ليا قريبي عنده20 سنه وانا 23 سنه هو بيحبني جدا حب عمري ما تخليته انا الموضوع بالنسبه ليا كان عادي هوكلمني من سنه وانا رفضت في الاول لعدة اسباب : اولها امه اسلوبها ومعاملتها صعبه جدا ……… ثانيا: السفر هو عايش في مطروح ………. ثالثا: السن
وفي العيد فتح الموضوع تاني وعرفت انه بيحبني جاد وبيخاف عليا جدا من اقاربي لكنه مش بيبوح ليا بحبه غير بالافعال لكنه عمره ماقالي بحبك او اي كلمة حب وجه لوجه او بالموبايل لكن بيعبر عن حبه ليا بالرسايل والافعال لما بكون معاه بخوفه عليا من الناس والعربيات واي حاجه وبدأت افكر في الموضوع تاني لاني مابقاش عندي ثقه في اي واحد بيجي يتقدملي ايه معني اني كل شويا يتقدملي واحد ونسأل عليه والسؤال مايكفيش وفي فترة الخطوبة اكتشف عيوب ومااقدرش اكمل والمشكله الاكبر ان الموضوع يكتمل واتجوز واعيش في مرار طول العمر انا فكرت بعقلي وقولت السن مش مشكله مادام مش باين ثانيا انه راجل جدا ويقدر بجد يفتح بيت ويكون مسئول عن زوجه واطفال باستثناء السن وبيحبني وبيخاف عليا وخصوصا انه كمان شخصيته قويه جدا وهو عارف حدود وتصرفات والدته وعارفني برده لما بتنرفز يبقي هعوز ايه تاني وكمان اهله موافقين عليا يعني خالي ومراته ال انا خايفه منها عايزاني وفكرت وقولت لنفسي ان كل بيت زوجيه لازم يحدث فيه مشاكل بس الاختلاف في سبب المشاكل يااما بسبب الحما او الاخوات او السلايف والمشكله الكبري لو العيب في الزوج وقولت خلاص مادام هو شخصيته قويه ويقدر يحافظ عليا يبقي كله يهون بعد كده المشكله بقي اني لما رجعت افكر بالطريقه ديه لقيت ماما مش موافقه خالص لنفس الاسباب وبالاخص امه واني هابعد عنها لاني البنت الوحيده ليها ومش عارفه اعمل ايه هل انا لما فكرت في الموضوع تاني كنت صح ولا غلط ارجوكم احتاج رأيكم ……………… بس ياريت مشكلتي تتعرض علشان انا رسلت قبل كده وما وصلتش
الحب وفارق السن
مشكلتي الارتباط بشخص اصغر مني
اضيف بتاريخ: Wednesday, December 1st, 2010 في 17:38
كلمات مشاكل وحلول: ابن الخال, الحب, الخال, فرق السن, مشاكل الحب
ربنا يوفقك… اغلب البيوت فيها مشاكل…وغالبا كل الناس بتشتكى..لكن المهم او يفضل يعنى انك تعيشى فى بيت مستقل بيكى و لو حصل اى مشاكل بينك وبينها بلاش تقولى لجوزك حتى لو كنتى مظلومه..لما يعرف منهم احسن.. و بعدين متكبريش الموضوع…عامليها كويس …والف مبروووووووك مقدما….لو كل البنات بتحسبها كده مكنش حد اتجوز من اساسه
اولا انا باشكر ام يوسف جدا واوشين وx علي رأيهم انا فعلا يام يوسف فكرت زيك تاني بالظبط لاني لقيته فعلا بيحبني بس مش كلام والله العظيم افعال بيبين حبه ليا افعال بس انا كنت عايزة رأيك في حكاية امه والمشاكل ال ممكن تحصل وماما مش موافقه علشانها علي الرغم من ذلك هي ال عايزاني لاي حد من ولادها……
اوشين شكرا جدا علي رايك وبجد هفكر فيه بس انا عايزة اعرف رايك في حكاية امه
والاستاذ x اولا انا كنت بحب واحد برده قريبي وابن عمي وكان حب كبير حب 8 سنين بس الحب ده بالنسبه ليا انتهي في لحظه وعمري ماهفكر فيه تاني وهو عارف عن الموضوع وعارف هو اد ايه جرحني وظلمني معاه من بعدها قررت اني مااحبش غير ال هيكون جوزي او يكون بيحبني بجد وانا فكرت في الموضوع علشان انا برده معجبه بيه جدا بس ماوصلش لحب لاني مش عايزها حب علشان الله اعلم ممكن مايحصلش نصيب ولو خيروني ما بين ال بحبه وقريبي هقول قريبي لاني بقيت افكر في الحب بمنطق تاني خالص وانا لو مش حاسه بمشاعر ناحيته هوافق ولا هفكر ليه ……… انت عارف اخوه الكبير كان متقدملي برده بس رفضته لنفس الاسباب وكمان هو شخصيته ضعيفه جدا ومش بحس ناحيته باي حاجه غير انه اخ وهو كمان ماكنش عايزني انا بس خالي هو ال كان مصمم ……… وبرده انا محتاجه رايك في موضوع والدته……..
حبيبتى انا كان عندى نفس مشكلتك حتى ان اللى بيحبنى دة قريبى وكان ومازال بيحبنى بجنون هو اصغر منى هو كانكلمنى انا واعترفلى بحبة بس انا قلتلة احنا نكون اخوات احسن وماقتنعش وايجة واتقدم ليا بس انا فى الاول رفضت لاسباب هى ان انا كنت بحب واحد تانى بس طبعا من طرف واحد والسبب التانى السن ان هو اصغر منى بس بعدها فكرت تانى ولقيت ان حب من طرف واحد مش هيكون لة نتيجة غير الفشل ولقيت كمان ان السن دة مش هيكون مشكلة طالما الشخص اللى هرتبط بية كويس وبيحبنى وبيخاف عليا وفعلا وافقت واتجوزنا ولقيت ان انا اختارى صح وبقلك ان انا والله ودى مش مبالغة فى سعادة مابعدها سعادة لان جوزى بيحبنى بجد من قلبة وحنين عليا وعطوف لدرجة كبيرة جدا وبيتمنالى الرضا …. يعنى انتى توافقى على قريبك دة لو كان بالمواصفات اللى انتى ذكرتيها بجد لو كان كدة مش هتندمى وعايزة اقلك ان السن عمرة ماكان مشكلة طالما فى توافق بين الشخصين وتفاهم وحب ومودة فانتى توكلى على الله وصلى صلاة استخارة وربنا هيقدم لك اللى فية الخير
المفروض البنت بتتزوج فى المكان اللى بيكون فى زوجها وشغله
مش عشان انتى بنت وحيده يبقى مفروض عليكى تتزوجى وتعدى جمب مامتمك
ده مش صح
وممكن جدا تتزوجى وتعدى جمب ماماتك زى ماهى عايزه وبعد الزواج جوزك يقولك هناخد شقه فى مكان تانى بعيد ونعيش فيه
ساعتها هتقوليله لاء طلقنى عشان ماما عاوزانى جمبها ؟؟
لو مامتك عاوزه سعادتك اختارى اللى تحبى تعيشى معاه مادام كويس ومحترم وبيحبك
احسن انك ترتبطى بانسان عرفاه وحساه وعارفه كويس انه بيحبك
احسن كتير ماتتزوجى انسان متعرفيش عنه حاجه وميكونش فى مشاعر ولا احاسيس بينكم
وتلاقى فى عيوب يمكن تكون اكتر من اللى انتى خايفه منها
بصراحه مفيش مشكله و عادى جدا فرق السن-لكن رايى المتواضع ان لازم تكونى بتحبيه -و بتحبيه جدا كمان–مش كفايه الامور الماديه دى– ناس كتيره كويسه و شخصيتها قويه و عندها امكانيات –بس لازم حياتكم يكون فيها حيويه و حب —انا اكبر من بنت قريبتى ب عشر سنوات و هى مؤدبه و محتلرمه جدا لكن مش ممكن اتقدملها لانى مش متأكد من مشاعرى نحوها ولا اعرف حقيقه مشاعرها—–عمليا وواقعيا انتوا مناسبين لبعض و هو بيحبك زى مابتقولى لكن انتى ايه احساسك بالنسبه ليه ؟! وهل لو ربنا رزقك بانسان بتحبيه بجد ؟ هل تكملى مع قريبك او اللى بتحبيه ؟! وحتــــى لو كانت ظرف اللى بتحبيه اقل من قريبك , هتفضلى مين فيهم ؟!!!!
متشكرة ليك جدا يااحمد علي رأيك واكيد هفكر فيه بس انا كان نفسي ان ال يعارضوك في الرأي يوضحوا سبب معارضتهم ورأيهم………..
والله انا عايز اقولك حاجه انا عايش فى دوله اجنبيه وحصل معايا نفس الموقف ان فى واحده اجنبيه حبيتى وهى اكبر منة باربع سنين وطبعا فكرت فى السن والدين والعادات والتقاليد والاولاد ولكن كل مره هى كانت بتقرب اكتر وبتخاف عليا اكتر وقررت انى اوقف كل التفكير اللى فى راسى واتجوزها والحمد لله بقالى 5 سنين مبسوط معاها جدا صحيح فى مشاكل بينا لانها دايما حاسه انى صغير عنها بس احنا بنخب بعض جدا والسن مش مشكله لو مرتاحه نفسيا توكلى على الله بعد صلاه الاستخاره والمشاكل اللى انت خايفه منها عن جميع الناس وبتحصل فى كل البيوت مش عندك انت بس واستحاله انك تحصلى على جوز كامل من كله كل انسان وليه عيوبه ومميزاته اهم حاجه هيا ان عمرك ما تتنازلى عن كرامتك مهما ان كان حتى لو هيحصلك مشاكل الدنيا والراجل مننا لما الست بتضعف قدامه مهما ان كان بيحاول يسيطر كلنا كده كرجاله ومدام الست قويه وفى توازن صدقيقنى بيفضل منجزب لها دائما والبركه فيك انك تحاول تعملى ملامح لحياتك الجديده ربنا يوفقك ويبارك ليكى ان شاء الله