مشاكل الحمل والولادة

انا حامل بس حماتى مش مخلينى افرح باولادي

انا عندى 3 بنات بس كل مرة اولد فيها البنت امى وحماتى يعملوا مشاكل مع بعد وانا الضحية فى كل دة وزوجى يقولى السبب وانا دلوقتى حامل وخايفة اجيب بنت تانى يحصل مشاكل انا مش عارفة اعمل اية خايفة من جوايا اوى

مشاكل وحلول ذات صلة

اضيف بتاريخ: Saturday, March 5th, 2011 في 09:48

كلمات مشاكل وحلول: , , ,

19 رد to “انا حامل بس حماتى مش مخلينى افرح باولادي”

  1. مصري
    09/02/2012 at 11:09

    أكثري من الدعاء والاستغفار ةوبإذن الله ومشيئته سوف تلدين ولداً

  2. زينه داوود
    02/08/2011 at 09:11

    اشكري ربنه عله نعمتو في غيرك كتير بيتمنو ظفار عيل

  3. سمر
    23/07/2011 at 00:38

    انا اقول الله يرزق المؤمنات انشاء الله ويا رب اهدي الغافلات و اصلحهم الله يرزقك فلا تكرهوا شيئ و هو خير لكم

  4. الحماة والكنة
    17/07/2011 at 15:34

    ياختي الله يعلم ماتحمل كل انثى وحماتك لماتعرف الرحمة بنوب المفروض هي كذلك ام بلكي هي حماتها ماخلاتها تفرح بولادها حبت تخلف الثار تكلمي معها واعرفي السبب وافرحي ببناتك هم زينة حياة الدنيا يوم من الايام يرفعوا راسك باخلاقهن ودراستهن ومستقبلهم الزاهر ان شاء الله

  5. مش صاحبة المشكله
    13/07/2011 at 22:07

    لا حول ولا قوة الا بالله يا حبيبتي الي يكلمك حطي صباعك في عينه قزلي له لو يقدر يغير قدر ربنا يورينا شطارطه في اي حاجه حتي لو تافه ومفيش جدال اصلا في الموضوع ده قولي لهم فوقوا يا مؤمنين

  6. همسه حنان
    19/05/2011 at 11:16

    فى الاول ربنا يزرق كل من حرمه من الانجاب وان يرزقه با اولاد صالحين وحولى تفهمى حماتك بان ده امر الله وربنا يبارك لكى فيهم

  7. خيركم من علم وتعلم
    02/04/2011 at 11:00

    اختي العزيزه انا منتزوج من 8 سنوات ولم ارزق باطفال وحيتاتي جحيم قولي لحماتك تعالي اقرائي اخي لم يرزق باطفال مع العلم اني ادعو ربي ان يرزقني بطفل واحد لا اكثر مهما كان نوعوه بنت او ولد الله المستعان علي ما تصفون بجد حماتك اكيدجاهله والجهل ليس من لا يقراأ او يكتب لا بل الجهل بالله ولو هي بتنغص عليك حياتك خليها واذا خاطب

  8. صلى على نبيك محمد(مسلمه
    13/03/2011 at 02:40

    بالله عليكم ادعو لى ان احمل واجيب بنت

  9. واحد من الناس
    12/03/2011 at 23:13

    حيرزقك الله بي ولد بادن الله بس بالله عليك سميه عبد الرحمان ورد عليا لو رزقت بي ولد

  10. أخت ناصحة
    10/03/2011 at 23:45

    يا سبحااااااان الله!!
    يعملوا مشاكل على إيه؟؟
    أليسوا بمسلمين؟
    ألم يقرأوا قوله تعالى:((يهب لمن يشاء إناثا” ويهب لمن يشاء الذكور*أو يزوجهم ذكرانا” وإناثا” ويجعل من يشاء عقيماإنه عليم قدير))؟؟؟؟
    وقول نبينا الكريم صلى الله عليه وسلم:(( من عال جاريتين حتى تبلغا كن له سترا” من النّار))
    وأنت لابد أن تضعي حدا” ولاتسمحي لكائن من كان أن يعكر صفو حياتك..
    يبدو أنك طيبة بزيادة لهذا تكونين أنت الضحية!!
    يجب أن تفهمي والدتك بأن تجتنب النقاش مع حماتك في هذا الموضوع بالذات
    أما حماتك فدعي زوجك هو الذي يكلمها وإن رفض فكلميها أنت ولا تسكتي ولكن بكل هدوء..
    وكوني على يقين تاااااااام أنت وزوجك أن الله سبحانه لا يقدر لعبده إلا مافيه خير له وأن كل شيء عنده بمقداااااار فلا تقنطوا من رحمته وارضوا بما قسمه لكما فلا أحد يعلم ماهو الأفضل لكما إلا هو سبحانه..
    رزقني الله وإيّاك الذرية الصالحة البارّة فهذا هو الأهم…

  11. المحلله
    09/03/2011 at 23:23

    ياسلام كمان هيتدخلوا فى اراده ربنا وهو كمان بيتامر قوليله اسكت مش الدراسات اثبتت ان نوع الجنين بيبقى من عند الراجل مش من الست يعنى انتى ارض ياحبيبتى وتوضع فيكى البذره وبعدين مالهم البنات هو فيه احلى منهم ومن حنيتهم والله عن تجربه فى الكبر مابتشيلش الام غير البنت لكن الولد لمراته سيبك منهم وافرحى بحملك وبعدين رسولنا الكريم عليه افضل الصلاه والسلام كانت خلفته بنات وجاب ولد واتاخد منه ربنابيعظ الناس وهما مش بيتعظه 3بنات يدخلوكى الجنه ان شاء الله ومع ذلك لو ربنارايد يعطيكى ولد هيرزقك به وربناينولك اللى ببالك

  12. sofyan
    09/03/2011 at 18:17

    عدم ايمان بالله والقدر ان الله تعالى هو الذى يخلق فى الارحام لا يملك احد ان يجعل الولد او البنت ى الله يهب لمن يشاء اناثا ويهب لمن يشاء ذكورا ويزوجهم زكرانا وانا ث فلما هذا القنوط عليك بالايمان بقدر الله

  13. شــهــد
    07/03/2011 at 15:53

    اولا ربنا يحفظ لك البنات وانا بحسدك لانك ان شاء الله بتدخلى الجنه لو ربتيهم تربيه صحيحه

    اما موضوع خلاف مامتك وحماتك علشان ربنا بيرزقك ببنت ده قله عقل منهم لان البنات والاولاد من عند الله مش منك

    نصيحتى ليكى تربى بناتك تربيه صح على طاعه الله

    امى دايما تقول ان البنت اولها شماته واخرها حسد
    وان شاء الله ربنا يرزقك الولد اللى تتمنيه ويكون صالح
    اتمنى لك السعاده

  14. حبيبة
    06/03/2011 at 16:57

    معقول افكار الجاهلية مازالت تسيطر علي عقول بعض الناس ….والله يا حبيبتي دي مش مشكلة دة قدر الله ولازم تؤمني بيه وتسلمي لامر الله امال انتي مسلمة ازاي لكن خذي بالاسباب وادعي ربنا يرزقك بالولد الصالح لكن ان اراد الله بانثي فلا تقنتي من رحمة الله وارضي بما قسمه الله لكي واشكريه واحمديه علي عطائه فعطائه خيروتكفيك ان تكون ابنتك سليمة معافاة….احمدي الله علي انه لم يجعلكي عقيم وربي بناتك تربية حسنة ليكونو لكي باذن الله سترا من نار جهنم ….علي فكرة انا اخت لاربع بنات لكن عمر ماكانت دي مشكلة لوالدي او لوالدتي العكس تماما بيحبو البنات جدا وانا كمان اول مولود لية كان بنت ولو جبت كل ولادي بنات هاقول الحمد لله عطاء ربنا خير وارادة ربنا خير من ارادتي..في نهاية كلامي ادعو الله ان يرزقكي بالولدالصالح

  15. مواطنة مصرية
    06/03/2011 at 15:21

    عزيزتي لا تخافي أبداواتركي الامر لله وانشاءالله هيحله لكن انا اسفه اني اقولك ان حماتك تجهل ان الزوج هو المسئول الاول عن نوع المولود لكن معلش اصبري وانا عاوزاكي تكسبي حماتك وتكوني زكيه وتقربي منهابهدية بكلمة طيبة صدقيني الناس الكبار الكلمة والمعاملة الطيبة لها سحرها عليهم وقوليلها ياماما يجب ان نؤمن بعطاءالله لانها نعمة غيرنا يتمناها ولا يحصل عليها وانا اسفه اني اقول لحماتك ممكن جدا تجيبي ولد أعوذ بالله لاقدرالله معاق هتعملي ايه ساعتهااو بعد الشر مات في اي وقت هتعملي ايه ساعتها هتموتك ولا ايه
    متخليش حد ابدا يدخل بحياتك ولا يتحكم فيكي كدا وبردوا بالذوق والادب والحنية تقدري تمنعيها وفهمي زوجك كدا وماتبقيش ضعيفة ابدا خليكي قوية وانشاءالله تجيبي ولد ومعافي باذن الله وماتزعليش لو كلامي كان شديد عليكي يارب ياحبيبتي تجيبي اللي انتي عاوزاه وربنا مايحرم حد ابدا

  16. توتا
    05/03/2011 at 23:34

    بصى يا حبيبتى اولا السبب دة من عند اللة دى حاجة فى ايد ربنا ثانيا الولد والبنت من جوزك مش منك هو بيرمى البذرة والباقى على ربنا يعنى لما تحصل مشكلة تكلمى بقلب جامد انتى مش فيكى عيب العيب فى الراجل مش فى الست

  17. صلوا على نبينا محمد(مسلمه
    05/03/2011 at 14:19

    احمدى ربك على نعمه الذريه فيه ناس تتمنى ظفر عيل والله يا اختى دلوقتى البنت احسن من الولد طول عمرى اسمع من جدتى الكلمه دى وكنت استغرب كانت تقولى للى معاها ولد ربى يا خيبه للغايبه يعنى لما تجيبى ولد تربى وتكبرى وتعلمى ولما يكبر ويتجوز بيبقى لزوجته ويمكن زوجته كمان تخليه يقطع علاقته بيكى اما البنت بتبقى حبيبه امها وسرها ومهما حصلى بتحب امها وتخاف عليها والله انا بدعى ربنا انه يرزقنى ببنت ادعيلى يا اختى ان ربنا يرزقنى ببنت على راى جدتى البنات اولهم شماته واخرهم فرح وميهمكيش راى حد هو انتى اللى خلقتيهم ؟ دول هديه وهبه من عند ربنا حتعترضى يعنى لو حد جابلك هديه هتقوليله لا انا نفسى فى هديه ثانيه غير دى وبعدين يا اختى اللى تجيب البنت تجيب الولد لو حتى ربنا رزقك ببنت احملى ثانى ولو ربنا مقردش ليكى الولد احمدى ربنا قوى لان ربنا عارف مصلحتك فين ولما حد يقولك جبتى بنت ويضايقك قوليلهم دول نعمه واللى عاوزة ربنا يكون محدش يقدر يخلق ظفر عيل

  18. لله الامر من قبل ومن بعد
    05/03/2011 at 11:54

    اولا الحمل ده رزق من عند الله انتى مالكيش دخل فيه خالص بالعكس العلم قال ان الرجل هو اللى ممكن يكون له دخل فى تحديد نوع الجنين واقصد بذلك انه فى عمليه الجماع بين الزوجين عند انزال الرجل الحيوانات المنويه منها الاناث والذكور فمنهم من يعيش فتره اطول ومنهم من هو يموت والذى يعيش فتره اطول هو الذى يلتقى مع البويضه عند الزوجه وهنا تتم عمليه اللقاح وفى هذه اللحظه لا يعلم نوع اتركيبه الجنين اذا كان ذكرا او انثى الا الله من الاخر انتى ليس لكى اى زنب ان كان ذكر ام انثى بمعنى اخر البويضه عندك تنتظر نصيبها من الحيوانات المنويه التى تاتى لها عن طريق الرجل اما ذكر او انثى وياريت تاخدى حماتك وامك وزوجك لدكتور نساء وتوليد وهو يفهمهم ذلك وكان الله فى عونك بصراحه وربنا يرزقك حمل ذكر علشان تسدى افواههم وترتاحى من الكلام الجارح الذى ليس لكى فيه زنب من وجهه نظرى ونظر العلم

  19. الجوكر
    05/03/2011 at 10:06

    الخوف عدم ايمان بالله والقدر ان الله تعالى هو الذى يخلق فى الارحام لا يملك احد ان يجعل الولد او البنت ى الله يهب لمن يشاء اناثا ويهب لمن يشاء ذكورا ويزوجهم زكرانا وانا ث فلما هذا القنوط عليك بالايمان بقدر الله

اترك رداً أو حلاً لهذه المشكلة