انا أحببت شخصا جداا وأشعر فى كلامة انه صادق لى فى حبه وأخلاصة وهو بيقول انه عايز يتجوزنى وبيكلمنى 24 ساعة على التليفون لكن هو بيقول انه مرتبه محدود و مش بيكفى حاجة و علطول فى مشاكل بينه وبين والده ومش بيديه فلوس وبصراحة فى أغلبية الخروجات انا الى بصرف فى الكافيهات والكافيهات دى غاليه مش رخيصة خالص يعنى تخيلو انا كل يوم بدفع 200 جنيه غير التاكسيات وفى مرة قالى انه مش معاه فلوس صعب عليا قوى وأديته فلوس ومردهاش ولا حتى جاب سريتها بعد كده وفى يوم عيد ميلادى كمان مجبليش حتة ورده انا مكنتش مستنيه منه اى هديه لكن هى بتبقى معنويه وتدل على الأهتمام دانا لو عيد ميلاده ومش معايا فلوس هستلف واجيبلو احسن هديه بالرغم انى حكيتلو على حد كان بيعمل كده مع صاحبتى وقعد يقولى ازاى ده اكيد مش راجل لقيت نفس الشئ بيتكرر معايا ولما أهلى لحظو عليا انى فى شهر واحد صرفت أكتر من 5000 جنيه سألونى وقلتلهم الحقيقة سألوا عليه لقو ان اهله مرتاحين ماديا
طيب ده أسمه أيه ؟
الحب قبل الزواج
هل الشاب الذي احبه بخيل ام انتهازي
اضيف بتاريخ: Thursday, June 9th, 2011 في 13:37
كلمات مشاكل وحلول: الحب قبل الزواج, الحب قبل الزواج, الزواج, مشاكل الحب
اولا تبذيرك للمال والاسراف فيه من عمل الشيطان قال تعالى – ان المبذرين كانوااخوان الشياطين وكان الشيطان لربه كفورا – اتقي الله في نفسك وفي مالك فالله سائل يوم القيامة عن مالك من اين جمعتيه وفيماانفقتيه وثانيا الشاب هذاغير جدير ان تفكري فيه ولولحظة مش ترتبطي فيه ولايستاهلك ابدالانه بخيل واناني وانتهازي ولافي عاقلة تفكرفي الارتباط به ثالثا استحالة العشرةبينكم لوتزوجتم لانك مبذرةومسرفة في المال بدليل 5000جنيه في الشهر وهوعكسك تماما بخيل وناشف واتكالي وانتهازي فالحياة لاتستقيم وراجعي نفسك واحمدي الله على النعمةاللي انت فيها غيرك محرومين منهاتماما وتاكدي ان المال زي ماهو نعمةعلى صاحبه تارة يكون نقمةوعذاب على صاحبه اذااساءالتصرف فيه ولم يحسن استغلاله في وجوه الخير والاحسان مع الفقراءوالمحتاجين والله رزقك هذاالمال فشكري الخالق على ماوهب واعطى فبشكرالله تدوم النعم وليئن شكرتم لازيدنكم ولئن كفرتم ان عذابي لشديد -وربي يهديك ويصلح حالك
كل الى اقدر اقولو انك مستهترة ومبزرة وهو قال فى نفسو ( رزق الهبل على المجنين )
هو ده الشكر ال بتشكرى بيه ربنا انو خلقكى فى مستوى مادى حلو بدل متصرفى على انسان متخلف ومستهتر زيك اتبرعى ولو 10 جنيه للفقراء ال مش لقين ياكلو وال يشربو وانتى كمان ربنا عقبك علشان
ضليت الطريق وعرفتى واحد من وراء اهلكى ربنا وقعك فى شر اعمالكى فعلا من بنى على باطل فهو باطل
كل منهن ياخد شبهن
على فكرة فى ناس كتير هاجمت خطيبك و أعتبرته إنسان إنتهازى و بخيل
مع معاملتك هى اللى مش صح
فلا تضعى فى بالك أنه يتزوجك ويظل يأخذ من أهله الميسورين الحال
فعليك أن تتركيه و تتزوجى من رجل أعمال أو صاحب دخل عالى
أو تغيرى من طريقة صرفك التى ستخوف كل شاب منك
لأن مافيش شاب يعمل موظف يقدر على مصروفك العالى
لأن صعب يكون
1-بند الفسح و التاكسيات فقط 5000 جنيه فى الشهر.
فهناك بنود أخرى فى الشهر
أولأ : البنود الأساسية:
1- أكل وشرب
2- كهرباء و مياة
3- منظفات
ثانيا: البنود الثانوية:
1- زيارات ( أى عند زيارة أحد الأقرباء أو المعارف أو العائلة و تريدى شراء شىء)
2- المجاملات ( عند حدوث المناسابات و يجب المجاملة )
3- المرض ( كشف + علاج )
تعتقدى ممكن يكون مرتبه كام؟؟؟
لازم تكونى معقولة فى المصروف لأنه ممكن يكون خايف يقولك لأ و أنتى متعودة على كدة فيخسركوهو بيحبك ومش عاوز يسيبك فرأى طالما إنتى مرتاحة كدة فخلاص هيعمل أية ؟؟
انتى اكيد ع نياتك و دى فرصته ومن الواضح انو غير متحمل للمسئولية سيبيه واكسبى فيه
دة اسمة استغلال وانتى اللى اديتيلة الفرصة ازاى راجل يخرج مع ست وهى اللى تصرف علية انا مش قادر اتصور كدة بجد من الاخر واااااااااااااااطــــــــى
معقول فيه رجاله كده !
انا لو مصاحب واحده عمرى ما أرضى إنها تدفع فى كافيه أو آخد منها فلوس المفروض أبقى راجل
انا كان معايا فلوس ووقعت منى وبعدين قبل ما أركب الميكروبص بحضر الفلوس ف ايدى وملاقتش معايا فلوس وكان معايا صحابى مخدتش منهم حاجه ومشيت 3 كيلو على رجلى 😀
ده استغلالى وسيبك منه وهيفضل يستنزفك كدا على طول ابعدى عنه اللى بيحب حد لو بخيل مع الدنيا كلها مش ممكن يكون بخيل مع اللى بيحبه
وانتى بتجيبى 5000 فى الشهر ازاىىىىىىى نفسى اعرف لا وكمان من غير اكل وشرب ده فسحححح وبس طيب يا بنتى يا بخته واحد بيتفسح ببلاش ده انتى مهنياه
بس السؤال هنا هو راجل ؟؟؟؟ او بيحبك؟؟؟؟تعرفى اللى بيحب مش بيستخصر فى حبيبه حاجة خصوصا تفرحه او تسعده
تانى حاجة حتى لو كان بيحبك فمنصحكيش انك تكملى معاه او تتجوزيه لانك كده خلاص عودتيه انك انتى اللى بتدفعى وانتى اللى بتعملى وانتى اللى بدبرى فلوس عشانه فجربى لمده كده ماتعمليش كده هيحسسك انك ازاى ما مبتعمليش كده وانه ده حق مكتسب له واكيييييييد هيتغير معاكى
اسمحيلى اقولك انتى غلط
ابعدى عنه بسرعة لانه كده يبقى اصلا مش بيحبك ده عاوز منك فلوس وخلاص ده اكيد نصاب واكيد بينصب على بنات كتير غيرك ابعدى ابعدى والحقى نفسك اللى زى ده مينفعش يتحب ده يدوب يتنسى صادق فى كلامه ايه اسمع كلامك اصدقك اشوف امورك استعجب والله كده مش بيحبك لو بيحبك بجد مكنش خد منك جنيه لو بيحبك كان كل مايجى يخروج معاكى كان هيستلف من اصحابه من اى حد علشان يخروج ويصرف عليكى كان يوم عيد ميلادك استلف باى طريقة وجبلك اى هدية حتى لو بسيطة حتى لو وردة حمراء الكلام ده لو اصلا حالته وحالة اهله الماديه سيئة اوى لكن زى ما بتقولى سألتوا عليه لقيتوا اهلوا مرتاحين ماديا يبقى ده اسمه نصب وكدب وخيانة للحب مش امانة انسيه وابعدى والسلام ختام
عرف السبب بطل العجب
طيب عاملية نفس المعامله يعنى متبدأيش و تطلعى فلوس و لما يقول معهوش فأنت مش واجب عليكى إعطائه يعنى ألزمى الصمت شوية و قوليله طيب هتعمل أية ؟
1- يعنى شاركية بالإحساس مجردإنه فأزمة فأنتى شايله همه.
2- معهوش يبقى الخروجة بسيطة و على أد اللى فى جيبه ماشى على الكورنيش -كوب عصير – كشرى يعنى على أد أمكانياته.
3-المفروض هيوصلك يبقى زى مايشوف ( موصلات عامة – مترو – مايكروباص ) على أد اللى معاه.
أتعاملى معاة كدة وصدقينى كدة بالنسبالك فالمستقبل أفضل.
لأن هو هيشعر برجولته و إنه مسئول عنك. ودة هيسعده.
دا مريض نفسيآ وبيستغلك وبيضحك عليكى خدى بالك من نفسك والله الموفق
انأنا في رأيي الشخصي لا يوجد رجل بمعني الكلمة يقبل ان اي واحدة تصرف عليه ولا اصلا يوجد رجل حقيقي يقبل انه يتعامل مع اي سيدة غير زوجته . والشخص ده بيلعب بيكي واتقي الله وابعدي عنه
دا اسمه استغلال
شوفى يابنت الناس انا هنصحك نصيحة اخوية
دا انتهازى وبيستغلك ولو واحد بيحبك مش هياخد منك ولا جنيه ولا هيخليكى تصرفى جنيه
لكن من بدايتها استغلال سيبك منه وارجعى لربنا وان شاء الله ربنا يعوضك بأحسن منه
انا شايفة ان الشخص دة مبيحبكيش لانة بيستغلك لو كان بيحبك بجد كان على الاقل بينلك دة فى خروجة او حتى فى عيد ميلادك انا شايفة انة مش مقدرك خالص هيا الاية اتعكست ولا اية البنت دلوقت هيا اللى بتصرف على الولد انا شايفة انو كفاية لحد كدة علشان هوة مش شاريكى
السلام عليكم
و الله العظيم الموضوع ده استفزني اوي و مصرة اني اكتبلك ردي
شوفي يا اختي من غير ما تسالي نفسك و توجعي قلبك شوفي قبل اي حاجة لو انتي شخصيا تقدري تعيشي مع راجل انتي الي بتصرفي عليه و على نفسك و انتي معاه…طبعا دي حاجة غير منطقية و غير اخلاقية.
تاني حاجة انتي بالشكل ده عمرك ما هتحسي بانوثتك معاه و لا بكرامتك و لا بقيمتك و لا بالحياة و الحب من اصلو.هي اصلا مش حياة بالطريقة دي.
خديها من قصرها يا بنت الحلال و ابعدي خالص وحافظي على كرامتك لغاية مايجيلك الانسان الي يستاهلك و تستاهليه…ايه فايدة الانسان من غير شخصية و ده الي انتي معاه ملوش اي شخصية…طب ازاي يحبك و مش مديكي قيمتك و مش حاسس بيكي.
فكك منو يا اختي و شوفي حالك الدنيا مش هتوقف عنده و لا هتنتهي بيه.
فوقي لنفسك…….
سلام.
اختى
انا اعرف ان الراجل اللى ياخد “شلن” من واحده ست ميبقاش راجل
يعني انتوا بتخرجوا مع بعض وانتى اللى بتدفعى
هو مش متصور هو اد ايه قليل في نظرك
صراحه سبينى احط نفسه مكانه
وحنا انا وانتى بعد ما كلنا واتبسطنا وكله تماموز
تقومى انتى اللى تدفعى الحساب وانا عمال فيها دكر ع الفاضي
والله عيب اى
ده مش حب ده تسليه خلى بالك من نفسك
اسئليه في مره كدا وقوليه
انت مش بتتكسف لما ادفع انا الحساب وانت قاعد كدا زى “” البتنجانه “”
والله شبابنا اليومين دول حاجه تفرح القلب بجد
وحاجه تبسط جدي جدو
ربنا معاكى في بلوتك دي
السلام عليكم
دى استغلالي يا بنتي ومن الأفضل لك أن تناقشي معه هذا الموضوع وتوضحي له بأنك لست غبية وقد فهمت كثيرا قصده ألا وهو الاستغلال ولو كان يحبك مهما كان مرتبه قليل فسوف لن يقبل منك أن تسرفي عليه .
صارحيه وقولي له بأنك مملت من تصرفاته واستغلآلك وبعد ذلك اتركيه واقطعي علاقتك به .
لان ولو استمررت معك فلا أضن بأن علاقتكما سوف تكون ناجحة لأنها علاقة مبنية على الكذب والغش والاستغلال
وأطلب من الله أن يعوضك وأن يرزقك بالزوج الصالح الذي يخاف عليك ويصونك
ده اسمه سذاجه منك وانا اسف بس معلش لانى ازاى واحد يرضى على نفسه ان واحده تصرف على ومع احترامى ليكي انتى مش مجبره بيه امال فى الجواز هيعمل ايه هتنزلى انتى تشتغلى وهو هيحشش فى البيت لا وكمان شكله مش عاملك هدف ادامه ان يسعى ويتعب علشان يتقدملك ده لو كان شاريكي نصيحه منى سيبك منه اللى زي ده لا بيصد ولا بيرد ربنا يهديه ويهديكي ويهدينا جميعا
ده اسمه بيلعب بيكى وانت غلطانه عشان بتكلميه ومش بتتقى ربنا انا من رايي انك تبعدى عنه لانه واضح انه مش راجل وبيلعب بيكى حتى انا لو معاييش فلوس مش هقبل ان بنت تدفعلى لا وكمان اروح كافيه ب200 جنيه واخد منها فلوس كمان ومرجعهاش هو مش حاسس بالمسئوليه ولازم تفوقى فوقى قبل فوات الاوان ومضيعيش وقتك معاه
بيتسلى و من النوع البخيل اللى بيحوش عشان لما يقابل اللى هيتجوزها ..و قال لنفسه اتسلى بس من غير ما اصرف فلوس…دايما تلاقى النوعيه القذرة دى فى الطبقات الميسورة او الفقيرة..الطبقه المتوسطه تلاقى معظم شبابها مكافحين. الموضوع مش موضوع فلوس بس, لانه بيضيع وقتك و مشاعرك ودى قمة الانانيه..نصيحة تبعدى عنه و تستنى اللى يحبك و يقدرك و ييجى يطلب ايدك مباشرة.