انا مخطوبه من اكتر من سنتين ومش بحب خطيبي اتخطبت بعد ماسبت الولد الي كنت بحبه باسبوع خطيبي انسان كويس جدا جدا بشهاده كل الناس وبيحبني اوي ومركزه المالي والاجتماعي والعلمي حلو جدا بس مش قدرت احبه كان بالنسبه ليا زي المسكن الي اخدته وانا تعبانه ولما بقيت كويسه كرته وانا صارحته اني مش بحبه وسالته عن رايه لو نسيب بعض بس هو رفض ولانه بيحبني مكنتش عايزه اعمل معاه نفس الي اتعمل فيا واخليه يكرهني ويدعي عليا بس بجد خلاص انا مش قادره اكمل حصل بينا مشكله من فتره وسبنا بعض وانا كنت مرتاحه جدا في الفتره دي واهلي قاطعوني بسبب اني سبته وهو رجع بعد كدا واهلو كلمو اهلي علشان نرجع في الاول رفضت بس انا والدي وولدتي عندهم مشاكل صحيه وممنوع عنهم اي زعل وبابا قلي اني لو سبته ممكن معرفش غيره لان انا مش عايشه في بلدي والبلد الي انا فيها ممنوع جواز الاجانب وطلب مني مش اسيبه وافقت ومسبتهوش واشتركت في موقع جواز من على النت ولقيت انسان فيه كتير من مواصفات الانسان الي كنت بحلم بيه اتعرفنا واتكلمنا وبدات احبه وبطلت اكلم خطيبي بس الانسان ده انا خايفه انو ميكنش كويس اوقات بيقول كلام غريب مش بكون فهماه هو مش اتكلم في خطوبه او جواز وبيقول انو عايزنا نتعرف الاول انا حاسه اني ضايعه ومش عارفه اعمل ايه انا مش بطيق خطيبي ومش هستحمل اعيش معاه يوم واحد ومش عارفه احدد اذا الانسان التاني ده كويس ولا لا وخايفه بجد من العنوسه ارجوكم انصحونو بس بلاش استهزاء او اتهام لان من الاول كان غصب عني
مشاكل الخطوبة
بكره خطيبي وخايفه من العنوسة
اضيف بتاريخ: Friday, October 28th, 2011 في 11:02
كلمات مشاكل وحلول: الخطوبة, الزواج, بنت, مشاكل البنات, مشاكل الخطوبة
يمكن انا م الشخصيات الي بتحبي الحاجه تجي بصعوبه بصي …اعملي استخارة وكملي وحاولي تكون في حوار مفيش وملقتيش افسخي ومفيش حاجه اسمها تنويه ربنا قادر ادعي ربنا وملكيش دعوه بحولرات ابنا دي في ناس مش صادقه تمام لازم حد جي عن طريق ناس وفي جروبات زواج مضمونه لو انا من مصر..ابعتهالك
انا كان عندي نفس الوضع وجيت لهذا الموقع عن طريق قوقل وتمنيت لو البنات بعد ما تزوجوا رجعو وحكو تجربتهم ، ووعدت اني ارجع عشان افيد اي واحدة بنفس وضعنا .
بعد الزواج بشهرين اقدر اقول اني تعودت بطريقة غريبة على زوجي وسبحان الله زالت كل مشاعر النفور تجاهو ..
فاي بنت على وش زواج وزوجها انسان كويس وعارفة ان في مبدئيا لغة حوار ما بينهم ، تتوكل على الله وتتجوز ، لان صدقيني مشاعرك قبل الجواز حاجة وبعد الجواز حاجة تانية خالص .
الحمد لله حالي من حالك بس اهلي مستحيل يقبلو منفصل ادعولي ربي يختارلي الافضل
انا كنت نفس المشكلة بس الحمد لله سيبته
احسن حاجه ان هو يكون بيحبك ولو سبتيه هتندمي ولو الولد اللي كنتي بتحبيه الاول بيحبك هيعمل المستحيل علشان يرجعلك بس اللي انتي مخطوباله دلوقتي بيحبك المفروض تكملي حياتك مع واحد بيحبك مش انتي اللي تحبيه علشان لو انتي اللي بتحبيه مش هيديكي اي هتمام ونصيحه مني ماتسبوهوش
والله العظيم أغلبية المعلقات ماديات لا يهمهمن الحب والرضى سوى المادة والمركز يا أختي ضر ساعة و لا ضر الأبد الذي ينتهي بالطلاق وتيتيم طفل وولداه أحياء لا تقبليه ولو وزنك بالذهب أنا رجل تزوجت عندما كان عمري 24 سنة نظرا لظروف إجتماعية لا يعلمها إلا الله توفت الوالدة و الوالد تزوج والبقية تعرفيها لم أجد من يقوم بي و بأخي الصغير وبعد 25 سنة لي 3 أولاد في الجامعة ندمت لأني لم أتزوج عن حب أعيش مع زوجتي لا أحبها و لا أكرهها والله لو لم يكن لدي الأولاد لأنفصلت عنها لا يوجد حب الذي هو أساس العشرة الطيبة و أفكر في الزواج بأخرى علما أنني دكتور في الجامعة والحمد الله إنفصلي عنه وتزوجي بمن تختارين و تحبين أنت من ستعيشين معاه ليس والديك لأنهم سيرحلون عاجلا أو أجلا مثل ما حدث معي لم أحسن الإختيار ولكن لا أريد ربما هناك من سيلموني ويقول قليل الأصل لكن والله لست كذلك بل لم أضربها و لم أسبب لها مشاكل يوما والله شهيد لها حرية الإختيار في زيارة أهلها في مالها في كل شيء ولكن كنت مظطرا للزواج والتعدد نعمة من الله فلما أتركها و أخونها مع أخرى لا تتزوجيه واليوم بعده غدا والحب هو الأساس و الساس لا يهمك المال لأن المال يجمع مع الوقت و لكن الحب لا يشترى و لا يباع
يابنتى كل اللى ع النت دول كدابين اسالينى انا جربت وقريت قصص كتير وكلهم كدابين
منهم قصه انا قرتها لوحده انها حبت ع النت وهو كان مسافر وقالا لما ارجع هنتخطب وكلم مامتها ف الموبايل وقالها انه جايبلها لبس بيت معاه وهى نزلت تجهز مع مامتها كل حاجه هو بيحبها وجيه اليوم اللى ينزل فيه مبقاش يتصل بيها خالص خمنت اى باسورد وطلع صح ولقت مسجات انه متجوز وعنده اطفال وان اللبس اللى كان بيورهولها كان جايبه لمراته
بصى بقى مفيش حد يرفض عريس زى ده احمدى ربنا غيرك مش لاقى طالما قابله شكله خلاص
اين عقلك ولامافي عقل خالص عريس بكل المواصفات دي وترفضيه بلاسبب لاتتسرعي في الحكم عليه وارضي بالقسمةوالنصيب قربي من خطيبك بلاش هبل بنات وبادليه المشاعروالاحساس وحتلاقي نفسك وقعت في حبه غصباعنك واهلك بيرضواعنك وبيفرحوالسعادتك ربي يهديك ويصلح حالك ويالف بينك وبينه بالحب والمودةوالسعادة
بجد حرام عليكى صدق الى قال خدى الى يحبك ومتخديش الى انتى بتحبيه اوعى تسبيه هتندمى ندم عمرك وابعدى عن مواقع الجواز انا دخلتها ومجربه وعارفه وحافظه كل الكلام ده دول صيع على نصابين على حراميه نصيحه اخت راعى ربنا فيه تعرفى يعنى ايه واحد بيحبك يعنى ملكتى الدنيا كلها وكمان ده متمسك بيكى اكيد انتى حد كويس علشان كده ربنا كرمك بيه ابعدى عن الكلام الفاضى ده وقربى من ربنا انا خايفه عليكى علشان انتى مش مقدرة الى انتى فيه اوعى تسبيه والله هتندمى وهتفتكرى كلامى والله انا صاحيه تعبانه ومخنوقه ومش قادرة اتكلم بس اهتميت وكتبتلك علشان حراااااااااااام انك تخصرى شخص زى ده
شوفي حزن ساعة ولا حزن كل ساعة اتركي خطيبك واتركي يلي في شات ويلي فيه الخير الله يقدروا
صلي استخارة كتير وتوكلي ع الله ولوطلع ف الاستخارة تكملي كملي ولو غير كدة بلاش وربنا هيسهل الامر بغد الاستخارة ف ح٧اتك ومع اهلك
انا زيك بضبط ومش عرفة اعمل تعبانة اوى والله
ممكن اقول حاجه بنسبا للنت وتعارف الشباب عليه والله انا مدمنه شات وعرفت كذا ولد وكلهم بيقولو كلام حب ومبينين انهم وبيعشفوني ولما انا ازهق من اللعبه واحب اجددها العب عليهم من ايميل تاني واعمل اني بنت تاني واحط صوره بنت تانيه ومع ذلك نفس الكلام اللي اتقالي هو هو اللي اتقالي علي الايميل التاني واعمل اني قفشتهم والله يابنتي النت ملوش امان كله حورات واللي يخش في علاقه ويسدقها يبقا طيب جد
علي فكره انا بعد ماكنت كرهت خطيبي وخلاص عرفت اخليه هو يغلط في حقي وجبتها من نحيتو انو هو اللي مش عايزني لقيت نفسي انا اللي مش عايزه اسيبو عشان العشره اللي بنا والله اعلم اللي جاي هيكون ازاي خفت وفي نفس الوقت لقيت نفسي محتجالو وده بعد ما عزبتو معايا عشان يسبني وكنت حبيت حد تاني بس شلت التاني من دماغي وقررت لما لقيت نفسي ادام النهايه بعد ما عملت استخاره مره و2
انتى كدا بترفضى النعمه اللى غيرك بيتمناها ولو رفضتى نعمه ربنا ربنا هيحرمك منها علشان تحسى بقيمتها .. ونصيحه حب النت ده كله كلام فاضى كله تسليه الولد ده بيتسلى بيكى هيقولك عاوز اتعرف عليكى واشوفك الاول وبعد ما يشوفك يا تعجبيه يا متعجبهوش وهيفضل يكدب عليكى ويقضيها حب الاول بعدين يزلك علشان يتقدملك ويخليكى تحفى وراه عشان يجى يكلم باباكى .. وبعدين اللى خلاه يكلمك اكيد كلم غيرك وبياخد منهم معاد زى ماعاوز ياخد منك كدا بالظبط.. نصيحه متسبيش خطيبك ده لانه خساره وانتى بعد الجواز هتحبيييييييه
السلام عليكم ورحمة الله وبركاته :
سيبي اللي مش بتحبيه لأنك هتخونيه ، و سيبي اللي بتكلميه لأنه هيخونك .
* اهدي شوية و ما تستعجليش : رزقك في الجواز هيجيلك هيجيلك ، لأنه مش بإيد حد ، ده بأمر ربنا.
*** و الله أعلم***
بصي علي اد كده في ناس بتتكلم وهي مش حاسه بلي جواكي عشان انا كمان مش بحب خطيبي واهلي غصبني عليه بس الفرق اني كنت بحبو بس من تصرفاته واهمالو فيا كرهتو وجاي دلوقتي يتعدل بس للاسف مش بقيت احبو واهلي قدمو جوزتي خلاص بعد شهرين فكرت انتحر بس قولت ادي نفسي فرصه واقرب من ربنا جامد لاني مكنتش بصلي ودلوقتي ابتديت اعمل استخاره وهعملها مره واتنين ولو مقدرتش هسيبو طبعا
يمكن معمول لك و له سحر
اقري قرآن كتير و صلي اذا حسيتي بتعب غريب يعني انتي مسحورة
صباح الخير الامور بسيطه جدا والزواج لازم فيه الرضا والقبول والراحه النفسيه بكل ادب وهدؤ والله انا مش مرتاحه معاك وحاسه اننا مش هنتوفق فى الزواجه دى وانفصلى عنه وخلاص بس مفيش زواج وعشره بالعافيه وخصوصا انكم لسه فى فتره الخطوبه بدال الزواج والمشاكل وبردو هننفصل وهكون مطلقه فبلاش كل ده ومن اولها كده كل واحد يروح لحاله / المحامى
مفيش حاجة اسمها موقع جواز شرعي
كله نصب في نصب وتحايل على الدين
إنما كرهك لخطيبك فأنت وافقتي عليه من الأول
لكن لو بتكرهيه وغيرتي رأيك فالأفضل تسيبيه رغم إنك وافقتي
لأنك مش هتكوني سعيدة معاه طول حياتك
وربنا يسامحك على موافقتك عليه من الأول
قمي الليل وصلي صلاة استخارةوانت علي يقين بربناوبعدها لو في شر لكي ربنا هيبعدو عنك وييسر امرك استعينى بالله وادعي ربنا انه يحببك فيه ويفرحك (ممكن ده يكون من الشيطان) ولازم تقطعي علاقتك باي اولاد لانه حرررررررررام وخسارة ليكي انتي بس .لكن مترتبطيش بيه لمجرد الخوف من العنوسةلانك هتظلمي وتظلمي نفسك وربنا هيكرمك بالزواج الصالح بس قمي التلات الاخير من الليل ولو مرة في الاسبوع وربنا هستجيب لك وكل سنة وانت طيبة ياقمررررررر
انا سبت الولد التاني ده بس انا بجد مش قادره احب خطيبي انا بجد بكره الناس الي بتهاجم وبتقول كلام مش عارفه هما عايزين يوصلو لايه محدش منهم عارف انا بحس بايه لما بتكلم معاه او اشوفه انا ببقى كاره الدنيا وكراه وكره نفسي او لما بتخيل اننا ممكن نتجوز والله بيكون نفسي اموت قبل ما يجي اليوم ده انا مش من البنات الي بيدخلو على الشات واتكلم واحب انا دخلت على موقع جواز شرعي علشان الاقي اي حد يخلصني من خطيبي ولما عرفت ان الولد الي عرفتو مش كويس انا سبته
خدي الي بيحبك ومش تاخدي الي بتحبيه لان الي بيحبك هيصونك بس لازم تحبيه والا مش هتفائل بجوازكم ده حاولي تحبيه وقربي منه شوفي الحاجات الكويسه فيه وكفايه انه بيحبك ربنا يهديكي
الا بيتبطر على النعمه بتزول من ايده اكيد انتى فاهمه قصدى انتى وكل المشتركين بلاش نجرى وراء الاوهام ونسيب الحقائق الا محدش طايلها / المحامى
متزعليش من هجومي ليكي بس لزم تفوقي وتعرفي مصلحتك وتكوني قنوعه بلحاجه الكويسه الربنا هداكي بيها دا حمدو فوقى فوقى فوقى
عارفه انتي خصاره فيكي خطيبك عشان زكرتي عيوب فيه مفيش بنت تتحملهاخليكى اصتادى سمك من الميه بس ميه مجاري شوفي اه هيكون اختيارك العمياني وخلي بالك الفرسه بتجي مره واحده والالفتر اكيد انت فاهمه
بصي أنا مفهمتش أنتي ليه كارهه خطيبك مش مهم راي الناس
انا عاوزه اعرف منك أسباب كرهك ليه
بجد انتى بتفكرى بطريقه غلط تماما يعنى انتى سايبه خطيبك ورايحه تحبى واحد مليون فى الميه بيلعب بيكى وهيسيبك لو سبتى خطيبك بجد يبقى لان ربنا بيحبو انتى بتظلمى نفسك وهتوقعى نفسك فى مشاكل كتيييييييييييير اوى انتى فى غنى عنها كملى مع خطيبك واستغفرى ربنا وادعى ربنا ان يبدل قلبك من نحيتو والله يابنتى لو سبتيه هتندمى ندم عمرك كلو لان هتلاقى ناس مش جاده كتير ونتاس تسمعك كلام فى الهوا وبس وناس بتدجى وعود لكن مبتنفذهاش بجد ربنا يهديكى للصواب
بصي انتي تفكيرك مشتت بجد ومش عارفه تاخدي قرار اولا قصه حب وفشلت عادي بتحصل كثير جه انسان كويس واتقدم وربنا اراد ان تتم خطوبه اوك خطيبك ده انسان كويس ومحترم ومركزه حلو والاهم من ده انه بيحبك شئ حلو بس انتي مش عارفه تحبيه عشان دخوله في حياتك كان في فتره غلط بس حقولك عاوزاكي تهدي كده ومتفكريش في اللي فات واعتبري ان خطيبك ده اول واحد في حياتك وشوفي مميزاته صدقيني حتحبيه انا بقولك الكلام ده عشانك صعب تلاقي حد كويس ويحبك في الزمن ده بس ده ميمنعش انك تكوني بتحبيه او علي الاقل بترتاحي وانتي معاه بلاش تتعبي نفسك تاني وتدخلي في علاقه حب انتي مش متاكده منها وخلي تجربتك الاولي تستفيدي منها ارمي كل اللي فات وراكي اقربي من ربنا اووووووي حاولي شوفي خطيبك كانك لاول مره بتشوفيه شوفي مميزاته مواقفه حبه واحترامه ليكي وانتي اكيد حتحبيه ولو حسيتي ان مفيش توافق ولا ارتياح وصعب تحبيه يبقي اتركيه دلوقتي احسن من بعدين ولاكن ده طبعا حيبقي بعد تفكير طويل عشان ميجيش يوم وتندمي علي انك ضيعتي انسان كان بيحبك وباخلاق دي وربنا معاكي يارب وحياه سعيده شمس
ابدا من الخير واقول لك بأن الشخص الذي وجدتيه في موقع لا يصلح لك ولا اضن بأنه ينوي الإرتباط بك بل سوف يتلاعب بمشاعرك و… وفي الخير يرميك .
أما خطيبك فهو جوهرة ثمينة وألف واحدة تتمنى رجل بصفاته وحاولي أن تحبيه واطردي الأفكار السيئة من عقلك والحب الحقيقي يأتي بعد الزواج .
واستخيري الله في خطيبك .