انا ياجماة واحدة من الناس اللي بتدخل هنا موقع مشاكل وحلول انا عمري19 سنة انا في 2جامعة انا بدخل موقع المشكلات هنا من اولي ثانوي بلاحظ ان معظم مشكلنا هي الحب كلنا واقعين بس المشكلة هي اننا مبنعرفش احنا عيزين اية مبعرفش نتحكم في مشعرنا ومشكلنا لو الشاب بيحب بجد حب صادق مش هتبقي في مشكلة انة يروح يصرح لحبيبتة قدام العالم ويدافع عن حبة بس للاسف مفيش الشجاعة في كدة من شاب ولما البنت بتسيب حبيبها الشاب مبيفكرش هو قصر في اية ميمكن البنت مش شايفة انها تقدر تكمل معاة هو مبيدورش علي السبب اللي خلتة تسيبة وتروح لغيرة والبنت مبدورش برضو علي السبب كلنا بنقفل علي نفسنا ونكتئب كلنا بنشوف الحب من برة بس كلنا مشكلنا في الحب واحدة كلنا فعلا كوبي بست من بعض الذكي هو اللي يقدر ازاي يعرف ينجح في حبة وعلاقاتة ازاي يقدر يخلق نوع من التغير المستمر في الحب عشان يكسر الملل ازاي يعرف يحب ازاي يخلص دة قليل اما بيبقي موجود انا بدخل هنا وبقرا قصص اوقات بتاثر فيا انا برضة مريت بتجربة بس فضلت ابقي لوحدي لاني مش لاقية بجد الراجل اللي يفهم ويقدر ويعرف دماغي غبي جدا اللي يقول البنات كلها شبة بعض وكلهم زي بعض وبتعامل علي الاساس دة بالعكس دة كل بنت ليها لون تاني لية ميزة تانية ليها حب تاني عشان كدة الراجل بيعرف يتشد لبنت واسفة اني طولت عليكم بس بجد الهيبتا بتلعب في حياتنا كلنا
انت مثال رائع ووسام فخرلكل البنات احي فيك اعتزازك بنفسك وحرصك على كرامتها وماتشغليش بالك ابدا بمايحصل حولينك وماتشوفيه من مايحصل بين الشباب والبنات فمثل ماتفضلتي كل واحدله سلوكه وميزته ولونه عن الاخر مش زي بعض ابدا ولا كل الشباب وحشين ولاكل البنات وحشات عليك بحسن الاختيارللشخص اللي تريدي الارتباط به من دين واخلاق وتعليم وطموح في الحياة بغض النظر عن شكله اوعمره اوحالته الاجتماعية متى ماوجدت تلك الصفات في الرجل فتاكدي انه الزوج المناسب لك وهتلاقي معه السعادةوالاستقراروراحةالبال في حياتك
فى الواقع كلامك صحيح فى ان اغلب المشاكل بتتمركز حولين محور كلام دا وبما انك هنا عشان تناقشى دا فهبدأ بس باول نقطة وهيا فكرة ان الشاب مش بيبقى عندو الشجاعة الكافية انه يصرح بالحب .. اسمحيلى استخدم نفسى كمثال فى النقطة دى .. مش هتكسف اقول انى صرحت بالحب مرتين فى حياتى لحد دلوقتى وعشان محدش يفهم غلط الفرق بين المرتين 5 سنين يعنى محاولتش اصرح غير لما اتاكدت من مشاعرى تماما .. مش هقدر اوصفلك مدة الذل اللى حصللى فى المرة الاولى .. وبردو مش هقدر اوصف مدى الكسرة اللى اتكسرتها فى المرة التانية .. ودا اللى مستنى 70 فالمية من الشباب اللى بيصرحو بالحب !! .. يريت متفهميش اللى هقولو غلط لكن انتى ممكن بتقولى كدا لانك بتتمنى من شخص معين بذات انه يصرح بحبو انت تكونى معجبة بيه قبل كدا مثلا لكن لما تتفاجئى ان شخص تانى هوا اللى بيحبك وانتى الشخص دا مكنش فى بالك وكان فى بالك حد تانى ساعتها بس هتعرفى اكتر انا بتكلم عن ايه .. الشاب لما مش بيصرح هيا مش قلة شجاعة لكن بحكم ان الراجل دايما لازم يتعلم يقف لوحده ويتعامل مع الدنيا دى لوحده .. فأكيد بالفطرة اللى ربنا خلقها جوايا كراجل هختار فى الاخر انى انسى الحب دا ومصرحش عشان متصدمش وتبقى عندى القوة الكافية انى استمر فاللى جاى … غير كدا انا معاكى فى كل كلامك والنقطة التانية هيا مجرد اضافة .. ان السبب فى اغلب المشاكل اللى من النوع دا ان الانسان مش بيبقى عندو هدف مختلف حقيقى يحارب عشانو … مثل انو مثلا يبنى دار مسنين او دار ايتام .. يكون الاول فى رياضة معينة سباحة كونج فو كرة قدم .. يركز على عبادات جديدة يبدا يداول عليه او يبدا يحفظ القران ويحط لنفسو مهلة زمنية معينة .. للاسف الفراغ الكبير اللى جوا القلوب بيخلى الواحد مثلا بعد مرتبط خلاص وبقى تمام يبدأ يطلع مشاكل من عدم ويدخل فى متاهات ملهاش اخر .. واسف على الاطالة وتحياتى ليكى !!