انا مهندسة عمري 27 سنة ويبدو ان الهندسة احدى اسباب مشكلتي . بدأت قصة حبي منذ زمن لا أعرفه فقد احبب قريبي وجاري لا اعرف منذ متى فانا منذ ان رات عيوني النور وحبه في قلبي ربما من قبل ان اولد عشت اروع ايام طفولة برفقته فقد كان صديقي المقرب وحبيبي . ومرة عندما كنت في الثالثة عشر من عمري تحرش بي اخوه الاكبر وقال انه يحبني وكان ذلك من اصعب ايام حياتي لانه كان قد استدرجني الى بيتهم على اساس ان الجميع بالبيت والحمد للله انني تمكنت من الهرب وحافظت على نفسي واثناء هربي والدموع تملا عيوني رايت الاخ الاصغر حبيبي لكنني لم اخبره بما نوى اخوه فعله بي ولا ادري ماذا حصل بينهما بعد خروجي لكنني يومها لم ارى لهفة عليي بعيون حبيبي كتلك تمنيت يومها لو انني ابكي بين ذراعيه ومرت سنين ولم نبح بحبنا لبعضنا الا مرة عندما كنا صغارا لكنني كنت ارى حبه لي في عيونه دائما وفي حرف اسمي الذي لازمه طويلا لكنني كنت اشعر باذنب كلما حببته اكثر بسبب اخيه وكنت احاول ان ابعده عن قلبي وعندما كان ينوي الزواج اندفعت وقلت له لو انني اعرف فتاة مناسبة لخطبتها لك لا اعرف كيف قلت تلك الجملة لكنه شعوري بذنب لم ارتكبه . وبالفعل تمت خطبته وكان ذلك اليوم من اتعس لحظات حياتي لقد بدت الدموع في عينيه والجميع لاحظها خصوصا عندما التقت عيوني بعيونه ولم ارى حبه واضحا كذلك اليوم هو الان متزوج ولديه طفل ولا ازال اجد حبا ما بعينيه انا من يومها اعيش جسدا لا روح لم اعرف الفرح مطلقا واشعر بحزن عارم يجتاح نفسي مررت بقصتين فاشلتين بعدها وقد عرفت انه الحب الحقيقي الوحيد بحياتي فانا ما احببت احدا مثله قط فقد كانت روحي تحس بوجوده قبل ان اراه انا الان مجرد فتاة تعيش الذكريات المؤلمة اتمنى الفرح ولا اجده لا اعرف كيف انساه خصوصا وانه جارنا اشعر بالم في قلبي كلما رايته اتمنى لو غادرت مدينتي الى اخرى بلا ذكريات ولكن اهلي يرفضون انا لا اعرف لم لم يخطبني ربما لاني مهندسة وهو لا او ربما لان وضعه المادي ضعيف واهلي امحوا الا انهم يريدون شابا مقتدرا الان اريد نصيحة كيف انساه وكيف استعيدالفرح الى حياتي انا فعلا اتمنى ان اشعر بفرح كذلك الذي كنت اعيشه من زمن مع ان حياتي صعبة الا ان وجوده فيها كان يجعلها رائعة اما الان فانا باقية فتاة اتمنى فعلا ان اجد حلا وشكررا
مشاكل الحب والزواج
نسيت الفرح بعدما دفعت حبيبي للزواج باخرى
اضيف بتاريخ: Thursday, January 13th, 2011 في 20:07
كلمات مشاكل وحلول: البيت, الحب, الحب الاول, الزواج, الفرح, الهندسة, فتاة, قصة, متزوج, مشاكل الحب, مشاكل الحب والزواج, مهندسة
بصي في حاجه مهمه جدا هتخليكي ترتاحي انك كدا هتعرفي سبب لي متجوزكيش (من وجهة نظري) وفي نفس الوقت لو استغلتيها غلط عتتعبك اكتر وتفضلي تلومي نفسك اللي انتي اصلا بتلوميها علي حاجه مغللططش فيها !! (وبلسانك بتقولي كدا )……..انا هاخد من كل كلامك دا حته دموع منو يوم فرحو اللي انتي بتاكدي انها مش وهم لو فعلا حقيقه وهو بيبصلك يبقي فعلا بيحبك وفعلا عايزك لان والله دي متحصل ابدا لراجل غير لو كدا !! طيب لي محاولش يقلك حتي مشاعرو بصي في رايي موضوع اخوه دا يوم مطلعتي تجري اكيد فهم الموضوع ولو هو صغير وقتها لما يكبر بكم سنه كدا ويفتكر اليوم دا بزمتك مش هيفهم شوور ان عياطك دا بسبب اخوه واككييد محاوله تحرش..امال هيكون ضربك !!! هيضربك لي ان شاء الله !! فمن كل النواحي بنت بتجري وبتعيط من عند اخوه اللي مفبش بنهم حاجه دي حاول علطول يتحرش !!…طيب ومعقوله حاجه زي دي متخليهوش يتجوزني وكمان دنا كنت صغيرةة ?? …اااااه اااااه ااااه حاجه زي دي تخلي ميتجوزكيش عارفه لي عشان تخيلي كدا لو هو متجوزك هيقدر يتعامل مع اخوه بعدها !! هيقدر يدخل اخوه بيته ?? هيقدر بجيب اخوه فرحه ?? وووووووووو ….هتقولي لنفسك دا في ناس بتحب وبتبيع اهلها مش اخوها ..هقلك يا بنت الناس الراجل (الكبير العاقل ) لو لسه هيبتدي موضوع ارتباط (هيبتدي) صدقيني لازم يفكر في موضوع كامل مش موضوع من اوله فيه مقاطعه كاملة لاخويا وذكري وحشهه هتاثرر جوااه لما يفتكرها !!!! ….امتي كان يضحي عشان لو كان بنكو ارتباط بجد ..هتقولي ملي بنا كانت مشاعر فزيعه هقلك انا ع حاجه اللي بنكو دا يتعب حد عاطفي (بس ) بمعني انك رومانسية وعاطفيه وكدا فعيشتي بمشاعر اكبر من وقتها فجت عليكي في الاخر ..بس هقلك نصيحه وبكل امانه الحب اللي فعلا مش بيتنسي اللي هو علاقه فعلا وارتباط ..مش الحب اللي من علي بعد ..انا عشت ٤ سنين في حاجه شبه كدا وكنت دايما عندي يققييين مش هقلك احساس انه البنت دي مش هحب هتعلق بغيرها كدا وحاولت وفشلت زيك ووووووو لما واجهت وطلعت نفسي من الحلم دا والخيال وكل القصص دي مش هقلك فورا اتغيرت لا ..ابتدا نطاق الموضوع في دماغي يقل في التفكير وبعد وقت بقيت بفتح لنفسي موضوع الارتباط لحد مبقي عندي استعداد وحبيت واحده موضوع كله كان بصدفه ولا كنت اتوقع اني احب دي في مكان كذا في وقت كذا .خصوصا ان المكان دا كان فاضلي اسبوع واسيبه نهائي ..دلوقتي بتمثلي ايه البنت اللي قعدت اوهم نفسي بيها حاجه جميله وبس مش هقلك كرهتها بس والله مبدي نفسي فرصه افجر فيها وقااادر جدا اني مفكرش فيها يعني اخييرا طلعت من حتة ( غصب عني بفكر ) معنديش ايي مشاعر نحيتها دلوقتي …هتقولي الراجل غير البنت هقلك والله علي حسب نوع الراجل في المشاعر وفارقه معاه في البنات الارتباط ولا المشااعر اللي بجد …اللي حصلك دا بيحصل لكتبير بصي نااو لما اقبمه بصي هو مش حب لان الحب اقوي منو بكتيير في صدقه اومال هو ايه اعجاب ? مش بظبط بردو ..هو اعجاب بخيال حب !!! لو فرضتي ان ربنا خلقك بعيب مثلا في دماغك انها لا يمكن تتخيل عارفه كان زمانك بتقولي هو عاجبني وكدا مش بحبه …صدقيني القصص دي بنبقي احنا السبب فيها ولو العمر اتكرر مش هنعملها لان بعد مبتحصلنا بنفهم انو غلط اني اعشم نفسي بحاجه غبر لما تبتدي الحقيقه بتاعتها ..هيا بس الحاجه دي بتحصل لما بتعجبك الشخص اوي ويوم بعد يوم تقتنعي بيه اكتر وكمان شايفاه عايزك خيااالك بقي علطول يقلككك خلاااص مش نقصكو حاجه يلا بينا نتخيل ونعيش قصة الحب دي بقي ……تصدقي بالله انا عمري مرديت ع حد في الموقع دا وعمري والله مرديت علي ايي حد في اي موقع برد كدا …رديت علي الموضوع دا لانو فعلا رد من قلبيي وعن علممم جدا بالموضوع تقدري اقولي نا عملت دراسه لكل االي بيحصلهم كدا ….خدي قرار ان في ناس كتير بتقول يبنتي هتنسي وهتحبي وووووو ..اي الناس دي كلها مبتفهمش ونا اللي فاهمة !!! الناس دي كلها معندهم قلب زيي !!!!! هتقولي لنفسك اكيد لا وابتدي قللي تفكيرك واحده واحده قولي لنفسك هو فعلا حد كويس وعجبني او بس ربنا رايد ان حاجه زي دي متجمعتاش اكيد لو كان خير ليا كان جالي ..ااه يبقي ربنا كدا شايلي خير ? اااه .بس اتقي ربنا ولما تفتحي قلبك وتفكري في راجل تبصيلو كان مفيش رجاله غيرو في الدنيا (لان لو فرضا جوزك وهو بيرتبط بيكي فضل يبصلك بعين بنت غيرك او يقارنك هل دي حاجه تبسطك ?) فبردو انتي اللي هتعجبي بي دا ممكن يبقي جوزك في يوم هو اه لتتي هتعرفي قارنك ولا لا ولا هوا بس حطيها كدا في بالك كانو هيعرف … لو عملتي كدا هتعجبي وهتحبي وهتتجوزي وهتعيشي بحياه مفيهاش الزكريات اللي انتي بتسميها مؤلمة لا هيبقب اسمها طفوولة
عندما كان لامانع لزواجكم لم تتحركوا اي منكم اعتقد ذلك الشاب كان لايحبك وانتي ايضا لكن المشكله فيك انت انت انسانه حالمه وتحبين حاله الحب وليس الشخص تاكدي لولم يكن هذا الشاب لحلمتي بشخص اخر اتركي الذكريات وكوني واقعيه واخرجي نفسك من هذه الحاله وعيشي حياتك قبل ان تفقدي الكثير انت مهندسه يعني ٢زاءد٢يساوي ٤ واعرفي من ابسط القواعد الهندسيه لو الحسابات حسبت غلط سوف تنهار صديقينى الحيات ايضا كذلك
يابشمهندسةانت ست عاقلةومثقفةولديك وعي وادراك غريب اللي بسمعه دامن وحدة زيك للاسف الرجل متزوج وحرام تدمرحياةاسرة وتخرب بيتهم ولاتحاولي تبني سعادتك على حساب تعاسةالاخرين انسيه للابد ولاتفكري فيه خالص وربنايكرمك ويعوضك برجل خيرمنه يقدرك ويسعدك
ياحبيبتي انتوا بتحبوا بعض وكمان بينكم قرابه..ارسلي حد ثقة يقولوا مشاعرك لازم يعرف مشاعرك عن طريق انسانه ثقةوكلامها مقنع..مفيهاش حاجة اذا تجوزك يعني تكوني الزوجة الثانية اما تبقي كدةبتموتي من الحب وهو في عينوا الحب وعوزاك..لا ارجوك احنا مسلمين والله حلل للرجل التعدد..اذا اعجبتوا الفكره فاقولك الحمدلله..همك انزاح وعجلوا بالزواج..اما اذا رفض كمان الحمدلله..ارميه ورى ضهرك..ومتفكريش فيه تاني كده بترتاحي لانك بذلت الاسباب وتجوزي الانسان اللي يخطبك من اهلك يعني كفايه..لاتخوضي تجربة حب تانيه.تحياتي
كلام الزملكاوي كويس جدا قربي من ربنا وادعي وقولي يارب قويني والهمني الصبر واجعلي زوج صالح يتقي الله ويحسن معاملتي ويعوضني عن حبي وربنا يوفقك
لازم تنسى وتفكرى فى اللى جاى
انا مش هقدر اقوالك اى حاجة تانى زى ما اقلهالك الزملكاوى بصراحة انا مقتنعه جدا بكلموا لازم تعملى زى ما هو اقالك بس ممكن اقوالك على حاجة اللى يبيعك بيعية من غير متفكرى فيه واللى يشتريكى حتيه جوة عنيكى وخدى اللى يحبك متفكرش تخدى واحد كرهك زى ما ده باعك اوى سمحنى انى بقوالك كدا بس بصراحه خايفة عليكى برغم انك اقبر منى انا عندى 20 سنه بس واللهى حسه انك اختى يا اختى اشترى كرمتك ونفسك واتقى ربنا واتقى اهالك ونفسك
السلام عليكم
اولا انا بالفعل اشكركم من اعماق قلبي والحقيقة اني احسست بالاهتمام منكم جميعا بمشكلتي
شكرا لكل ارائكم ومقترحاتكم
المشكلة انني دائما اقنع نفسي بكل ما اتقولونه ولكن ما اشعر به الان ليس حبا وانما الم يعتصر قلبي دائما وانا بالفعل اهرب من نظراته دائما واعلم انه من الغباء ان اتذكر لكنها ذكريات مؤلمة تمر ببالي رغما عني وقد انتظرت طويلا لكي اتحسن لكنني قد شعرت بتحسن كبير وربما اكثر مماتتوقعون الحمد لله وانا فعلا اركم اخوة ناصحين لي وسابدأ حياة جديدة واقوي علاقتي بالله اكثر من الله واهتم بعملي خصوصا انني اخيرا استطعت العمل بعيدا عن تلك المدينة المليئة بذكرياتي المؤلمة ملاحظة انا استطيع التمييز بين نظرات الاعجاب والحب
إذا كان يحبك كما تقولين كان اباح لكى بحبه ولم يفرط فيكى لحظه”لكن هذا يدعى اعجاب وليس حب والاعجاب شى عادى ربما لاحظ فيكى جمال انثوى يشفى به مشاعره بذلك الوقت لان من يحب ممكن يفدى من يحب بحياته لا ان يتزوج ولم يبح لكى بحبه فهو اذا حب من طرف واحدوهذا يعد اعجاب فقط فلا تكونى واهمه بانه يحبكى
السلام عليكم .حبيبتي الراجل ذا تزوج و انت شو بقالك منو ذا لو كان يحبك صح كان خطبك ولا شو .انت مهندسة ؟؟؟ هذا مو عذر ابدا اللي يحب مايعرف لا المهندس و لا الطبيب و لا الرئيس
انت عيشي حياتك ذهو عايشها مثل ما يحب و الو مراتو و اولادو و انت رح تبقي تبكي على اطلال صح الموقف قاسي بس بصي الو و هو ببيتو خلاص هو مش ليكي بالمرة
علي فكره خلتيني اعيط بس ماتزعليش ده نصيب وربي كتبه ليكي وصدقيني ربك شايل ليكي الخير مع حد تاني وعلي فكره في حد اقرب منه ليكي واحن منه عليكي وكتير حنين قوي لو كلمتيه وفضفضتي معاه هو ربك احن واحد عليكي وادعيه وقولي يارب هون علي محبته ومعزته في قلبي وانتي حاولي لو شوفتيه ماتبصيش في عنيه ازيك ازيك علي شان ماتزعليش وصدقيني ربنا هايكرمك
يا أختي اذا صحيح بتحبيه تركيه مع اسرتو لاتخربي بيت ع حساب تعمير بيتك كان قدامك وماعرفتي تصرفتي واكيد لو الله كاتبلك نصيب كان اخدك انتي مو غيرك لي فيكي تعملي حاولي ترتبطي بشخص مناسب يحترمك ويقدر وصدقيني الحب بيجي بعد الزواج وبس الله يرزقك بولد لتحسي الدنيا صارت حلوه والله يرزقك بابن الحلال وتركي حبك الاول مجرد ذكرى حلوه بحياتك وتمنيلو التوفيق مع زوجتو اذا صحيح بتحبيه
على فكرة انا مش لاقية حاجة اقولها بعد كل اللى قاله الاخ زملكاوى الحقيقه هو تناول الموضوع من كل جوانبه بس انا عايزة اضيف ان ممكن الحالة اللى انت فيها لانك لم تقابلى الشخص المناسب للآن انت مريت بقصص فاشلة يعنى كانوا اشخاص غير مناسبين لك عارفة لو صادفت الشخص المناسب هاتنسى جارك وكل اللى حصل وتندمى على تعذيبك لنفسك بتفكيرك فى موضوع لمدة طويلة وهو لا يوجد إلا بداخلك انت .انت رومانسية زيادة ويمكن كبرت القصة دى عشان تحسى انك فى حالة حب بس هو لو بيحبك ماذا منعه ان يتقدم لك وانت جيرانه لو عايزك كان طلبك حتى ولو بينك وبينه عشان يعرف رأيك حرام تضيعى حياتك فى تفكير بلا فائدة. واحدة اعرفها قعدت تحب واحد حتى بعد ما اتجوز النتيجة اصبحت وحيدةوفاتها السن المناسب للجواز وهو اولاده يتولدوا واحد ورا التانى ودخلو الاعدادى تفتكرى مين اللى خسر حياته فيهم
لو فكرتي كل يوم وقولتي لنفسك انه بينام ف حضن واحدة تانية اللي هيا مراته
عمرك ما هتفكرس فيه تاني كحبيب
وهتلاقي الفكرة بتنطرد من ذهنك اتوماتيك كدة
فكررررري انه متزووووج
وربنا يهديكي
بجد انا مقدرش ازيد ولا كلمة على الكلام اللي فات بس ممكن اقولك ان لو اخوه حاطك في راسه حتى بعد الجواز كان ممكن يحاول مره تانيه معاكي ومتعرفيش ساعتها خليكي واثقه ان ربنا بعد عنك شر كبير بس احنا عقولنا قاصره بنبص تحت رجلينا وبنعيش مع ذكريات مؤلمة وكأننا مش عايزين نفرح دا انتي لسه بتبتدي حياتك فين طموحك واحلامك اللي عايزه تحققيها ,,ثقي ان ربنا هيفرح قلبك بانسان تقولي بعد كده انا ازاي كنت ببكي على الاولاني ده وهو بالشخصية دي ,,,, بس المهم الثقه بالله ربنا يكرمك ويكرمنا جميعا امين
يا حبيبتى انسية دة لو بيحبك كان عامل كل حاجة فى الدنيا عشان يتجوزك لاكن دة متعبش نفسة خالص ودلوقتى متجوز وعايش حياتة ومخلف منها يعنى اكيد بيحبها دى مراتة شيلى الوهم بتاع الطفولة دة من دماغك وهو عمرة ما صرحلك بحبة اتقربى لربنا وصلى وادعى ربنا يكون نصيبك احسن حد فى الدنيا وانشا اللة تنسية غيرك كان بيحب وبيموت من كتر الحب ونسينا وعشنا ومبسوطين فكرى فى ان هو مش اشتراكى ربنا يكرمك وتحبى وتتجوزى وتتهنى
هو الان متزوج ولديه طفل.
انا مهندسة عمري 27 سنة.
انا لا اعرف لم لم يخطبني ربما لاني مهندسة وهو لا.
ولم نبح بحبنا لبعضنا الا مرة عندما كنا صغارا.
خصوصا عندما التقت عيوني بعيونه ولم ارى حبه واضحا
عزيزتى لقد اخذت من كلامك هذه المعطيات اقول لحضرتك بما انك مهندسة فانا اعتبر مشكلتك هذه كتمرين هندسى المعطيات المعطاه لنا هو ماتقدم فى السطورالاربعة الاولى .ماهوالمطلوب اثباته.
انك تحبينه من طرف واحد. انك لم تتصارحان بهذا الحب الامرة واحده عندما كنتم صغارا هو الان متزوج وعنده طفل ماذا تنتظرين ياايتها المهندسة من شخص كهذا ماذا تريدين منه .انسى ذلك الشخص واخاه تماما لايزين لك الشيطان ان بينكما حبا حقيقيا لقد اختار طريقه وانت يجب ان تختارى طريقا اخر انفتحى على العالم من حولك وستجدين من يحبك اكثر ويقرك اكثر اذا خلصت النوايا وحسن القصد حاولى شغل نفسك بالعمل الجاد ولاتضيعى اى فرصة امامك لاى شخص تجديه مناسبا للزواج وعنما يخلص الانسان فى نواياه ويرضى بما قسم الله له فان الله سيهب لكم السعادة والحب
بصى انا اصغر منك بس جايز كلامى يكون مناسب ليكى ويخرجك من اللى انتى فيه دا بأذن الله
اولاً السبب مش عشان هو اتجوز وانك كنتى بتحبيه
السبب هو انك معترضه على قدر ونصيب ودى حاجه من عند ربنا
هتقولى لأ انت غلطان انا مش معترضه هقلك لأ دا اسمه اعتراض
خلاص انسيه وقولى مش ينفع احبه لأنه اتجوز ولو بيحبنى بجد كان عمل المستحيل عشانى
واحد صاحبى حبيبته سابته لمجرد انه لسه بيدرس ومش بيشتغل وقال ايه قالتله انتى اصلك من سنى ومعاك كتير !!
بعدها بأسبوع ربنا رزقه بحاجه كدا زادت منه وكمان شغله بقى فى ايده وضمنه 100% بأذن الله تعالى بس هو يتخرج على خير وهيلاقى شغل عمره ماكان بيحلم بيه ان شاء الله
القصه دى كلها عشان اقلك ان مفيش حد بيفضل على حاله
كان لازم يبذل اقصى جهده ويعنى ايه حضرتك مهندسه وهو مثلاً مدرس مثلاً يعنى
مش فيه صحه يقدر يجيب الفلوس من فم الأسد !؟
من الاخر انسيه عشان تعرفى تعيشى
يا فرحتى لما انتى تبقى قاعده على السرير بالليل بتعيطى وهو فى نفس الوقت بيهزر مع مراته وعايشين حياة سعيده !!
لأ يا باش مهندسه مش يبنفع كدا
قومى صلى وقربى من ربنا وادعى ربنا يخلى نصيبك فى حد كويس ومحترم
هو ربنا يعنى مش هيقدر يجوزك واحد احسن منه ويحببك فيه وينسيكى !!؟ استغفر الله العظيم
اكيد لأ بدون نقاش
ربنا هيكرمك بس امتى بقااااااااا ؟ لما تقربى منه وتتطلبى منه دا
انا اتخدعت فى بنت كنت بحبها ومكنتش قادر انساها خلاص قولت الحياة مش هتقف على حد
ومش هجيب مرض لنفسى فى حين الانسانه دى اكيد حالياً بتضحك وتهزر
انا عارف ان كلامى صعب وكتير وطويل بس بالله عليكى خدى بالك من نفسك
بلاش تدمرى حياتك وقلبك ومشاعرك
مع الوقت هتتعبى وممكن لاقدر الله تصابى بمرض مش كويس والناس تبعد عنك ومش تطولى اى حاجه
الحل من وجهة نظرى :
– قربى من ربنا وصلى واقرى قران
– لما تشوفيه مش تبصيله بصى فى الارض وامشى ومش تفكرى
– لما تقعدى مع نفسك وتحسى انك هتعيطى اجرى اقعدى وسط اسرتك واضحكى وهزرى لو مش فى حد تعملى معاه كدا امسكى المصحف واقرى او اتوضى وصلى
– حاولى يبقى فى اكتر من حاجه تبقى دافع ليكى انك تنسيه يعنى مثلاً اول ما ييجى على بالك تقولى لنفسك الكلام دا :
* دا اتجوز خلاص لازم انساه
* دا لو بيحبنى بجد كان عمل المستحيل
* ايه دا هو انا هبله ( معلش فى الكلمه بعد اذن حضرتك طبعاً ) للدرجه دى عشان اتعلق بواحد عمره ما فكر حتى يعبرلى عن حبه
* ازاى اعمل فى نفسى كدا طب هل لما بعيط كدا هيرجعلى ؟!!
* دا حد ضعيف عشان مش فكر يتغلب عن ظروفه
* لو كنا مثلاً اتجوزنا هل يا ترى كان هيقدر يزيد من نفسه؟ طب نفترض اتجوزته وكان تمام اوى معايا ,, مش ممكن كان يتغير ويعذبنى ويخلى حياته جحيم واخسر اهلى
عايزك تفضلى تقولى اى كلام من دا عشان تنسيه واوعى تفكرى فى انك السبب
لازم تعملى اى سبب حتى ولو كان غلط وتقتنعى بيه كمان عشان تنسيه
براحتك مفيش حد هيخسر غيرك
وحالياً لو بتعيطى افتكرى انه ممكن يكون دلوقت بيهزر مع مراته وفرحان
هتقولى لأ مش ممكن يكون فرحان وبيهزر معاها
هقلك امال ازاى يعنى انجب طفل منها !!؟ معلش فى الجمله بس لازم اكلمك بصراحه عشان تفوقى شويه
كل حاجه نصيب ومش ينفع نعترض
لازم نقول الحمد لله
وربنا بيقدم اللى فيه الخير دايماً
ما ممكن يجيلك حد كويس اوى ومحترم اوى وبيحبك اوى وتضيعيه من ايدك بسبب اللى انتى فيه دا
يلا قومى صلى كدا وصلى على النبى وبالله عليكى انسى
مهما كانت الاسباب مفيش حاجه تخلينا نعمل كدا فى نفسنا ونخسر دنيتنا واخرتنا
اخوكى الصغير..