مش عارفة ليه حابة احكي واسرد قصتي للناس لعل وعسى يستفيدو منها ومن ناحية تانية نفسي اعرف اراء الناس فيها هل انا صح ولا غلط انا مشكلتي ان بعاني من الحب و مشاكل الحب منذ نعومة اظافري يعني اول ما كنت في ابتدائي حبيت واحد قريبنا ويظهر افلام ابيض واسود كانت مأثرة عليا فكتبتله جواب غرامي ويصادف ان قريبتي وهي بنفس عمري تطلب كتاب مني واانا كنت مخبية الجواب بين صفحاته وساعتها اديتهولها وامها شافته وفضحتني وبقيت مسخرة المهم عدت اول مشاكل الحب الي مرت بيها على سلام التانية كنت لسه في بداية المراهقة اتعرفت على واحد عامل كان جارنا بنفس الشارع عامل نفسه ياما هنا ياما هناك بس للاسف طلع كداب وحتى اخد فلوس مني ودهب وسببلي عقدة من الشباب عموما اما اخر حاجة اتعرضتلها من مشاكل الحب كانت من شاب تالت كان ناوي يخطبني وكلم اهلي واتفقنا وحجزنا القاعة وقربنا نكتب كروت الدعوات كمان لكن للاسف طلع معظم الكلام الي بيحكيه عن نفسه كدب في كده بس بعد ايه كنت حبيته وخلاص حتى لما سيبنا بعض مش عارفة ارتبط بحد بعديه رغم انا في كتير بيحبوني وحابين يرتبطو معايا بس للاسف فعلا اكبر مشاكل الحب لما تتعلق بواحد وانت عارف ان الحب ده مصيره الفشل لان الي عمله مش شوية ودلوقتي في شخص بيحاول يتقرب منه هو عموما كويس جدا بس انا مترددة اقرب منه وبكلمه عادي بس مفهماه انه صديق مش اكتر بس هو لمح انه بيحبني اكتر من مرة وانا مش عارفة اعمل ايه معاه اصده واخسره وافضل طول عمري اتحسر على شبابي الي ضاع وايه اررريد حلا
مشاكل الحب
انا و مشاكل الحب المنيلة في حياتي
اضيف بتاريخ: Tuesday, November 2nd, 2010 في 16:05
كلمات مشاكل وحلول: الحب, مشاكل, مشاكل الحب
اذا كان الاخير يحبك توكلى على الله بكل ثقه فى الله وادعوا الله ان يوفقك لما فيه خير دينك ودنياك
مش اي حد يقول كلام حلو يبقى ده حب حقيقي واعذريني تقديرك للامور خطأ لذلك افتحي قلبك لمن يوافق عليه اهلك فقط ربنا يوفقك وترتبطي بشخص تعيشي معاه حب حقيقي مش وهم
لا حول ولا قوة الا بالله اول شي انا بستغرب لما اي حد يئابل اي حد وبعدها يسميه حب يبنتي انتي فين والحب فين ده كله طيش ولعب عيال الحب الحقيقي غر كده خالص دي اول حاجة اما تاني حاجة انتي ئلتي انهم كدبو عليكي طيب لما تعرفتي ع الشخص يلي بده يخطبك صارحتيه وقلتيله شو عاملة مع يلي قبله مهما كان هالشي اكيد لا هي دليل انك مش احسن منه وانك كدبتي عليه كمان ولا زي ما بئولو محلل علينا محرم ع غيرنا وتالت حاجة بنصحك ابحثي عن الحب في الحلال وبلاش الطيش ده واسال الله لك الهداية والغفران
السلام عليك
الحب شئ جميل فبلاش تندمي عليه حب الابتدائي والمراهقه مش حب مجرد تمهيد للحب
ان مش بتختاري مين يستاهل حبك حاولي مش اي حد تحبيه او تصرحي له بحبك اما بالنسبه للاخير انتم مش اتأتأكدتوا انه كويس ولا سألتوا عنه ليه قبل الارتباط
بس احمدي ربنا انه انكشف قبل الزواج
اما بالنسبه للشخص اللي بيحاول يتقرب منك قولي له لوعايزني اطلبني من اهلي وقبل ماتبدأوا في شئ اسألوا عليه كويس وهو لو بيحبك بجد وعايزك هيوافق ويجي
وربنا يكرمك باللي فيه الخير واعرفي اول عن اخر ده نصيب واللي لك نصيب فيه حتخديه