مشاكل الخطوبة

خطيبي دايما ساكت

لو سمحت يا جماعة ساعدوني.انا خطيبي دايما ساكت ومش بيعرف يكلم معايا .انا مخطوبة بقالي 8 شهور ولما تنكلم على الموبايل بيفضل ساكت وانا بطبعي هادية وده بتكون طبيعة البنت تكون هادية .وبنفضل نص ساعة على التليفون ساكتين ولما يجيلي البيت كمان بيكون ساكت بيقولي بس ازيك وعاملة ايه وبس وبعدين بشغل التليفزيون احسن مانكون ساكتين .هو محترم وكويس وانا اول بنت يحبها ويرتبط بيها يعني مالهوش تجارب قبل كده وانا كنت مخطوبة قبل كده.بس احنا بقالنا فترة طويلة مع بعض وانا حاسة ان احنا غريبين عن بعض.ساعدوني اعمل ايه .اواجهه ولا الفت انتباهه ازاي.وانا على فكرة بحاول اتكلم وهو بيرد عليا اه او لا مس بيحاول يجر كلام واحيانا لما نكون ساكتين على الموبايل بقوله انت ساكت ليه بيقولي مش لاقي كلام اقوله وبقوله انت اكبر مني وانت الراجل لازم تتكلم معايا وببقولي لما تيجي حاجة في بالي هقولها ساعدوني اعمل ايه معاه لو سمحت ولو واجهته اقوله ايه

مشاكل وحلول ذات صلة

اضيف بتاريخ: Monday, January 18th, 2016 في 03:16

كلمات مشاكل وحلول: , , , ,

3 رد to “خطيبي دايما ساكت”

  1. فاعل خير
    04/03/2016 at 19:28

    طالما هو حد كويس حاولي انتي انك تفتحي مواضيع وتتناقشو فيها وهو بعد كده هيتعلم وهتلاقي الكلام جاب بعضه ربنا يوفقك

  2. أمجد عبد الوهاب مستشار إجتماعي
    27/01/2016 at 00:04

    (ليس أقدر من الشخص نفسه على حل مشكلتة فأنا لا أحل المشكلة جذريا ولكني أضيء له الأنوار ليرى فيها جوانب لن يراها من نفسه )
    بسم الله الرحمن الرحيم – إذا كان الكلام من فضة فالسكوت من ذهب – هنا أستطيع تغير المثل ليكون (إذا كان الكلام من فضة فالسكوت من خشب)
    قبل بداية كلامي معك أعرفك أن مشكلة خطيبك ليست مشكلة عويصة للدرجة التي تجعلك تقلقين أو تعيدي النظر في الإختيار فخطيبك إذا كانت فيه هذه الصفات وليس منحلا ولا شاذا ولا معوجا فهو لايزال خام من السهل جدا تشكيلة كما تشائين وهذا في حد ذاته شيء جيد جدا – وقد يعود ذلك إلى طريقة تربية ونشأة خطيبك في بيت والديه ومن هنا سيكون منطلقك – وإليكي بعض النصائح التي قد تعينك على تنشيط كلامه وتجاوبه وخروجه عن صمته
    *أولا : تواصلي مع والدته التي سوف تكون حماتك مستقبلا وناقشي معها سر صمت خطيبك أو تكاسلة الكلامي أوندرته أحيانا- فقد تساعدك أو قد تكون مثله صامتة أيضا لكن باعتقادي أنها ستاعدك كثيرا
    *ثانيا : أخلقي نقاشا يثير حفيظته – حركي مشاعره – غازليه مش عيب لكن في حدود كونه خطيبك مش أكثر يعني مثلا كيف تعقد رباط العنق (الكرافتة) وشوفي رد فعله على كلامك أو أطلبي منه شرح شئء ما ضمن تخصصه على أساس أن تخرجيه من صمته –
    *ثالثا : خربشي أعماقة بأسئلة تثير سكوته وتخرجه من صمته وأجعليه يدلي برأيه في طريقة لبسك ونوعية ماكياجك
    *رابعا : إسأليه عن كيف قضى يومه أمس وكيف سيؤدي يومه باكرا
    *خامسا : أحضري ورقة وقلم وقومي بعملية حسابية مثلا وتعمدي الغلط المنطقي في تسلسل الأرقام وشوفي رد فعله
    *سادسا : نصبيه مفتيا أو بمعنى أوضح إجعليه يبدي رأيه في كل شيء حوله – لأ مش غلط إحنا إذا كنا مش عايزينه يكون ثرثارا على الأقل سيكون متكلما فقط وهو دا المطلوب
    *سابعا : أسكتي أنتي خالص عنه وشوفي هو هيعمل ايه
    الخلاصة :- خطيبك به ميزة قد تفتقدها خطيبات أو زوجات كثيرات فكم خطيب أو زوج ثرثارا لخبط الدنيا بكلامه – وأعلمي أنك لست في مشكلة تستحق القلق فقط هو يحتاج إلى شيء من التواصل الإجتماعي وسيكون هذا على يديكي مع مرور الوقت دعواتي لك بالستر وربنا يتمم لك أفراحك ويسعدك –

  3. مجنون نسوان
    20/01/2016 at 09:33

    احمدي الله على هذا وان خطيبك على دين وخلق وحياءوادب ودي خصال نادرماتوجد في شباب اليوم والسكوت مثل مايقولون من ذهب عاوزه ايه اكثر من هذاصدقينى اهتمي فيه وتمسكي به حتى ربنا يعجل لكم بالزواج وعندها تزول كل الحواجز بينكماويفضى كل منكماللاخر عن كل مايريديه ويتمناه بالحلال وربنا يسعدكماويتمم لكمابالخيرنشاءالله تعالى

اترك رداً أو حلاً لهذه المشكلة