انا اتخطبت لشاب مسافر برا في الاول كانا بنتكلم زى اي اتنين مخطوبين عادى بعد كدا ابتدينا نتكلم في حاجات في الجواز نفسة وانا ماكنتش بتجاوب معاة لانى كنت شايفة ان مايصحش نتكلم في الحاجات دى قفشت معاة قالي لا هاتكلم عادى انتى هاتبقي مراتى ابتديت انى اوقف في الكلام واقولوا ماعرفش وهو يقولي انتى تعرفي اية عن العلاقة وكدا اقولة ماعرفش بس جيت في مرة اقولة ان صاحبتى حصلها مشاكل ببعد يوم جوازها وكدا كااختبار اشوفوا هايقول اية لفيتوا قالي السبب اية وبيتكلم بجرأة اوووى والحيت علية اخد الباسورد بتاع الفيس بتاعوا اداهولي لقيتة بيشتم اصحابة شتايم وحشة جداا وباعتلهم صور وحشة جدا ولما قلتلوا قالي عادى دا هزار الشباب كلها مع بعض وبيقعد يحكيلي ان اصحابوا بيشربوا حشيش وهو بيحذرهم منه انوا حرام حيرنى جدا معقولة هو اللي ملاك مع انوا مش بيشرب سجاير خالص الحقيقة وكل وقت صلاة يقولي صليت الحمد لله وباباة ومامتوا محترمين جداا وعيلتة كويسة جدا بس انا محتارة اوووى هو بيتكلم كويس جدا في اي مواضيع تانية وانا بقعد احكيلوا مشاكلي كلها وهو كمان بيحكيلي كل حاجة ويقعد يقولي بحبك وكدا زى اي كلام خطوبة بس بحسة علطول في كلامة عايز جسمى اكتر اتصرف ازاى معاة واتفاجات انوا بيقولي بعد الجواز في شهر العسل هانشرب سجاير بالنعناع تفاريحي انا بجد محتارة اسيبوا ولا كلام اللي هو بيقولوا دا صح ولا اية !!
فيدونى لو سمحتوا
مشاكل الخطوبة
بفكر اسيب خطيبي من كلامه وتصرفاته
اضيف بتاريخ: Sunday, November 8th, 2015 في 22:23
كلمات مشاكل وحلول: الخطوبة, الزواج, بنت, شاب
كونه خطيبك لايعطيه الحق في تجاوز الحدود من قلة الادب والكلام الفاحش واللي يثير الغرائز والشهوات ومايطلبه منك كلها تصرفات محرمة وغيراخلاقية يجب الامتناع عنها وعدم الاستجابة لكل مايطلبه اويقوله لك احذري من التساهل معه واحرصي على ارضا الله عزوجل والمحافظة على دينك وشرفك وخلاقك وتربيةاهلك وثقتهم فيك وماادراك انو الخطوبة بينكم ممكن تستمر ماحدش ضامن ايه ممكن يحصل قد تحصل مشاكل وخلافات بينكم اوبين اهلك واهله وتفسخ الخطوبة وتنتهي وتجدين نفسك قد ندمت على كلامك معه في الحاجات المحرمة او شاف صورك الخاصة فانتبهي لكل هذا وخليك متمسكة بخلاقك وتربيتك ومحافظة عليهما وربنا يصلح احوالكم ويسترعليكم
انا نفسك جدا بس اني ماوصلتش لمرحلتك بس دايما بيبقى يطلب كلام حب وكده يعني .. ومفيش اي حاجة اكبر والله ان الموضوع ده تاعبني كتير لدرجة القلق لما بثول الكلام ده للحواليه بيقولولي دا خطيبك و الناس بتتكلم بحب مع حبايبها في الضلام وانتي في النور ومش تقلقي خالص
علي فكره انا اكتشفت ان كل الشباب كده والله ماتفتكريش شاب مش كده خصوصا في الزمن ده لان كل حاجه متاحه….
بس هقولك حاجه عمرك ماتفكري تقعي بلسانك وتقولي كلمه ولو بالايحا ليه ابعدي علي قد ماتقدري عن الكلام ده ووقفيه..
حاجه تالته.. ابعدي نفسك عن الفيس لان والله الشباب كله كده وكلامي ده عن خبره طويله وللاسف مش لاقيه الشخص اللي بحلم بيه محترم وملوش في الكلام ده مفيش ده بس موجود في الخيال صدقيني
حوالي تفهميه باسلوب حلو اللي انتي عوزه تقوليه بطريقه حلوه يحترمك فيها وبعدين لو بيعمل حاجه حرام فهميه برده باسلوب كويس من غير ماتحسسيه انك بتحاسبيه وربنا يوفقكو يارب ويصلح الحال
السلام عليكم اختي الكريمة أولاً مكالمة الرجل مع المرأة في اثناء الخطوبة وقبل كتب الكتاب أكبر خطاء فأنتي لاتعيدي أخطاء الاخرين أعتبري من من سبق
ثانياً أختي الكريمة لايجوز لك ان تغوصي مع رجل في اي كلام عاطفي او جنسي مالم يكن هو زوجك اي كتب كتاب وانتهاء
اختي أنا أنصحك أن تتوقفي عن مكالمته وتقولي له لابد أن يكتب الكتاب وبعد ذالك أنا سوف أستناك لكن نكتب الكتاب
أما عن أخلاقه من كلامك الموقف يقف على شخصيتك هل تستطعين تغيره لما تتزوجيه فيكون والله أعلم مناسب لك وان لم تكوني صاحبة شخصية قوية او هو شخصيته بأمكانك التأثير فيها فهذا سوف يتحسن بأذن الله مع الوقت والجهد منك
وانا انصحك الان بالتوقف عن مكالمته حتى يكتب الكتاب عليك
والله يوفقك أخوك الناصح
لا يوجد انسان كامل فى هذه الحياه قد يكون فيه العيوب ولكن يمكنه ان تغيريه للافضل
و عليك بالدعاء بالهدايه له وان شاء الله سوف يسر الله قلبك
دي فترة عاديه عند كل راجل والله اعلم الله يوفقك