انا بنت عندى 25 بحب انسان من ثلاث سنين بس مكنتش اعرف انه بيحبنى غير من اسبوع اعترف ليا ان بيحبنى وفى كلام كتير عايز يقولوا بس علشان انا بنت عمه مش حابب يقول الى بيحس بيه وفى يوم اتكلم وقال كل الى انا كنت نفسى اسمعه منه بس بعد يومين قولت ليه عايزة الموضوع يبقى رسمى وكل اهلى يعرفوا بس من ساعتها اتغير معايا وقال انا اول ما اتكلمت معاكى كنت صريح وقولتلك مينفعش نكون لبعض علشان انت فى مكان وانا فى مكان ..
وثانيا علشان انا مش عايز من الاقارب وثلاث علشان كنت عايز حبيبنى تكون فى الجامعة مش دبلوم وانا عارف ان الحاجات ده مش بايدك بس الظروف من هنا مائه سنه هو ده راي فيكى ساعتها معرفتيش ارد اقول ايه غير قولت ده اخر كلامك راح قالى يعنى لو قولتلك وحشتينى رحت قلت سلام لا اله الاالله
فى حاجه تانى اخوه من زمان بيحبنى وانا كنت رفضة الموضوع علشان انا بجد كنت بحب اخوه الاول بس دلوقتى طلبنى للزواج مع ان عارف ان كنت بحب اخوه بس قالى على فكره مش هتلقى حد يحبك زي ما انا بحبك وهسيبك تديى نفسك فرصة وبجد انا فكرت وقولتلوا موافقه على شريط مش هتنازل على حاجه وقولتلوا وهو دلوقتى هيكلم بابا بس مش عارفه خايفه ليه وفى حاجه تانى على فكره ممكن اهلى ما يوافقوش بس انا عندى استعداد اقول ان انا عايزة بس على فكره انا مش بحبوا بس حسسنى بالامان الى عمرى محستوا مع اخويه الى كنت بحبوا وهو كان بيلعب بمشاعرى بجد انا عارفه ان مشكلتى صعبه بس ياريت تردو عليها علشان عايزة اعرف انا صح ولا
انا من رايى كاخ لاخته انك ترفضى الاتنين رفضا باتالان ساعتها هيبقى داخل وخارج عليكى اكيد هتميلى شويه وصدقينى يا عالم نصيبك هيكون احسن من كده والزواج فى النهايه قسمه ونصيب
اوعي تكوني وافقتي علي اخوه علشان خاطر تعرفيه ان الدنيا مش هتقف عليه بمعني أصح لو انتي فكرتي كده يبقي انتي اكيد غلطانه وبعدين بدون زعل انتي طعم الجواز او حتي لو بقي في حب بينكو عمره ما هيكمل لأنك هتشوفي عم ولادك ف الطالع والنازل واكيد تفكيرك هيميل ليه وبالطريقه دي انتي كده بتظلمي جوزك وبتظلمي نفسك ده رأيي ف الموضوع لكن الحل انك تبعدي عنهم هما الاتنين وتصلي استخاره واكيد هتلاقي اللي يسعدك
على فكرة ابن عمك الثانى بيحبك بسى لو حصل نصيب وتزوجتوا هيحصل مشاكل كتير مع اخوة علشان كدة انا راى تصلى صلاة استخارة وربنا يوفقك
بيقول مثل الباب الي ييكي منو الريح سدو واستريح
أنا أساسا لا أؤيد زواح الأقارب لما له من مشاكل مستقبلية على الأسرة .. وأنت تسألين : صواب أم خطأ ما تفعيلنه…
وأنا أقول لك : إن ما تفعلينه هو الخطأ بعينه وبامتياز .. ارفضي كليهما ..
السلام عليكم . شدتنى قوى مشكلتلك لانى كنت فى نفس موقفك من 3 سنين . أنا كنت بحب ابن خالى وهو كمان ولما انا خلصت كليه كان هو لسه بيدرس فمكنش ينفع نرتبط غير لما يخلص لحد مأخوه الكبير اتقدملى فبابا ضغط عليا ووافقت . اتخطبنا 6 شهور كانت اصعب 6 شهور عشتها فى حياتى كان فى مشاكل كتير بسبب غيره اخويا من اخوه وتعامله معايا وبدون سبب لحد مقدرتش استحمل الوضع وانفصلنا .أنا دلوقتى لسه بحب ابن خالى الاول اخو خطيبى السابق .بس طبعا حب بدون أمل . عشان كدا متتسرعيش واحكمى على الأمور كويس وعموما أنا رايى الى كونته من التجربه الى مريت بيها انك تبعدى عن الاتنين أفضل وإن شاء الله ربنا هيبعتلك نصيبك ومتنسيش ان الجواز قسمة ونصيب .
والله يا ابنتى انا من رأى انك ترفضى علشان لم يتم احتكاك بالشخص ال كنتى بتحبية لانه هياجى عليكم يوم وهتكونوا انتو الاثنين فى المنزل مع بعض فصعب جدا تكونى كنتى بتحبى شخص وبعدين تتزوجى اخوة 00 وااله ده رأيى وانتى زى بنتى
سيبك من الاتنين احسن وكبرى دماغك من اللى بتحبية بقالك 3سنين دة لانة حيوان ومايستهلش صباع رجلك الصغير بجد انسية وانسى التانى دة برضة لانة ممكن يعملك مشاكل بعد كدة لانك كنتى بتحبى اخوة وانت اصلا مش هتعرفى تحبى واحد كنتى بتحبى اخوه
اولا الاولنى دةمش بتاع حب ولا مسوليه لانو مش بيحبك هوة بيدعى الحب الدليلعلى كده هوة بيفصل فتات احلامه على مزاجه فبيقول ليكى انا عايز الابنت الى بحبها تكونبنت جامعيه مش دبلوم يعنى بيقول انو هوه مش بيحبك بس مش عايز يجرحك امالاخ الثانى ربنايكرمك معاه وانا مع امقولهالى بتقول احيانا الحب بيجى بعد الجواز اما لومتردده انصحك تبعدى عن الاثنين احسن علشلن مستقبلك ميكونش تعيس والله اعلم
بص يا اختى انا هقولك لو اة هيحصل اية لو لا هيحصل اية انتى لو وافقتى على اخواة الا كنتى بتحبية والا طلب ايدك اولن لما تتجوزى هتطلع عينك عارفة يعنى اية سوا اكان بعيد عنهم او قريب بس الاسم انة قريب ليكى لاودة وكمان اخوة مش حد من برة صديق ولا حاجة كل ما تبصى فى خلقتة هتبقا فية نظرات من غير كلام واوعى تقولى انا هبقا متجوزة وهخلى بالى لا دة العجوزة دلوقتى ماشاء الله احسن من بناتك يا مصر ههه منخرجش برة الموضوع بس المهم وغير كدة هوة يعنى مش هيدخل بيت اخوة الا انتى فية اكيد طبعا تخيلى لما يكون عندك وجوزك مثلاا انتى بعتية يجيب حاجاة عشان مش عندك فى البيت دخل الحمام اى حاجة واكيد مش هتحصل مرة واحدة بس دة هتقبلك ولو اتجوزيتية وطبعا هيسلم عليكى ويفضل ماسك ايدك شوية ومتزعليش منى اخوة الا انتى بتحبية حاليا بقالك 3 سنين ومكتشفا انة بيحبك من اسبوع والا اكتر دة مش بيحبك انتى جدعة اووووى اوووووى انك قوليتيلو خلى موضعنا رسمى عارفة من مصايب زمنا اية ان واحد وواحدة من العيلة وقريبين وروح والجاى على ودنوا وافراح واعياد ومهرجانات وتيجى تلقى بنت وولد شبتوا فى حب بعد المصيبة ان حبهم بيقعد كذا سنة تكون هيا عشقتو خلاص واحلامها بقا دة احنا هنتجوز وهنجيب دستة عيال وهبقا اروح كذا وهعمل كذا تيجى تسمعى امة بتقول لامك عادى كقريبة دةفلان الا هوة قريبك اتقدم لبت جارتنا من هنا وكذا وممكن كمان كمان اما تقوليلو واجة اهلى بحبك ليا واتقدم تبقا كارثة بنسبالة خايف وقلقان وبيترعش وهيعيط هى دى الرجولة طب والنبى انا عايزة اعرف امال هوة قالك انا بحبك وقالك اشاعر لية متقدمش عشان مش عايز من العيلة استحالة لو واحد لقى الزمن دة واحدة حلو وبنت ناس بيشبت فيها مش بيسبها سوا كانت من العيلة برة العيلة اهى جت نصيبتة وخلاص بكرة نصيبك هيجى والاحسن انساة امبارح وخليكى فى بكرة الا فات خلاص الا بيحبنى وعايزنى يخبط على باب بيتى وميسبنيش صلى صلاة استخارة بعد ما تسبيهم كلهم ونصيحة منى ليك بعد ما تسبيهم كلميهم على اساس انهم قرايب انا بنت عمك وانت ابن عمى وخلاص عارفة لية عشان ممكن بعد دة كلو يلوث سمعتك فى العيلة احذرى وابتعدى وعلى فكرة لما تسبيهم كلميهم بطريقة لطيفة وبراحة مش زعيق وعصبية واطلع من البيت خلى بالك من نفسك وابقى طمنينا معلش انا رغيت شوية بس كلة عشانك
اولا عاوز اقولك ان الحب اللى بجد هيظهر بالمعامله بعد الزواج.. ثانيا لو شايفه ان اللى متقدملك ده اخلاقه كويسه ومحافظ على دينه فتوكلى على الله خصوصا لانه فكر فى الطريق الصح على طول وهو انه يتقدملك يعنى مش غاوى يهزر وبجد الحب بييجى من المعامله الطيبه بعد الزواج (اذا جائكم من ترضون دينه وخلقه فانكحوة) صدق رسول الله
السلام عليكم
قبل الاستخارة استفتى قلبك؟؟؟
وفكرى بعقلك ؟؟
انتى لسه بتحبى اخوة ولا لا
معنى ان كلامك بداء بحبيك مش باللى جاى يخطبك وكمان ((انا مش بحبه بس حسسنى بالامان))
ممكن الجمله دى يكون وراها ………شىء من الثائر لكرامتك وطبعا مش ينفع لانك الخاسر الاكبر فى هذا الموضوع
كونى صادقه امام نفسك اولا ثم استخيرى الله وربنا يقربك لما يحبه ويرضاه
اللهم استر على بنات المسلمين جميعا اللهم امين
نصيحه اخ ل اخته بجد
ارفضى الاتنين _لييييه
الاولانى بجد بجد مكانش بيحبك ده منظر واحد بيتسلى بس جه يتسللى فضح نفسه
جه يكحلها لنفسه عماها لانه بيتسلى
والتانى بيحبك اه واتقدملك اه _بس صدقينى مش هتكونى سعيده معاه
ده غير انو قريب من التانى وعلى فكرة انتى مشكلتك من اسهل المشاكل
بس ابعدى عن الدرب كله اريح واحسن
ده رئيى المتواضع يعنى
انتى صح جدااااااااا التانى دة ميستهلش انك تعبرية خالص لانة انسان تافة ومش بيخاف ربنا لعب بمشاعرك وخلاص اللى بيحب حد بيتنازل عن اى حاجة مش عاجباة فيها ودة بيتحجج بدبلوم وانك فى مكان تانى وكلام اهبل كدة ملوش لازمة لو اتخطبتى لاخوة لازم تحافظى علية وتسيبك من اللى انتى كنتى فية دة
انتى حيرتينى انا بس راى ان لو انتى بتحبى اخوة بلاش عشان هيفضل طبعاطول الوقت انتى شيفاة لاننا لما بنحب حد وبيبعد اهوة بنحاول ننسا لاكن لو هو قداميك على طول عمريك مهتنسية لا وكمان اخوة عارف دى كارثة لان دماغة علطول هتكون وجعاة حتى لو انتى بتتعاملى معاة عادى اخوة دايما هيشك فاى تصرف منكوا وهتبقى النهاية اما هيخسريك او يخسر اخوة ودة طبعا ميردكيش عارفة لو اخوة مش عارف كانت بقت اهون عموما لو فى فرصة ليكى انيك ترتبطى بحد كويس ابعدى احسن ودى وجهة نظرى وربنا يوفقك واوعى تفكرى انيك تتخطبى لاخوة عشان تنتقمى منة لا انتى هتنتقمى من نفسيك وربنا معاكى يارب
بصراحة انا رأيى وياريت ما تزعليش انك ما توافقيش وتتجوزيه عشان هو عارف انك بتحبى واحد تانى وكمان مش اى حد ده اخووه اللى هتشوفيه ومش هتهربى منه ولو اتجوزتى هيبقى عم اولادك واكيد هتتحرجى ف يوم من الايام وتفكرى فيه وف اللى عمله وتهملى زوجك , وبرده لاقدر الله الاخيين يتخانقوا علشانك مثلا وتكونى سبب فى قطع صلة الرحم انا من رأيى ماتوفقيش ولو ليكى نصيب ان شاء الله هيحصل وربنا يحفظك
بصى انتى احسن حاجة ما توافقيش على خطوبة اخوه ليكى وتبعدى عنهم هما الاتنين لان كل ما تشوفى اخوه حاتفتكرى حبك ليه وحاتظلمى خطيبك وانا حاسة انك عاوزة تتخطبى لاخوه عشان تنتقمى منه لكن بصراحة ده انسان مايستاهلش انك تنتقمى حتى عشانه فابعدى احسن وان شاء الله ربنا حايبعتلك الانسان اللى يستاهلك
ابعدي عن الاثنين افضل – في المستقبل سوف يكون هناك نوع من الخيانة سواء منك او من اخوه وسوف تكون حياتك تعسة للغاية من الافضل لك الابتعاد والله علي ما اقول شهيد
حبيبتى انتى لو وافقتى عليه علشان تنتقمى من الاولانى يبقى حرام عليكى نفسك هتظلمى نفسك وهتظلميه هو كمان . اما لو علشان فعلا حسسك بالامان وافقى عليه وهتحبيه اما تلاقيه بيحبك….
احب اقولك كمان انه بيحبك بجد لانه دخل البيت من بابه لاكن اخوه ده هيتحاسب لانك بنت عمه ولعب بيكى وبرضه صلى استخاره وان شاء الله اللى فيه الخير يقدمه ربنا
يارب يكون رأيى عجبك