انا مخطوبه منذ سنه ونصف تقريبا حبينا بعض انا وخطيبى بعد الخطوبه جدا وفى احد الايام كنا جالسين فى البلكونه فطلب خطيبى منى بوسه فاعطيته ولسوء الحظ كان ابن عمى واقف فى البلكونه بتعتهم قصدنا فشفنا وبيقول انه صورنا مع انى مش مصدقه الحكايه دى لان الدنيا كانت ضلمه كان فى نور خفيف جدا جاى من بعيد مع العلم ان ابن عمى بيكره خطيبى جدا جدا لان ابن عمى اتقدملى قبله وكلنا هن فى البيت رفضنا وهو دلوقتى بيهددنى ان حيقول لبابا وانا خايفه جدا جدا لانى بحب خطيبى ومش عايه ابعد عنه
والغريبه انه مش قال لاهلى على طول جه قالى الاول
وانا قولتله انت عايز منى ايه وانا اعمله
مشاكل الخطوبة
ابن عمي يهددني بعد رؤيته لي مع خطيبي
اضيف بتاريخ: Saturday, September 7th, 2013 في 13:56
كلمات مشاكل وحلول: الخطوبة, بنات, بنت, شاب, مخطوبة
بصى اوعى ابن عمك دة يبتزك هتخسرى خطيبك وهتخسرى كل حاجة فكك منة وخلى بالك انة حتى لو قال لابوكى عمر ابوكى ما يفك الخطوبة وتانى مرة ابقى اتلموا محبكتش فى البلكونة يعنى
سيبك منه دا عبيط ولا هيقدر يقول لحد وحتى لو قال هيطلع قدام اهلك انو عيل صغير
بس اهم حاجه متعمليش كدا تانى مع خطيبك اصبرى لما تتجوزوا يا وليه
اولآ انتي غريبة جدآ كل همك خايفة من ابن عمك و اهلك ولا تخافي من الله الذي يراك و سيحاسبك علي هذه الكبيرة التي ارتكبتيهاانت و خطيبك بجد حرام الذي تفعليه هذا قال الرسول صلي الله عليه و سلم(اذا لم تستحي فأفعل ما شئت) اتقي الله في نفسك و عرضك و شرفك و ما ذنب اهلك ان تسء اليهم بتصرفاتك هذه انصحك لوجه الله ان تتوبي الي الله و تلتزمي بالصلاة و كافة الفرائض الدينية و التزمي الدعاء الي الله و خاصة وانت ساجدة لله حيث اقرب ما يكون العبد الي ربه و هو ساجد و ا ترضخي للأبن عمك هذا ابدآ و لا تنفذي له اي طلب ابدآ و ادعي الله ان يبعده عن طريقك فالتكثري دعائك الي الله اخلصي التوبة لوجه الله و بالنسبة لخطيبك فهذا شخص لا يراعي الله و لا يخافه عندمآ يطلب منك تلك المعصية بالرغم ان المفروض ان يحافظ عليكي و لا يتحرش بك و هذا دليل علي انه شخص عير متدين و غير خلوق فكيف تأمنين ان يراعي الله فيكي فأنصحك لوجه الله بتركوا و من ترك شيء لله عوضه الله عنه ربنا يوفقك ويسعدك يا رب و انااسفة لو كنت حادة معكي واسلوبي جارح شوية لكني انصحك لوجه الله ربنا يستر عليكي و علي جميع بنات المسلمين يا رب ورددي دائمآ هذا الدعاء(اللهم اني عبدك بن عبدك ابه امتك ناصيتي بيدك ماض في حكمك عدل في قضائك اسألك بكل اسم سميت به نفسك او انزلته في كتابك او علمت به احد من خلقك او استأثرت به في علم الغيب عندك ان تجعل القرأن العظيم ربيع قلبي ونور صدري و ذهاب همي و غمي ) و رددي دائمآ هذا الدعاء ( اللهم يا مقلب القلوب ثبت قلبي علي الأيمان اللهم يا مصرف القلوب صرف القلوب صرف قلبي علي طاعتك و طاعة رسولك) ربنا يوفقك و يسعدك يا رب اختك منة الله
احكي لامك عشان لو هو قال حاجه تكون امك عارفه بيها وتوقف جنبك وسيبك منه
لاتهتمي لكلام ابن عمك وتهديده لك لانه عاوز يخرب عليك ويفركش الخطوبة دي والافضل انك ماتخبري خطيبك باللي حصل من ابن عمك حتى لا تحدث مشاكل بينهم وممكن تتاذي انت اكثر وربي يسترعليك ويحميك من كل سوء
ابن عمك بس بيستفزك و يهددك لكن لو هو عايز يعمل حاجة كان عملها و راح قال لأهلك على طول … ثانياً هو بيقولك ليه ؟؟؟! بيبتزك مثلا و لا عايز إيه !!!!
أنا رأيي تجاهلي الموضوع تماما و اوعي تتكلمي معاه في الموضوع تاني.. و لو خطيبك عاقل و هادي و هيتصرف بحكمة ممكن تحكيله بس أهم حاجة إنه ميعملش مشاكل و احتكاكات مع ابن عمك لأن ممكن يتكلم عليكي كلام وحش…
نصيحة , بلاش الحاجات دي و إنتو مخطوبيين عشان الحرمانية أولاً و ثانياً عشان تمنعوا القيل و القال و المواقف البايخة إلي زي إللي إنتي فيه ده
متخليش ابن عمك يستفزك واحكي لمامتك ع اللي حصل
ياستى الموضوع بسيط جدا
متتكلميش ابدا مع ابن عمك فى الموضوع ده
واوعى تخليه يستفزك باى شىء ولا تسمعى كلامه ابدااا
وهو لو حب حتى يقول لاهلك طبعا موش هيصدقوه لانهم عارفين انه غيران منكم
وحافظى على نفسك
واستغفرى الله
وبس يا ستى
أولا إنت غلطانه جدا جدا جدا أنا أقسم بالله خطيبتى بتدينى كلام حلو بالعافيه ومش راضيه تخرج معايا نتمشى فى الشارع بتاعهم حتى ودايما تقولى إحنا لسه أجانب عن بعض وعلى قد ما بزعل منها على قد ما بفرحقوى إن دى اللى هتصون عرضى وأولادى إستغفرى ربك عما فعلت وقد أخطأت ثانية فيما قلتيه لإبن عمك فلخطأ لا يعالج بخطأ ياريت ما تكرريش ده تانى مع خطيبك وكونى قويه مع إبن عمك وطالما إستغفرتى الله فالله خير حافظا وهو سيسترك بفضله ومنه وعجلى بالزواج وأسأل الله لى ولك وللمسلمين الستر والعافيه والحفظ من الفضيحه والحفظ من شماته الشامتين كما أسأله سبحانه أن يجمه بينك وبين زوجك على خير
انتى احكى لمامتك وياريت متتكررش واستحملى ردود فعل اهلك معاكى وحاولى متتكلميش مع ابن عمك ده نهائيا لانه انسان مش محرم ب المره
افضل حل انك تقنعي اهلك وخطيبك بالزواج بكرة , على قد امكانياتكم مش لازم اي تجهيزات ولا خرابيط مالها اي داعي عيشو مع اهلكم على نفس الحال وهذا هو الصح اصلا الزواج مش مظاهر ولا حفل فقط عقد شرعي بموافقة ولي الأمر وشهود ووليمة لللأقارب وبكدا تم الزواج وحل الحرام وما لأي حد كلام , والسلام , وبكدا يخرص ابن عمك وتاخذي حريتك انتي وزوجك وتسلمو من الحرام
اولا اى وحده مخطوبه خطيبها بيبوسه ثم انتى كده بتعطى ابن عمك فرصه انه يطلب منك اشياء كثيره انتى غلطانه فى انك قلت ليه انت عوز ايه وانا اعطهلك ابن عمك ده نفسيته وحشه ومن الممكن انه يطلب منك بوسه والبوسه دى هتجرك الى اكثر من البوسه بل من الممكن انه اثناء البوسه يمارس معاكى الجنس انا كلامى جارح لكن ده الحقيقه لان اللى زى ابن عمك ده يريد ان يشبع رغبته التى لم يتتطاولها منكى عن طريق الحلال يريدها باى طريقه حلاال واو حرام فلا تتسرعى معه فى اى شى ولا تخافى منه لان اى اتنين مخطبين بيبوسو بعضهم هيا كسوف واحراج لو مامتك عرفت وباباكى لكن عرفى خطيبك بما يدور معكى انتى وابن عمك
اول شيئ اختى الحبيبة اتقى الله فى نفسك اذا كنتو مخطوبين وبتعملو كدة فى البلكونة امال لو عليكم باب مقفول هتعملو ايه وبعدين موضوع ابن عمك دا انزار من ربنا علشان ماتتمادوش فى كدة وترجعى للطرق السليم الى يحافظ عليكى وعلى شرف عيلتك كلها وبعدين ابن عمك دا اكيد عايز خراب فانتى متضعفيش هوا اساسا ميقدرش يواجه عمو يعنى ابوكى لانه انتى تعتبرى اختو مفيش حد يعمل كدة فى اختو انتى متضعفيش قدام ابتزازاتو دى وصديهوحسيسيه ان الموضوع مش فى دماغك وانو مبيخوفكيش خالص بس متعمليش كدة تانى دا انذار من الله ربنا يسترك ويستر نساء المسلمين جميعا
بلاش حوار عايز منى ايه وانا اعمله دة عشان ممكن توصل انه يطلب منك حاجة كدة ولا كدة مثلا و احكى لخطيبك خلى يتصرف او لو مامتك قريبة منك ممكن تعترفيلها و تتصرف هى و قبل كل دة استغفرى ربنا و بلاش تعملى كدة تانى عشان تفضلى غالية فى عين خطيبك
اولا انتي غلطي البنت لازم تحافظ علي نفسها ايه ضمنك ان خطيبك ده يتزوجك؟؟
مترخصيش نفسك في عين خطيبك
وابن عمك ده عقاب ربنا ليكي
ادعي انو ميسببش مشاكل
ده بيضحك عليكي عشان تخافي وتسيبي خطيبك وهو يرتاح وطبعا هو في دماغه ازاي تروحي لحد تاني غيره فكك منه واكن محصلش اي حاجه
اولا لا تجارى ابن عمك لانه لا يريد لكى خيرا
ثانيا حافظى على نفسك من ناحية خطيبك
ثالثا لو تحدث اليكى ابن عمك فى الامر مره اخرى قولى له انه كاذب وان ما يدعى برؤيته لم يحدث وانه لو تحدث اليكى بالامر ستخبرى اهلك ليتخذو معه اجراء وكونى قويه فى ردك عليه ولا تخافى من شئ