاله اديكى شايفاهم اهم ههههه

  11. كانو
    11/12/2010 at 18:57

    المصرين اكتر ناس يتعشروا انا معرفوش بس المصرين في بينهم طباع مشتركة وصدقني هيحفظ عليكي واهلة الي في مصر هيبقوا اهلك تماما

  12. آمــال
    10/12/2010 at 18:50

    بالنيابة على أختي الجزائرية اتقدم بكل إحترام ونقدير للإخوة في مصر على ما قدمتموه من نصائح لأخت لكم في الله ….وأنا بدوري انصح اختي الحائرة ان تكمل حياتها مع الإنسان الدي إختاره قلبها ولا تراعي ما يحدث من هنا وهناك لأن الدي بين الشعبين لن تمحيه مباراة ولا كلام في صحيفة …فصدقيني اختي الحائرة الشعب المصري لا يوجد اطيب من ….ربي يكملك ويهنيك

  13. حلا الروح
    10/12/2010 at 18:23

    راح اضحي بحبيك وخطيبك عشان متش كوره
    كده وانتي بتحبيه كيف لو ماكنتي بتحبيه
    وبعدين والله الشعب المصري شعب اكتر من عسل
    وبعدين كفايه انك هنعيشي مع حبيبك

  14. maria
    10/12/2010 at 17:54

    هيدا حكي فاضي شو لعب كرة وهل القصص
    اذا انتي وهوي بتحبوا بعض خالص
    وحتى اهلك لمفروض رايك الاهم
    باي
    مبروك اذا صار نصيب

  15. soso
    10/12/2010 at 17:43

    انا حابه بس اقوك حاجه ان في اي بلد في فريقان متنافسين بيحصل بينهم شد وخناق في الماتش والجماهير بتضرب بعض مثلا زى الاهلى والزمالك واكيد عندك برضوة في الجزائر في فرق بتتنافس وبيحصل مشاكل بينهم بس سؤالى ليكي بقه هو معني كده انى مفيش زملكاوى واهلاويه يتجوزااو العكس ؟ ياريت تسالى باباكى ومامتك نفس السؤال

  16. شر البليه مايضحك
    10/12/2010 at 15:43

    هوا دا بتسميه حب حب ايه الا انتى ايه جايه تقولى عليه انتى عارفه قبل معنى الحب ايه..على راى الست ام كلثوم ..حب مرهون على ماتش كرة كرة قدم بين بلدين ..عشنا وشفنا ههههه..لا وكمان اهلك خايفين عليكى من ذهابك لمصر ههههه من ايمته مصر ام الدنيا وشعبها الطيب يمد يده على نساء سواء كنتى عربيه او اجنبيه ….اقولك خليكى واسمعى كلام اهلك اصلك لو نزلتى مصر هانضربك بالنوووى هههههههه والله مصيبه الا احنا فيه ده فعلا مصيبه وتخلف العرب عايشين فيه وهانفضل فيه الا ان يشاء الله…على فكره حبك لخطيبك مش حب رومنسى لا تقدرى تقولى حب نسميه(الكره والملاعب…او حب سياسه وعلاقات اقتصاديه دوليه ههههههه

  17. طائر الحب
    10/12/2010 at 13:11

    كبري مخك بلا ماتش بلا كورة بلا وجع دماغ
    وصدقيني مادام بيحبك خلاص اتمي الزواج
    واهلك من حقهم يقلقوا ويبحثوا عن اي حجة لافشال الموضوع
    سواء كان في ماتش او مفيش ماتش ده شيء طبيعي لانهم مش عايزينك تبعدي عنهم
    ربنا يوفقك

  18. وقفة تفكر
    10/12/2010 at 11:22

    انا مش هقول كلام اكتر من اللى اخوانا واخواتنا قلوه وان موضوع الماتش ده سبب تافه مش ممكن يعيق مشروع زواج بس انا باضع نفسى مكانك وبقول لو انا مكانك سواء كنتى جزائريه او حتى سوريه او اى جنسيه عربيه او اجنبيه وحبيتى ترتبطى بانسان من بره بلدك لازم توزنى الموضوع بعقلك وقلبك فى نفسى الوقت وتسالى نفسك هل انا هقدر اعيش بعيد عن اهلى واتحمل بعدهم وهل انا واثقه فى الانسان ده ثقه كافيه تستحق المخاطره وعلى فكره انا شاب بس عند اخوات بنات

  19. ابو مالك المصرى
    10/12/2010 at 06:49

    اختى تزوجى المصرى ولو زعلك صدقنى حتلقى الشعب المصرى كلوا معك اهلوا راح يجوا عليه احنا شعب يقدر الحياه الزوجيه لو متاكده من حبوا لكى تزوجيه الانوا متمسك بيكى واعلمى ان مصر مش زى المراهقين من الاعلامين ما صورها مش عشان متش كوره نبيع حبنا احنا معك صدقنى امه وابيه واخوانوا حيكونوا معك حتى جرانه اقنعى اهلاك وربنا يوفقق لما يحب ويرض وصلى صلاة الاستخاره

  20. elkabos
    10/12/2010 at 03:24

    توكلى على الله وصلى صلاة الاستخاره والله المستعان وطبعا اهلا بيك فى مصر بلدك التانى لان الله عز وجل قال (ادخلوا مصر ان شاء الله امنين)صدق الله العظيم

  21. زعلانة من الدنيا اوى
    10/12/2010 at 01:02

    مافى اجمل ولا اطيب من الشعب المصرى ومااجمل العيش فى مصر بلد الامان والطمأنينة لا تخافى يا اختى ولا تتركى حبيبك وتمسكى به مثلما يتمسك بك هو وتأكدى انك ستشعرين بانك فى وطنك التانى فمصر ام الدنيا

  22. حبيبة الرحمن
    10/12/2010 at 00:59

    علي فكره والله مش علي شان احنه مصرين بس ربي يشهد اني احن ناس واطيب ناس في مصر ومش متش اللي هايبعدك عن اللي بتحبيه وبعدين ماتش ايه اللي هايفرق بين الناس احنه اخوه في الله ومش اي واحد عمل حاجه مش كويسه يبقه المصرين كلهم اكده وبعدين لو ليكي معارف في مصر اسالي علي الشاب مره و20 مره كويس بس مش كل الناس وحشه ربي يسعدك ويتم ليكي علي خير

  23. دكتور / أحمد قابيل
    09/12/2010 at 22:46

    اتمنى يا اختى العزيزة ان لا تنساقى وراء عواطفك بل يجب ان تنساقى وراء نداء عقلك ونداء اسرتك لانه لا يمكن ان يعيش انسان بدون اهله واسرته التى تربى وشرب من نهر حبهم العذب ويجب ان تتوافقى مع اسرتك اولا لان حبهم لم ولن تجدى بديلا عنه اما الزوج فيوجد بدلا منه الكثير والكثير وانا واثق فى كرم الله لك وانه سوف يعوضك عنه وخيرا منه جزاء اخلاصك وحبك العظيم لاسرتك ووطنك وهذا لا يعنى ان مصر وبقية بلاد العرب بها ما يمنع من الارتباط بهم ولكن يجب ان نتمسك بعوائلنا خاصة فى حالة رفضهم وان نعيش ونموت ونحن نعتز بهم ولا نترك انفسنا العوبة لما يطلق عليه الكثير اكذوبة الحب وسوف تعرفين يا اختى هذا حينما يعوضك الله باخ من بنى وطنك تعيشين معه متمتعه بنفس الطباع والمشاعر والعراقة والاصول الجزائرية واخيرا اختى الغالية اتمنى لك السعادة والهناء والتوفيق باذن الله .

  24. سوما العاشق
    09/12/2010 at 21:12

    سيبك من المباراه والكلام الفاضي يعني محدش اساسا هشوف انتي منين ويعاملك يعني عادي كل واحد بيشوف حياتك وانتى حياتك لازم تمشي يعني لو متاكده انه هيوفر الحياة الكريمة خلاص شوفي قلبك وحياتك بس اتاكدي من المهم انه يصونك ويحافظ عليك لكن الجزاير ومصر كلو مالوش لزمة التزمت عشام مباراه وكلام فاضي . صلى الاستخاره واسفتفي قلبك والله ولى التوفيق

  25. اسامه نور
    09/12/2010 at 21:09

    اختاه كل الى انتى سمعاه غلط المصرين موش فضين بيجرو ورا اكل عيشهم وانتى لو اتجوزتى هتعيشى بنهم معززه مكرمه

  26. ابو احمد
    09/12/2010 at 20:00

    السلام عليكم اختى اولا الى بين الشعب الجزائرى والمصرى اقوى مليون مره من الفتن وارجعى للتاريخ وانتى تعرفى مدى الارتباط الى كان بين الشعبين من ايام الرئيس احمد بن بلا اما مباراه كره القدم فدى كان المقصود بيها فتنه وتم فعلا ليهم ذذلك والمستفيد الوحيد الغرب والاستعمار ولو الحكومات الحاليه زى زمان مثل احمد بن بلا او جمال عبد الناصر كنتى استحاله شفتى الكلام ده لاكن نعمل ايه برؤساء باعو نفسهم للغرب وبيضحو بشعوبهم الى المفروض تكون امه واحده كالبنيان المرصوص
    واهلا بيكى اخت عزيزه وغاليه بين اهلك وناسك وهتكونى اقرب لينا من خطيبك نفسو
    والف مليون مبروك مقدما

  27. عزوز
    09/12/2010 at 19:41

    توكلى على الله وتزوجيه فانت في بلدك مصر والله العظيم لا تخافى من شئ

  28. سندباد دمياط
    09/12/2010 at 19:06

    ربنا يهدى الموضوع ده عادى مش لازم نخصر بعض عشان شىء تلفه

  29. dr -gamal
    09/12/2010 at 16:12

    الى اختى الجزائريه – مرحبا بك بين اهلك ووطنك الثانى – فمصر قلب العرب – دعك من افكار تم الترويج لهاوهى ليست لمصالح الشعبين وانما لخدمهتم هم فقط – فانت اخت لنا واهم حاجه انك خطيبك يكون متمسك بك وبيحبك وانت كمان بتحبيه ( لانه بالحب ستواجهون مشاكل الحياه ) وليس مشاكل الكره وهى مش موجوده اصلا – مصرى بيحب مصر وجميع العرب

  30. elshabah
    09/12/2010 at 15:58

    بصى احنا شعب معروف بالتسامح وكفاية انك هتبقى مرتبطة بشاب مصرى يعنى مافيش حد هيقدر يقربلك لانك دلوقت بقيتى ملزومة منة متخافيش لو لقدر الله حصل حاجة هو هيعرف يحميكى كويس اتكلى على الله الانسان ممكن يرتبط 4/5/8/…. مرات بس بيحب مرة واحدة ماتضيعوش من ايدك

  31. إسلام
    09/12/2010 at 15:31

    مش هقول غير انك مش هتلاقى احن وأطيب من اهل مصر
    كفاية انك لو ماشية الساعه 4 الفجر هتلاقى الف جار ليكى يقولك خليكى فى بيتك واحنا نجيبلك كل حاجتك
    كل مصرى بجد هيكون اما ابوكى او اخوكى او ابنك
    شعب طيب وطيبته مودياه فى داهية

  32. ايمن
    09/12/2010 at 14:20

    انا مصرى وزوجتى من الجزاير احسن ناس الجزيرين

  33. فارس بلاجواد
    09/12/2010 at 12:25

    خسارة ياعرب لما تفرقنا لعبة عيال لما يفرقنا لهوقزركورة ايه وبتاع ايه اللى خلتنا نكره بعض كدا مين المستفيد من كدا الشعوب اللى بتتناحرعلشان فريق ما اومنتخب بلدهم احنا بنتخانق وبنكره بعضنا واللعيبه بيكسبو بلاوى متلتله وبيلتقيوفى جولات تانيه وعادى الامور واحنا نتخانق

    اختى اذا كنتى بتحبى خطيبك بجد يبقا مش هياثرعليكى متش كورة ماهو فى ستات جزائريه مجوزين فى مصر ايه اللى حصلهم بعد المتش عادى زيهم زى اى وحده مصريه وبعدين انتى يعنى الراجل اللى هتتجوزيه ده هل هل مش قادرعلى حمايتك لقدرالله لو حصل شى
    مع انو مش هيحصل شى لاننا طيبين والله

  34. واحد وخلاص
    09/12/2010 at 12:17

    لن ازيد عن كلام الاخت سوسو وهى قالت اللى عاوز اقوله

  35. sorour elbosaty
    09/12/2010 at 11:11

    أقسم بجلال الله احنا كشعوب عربية وصلنا لدرجة من التخلف لا يعلم مداها الا الله للدرجادي يعني بيستخفوا بعقولنا وبيدمروا في حياتنا رؤسائنا الله يسامحم ممكن يعملوا أي حاجة عشان يحسنوا من موقفهم ويداروا بلاويهم عملوا الماتش ده كورقة كل واحد فيهم يبين لشعبه انه بيخاف عليهم وان لهم كرامة مع العلم ان احنا كعرب ملناش كرامة ومفيش حد يعترض على كلمة كرامة لإن احنا فعلاً كده ولو عاوز تتأكد هاجر لأوروبا وانت تعرف قيمتك كرهونا في بعض عشان مصالحهم الشخصية ” حسبي الله ونعم الوكيل “.

  36. أحمد العريني
    09/12/2010 at 10:40

    يا أختي العزيزة أحنا والجزائر شعب واحد ولا تفرق بيننا الكورة

    وأقسملك بالله انا مصري وبعمل في مجال الفندقة في مكة المكرمة

    وثاني يوم من المباراة لقيت ست جزائرية تايها في مكة ووصلتها الي الفندق
    ولي صديق متزوج من جزائرية والدنيا ماشية عادي
    لا تبيعي من أشتراكي لان حياتك معه وهتعيشي في مصر بين أهلك وناسك

  37. soso
    09/12/2010 at 10:38

    مع احترامي لكلامك بعد إذنك يعني ايه تندمي وهتندمي علي ايه لما انتوا بتحبوا بعض وعايزين بعض يبقي مباراة ايه ال تختلفوا عليها ايوة ال حصل فينا كمصريين مش هين وقتها لكن برده ماتوصلش لدرجة ان الناس تخسر بعضها لان الجزائر مش كلهم وحشين ولا المصريين كلهم وحشين وفي كل مكان فيه الحلو والوحش وانت خايفه من ايه لو جيتي مصر خايفه من الناس ولا حبيبك لو خايفه من حبيبك يبقي ماتكمليش ولو من ناس مصر احنا اطيب شعب في العالم العربي كله مهما ان حصل فينا فاتمني من رأيي الخاص لو انا مكانك هكمل مع خطيبي ومش هستسلم لمبررات تافهه واسباب غير مقنعه وربنا يوفقك وعلي فكرة كل ال هيرد عليكي اغلبهم مصريين شوفي بقي رد فعلهم ليكي وانتي هتحسي بطيبة شعب مصر ………….

اترك رداً أو حلاً لهذه المشكلة