أنا مخطوبه وطول الوقت بفكر ينفع أكمل ولا لأ .. المشكله إني وافقت من الأول وأنا مكنش عندي قبول للشخص دا بس وافقت علشان ظروفه كويسه وهو كويس وكدا .. بس أنا مش حاسه بيه خالص رغم إني عارفه هو بيحبني أد إيه بس برضو مش حاسه بيه ، ممكن أكون شايفاه آه حد كويس بس بالنسبالي أنا لا مش حاسه إن ممكن يكون جوزي ونتعامل معاملة الأزواج ، أنا مش بحب منه كلمة بحبك – بزهق – ، أنا كمان بحس ساعات كتير ان بزهق من الكلام معاه .. ينفع أتجوزه علشان هو حد كويس وخلاص؟ ولا لازم أكون على الأقل مرتاحه ومبسوطه ف الخطوبه ؟؟؟…. أنا فكرت كتير أوي وببقى هفركش خلاص بس بفكر تاني و أقول هو أحسن من غيره كتيييييييييير علشان هو طيب وأهله كويسين وأقول أستنى شويه و أدي لنفسي فرصه بس غصب عني حاسه إني قافله من ناحيته .. بحس إنه بالنسبالي انسان كويس وخلاص مش إنه خطيبي بقى …. نفسي أوصل لقرار بقى ، وبكل صراحه خايفه أكمل وبرضو معرفش أحيه ، وخايفه أسيبه وأكون كدا خسرت حد بيحبني وطيب ويجيلي إللي يديني على دماغي
مشاكل الخطوبة
موافقتي على خطيبي غلط من الأول
اضيف بتاريخ: Wednesday, July 13th, 2011 في 13:27
كلمات مشاكل وحلول: الخطوبة, مخطوبة, مشاكل البنات, مشاكل الخطوبة
بعد ما عدى ١٢سنة صاحبة المشكلة وصلت لإيه؟
انا تعبت من كثره التفكير فالموضوع ده ونفسي حد يدلني ويساعدني ربنا طبعا وحده اعلم .انا زايك اتخطبت لحد كان متقدملي واهلي رفضوه بسبب سمعه حد فبيته وأنه وحيد ع كذا بنت والحياة هتبقي صعبه وبسبب كده تم رفضه من ناس كتير وانا اول وحده يرحلها وبعد مااهلي رفضوه كل أخباره كانت بتوصلني وكان بيصعب عليا أن ي حد يوافق عليه ومتمش ي هو ال يرحلها متعجبوش ومتمش وشاء القدر أنه يجيلي تاني ف وقت كنت ضايعه فيه وخارجه من تجربه خطوبه متمتش وكنت نفسيا مش تمام بس مبحبش حد وكنت رافضه اتخطبت تاني فالوقت ده جالي وكنت خارجه ارفضه ربنا ريح قلبي من ناحيته والموضوع مشي بكل سهوله تقبلته بس لسه مش عارفه اتقبل فكره اهله وان بسبب حد ف اهله تم رفضه والناس بتخوفني من أنه وحيد وأخواته مدلعين . صعبان عليا وف نفس الوقت قلبي مش مطاوعني اجرحه لانه طيب بس ف عيوب هو محترم بس ف عيوب وبيحاول يصلحها عشاني . فكرت كتير افركش بس صعبان عليا ونفس الوقت اتعودت عليه بس خايفه اندم بعدين مع العلم اني مش فحياتي حد ولا بحب حد كان ليا تجارب سابقه بس من وقت ماتخطبت بطلت افتكرها وقررت اعيش
انا عندي مشكلة انا كنت بحب واحد ابوه يبقى ابن عمي أصغر مني ب سنه و ٨ شهور حبينا بعض ٣سنين و أهلنا كانو عارفين قال لأهله انو يتقدملي اهلو رفضو و كان متقدملي واحد اول ما حبيبي بعتلي واتس كتبلي كل شئ قسمه و نصيب و استودعكم الله رنيت عليه و قلت انا هوافق على العريس و تاني يوم وافقت خطيبي ده واخد ل ثالثة اعداي و انا واخده معهد و بكمل كليه تجاره هو أخلاقه مش كويسه بمعنى الكلمة و بيكذب كتير و حتى مكنش بيصلي و سنو ٢٧ سنه لما اقنعته انو يصلي و بيصلي و خليته بطل السجاير بس الماضي بتاعه وحش جدا و خايفه ل يرجع زي الماضي و مش عايز يتقدم خطوه لقدام و كلامو مش زي كلامي و قلت ل بابا اني عايزه أرفض بابا مش موافق و مصمم عليه علشان هبقي جنبه في السكن و انا لسه بحب حبيبي و أوقات بكلمو يعني كل فين و فين و حاولت اتقبل خطيبي بس من اللي بسمعو عنو و اللي حكالي عليه انو عملو مش متقبلاه خالص اعمل ايه
يااااربي نفس مشكلتي الوقتي وكنت هسيبه الاسبوع دا عشان حرام اظلمه واظلم نفسي ولكن حسع ان في حاجه منعاني ومترده جدا معرفش السبب
المشكله اني مش شايفه فيه ملامح الرجوله والشخصيه القويه حساه مش هيبقي سند حتي جسمه نفسه مش وقفه الراجل كدا صلب لا وقفته تحسيها ضعيفه كدا ونايتي زي مابيقولوا
بجد زعلانه انا مقصدش اعيب ف حد والله بس زي ماهو عاوز صفات انا كمان عاوزه
مش عارفه اتصرف ازاي
يابنات ارجوكم تقولوا لما اتجوزتوا ناس مش بتحبوهم حصل ايه
ياترى صاحبة المشكله اتجوزتى خطيبك ولا عملتى ايه
ارجو الرد علي رسالتي لاني بجد محتاره انا اتخطبت لقريبي سنه بس سيبته كذا مره وبيرجع تاني يقول هتغير وهعمل وهعمل وبديله فرصه بيتعدل شويه ويرجع تاني زي الاول هو اصلا ظروفه وحشه ومفكرني بزعل منه عشان مش بيخرجني ولا بيجيب هدايا كتير بس انا بزعل من حجات تانيه هو مش فاهمني خالص انا بزعل من قلة تقديره ليا واهماله وفي داء وحش كمان هو بتاع بنات كل فتره اكتشف انه بيكلم واحده واعمل مشكله ويتعدل وبعد فتره يرجع تاني انا عارفه انه كله عيوب بس المشكله بقي اني رغم كل ده بحبه اوي اوي ومش قادره ابعد عنه انا دلوقتي سايباه من شهر ودي مش اول مره بس من ساعة ماسبته وانا نفسي نرجع تاني بس بمنع نفسي وخصوصا انه دايما قدامي عشان هو من نفس العيله.. حد يقولي اعمل ايه ويساعدني ارجوكم….. شكرا
انا كنت بحب شخص حب جنون بس كان من طرف واحد وكان بيجيلى ناس كتير وكان فيهم ناس كويسين بس كنت برفض لان كان قلبى متعلق بالشخص ده وبعدين اهلى بداو يزعلو منى لانى بضيع فرص من ايدى هانجم عليها بعد كده وبعدين جالى شخص اتفدم لى ووافقت عليه بس مش عارفة انا وافقت علشان ارضى اهلى والا عشان ادى نفسى فرصة يمكن انسى اللى فات وهوه انسان كويس سالنا عليه ناس كتير بيقولو كويس ومحترم واهله ناس كويسين بس انا بزهق منه فى ساعات ماحبش ارد عليه فى التليفون ولمايجى خوه بيفضل يتكلم وانا ساكته وحاسة انى قافلة منه مش عارفة اعمل ايه
ربنا يهدينى ويهديكو ( يارب )
انا كنت بحب شخص قبل مااتخطب بس حب من طرف واحد وكان بيجيلى ناس كتير بس انا كنت برفض على طول وبعدين اهلى بداو يزعلو منى ويقولولى ان بتوقغى نصيبك بايدك وفجاة جالى شخص سالنا عليه ناس كتير قالو كويس ومحترم واهلة ناس كويسين ومرتاحين ماديا ووافقت علية بس مش عارفة انى وافقت عشان ارضى اهلى والا عشان ادى نفسى فرصة بس كنت مرتاحة اول يوم ماشفته بس بعد كدة بدا يقل الاعجاب مش عارفة اعمل ايه وانا خايفة لانى اخواتى بردى فى سن جواز انا مش عارفة ادى نفسى فرصة يمكن احبه
واللهى امروكوا غريب توفقوا وترجعوا تقولوا كانت غلطة ومش عارفة اصلحها طب هوا زنبة اية زنبة ان اتقدم ودخل من الباب وبعدين اللى بتحبية ومش قادرة تنسية ماتقدملكيش لية هوا طبع فينا غريب اللى يرمينا نجرى وراة
انا برضو مش عارفه اعمل ايه ولسه مخطوبه من اسبوعين بس انا بحب حد من قبل الخطوبه بس حسيت ان اهلىمشهيقبلوا عشان انا فى علوم وهو معهد 4 سنين وقلت اتخطب احسن عشان يكون فى الحلال بس لما اتخطبت مش قادره انسى الاولانى حاولت كتير جدا وكمان خطيبى ده انا بحس لما بيقولى بحبك ان مفيهاش احساس مش عارفه اعمل ايه واحنا كنا اتكلمنا قبل الخطوبه شهر كان فى قرايه الفتحه وقلت لبابا ان فيه عيوب بس هو وماما قالولى اتخطبى يمكن يتغير وهو بيزيد هو بيحب يامرنى كل حاجه وانا عارفه الفرق بين انه بيحبنى فبيوجهنى وبين الامر هو بيامر ويتدخل فى اقل حاجه ويقولى املوا كذا حتى بيعمل كده مع اهلى بس هما بيحرجوه وبيقولولى احرجيه وانا مش بحب كده بحب يكون فيه بيننا احترام وتقدير وهما حاسين انه محترم ودخل البيت من بابه وطيب واهله كويسين ومرتاحين فبيقولولى انتى عاوزه ايه تانى غير كده بس انا مش مرتاحه لاسلوبه خالص وحاولت هما بيقولولى هتتعودى بس انا بحس ان بطنى بتوجعنى وبخنقه لما بيتصل وبيفضل يتكلم بالساعات عن نفسه ومش بيدينى فرصه اتكلم خالص بابا بيقولى احسن ما يجيلك حد ساكت انا عاوزهافسخ الخطوبه بس خايفه اخون بخسر حاجه وبعمل حاجه غلط فى نفس الوقت مش مستحملاه عاوزه حد يقولى والنبى عشان تعبت بجد ومبقتش عارفه اذاكر والامتحانات قربت
انا كمان عندي مشكلة انا مخطوبة من شهرين وعايزة افركش ومش قادرة اخد القرار واصلا موافقتي عليه كان فيها تسرع وعند شوية علشان اهلي حسسوني اني عيلة صغيرة هما كانوا موافقين عليه من الاول وبعدين انا كنت رافضة ولما انا وافقت عليه هما رفضوا فا انا عندت وقلت لا بقي انا موافقة المهم اني دايما شايفة حاجة ناقصة في علاقتنا اوقات ببقي فرحانة بيه واوقات بكون مش طايقاه هو بيقول انه بيحبني بس هو مش بيعمل اي حاجة تحسسني انه بيحبني غير كلام وفي حاجات مينفعش تتطلب يعني مينفعش اقوله اهتم بيا او هاتلي ورد وكل البنات بتحب الحاجات دي انا قلتله من البداية انا مش بحب بسهولة ياريت تحببني فيك بطريقتك وهو بيقول ماشي وبعدين مبيعملش حاجة ومن كام يوم قلتله انا مش هكمل معاك واني مش مبسوطة ومش مرتاحة وهو قالي انا هتغير وهعمل واصبري عليا واستحمليني وكلام من دة واديني فرصة تانية وكدة وانا قلت ماشبي اتعدل تاني يوم وبعدها رجع زي الاول وكل ما اقوله انت مش بتعمل كدة ليه يقولي اصبري عليا واستحمليني والكلمتين دل , انا حاسة اني تعبانة انا مش بحبه وحتي لما في وقت احس انه بيوحشني والاقي منه برود للاسف بيخليني انا كمان باردة معاه وبيخلي قلبي يقسي وبيخليني قليلة الزوق وانا عمري ما كنت كدة مع حد بس هو بيستفزني .. انا بجد مش عارفة اعمل ايه ولكا كلمت اخواتي قالولي اني متسرعة ومستعجلة والدنيا مش كدة بس انا فعلا تعبانة
انا بقى اعرف واحدة اتخطبط لواحد قاربها وحبتو بس هو مفهوش اى ميز ولا بيشتغل وعصبى وكل شوية يتعرك معاها ومتروحش فى اى حتة وكمان باعتلو خاتم من بتعها عشان كان محتاجو وقولكو حاجة انا كنت بحب الانسان دة قبلها بس محصلش نصيب معاة بس اقولكو على سر انا لسة بموتت فى لية مش عارفة فى حاجة مش طبعيى حتى خطبطو بتحبو اوى لرغم كل دة فانتى احمدى ربنا
انت غريبةوعجيب امرك مدام الولدكويس وبيحبك واهله ناس محترمين وكويسين احمدي ربك وشكري فضله سيب الاوهام السوداءوشليهامن دماغك لاحسن تندمي ساعةمايفيدالندم
اناعلي فكرةواقعة في نفس المشكلة بس زيادة عنك اني كنت بحب واحد قبل مااتخطب وغلط واتخطبت بس مش قادرة احبه ولا مقتنعة بيه بعتبر خطوبتي بيه غلطة ومش عارفة اصلحها ولا عارفة اخد قرار فيه مع العلم اني قولتله مش عايزة اكمل معاه بعدماكملت شهر من الخطوبة وقال لامي وهوا بيحبني اوي بس انا لاء واحنا صعايدةوجدي صعب ومش عارفة اعمل ايه بس انا خدت قرار اني مش هجوز حد مش بحبه واقول هحبه بعد الجواز اللي يفكر كدة يبقي بيجازف بحياته افرض مش حبيته اعمل ايه انا بعد الجواز يبقي اسمي مطلقة وانا عندي 22 سنة قرار الخطوبة كان غلط من الاول ليكي وليا احنا غلطنا اه بس الحل في ايدينا انتي حاولتي تحبيه ومش قادرة هتغصبي علي نفسك لحد امتي لازم تقرري من دلوقتي انتي عايزة ايه وانا م رءي انك متكمليش معاه عشان انا كمان خدت القرار دةمع خطيبي وهعمله باذن الله بس الحاجة الوحيدة اللي خايفة منها الندم اني اندم علي شخص مش هعرف ارجعه تاني بعد ماكان في ايدي بس برجع وبقول لنفسي اني مش هندم عشان انا مش بحبه وعايزة ارجع لحبيبي وانشاء الله يتقدم ونبقي لبعض انا بصلي استخارة كتير ومش عايزة اظلمه معايا ولا اظلم نفسي عشان كدة نا قررت اسيبه واستحمل كل اللي هيحصلي من اهلي وانتي كمان متغصبيش علي نفسك مادام حاولتي ومعرفتيش انا كنت هقولك في الاول حاولي تحبيه مادام مش في حد تاني في حياتك بس لما لاقيتك حاولتي يبقي خلاص لازم تسبيه وربنا يوفقك في القرار اللي هتخديه ويكون خير ليكي وانا هدعيلك وهدعي ليا ربنا يكون معانا باذن الله
انا لا يوجد لدى رد لأنى اقع فى نفس المشكله ولاكنى حتى لو عايزه ارفض وسبته هفضل طول عمرى اهلى
يلومو عليا ويقولو لى ضيعتى فرصه من ايديك لأنى لما وفقت بيه كان بسبب انهم بيقولولى البنت بيجلها الفرصه مره واحده وانا مش عارفه هفضل على طول عايشه مع واحد مش حاسه بكلمه هو بيقولها انا تعبت قوى
خدي اللي يحبك وهو هيعرف ازاي يحببك فيه من معاملته احسن ما تاخدي واحد يعاملك وحش وميكنش بيحبك
بصى بجد انا فى نفس المشكلة دى فعلا بس انا مشكلتى انى كنت متعلقة بواحد قبل الخطوبة جدااااا بس ما كنش ينفع انى اكمل معاه وخطيبى ده بيحبنى وانا رضيت بامر ربنا عليا وبتمنى انى احبه على طول يا رب والحمد لله على كل شى واكيد بعد الجواز هحبه وكده مع العشرة والخيرة فيما اختارها الله بس هو المشكلة فى الحب الاول ما بيتنسيش بسرعة
لا جدال أن القبول الشكلي له دور كبير في الزواج
والشرع لم يحرم المرأة من أخذ القرار..
ولكن لا تطيلي عليه أكثر إن كنتِ مترددة..
فإنه ليس لعبة في يدك أو تحت تصرفك وقتما شئت وافقت أو رفضتي..
إن كان مقبولا في شكله وطباعه ومادياته وحسنا في خلقه ومتدين فلا تضيعيه من يدك
أما إن كان غير مقبول في أي من هذه الأشياء عدا المادة فيمكنك تركه..
قال صلى الله عليه وسلم: ” إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير ” اختى زى ماقلتى انة انسان كويس ادى لنفسك فرصة كمان تقربى منة ومتخليش اى حد تانى يشغل تفكيرك طلما بيحبك بصدق لان نادر لما تلاقى شخص صادق فى كلامة انا كنت بمر بنفس مشكلتك وسبت خطيبى وكان انسان على خلق بس رجعت ندمت لانى مكنتش حاسة بقيمتة فكرى كويس قبل ماتقومى بهذة الخطوة وقربى من ربنا وربنا قادر يطلعك من مشكلتك
أنا خليته يأجل فكرة كتب الكتاب وانه يبقى قبل الفرح بكام يوم احسن لما نبقى نحدد الفرح وكدا
بس الصراحه أنا عملت كدا علشان افكر تاني ، أنا برضو مش مرتاحه …………. ردك يا سوما خلاص أحس إن أنا مش غلط ، أصل طول الوقت كنت خايفه أكون غلط وتفكيري غلط وأكون بضيع مني انسان كويس ، بس دا جواز يعني غير اي علاقه ، لازم فيها راحه مش قلق كدا على طول ، شكرا ليبكي يا جميل وربنا يكرمك
نسيت اقولكوا كمان حنا حددنا كتب الكتاب , وربنا يستر
شكرا ليكوا اوي .. أنا صليت استخاره و حلمت اني دخلت مسجد ومش فاكره تفاصيل اوي بس كان حلم مريح يعني ومكمله مع خطيبي اهو ……….. ولو هو خير ليا ربنا يقرب مابينا ويرضيني بيه
انا كنت زيك اتخطبت لانسان كويس وكان بيحبني جدا بس الحمد للة سبتة حبيبتي الزواج حياة كاملة مينفعش تبنيها علي اساس خطا ومفيش حاجة اسمها هتحبية بعد الزواج او خدوا اللي بيحبك ده جواز مش سلق بيض واخيرا هسالك سؤال لو محبتهوش بعد الجواز ممكن تطلقي وتسيبي عيالك ساعتها مش هينفع الان القرار بيدك لا تضيعية واسال اللة ان يهديكي للصواب
فى مثل بيقولك قلب المؤمن دليله وصدقينى متحوليش تجرحيه لأنه بعدمايكون بيحبك ومستعديعملك أى حاجةحيتغيرمن ناحيتك وحيحس انك مش عايزاه وده أصعب احساس ممكن يحس بيه الانسان ممكن بعدماتجرحيه ومن كتر حبه ليكى حيوافق يكمل معاك بس كل كلمة حلوة حتقوليهاله حيبقى صعب عليه أوى يصدق وحيحس انك بتضحكى عليه وحيبقى داخليا محتار يصدق كلامك وللايصدق احساسه ال بيقوله انك مش حيسه بيه وكده حيبقى خسرتى كتير أوى فحاولى تقربى منه أوى وتحسسيه فعلا انك بتحبيه بس فعلا ياريت تعرفى تحسسيه بكده ساعتها حتلاقى منه أكتر من ال كنت بتحلمى بيه وحتلاقى نفسك مش عارفة تودى السعادة فين وكل ال حوليكى حيحسدوكى على السعادة ال انت فيها بس ده لو عرفتى تخليه يحس فعلا انك بتحبيه وربنا معاك
وقولى يارب
صلى استخارة 3 ليالى متتالية ونفذى النتيجة سواء انك تكملى او لا لان اكيد فيا خير ليكى
اختى فى الله حاوله تقربى منه اكتر وحاولى انك تقربى منه على اساس انه خطيبك وليس انه محترم او كويس وممكن ربنا يوفقك وتحبيه وانصحك نصيحه كاختى لو حاسه انك بتحبى حد غيره يبقى خلاص علشان دى حياتك وحياته وحرام لما هو يتظلم وهو بما انه بيحبك اكيد والله هيريحك فى حياتك دانتى احمدى ربك انك هتاخدى واحد بيحبك ومتاكده انه بيحبك امال التحب وفى الاخر يندحك عليها وبالله عليكى تصلى صلاه الاستخاره وربنا هيوفقك انشاء الله وانالله لا يضيع اجر من احسن عملا
يا الله يا خيتو انتي بتعاني نفس نفس المشكلة الي انا بعاني منها انا وافقت على خطيبي ما بعرف كيف وافقت بس لانو بحبني وبموت فيني وهوا انسان كويس كتير وطيب وكل شي فيه حلو بس المشكلة انا الي مش قادرة احبو ابدا وما بحب يحكيلي اي كلمة حلوة وبزهق منو وبستهبلو بدون سبب يمكن لاني ما بحبو ومو قادرة اتفاهم معو واانا بصراحة محتارة وبفكر بفك الخطوبة شو الحل يا ربي شو؟
خليكي ياحبيتي مع خطيبك مادمتي بتقولي كويس واهله كويسين حد طايل قولي الحمد لله وبعدين ياحبيتي المثل بيقول خدي اللي ييحبك وماتخديش اللي بتحبيه اللي بيحبك هيسعدك ويهنيكي صدقيني وبكلمك عن خبرة في الحياه وبكرة ياختي انتي اللي تموتي فيه وبكره تشوفي بازن الله هتموتي فيه كلنا كنا بنتدلع زيك كده قبل الزواج وزي مااخويا حسن قالك اتنين ممكن بيموتوا في بعض وبعد الزواج الزواج يفشل سبحان الله وممكن يكون حب من طرف واحد وتبقى زيجة ناجحة وبعدين ياحبيتي معاملته ليكي هتخليكي تحبيه ومع العشره صدقيني هتموتي فيه وربنا يوفقك
بصى ياحبيبتى
هو بيحبك دى حاجة كويسة اوعى تفرطى فيها
انتى بتفكرى فى حد تانى عشان كدا مش قادرة تحبيه ؟؟
بصى لمميزات خطيبك قربى منه وهو بيكلمك حسى بكل حاجة بيقولهالك حسسى نفسك انه خطيبك مش حد كويس وخلاص
كلمة حد كويس دى فى حد ذاتها ماشاء الله ميزة كويسة
صدقينى انتى من حبه ليكى هتحبيه
وصلى استخارة وشوفى ربنا هيريحك لايه
بس اوعى تاخدى قرار من غير ما تحاولى فعلا تقربى منه
انسى اى عيب فيه وفكرى فى الحاجات الحلوة اللى بيعملها عشانك
هتلاقيه انه فعلا حد يستحق منك انك تحبيه وتفضلى جمبه
محدش بيلاقى حد كويس اليومين دول وكفاااااااية انه بيحبك
ده يبقى عايز يجيبلك الدنيا تحت رجليك
مش احسن من واحد انتى تتعلقى بيه وهو ميعبركيش وتبقى هتموتى ويكلمك
ويكون مطشنك
ولا احنا فعلا مبنحبش الا اللى يكون بيتقل ومش بيحب يتكلم عشان نقول اه هو ده وهموت عليه
فكرى كويس
ربنا معاكى
بصي حبيبتي اهم حاجة القبووول
انتي هتعيشي مع الانسان ده هيبقي اقرب الناس ليكي
هيبقي زوجك عارفة يعني ايه زوجك؟؟
حبيبتي لو انتي حاسة انك مش هتقدري تعيشي وتتاقلمي معاه ومش حاسة ان فيه تفاهم او قبول من نحيتك يبقي خلاص
ابعدي عنه عشان متظلميهوش ومتظلميش نفسك
يعني اهم حاجة القبول
لو حاسة ان فيه قبول لكن لسة مش بتحبيه اوي كملي وادعي ربنا وربنا يسعدك
لكن لو مش حاسة اصلا ان فيه قبول يبقي من دلوقتي بلاش عشان متظلميش نفسك ولا تظلميه
وربنا يوفقك ويسعدك يارب
وقبل اي حاجة انصحك بصلاة الاستخارة اللي بجد مفعولها مفعول السحر سبحان الله
ربنا يسع\ك يارب
وعليكي بالاستخارة
ربنا معاكي يارب ويعينك علي الخير ويقدملك كل خير
تفائلوا بالخير تجدوه
هقولك نصيحة لله خدى اللى بيحبك وماتخديش اللى بتحبيه ومابيحبكيش
انا زيك كدة بس الحمد للة هوة احسن من غيرة وبكرة ترتاحيلوة ياحبيبتى ومش انتى لوحدك كدة كلنا كدة المهم انة محترم ويقدر يصونك
ارضى بنصيبك وقولى الحمد لله الحب مطلوب من الطرفين طبعا بس اوقات بيكون فى حب من الطرفين وممكن يطلقوا بعد سنه او حتى 6 شهور بتحصل كتير واوقات بيكون مفيش حب قبل الزينشا بينهم علاقه حب قويه بعد الزواج بدرجه كبيرة توكلى على الله ده الستره للبنت احسن من الولد وقولى الحمد لله واستغفرى ربنا وارضى بالى ادهولك ربنا