مشاكل الخطوبة

اتخنقت من خطيبي وبكرهه دلوقتي

انا يا جماعه محتاجه بجد مسااعتدكم معايا انا بكره خطيبى جدا انا كنت بحبه الاول هو مسافر وهو ابن خالتى ودايما خالتى بتسالنى انتى بتكلميه بقولها اه وببقي مخنوقه هما فى الاول اخدوا رائ وانا وافقت لانه كويس ومحترم بس هو مش بيكلمنى وانا كرهته وانا اصلا بحب واحد تانى اوى وعمرى ما هفكر انى اسيبه لانه بيحبنى وبجد مهتم بيا بس مش بكلمه لا تبخلوا بردكم عليا انا محتاجه ردكم لانى مليش حد عشان احكيله وينصحنى انا خايفه لما اتجوز خطيبي ده اخونه بسب كرهى ليه الشديد

مشاكل وحلول ذات صلة

اضيف بتاريخ: Tuesday, June 17th, 2014 في 04:22

كلمات مشاكل وحلول: , ,

6 رد to “اتخنقت من خطيبي وبكرهه دلوقتي”

  1. أحمد
    23/06/2014 at 17:27

    شوفى يا بنت الناس طب أنتى بتحبى واحد وبعدين أتخطبتى لأبن خالتك برضاكى !! طب أيه السبب فى كده هل هو ما أخدش خطوه وجه خطبك وبعدين أبن خالتك أتقدم ولا أيه بالظبط ,\
    عمتا أنتى أتخطبتى ليه يعنى هتبئى على ذمته ما ينفعش وما تجبيش لنفسك مبرر وتقولى عشان ما بيكلمنيش ورجعتى وقولتى أنا خايفه أخونه بعد الجواز لأنى بكرهه طب أيه الى خلاكى تكرهيه عشان ما بيكلمكش تصدقى بالله فى ناس فى الغربة بتبئا عيشتها صعبه جدا والفلوس صعبه معاه الله أعلم بظرفه أنا مش ببرر له بس كلميه وقوليله أنك مخنوقه بسبب عدم كلامه أنا والله مقدر شعورك أن نفسك تسمعى حتى لو كلمه حلوة منه وحولى تشوفى حل لها وأهتمام الواد الى أنت بتقولى مهتم بيكى ده هوا الى قالب حياتك عاوزك تبصى للمستقبل أنتى من الأخر بتلفى وتدورى وعاوزة الواد الى مهتم بيكى ده بس مش عارفه تعملى أيه وكمان أبن خالتك بتقولى كويس ومحترم بلاش تخسرى كل حاجة لأن صدقينى ممكن الى فى دماغك ما يحصلش وبكدة خسرتى كل حاجة بل صدقنى هتيجى على دماغك فى الأخر أتكلمى مع خاطيبك يا بنت الحلال وكلميه فى الموضوع ده ولو خالتك ست عاقله وبتعرف توزن الأمور قوليلها أنه ما بيكلمكش وهيا هتتصرف لكن لو هتعمل مشكله وتقول لخاطيبك يبقا بلاش تقوليله عشان ما يحصلش بينكوا شرخ لكن صدقنى الواد الى هوا مهتم بيك أزاى يهتم بيكى وهوا عارف أنك مخطوبة ولا مستغل سفر خطيبك وبيلعب على الوتر ده الواد مش راجل لأن ما يرضاش الكلام ده على أخته خدى بالك من نفسك يا بنت الناس الى بره المشكله ديما بيبئا شايف حجات انتى مش شيفها وهتشوفيها فى الأخر وهتندمى فى يوم لا ينفع فيه الندم ربنا يكرمك ويهديكى يا رب وأبقى طمنينا وصلتوا لأيه

  2. تامر سلامه
    23/06/2014 at 09:25

    بصى يااختى الخيانه حرام اولا واذا كنتى انتى بتكرهى خطيبك الكره ده كله حل بسيط افصلى العلاقه احسن ما تتجوزا ويحصل مشاكل ويكون بينكم اولاد وتتخنقو من بعض ويحصل طلاق
    صلى صلاه استخاره ويهديك الله

  3. Solver
    21/06/2014 at 20:06

    يعني كل المشكله انه مش بيكلميك او مش مهتم بيكي عشان كده بس كرهتيه؟

  4. طارق بن زياد
    20/06/2014 at 15:20

    السلام عليكم ورحمة الله تعالى وبركاته

    يعني إنت وافقتي على خطوبة ابن خلتك وفي نفس الوقت تحبين واحد ثاني

    طيب ليش توافقين؟؟؟

    تسرعتي في هذا الامر اختي الفاضلة وان تعرفي المصير اذا تزوجتي به تقدري تخونينه بسبب حبك لشخص اخر وهذا يركبك في معصية الله وخيانة زوجتك المستقبلي او الولد اللي تحبيه وتتقي فيه كويس بانه لن يكون مثل خطيبك هذا الذي اصبحتي تكرويه دلوقتي بسبب انه لا يكلمك اسئليه اولا على سبب ربما يكون عنده سبب ما واصلا الاسلام منع الخطيب ان يجلس مع خبيطه منفريدين حتى يكون معه شخص بجانبهم خشية تعدي حدود الله اولا اجلسي مع خطيبك واعرف منه سبب ذلك وناقشي معه ربما تغيري رايك واذا عرفتي انه غير صالح ففي ذلك الحين افسخي الخطوبة ولكن قبل فسخ الخطوبة لازم تقول لشخص اللي بيحبك اذا كان فعلا يحبك يدق الباب ويطلب خطوبة ولا يكون من الشباب اللي يحب تلاعب ويفكر بالزواج لازم عدم تسرع اختي الفاضلة فهذه الامور حساسة واي خطأ منك يهدم كل شيء لازم تكوني تقيلة في الامور في كلامك في تفكيرك ولا تخرجي اي كلام ولا تعملي اي عمل حتى تحسبيه الف حساب عشان ما تظلمي نفسك وتظلمي الاخر اديك رايي احسن لك تزوجي رجل صالح يثقي الله ومتدين راح يسعدك في دينك ودنياك وما راح يظلمك اطلاقا لانه يخاف الله وما راح يخونك وما راح يجي ليلا سكران وهذا هو حال رجال اليوم عفاني واياك منهم والرسول صلى الله عليه وسلم يقول: “تزوجوا الودود الولود..”.
    يجب أن تعلمي أن البيوت لا تبنى على الحب فقط، فقد قال الله عز وجل: “وَجَعَلَ بَيْنَكُمْ مَوَدَّةً وَرَحْمَةً” [الروم:21]. فقد تذهب المودة وتبقى الرحمة بين الزوجين، والرسول صلى الله عليه وسلم يقول: “لا يفرك مؤمن مؤمنة –أي لا يبغض- إن كره منها خلقاً رضي منها آخر”. أخرجه مسلم(1469).
    وجاء رجل إلى عمر –رضي الله عنه- وكان أمير المؤمنين- وقال: إني لا أحب زوجتي –يريد منه فتوى في طلاقها- فضربه عمر، وقال له: “وهل تبنى البيوت على الحب، فأين الرعاية والتذمم”.
    والقرآن الكريم يحث الزوجين كليهما بالمعاشرة بالمعروف حتى مع الكره بينهما. يقول الله جل وعلا: “وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً” [النساء:

    رجال تاخذي كلامي بعين الاعتبار وصلي صلاة استخارة واطلبي من الله يوفقك ماهو خير لك في دينك ودنياك فهو مجيب الدعوات.

    والسلام عليكم ورحمة الله تعالى وبركاته

  5. mohamed
    19/06/2014 at 14:49

    انا شايف ان من الانصاف انك تديله فرصة اخيرة يعنى لو كلمتيه تقوليله بطريقة مش مباشرة يعنى انت مبتسألش ليه او اى حاجة زى كدا يمكن مش واخد بالو ان الموضوع دا مضايقك وعلى العموم لو منفعش الاحسن تختارى اللى مقتنعة بيه دا جواز والحق ميزعلش

  6. ELKASSABY
    18/06/2014 at 15:25

    شوفى يا بنت الناس طب أنتى بتحبى واحد وبعدين أتخطبتى لأبن خالتك برضاكى !! طب أيه السبب فى كده هل هو ما أخدش خطوه وجه خطبك وبعدين أبن خالتك أتقدم ولا أيه بالظبط ,\
    عمتا أنتى أتخطبتى ليه يعنى هتبئى على ذمته ما ينفعش وما تجبيش لنفسك مبرر وتقولى عشان ما بيكلمنيش ورجعتى وقولتى أنا خايفه أخونه بعد الجواز لأنى بكرهه طب أيه الى خلاكى تكرهيه عشان ما بيكلمكش تصدقى بالله فى ناس فى الغربة بتبئا عيشتها صعبه جدا والفلوس صعبه معاه الله أعلم بظرفه أنا مش ببرر له بس كلميه وقوليله أنك مخنوقه بسبب عدم كلامه أنا والله مقدر شعورك أن نفسك تسمعى حتى لو كلمه حلوة منه وحولى تشوفى حل لها وأهتمام الواد الى أنت بتقولى مهتم بيكى ده هوا الى قالب حياتك عاوزك تبصى للمستقبل أنتى من الأخر بتلفى وتدورى وعاوزة الواد الى مهتم بيكى ده بس مش عارفه تعملى أيه وكمان أبن خالتك بتقولى كويس ومحترم بلاش تخسرى كل حاجة لأن صدقينى ممكن الى فى دماغك ما يحصلش وبكدة خسرتى كل حاجة بل صدقنى هتيجى على دماغك فى الأخر أتكلمى مع خاطيبك يا بنت الحلال وكلميه فى الموضوع ده ولو خالتك ست عاقله وبتعرف توزن الأمور قوليلها أنه ما بيكلمكش وهيا هتتصرف لكن لو هتعمل مشكله وتقول لخاطيبك يبقا بلاش تقوليله عشان ما يحصلش بينكوا شرخ لكن صدقنى الواد الى هوا مهتم بيك أزاى يهتم بيكى وهوا عارف أنك مخطوبة ولا مستغل سفر خطيبك وبيلعب على الوتر ده الواد مش راجل لأن ما يرضاش الكلام ده على أخته خدى بالك من نفسك يا بنت الناس الى بره المشكله ديما بيبئا شايف حجات انتى مش شيفها وهتشوفيها فى الأخر وهتندمى فى يوم لا ينفع فيه الندم ربنا يكرمك ويهديكى يا رب وأبقى طمنينا وصلتوا لأيه

اترك رداً أو حلاً لهذه المشكلة