انا فتاة عندى 23 سنه مخطوبة من سنتين لواحد قريبى عن حب بس المشكله ان طول فترة السنتين دول احنا فى مشاكل كتير اوى بسبب عصبيته وغيرته الزائده عايز يعزلنى عن الناس كلها وعن اصحابى واهلى مش عارفه اعمل ايه وبيتعصب على اى شئ حتى لو كان صغير .
انا عندى خالى صغير فرق العمر بنا زى الفرق بينى وبين خطيبى وانا بعتبر خالى ده اخويا مش بعتبره خال نهائى علشان فرق السن مش كبير ومن قبل اما ارتبط بخطيبى وانا وخالى اصحاب جدا بحكيله كل شئ عنى وهو كمان بيحكيلى كل شئ عنه وكان بينصحنى كتير اوى لو حس انى ممكن اغلط فى شئ يعنى كنا قريبين لبعض جدا . وخالى حاليا مسافر رجع اجازة اسبوعين علشان عايز يخطب فكان كل يوم بيروح يشوف عروسه فطلب منى اكون معاهم لما يروحو فرحت معاه وخطيبى قالى اشمعنا انتى الى تروحى كل مرة ليه اختك مش تروح قلتله اولا علشان انا الكبيرة وهو طلب منى انا قالى ليه يعنى انتى بالذات قلتله علشان انا وهو قريبين من بعض وبيحب يستشيرينى فى اى شئ وانا كمان بحب استشيره فى اى شئ انا كده غلط فى شئ يا جماعه قالى الكلام الى انتى بتقوليه ده عيب جدا وانتى مش بتعرفى تتكلمى الكلام ده المفروض تقولى ليا انا والمفروض انك تثقى فيا انا وتستشيرينى انا مش هو هو خالك لكن انا خطيبك والى حبقى زوجك الكلام ده لو حد سمعك بتقوليه حيقوله عليكى مش كويسه ومش بتعرفه توجهى المشاعر صح انا والله مش فاهمه انا عملت ايه غلط لكل ده
ارجوكم قولولى الى انا قلته فى شئ غلط ؟بجد انا تعبت من التفكير وهل كلامه ده عادى ولا اوفر؟ وهل الغيره دى طبيعيه؟
ارجوكم ساعدونى اتعامل نظرا ان انا مش عايزة اخسره ابدا لانى بحبه جدا جدا
اسفة جدا للاطاله
مشاكل الخطوبة
غيرة خطيبى الزائده عليا حتى من خالي
اضيف بتاريخ: Monday, August 7th, 2017 في 04:30
كلمات مشاكل وحلول: الحب, الغيرة, حب, فتاة, مخطوبة
اختي العزيزة خطيبك يحبك ويموت فيك وغيرته دي دليل على حبه لك تقرب منه واشعريه بالامان والطمانينة عشان قلبه يرتاح ويطمن من ناحيتك والثقة مطلوبة بينكما لازم يكون واثق فيك وانت برضو واثقة فيه وعاوزك تقلل من اهتمامك بخالك ده دام خطيبك يغار عليك ومن الافضل انكما تسرعوا في اتمام الزواج وربي يسعدكم في حياتكم القادمة ويصلح حالكم ويسترعليكم