انا كنت بحب واحد زميلي في الكليه اربع سنين واتخطبنا عن حب بعد مشاكل كتير ورفض اهلي اني اعيش في بيت عيله وانا كنت موافقه في الاول بس بابا كان رافض لاننا طول عمرنا عايشين برا مصر وهوا عارف اني مليش في شغل البيت وعلشان المشاكل اللي حصلت في حياتنا بسبب بيت العيله المهم خطيبي قدم في الحربيه واتقبل وبقي ظابط جه اتقدم واتفق مع بابا انه هنعيش في القاهره وشقه البلد هنروحها في الاجازات طبعا بعد الخطوبه بدات حماتي متكلمنيش غير لو اتصلت كانت ديما تكلمني زمان بدات تعمل حاجات كتير غريبه هيا وسلفتي المهم انا كبرت دماغي وقولت انا هعاملهم بما يرضي الله وكده كده انا بعيده عنهم هشوفهم اسبوع في الشهر ولا حاجه وهبقي كويسه جدا معاهم علشان خاطر خطيبي المهم انا سافرت بره مصر عند اهلي لقيت خطيبي بيقولي انا مش هاخد شقه في القاهره انا معايا فلوسها بس احنا هنعيش في البلد وانا مش هسيب بيت اهلي قولتله ازاي دانت اتفقت مع بابا وبناء علي الاتفاق ده بابا وافق يقولي فكرت تاني لقيت اني اعيش في البلد هنا احسن قولتله انا مليش دعوه كلم بابا يقولي خلاص هجيب الشقه بس هنعيش هنا وانتي لو بتحبيني هتوافقي قولتله هكدب عليك لو قولتلك هقدر اعيش في بيت عيله ومش دي الحياه اللي اخترتها يقولي انتي بتاعت فلوس بقي الكلمه دي جرحتني اوي لاني والله بقالي معاه اربع سنين وكان لسه طالب عمره ماجبلي حاجه وانا عمري مااشتكيت واتقدملي ناس كتير مستواهم المادي احسن منه بكتير ورفضتهم علشانه حتي الشبكه ماما ساعدته ب١٥الف من معاها وهوا جاب ب١٠ الاف من معاه ومتفقناش علي اي حاجه لا مؤخر ولا عفش ولا اي حاجه وقولنا مش هنختلف في الاخر قالي هوا دا اللي عندي ومنك لله وانا مش عايزك في حياتي دلوقت انا غلطانه طيب انا مش عارفه اعمل ايه انا بقيت خايفه منه اوي احنا مكملناش شهرين خطوبه وعمل كدا ارجوكم قلولي اتصرف ازاي ولو رجع ارجعله ولا اعمل ايه انا قافله اي حاجه يقدر يوصلي عن طريقها وقولت لو حابب يوصلي هيكلم ماما بالله عليكم انصحوني
انا اتفق مع راى ده وانصحك متبصيش لحبك ليه وبصى لو هو بيحبك هو اللى هيقدم تنازلت
انا عشت جرح قلب كبير قوى بس فى النهايه انصحك الانسان اللى بيحبك هو اللى هيضحى فى كل وقت عشانك لو مضحاش فى الاول هيضحى بيكى فى الاخر
صعب الواحد يبعد عن اهله
ولو انت بتحبيه يبقى هياخد الشقة فعلا عشان يرضي والدك بس أغلب حياتك تبقى مع اهله لو مش بيضايقوك وتعيشي منفصلة عنهم
يعني ليك شقة مستقلة وتنزلي عندهم بمزاجك ومحدش منهم يضايقك
انا عاذره ومش شايف غلطته كبيرة ولازم تقفي جنبه لو كان ده العيب الوحيد فيه
حسسيه إنك عاوزاه هو حتى لو هيعيشك في عشة أو في الشارع
أكتر حاجة يحبها الشاب ان خطيبته تقول له ميهمنيش شقة ولا شبكة ولا عفش
يهمني نتجمع مع بعض وبس
جربي كده تتصلي بيه وتقوليله الكلمتين دول
بس لما تتصالحوا بعد يومين مثلا قوليله بس تضمنلي محدش يضغط عليا عندكوا وأبقى مستقلة لوحدي لو حبيت.. وهيوافق
انا متاسف بجد اللي شكل مش يتبكي عليه ده انسان قذر وواطي وسافل وطماع وطماع وطماع وعمره مش هيشبع نهائي وهيفضل طول عمره جبان وممكن كمان يتحول لديوث ودلدول لان ببساطه ده باعك اول ما دخل الكليه ولقي نفسه هيكون ظابط وامه الست اللي المفروض انها محترمه وعارفه مشاعر البنات مش بتكلمك خلاص هتبقي ام الظابط وهيا في الحقيقه انسانه قذره
واضح ان كان فيه طمع من نحيته في البدايه ولما ربنا اعطاءه كشفه ان الانسان ليطغي
بصي من النهايه ………..اولا استخيري ربنا وصلي صلاه استخاره وادعي ربنا لو مش بتعرفي تستخري ادعي ربنا وكلميه في الصلاه وصلي وحافظي علي صلاتك وادعي ربنا هو اللي خلقنا وعالم بقلوب الناس وعالم بالغيب واحسن مني ومنك والدنيا دي في الاخر شي حقير وتافه كلمي ربنا هيحس بيكي وادعيه ان لو فيه خير الموضوع يمشي ولو فيه شر يقف….. انا مريت بنفس تجربتك معا انسانه حبتها وكانت اقل مني وما زالت بس حسيت بطمع ودعيت ربنا وصليت ومكنتش عارف دعاء الاستخاره وكنت بدعي ربنا والله العظيم الموضوع اتعقد منهم ومني سبحان الله يجي يمشوه يوقف اجي امشيه يقف وتعبت بتاع 5 شهور في المستشفي وصرفت بتاع 11 الف جنيه علشانها بس كنت بحب ربنا وبدعيه وهيا تقريبا فرحها الاسبوع الجاي وعزلها كان النهارده وانا مش ندمان لاني لما اتخطبت دعيت ربنا ان انساها ادعي ربنا لو هو كويس هيوفقك ويوفقه وتكوني سبب انك تدخلي الجنه معاه ولو شر يصرفه عنك ويوعدك بالاحسن منه وينسيك ذكرياته الاهم ادعي تنسي الذكريات ومش هتعرفي تنسيها غير لما تدعي ربنا اوووي وتحلي في الدعاء
ثانيا عاوز اقول لحضرتك
شوفي راي ابوكي وامك لانهم اكثر الناس هيكونوا حسين بيكي
ثالثا
وده الاهم لو سنك صغير او كبير واتقدملك حد شوفي دينه بجد مش شرط يكون شيخ او داعيه بس يكون محترم وحاولي تشوفي قلب نظيف الاهم القلب النظيف لان الانسان بيتغير بعد الزواج
رابعا اهتمي جامد بالمستوي العلمي لانك هتحسي برقي في التفكير
خامسا اسف ومتاسف لاني شتمت في البدايه بس انتي لما اتكلمتي وحكيتي مشكلتك حسيت اني بقرء الذكريات بتاعتي وكمان قرتها في وقت الانسانه اللي كنت كنت حبتها بتتجوز خلاص فمتاسف جدا اني شتمت
سادسا دي نصحتي من اخ استاذ جامعي لاخته ادعي ربنا وكلميه وخلي علقتك معا ربنا مش حد يرسمهالك انتي مجربتيش بجد التعامل معا ربنا عبنا ان بنفضل نحكي همونا لناس بتحب تسمع وفي الاخر تشتمت او نصعب عليهم انا والله ما ارتحتش غير لما دعيت ربنا وكنت بكلمه في الصلاه وانا ساجد بكلمه بعد اما بقول التسبيح وكنت بصلي بليل والحمد لله اني خد طريق ربنا بعيد عن واحد بيدعي الدين وانتبهي من اي جماعه او ناس بيسموا انفسهم اسماء غريبه انتي اعرفي ربنا بالكتاب والسنه وادعيه وصلي وهتلاقيه ومش شرط يكون ليكي اتجاهات فكريه او حزبيه اتمني رسالتي تكون وصلت