مشاكل الخطوبة

امة واختة..خلاص قربت اتجنن منهم

انا بنت 19 سنة انا مخطوبة لشخص كنت مرتبطة بية قبل الخطوبة والحمد للة اتخطبنا بس والدتة واختة عاملين مشاكل كتير اوى وتقريبا كل يوم بحوار مثلا (ازاى مش تتصل بينا _ازاى اسلم ع خطيب اختة بارف ) انا قولتلة انى انا مش عايزة اقعد ف البيت عندكم نقعد برا قالى لا انا مقدرش اسيب امى ولا ابعد عنها علشان والدة مسافر وهو ابنها الوحيد …قولتلة انى مش هكون مرتاحة وهبقى ف مشاكل ع طول  قالى لا طول ما انا معاكى محدش يقدر يكلمك.بس الحقيقة انة مش وقف جمبى ف ولا موقف وكان بيجى عليا كتير اوى وانا مش عارفة اعمل اية المفروض انى اتخطبت للانسان اللى بحبة وبيموت فيا اكون مبسوطة وفرحانى بس انا مش كدا ع طول بفكر وخايفة كدا يعنى .اما والدتى انا فارايها انها رمتنى ف النار لما وافقت ع الجوازة دية .هو رافض خالص موضوع الشقة برا اعمل اية قولولى  انا تعبت اووووووووى ونفسى ارتاح

مشاكل وحلول ذات صلة

اضيف بتاريخ: Thursday, December 30th, 2010 في 08:37

كلمات مشاكل وحلول: , , , , , , ,

15 رد to “امة واختة..خلاص قربت اتجنن منهم”

  1. ندي
    21/06/2014 at 18:46

    سبيه فورا ولو حاول يرجعلك تاني ماترجعلوش عشان هو كده مش عايز يزعل امه ولا اخته ولو انتي بتحبيه ومش عايزه تسبيه خليكي بارده مع امه واخته يعني اسمعي كلامهم في كل حاجه وهو يعملك حساب عشان مبتزعليش امه ولا اخته خدي بنصحتي

  2. ابواميرة
    17/10/2013 at 15:09

    من حق كل زوجة شرعا مسكن مستقل لهاولاولادهاتاخدفيه حريتها وراحتها ودي مملكتها ليس من العدل ان نحرمها حق من حقوقهاالشرعية لاجل اغراض خاصةاو ارضاء لاهواءالناس الاخرين طالبي بحقك الشرعي ولا تتنازل عنه لاجل ما ترخصي نفسك وكرامتك كزوجة وربي يسعدك ويستر عليك

  3. ابواميرة
    05/01/2013 at 13:10

    يابنتي انتوتسرعتم في الخطوبةدي الرجل ظاهرانه تحت سيطرةمامته واخته ولاقادريدافع عنك قدامهم وانتوعلى البر فكيف اذاتزوجتو وسكنتو معهم في بيت واحد اكيد بتحصل مشاكل كثيرةاوي انت في غنى عنهالابدمن اتخاذك القرارالحاسم لانودي حياتك انت وانت اللي حتعاني من المشاكل هذي افسخ الخطوبة من طرفك واشتري راحتك وسعادتك وربي يعوضك بخيرمنه يقدرك ويسعدك في الحياة

  4. اختك فى الله
    12/09/2012 at 18:39

    بصى ما تسمعيش كلام حد يقولك سيبيه وانتى لسه عللى البر والكلام المحبط ده حرام عليهم انا بردة زيك بالظبط لسة مخطوبه وده الى بيحصل معايا الظبط بس ماما بتقولى استحملى وطالما انتى بتحبيه هاتستحملى اى حاجه علشانة وبصى قربى من حماتك والايام هاتعرفها انك كويسة وهادافع عنك بقلبها حتى لو جوزك زعلك هادافع عنك لانها هاتحبك وربنا معاكى ومعايا

  5. ياسمين
    06/02/2012 at 02:54

    افسخي الخطوبه

  6. شمس
    17/08/2011 at 05:42

    حاولي حبيبتي ان تتفهمين امة واختة وتتعاملين وياهم بلي يريحك ويريحهم حتى تكسبيهم لجانبك واذا ما قدرتي في هذا الوقت راح يكون زوجك متفهم الامر اكثر..بس لتفكرين تتركين حبيبك لان مو دائما ممكن نلقى شخص عنجد يحبنة

  7. تغريد
    26/05/2011 at 18:05

    بصى يااختى هما بيحددا هما زعلانين منك ليه بيقولو انك مش بتتصلى بيهم وانك بتسلمى على خطيب اخته بقرف حاولى على قد ماتقدرى تكسبى ودهم وحبهم بمعنى انك تتصلى بيهم مش هتخسرى حاجه بالعكس حتى تعرفى طريقتهم وتفكيرهم ماشى ازاى قبل ماتروحى بيتهم وتتفاجئى بحياتهم واسلوبهم وتقدرى تعرفيهم اكتر وتحكمى عليهم اذا كانو ناس كويسه او وحشه صدقينى نصيحه يمكن هما عايزين يقربو ليكى اكتر ويمكن لاء بيعملو مشاكل على الفاضيه وخلاص فاانتى جربى كده واتصلى واتعرفى عليهم اكتر يمكن تكونى فاهماهم غلط ويمكن تكونى فاهماهم صح وقتها تتاكدى اكتر تانى حاجه سلمى على قرايبه كلهم وابتسمى واكسرى كلامهم لو معاملتهم اتغيرت معاكى وبقو كويسين وان هما دول السببين اللى مخلينهم زعلانين يبقى مخسرتيش حاجه لان طبيعى اخته هتتجوز وهيكون ليها حياه بعيده عنك ومش هيكون غير حماتك معاكى وربنا يهديها ليكى ويصلح حالك وعلى فكره لوطلعو بيعملو مشاكل كده وخلاص يبقى صلى صلاة استخاره لو الجوازه دى فيها الخير ربنا ييسرها ليكى ولو شر يبعدها عنك ويعوضك باحسن منها بس الاول حاولى تكسبى ودهم علشان يبقى عملتى اللى عليكى ومتكونيش ظلمتى خطيبك لان ممكن يكون انسان طيب وبيحبك وتخسريه وقت زعل وغضب اوعى تتسرعى تاءنى واهدى كده وحاولى تصلحى علاقتك باهل خطيبك ياستى اعزميهم مره اخت خطيبك خديها معاكى مره تشترى حاجه ليكى واتكلمى معاها هتعرفيها اكتر بس المهم نيتك تكون سليمه من ناحيتهم علشان ربنا يوفقك وعلى فكره اصرفى فكرة انك تسكنى بره دى خالص لان خطيبك من الواضح انه مش هيسيب شقته ولا امه يابنتى هو فى حد لاقى شقق دى الواحد مابيصدق فيهم يلاقى شقه يعد فيها اكتر النا مش بتوافق على السكن بره خصوصا لو شقته موجوده فى بيت والده دى حقيقه وهتحسيها لو عرضتى عليه انك تسكنى بره خصوصا انه رفض مش بالسهوله يوافق كده خصوصا لو الماديه مش تسمح يبقى فكرى كويس واهدى وحاولى تحسمى الموقف وابدئى اولا بكسب ودهم ليكى لو منفعش وهما زى ماهما صلى استخاره وربنا يوفقك ويصلح حالك

  8. nona
    19/01/2011 at 21:59

    طيب انتى ليه مش تحاولى الحاجه اللى هما بيتضيقوا منه مش تعمليها يعنى تسالى عليهم كل يوم و لو مثلا تشوفى حد من قرابيهم تسلمى بكل احترام و حاولى مش تبنى لهم انك بتسلمى بقرف و انتى بتحبيها خليكى معاه و اللى بيحب حد بيفضل معاه على عيوابو و مميزاتو و تخاولى تتقربى من مامتو و اختو كدة انتى لو عاوزة تخليهم يبحبوكى هيحبوكى بكل تصرفاتك ياما لو مش فى حل و مهما عملتى بردو هوا طبعهم كدة خلاص يبقا اتكلمى معاه عرف يحل هذة المشاكل يحلها مش عرف يبقا فركشى الخطوبه احسن ما تتجوزى و تجيبى بيبى و اقدر الله تحصل مشاكل و تتطلقى يبقا فكرى فى الموضوع الصح من كل النواحى و صلى صلاه استخارة و اللى ربنا عاوزو هيكون و لو فضلت المشاكل يبقا لازم تتراتاحى و لو اقدر الله حصل حاجه او فركشها يبقا ان شاء الله ربنا يكرمك بواحد احسن منو انشاء الله و هتحبيى اكتر ما كنتى بتحبى التانى و لو ليكى نصيب هتكونى ليا مهما يحصل

  9. ام ياسر
    14/01/2011 at 03:57

    اوعى تقعدى معهم هيكرهوكى فالدنيا كل حاجه هيقعدلك عليها لو جبلك حاجه يلو وشهم لو خرجك بردو يزعلو خديها من قصرها احسن متندمى اسال مجرب

  10. برنسيسه
    30/12/2010 at 17:08

    انا متزوجه من 8سنين وكنت زيك كدافى اول سنتين ع طول مشاكل مع مامته بس اخيرا عرفت ازاى اتعامل معاها انك تاخديها ع اد عقلها وتعملى ال يريحها وتحاولى تحسيسها انك عاوزه رضاها بس من غير ما تقللى من كرامتك دا لو انتى متاكده من حب خطيبك لكى وانه مش هيظلمك لان له دور كبير فى المشكله دى انه ولا يظلمك ولا يظلم مامته بس ريح الاتنين وانتى قولوله انك هتكونى فى نفس البيت اوكى بس هتعيشى لوحدك اكل وكدا وبرده مش هتسيبى مامته يعنى لو عملتى حاجه كويسه تديها منها وتزلى تقعدى معاهم شويه بس لو كان شرطه انكم تبقوا مع بعض فى نفس الشقه واكل وكدا فدا هيكون صعب وربنا يوفقك

  11. محبة الله
    30/12/2010 at 16:48

    يا أختي الاحسن تتركي من هسا وانتو ع البر
    بدل ما تندمي لما تتزوجي وتجيبي اولاد فكري منيح بدل
    ما تنحسبي مطلقة وعندك اولاد
    وان شاء الله بيجيكي الاحسن منو..

  12. إسلام
    30/12/2010 at 16:06

    اطلعى بره بيتهم احسنلك

  13. محمد ناصح الامين
    30/12/2010 at 16:01

    انتي لسه مخطوبه لو مش مرتاحه نفسيامن دلوقتي خدي قرارك احسن ماتعيشي في عذاب بقيه حياتك او تكوني مطلقه

  14. snayo
    30/12/2010 at 15:02

    نصيحة لو عملتيها هاترتاحي .. يا إما تقنعيه أنكم تعيشوا في بيت لوحديكم .. ولو رفض .. صدقيني الحل الوحيد إن الخطوبة تتفكركش .. تتفركش دلوقتي لاحسن ما تتفركش الجوازة وأنتي عندك بنت ولا ولد .. وتاخدي لقب مطلقة

  15. اختك بالله
    30/12/2010 at 11:49

    انا مثلك تزوجت زواج تقليدي لاني اخاف الله والف الحمد لله احب زوجي واخاف الله فيه ولكن امه واخته لم ولن يتركونا ابدا بحالنا لحد الان من سنين ولم ارتاح شويه الا لما طلعت لوحدي سوف تعانين اذا بقيتي عندهم لكي حلان ياما تدوسي على قلبك وحاولي دائما ان ترضيهم حتى ترضى امه عليه ياما ان تتركي خطيبك لانك كما تقولين لا يرضى ان ياخذ ليكي شقه لحالك واذا مااستطعتي ان تتركيه ليس لديكي الا ان تتحملي طوال العمر مثلي والله معك

اترك رداً أو حلاً لهذه المشكلة