انا متزوجة من سنة بالظبط وحامل زوجى يعمل بالخارج وفى السنة دى قضى معايا تلت شهور بس وحصلو ظروف مش يعرف ينزل الا بعد تلت سنين وبيعشمنى انة هياخدنى عندة كام شهر بس بعد ما اولد ومشكلتى انى مش مرتاحة فى حياتى واهلى كمان مش مرتاحين ومش عاجبهم جوازتى دى وعلى الرغم انهم كانو مترددين فى الجواز بس انا ال قولت لا انا مرتاحالو وكان جوازنا تقليدى وكمان امى دايما تعايرنى انة واخد كلية عادية هيا كانت عاوزة ظابط او دكتور ودايما تعايرنى بالكلام دة وان جوازتى دى منكدة ع عيشتها لما انا كمان قربت اكرة عيشتى وجوزى لانى ولا شايفة اهلى مرتاحين ولا انا مرتاحة مع العلم انى البنت الوحيدة ليهم ولية اخين اصغر منى وبجد مبفتش عارفة اعمل اى مش مرتاحة وانا لوحدى ولا مرتاحة مع اهلو وزهقت من كلام امى واحساسها دايما انهم رمونى مش جوزونى قولولى اعمل اى لانى تعبت بجد
مشاكل الازواج
حياة زوجية تنتهي قبل ان تبدأ
اضيف بتاريخ: Monday, December 13th, 2010 في 04:52
كلمات مشاكل وحلول: الازواج, زوج, زوجة, متزوجة, مشاكل الازواج, مشاكل زوجية, مشاكل زوجية
احيانا يكون الاختيار صعب ومر وندفع الثمن من حياتنا كماهو حاصل معك انت الان متزوجة وحامل ربنا يبارك لك في ابنك -بنتك اللي جايكم في الطريق ويجعله قدوم الخير والسعادة عليكم اصبري وماتفكريش في كلام امكي او تزعلي من كلامها دا حافظي على حياتكي الزوجية وصونيها جيدا وتواصلي مع جوزك عبر الموبايل او النت واشغلي اقاتكي بذكر الله من صلاة في وقتها وقراءة القران والاستغفار والدعاء بان يحفظ لكي جوزكي ويرده لكم بالسلامة ويرزقكم الذرية الصالحة ويصلح لكم الحال ويسترعليكم
شوفي اذاكنت مرتاحةمعه وعارفةانه يحبك بجدوانت كذلك تحبيه وشايفه انه انسان يخاف الله ويقدريسعدك فاستمري معه وعيشي حياتك ومالك دعوةبكلام اهلك اواهله والناس الاخرين وان كنت غيرسعيدةومش مرتاحةمعه ومقصرمعك ومايهتم بك ولا عاوز يتغير اويتحمل المسوولية فاهلك معهم الحق وعاوزين مصلحتك اسمع كلامهم واطلبي الطلاق منه وربنايكرمك باحسن منه وانت مش اول ولااخروحدةتطلقت من زوجها وخاصةانك شابة والف من يرغب فيك كزوجة وفقك الله
انت اخترتي الزوج داورضيت به تحملي الحياةوتاقلمي مع وضع زوجك وخصوصاوانت حامل الان وتنتظرون مولودجاي في السكة ربي يجعله قدم خيرعليكم ويبارك لكم فيه ومسالة غيابه عنك صارحيه بكل ماتعاني منه واطلبي منه ان يجيبك تعيشوا معه اوهويستقر في بلده معكم وربي يسعدك ويصلح احوالك
شوفي يابنتي كل شي في الحياة قسمةونصيب زي مايقولون وماحدش عارف نصيبه فين وانتي الان متزوجةوبتحبي زوجك وهوكمان بيحبك ومنتظرة مولود جاي في الطريق ربي يجعله من مواليدالسعادة ويتربى في عزكم اهتم بنفسك وبحملك وماتلتفتي لكل مايقوله اهلك اواهل زوجك واصبري وتحملي الدنيا تبغاصبروتضحية وربي يلم شملكماانت وزوجك وتعيشوافي اتم سعادةواستقرار
والله يابختك باهلك واقفين جنبك ياريتهم كانو اهلى مكنش ده يبقى حالى اهلى جوزونى وانا عمرى 19 سنة وبعد زواجنا مالاقيت توافق بيننا احنا الاثنين خطين متوازين وقلت لاهلى اطلق قبل ما انجب اطفال رفضو لان مافيش حد فى عيلتنا يطلق ودلوقتى بعد ما انجبت الاطفال نادمين وقالو ياريت كنا سمعنا كلامك بدل من العيشة الغريبة العيشها احنا عايشين تحت سقف واحد لكن ما بنكلم ولا نتحاور مع بعض كارهين بعض والحاجة الوحيدة الى مبسوط هو بيها هو فراش الزوجية لما كرهنى فى كل شيى بجد يابختك باهلك
أنا أسفة مش متعودة أهين حد بس المشكلة استفزتني يبدو جدا انك انسانه تافهه ومستهتره وربنا يعين جوزك عليكي
وبصراحة أنا مستاءة من ناشر المشكلة دي
لاتسمعي كلام والدته وعيشي حياتك الزوجية بكل حلوها ومرها
والله سوف ييسر لك أمورك وتكوني قريبة من زوجك وعليك بالصلاة والاستغفار وقراءة سورة البقرة
بتحبيه هاه ايوه والا مكنش تم الزواج وكمان حامل حقا الفتره التى عشتوها معا قصيره لكن الجاى كتير واحلى وبكره يعزيزتى ح تزهقى من وجوده بالبيت سيبك من اهلك واهله وكبرى مخك ومش هااقول لكى طنشى بل كونى من الصم والبكم بدئتى حياتك سيرى فيها بعون من الله وهدى اعصابك علشان الحمل وزوجك اذالم يحبك ما كان اختارك وانت عارفه البنات اكثر من الهم طالما انك رايحاله يلا روحى واشترى ملابس البيبى وفرفشى وربنا يوفقكم وتلدى بالسلامه امين وتسافرى وترجعوا بالسلامه امين
السلام عليكم معليش يااخوتى هوا ليزم يكون مهندس انا مامعيش شهادة خلاص وتزواج انسانة عندهة بكالورسوس تجارة يبفى انا وحيش وعيش الحمد الله كويس مع زواجتى وبشتغل فى الخارج وهى بمصر وانشاء الله هجبه هنا بس كانت الظروف معصلج معاياشوى بس الحمد الله ربنا رازق وانشاء الله هجبه المهم خيلى بيلك من جوازج عليشن الاهل همة البيجيبوا النصيبة ومعليش استحملى لحد مالظروف تعادل وربنا جميل ربنا يوفيق ويخلهولك انشاء الله
لا تسمعي كلام أمك …قفي جنب زوجك وتحملي ظروفة وربنا هيباركلكم في بعض
هو الراجل لو مش دكتور ولا ظابط يبقى مش راجل الراجل هو الى يعيش بالحلال مهما تكون ظروف الحياه وربنا هيعوضه هو واهله فى الاخره
حافظى على بيتك وخليكى مع جوزك للنهايه وسيبك من كلام الناس اللى مالوش لازمه
يعني ايه واخد كلية عادية هو بعد كده الجواز حيكون من مكتب التنسيق
بسم الله الرحمن الرحيم
اختى الفاضلة لا تسمعى كلام امك فانها وللاسف ليست الام التى ينبغى ان تكون فهى مريضة نفسيا لانه لا توجد عاقله تكلم بنتها بهذه الطريقه و كلام السفهاء وانها كانت ترغب بضابط او دكتور انها تحب المظاهر لا اكثر ولا يهمها حتى مشاعرك انظرى الى فتيات سنهن فوق الثلاثين وبدون زواج وقد يكن اجمل منك بكثير ومن عائلات قد لا توجد بينك وبينهن مقارنه لا حول ولا قوه الا بالله
الجواز مش لعبه ده بيت واولاد انتي اخدتي قرارك بمحض ارداتك واتجوزتيه تيجي دلوقتي بعد لما بقي بينكم طفل وتقولي مش مرتاحه بس كده.. انا مش معاكي في كده خالص.. الطلاق ده بيكون لاسباب قويه جدا مش اسباب تافهه زي دي انك مش مرتاحه والكلام ده… اختي الفاضله لو ماكنتيش مرتاحه جنسيا بسبب الفتره دي ممكن تخيريه اما انه ياخدك او ييجي يشتغل في بلده . لو ماكنتيش تتحملي بعده عنك وكده.يبقي ماتوافقيش علي بعاده ولو سابك ليكي الحق تتطلقي وتتجوزي غيره… سيبك من كلام الناس وكلام امك انت دلوقتي زوجه وام لطفل
اختي انا أرى انك في نعمه هناك الكثير من البنات يتمنوا الزواج لكن لم ييسر الله لهن الزواج انا لا اقول لك ان ترضي بالوضع الحالي حاولي التغيير ولكن في حدود المعقول افهمي امك كلمي زوجك اذكري ربك واقنعي نفسك والله يوفقك
حاولي اشغلي نفسك بشي مفيد مثل خفظ القران والتفقه في الدين وادعي الي زوجك بصلاح الحال ولم الشمل وراعي ان ظروف الحياه سارت صعبه واعلمي ان زوجك مش مرتاح هو الاخر علي هذا الوضع بس الرجل حيعمل ايه .وهل امك متاكده انك لو تزوجتي ضابط او دكتور انك سوف تكونين سعيده ؟عليك بالدعاء والصلاه علي النبي فبها تنحل العقد .
اختى الكريمة الشخص اللى اخترتيه بمحض ارادتك واتجوزتيه وحامل منه دلوقتى لازم تاقلمى نفسك عليه عشان البيبى اللى جاى يعنى يا ييجى يقعد معاكى ويراعى ربنا فيكى ويعفك ويعف نفسه يتسافرى وتعيشى معاه هناك برده انما الجواز من بعيد لبعيد ده حرام واكبر غلط ومع احترامى لكل عائلتك بس متسمعيش لكلام اى حد معدش منه فايدة الكلام ده دكتور مهندس هو ده نصيبك المهم انك تكونى مرتاحة مع جوزك وتكونوا مع بعض سوا هو هنا ولا بره عشان حياتكوا تكون مستقرة وربنا يسعدك ويهنيكى ويرزقك باجمل واصلح طفل فى الدنيا المهم انك تتكلمى معاه وتتفاهموا مع بعض من غير مشاكل ومتدخليش حد بينكوا خالص والصلاة والسلام على النبى المختار