مشاكل الخيانة الزوجية

زوجي اهملني وحطمني كامرأه عشان كده بخونه

متجوزه من 3 سنين عندي طفلين جوزي مهمل فيا وفي كل حاجه لبسه نظافته بحس انه في الستينات تعبت معاه وغلبت افهمه عن احتياجاتي بطرق مباشره وغير مباشره . شايفني مجرد ست بيت ام العيال بحس اني مرغوبه من كل الرجاله الا هو ووصلت للخيانه

مشاكل وحلول ذات صلة

اضيف بتاريخ: Sunday, March 5th, 2017 في 17:17

كلمات مشاكل وحلول: , , , ,

7 رد to “زوجي اهملني وحطمني كامرأه عشان كده بخونه”

  1. ابواميرة
    19/02/2020 at 21:45

    يااختي العزيزة مهما حصل من جوزك من اهمال لك وتقصير ليس مبرر لوقوعك في الخيانة وماحصل منك حرام شرعا من حقك تطالبي بكل حقوقك كزوجة له من المعاملة الحسنة والاحترام والمعاشرة فان استمر في تجاهله لك فساعتها لاشئ عليك في طلب الطلاق منه عايزك تتوب لربك وتندمي على ماحصل منك من خيانة زوجية وتراعي ربنا في نفسك وفي اولادك الصغار وتحرصي على الحفاظ على حياتك الزوجية وان كرهت العيش معه فالطلاق خير لك من الوقوع في الخيانة وانت على ذمة رجل

  2. M.A.G
    04/05/2017 at 08:45

    أولاً عليك قطع علاقتك مع الشخص الآخر مباشرةً قبل تطور الأمور للأسوأ , ثانياً بما أنكي قد استنفذتي كافة الحلول في تغيير زوجك للأفضل ولم تفلح هذه الحلول فعليك تهديده بطلب الطلاق فوراً وتصعيد الأمر للأهل وللجميع , وفي آخر المطاف إن لم يتغير للأفضل فعليك الطلاق منه فعلا والبحث عن الرجل المناسب بعد الطلاق وبالحلال .

    أسأل الله الكريم رب العرش العظيم أن يريك الخير ويرزقك إتباعه .

  3. Dr
    26/04/2017 at 11:53

    حقيقة يا أختي مهما فعل زوجك فماتفعليه هو زنا وعقوبة الزاني الرجم، لو أن كل خائن أو خائنة برر معصية الله بمبرراتك لكان أولى الناس بذلك هو سيدنا يوسف، فإن كنت شابة فيوسف عليه السلام جمع بين الشباب وكان أجمل أهل الأرض وعرضت عليه امرأة العزيز نفسها وكان بإمكانه أن يضعف فهو غريب عن أهله وبلده وبلا زوجة ومع ذلك قال معاذ الله وفضل السجن على المعصية، كثيرات غيرك لم يتزوجن وعندهن من الجمال والظروف مايدعوهن للمعصية ومع ذلك قلن معاذالله، اتق الله واعلم أن الموت قد يأتيك فجأة وأنت على فراش المعصية، وإن كان لا بد فاطلب الطلاق من زوجك ولا تخونيه وترتكب المعصية، لكن يبدو أنك تريدين الحفاظ على ماتحصلين عليه من مال منه وفي نفس الوقت تستمرين في الزواج والخيانة، أما هذا الذي تمارسين معه الخيانة ويستحل امرأة متزوجة هل تعتقدين أنه سيتزوجك بعد الطلاق وإن تزوجك هل سيربي أولادك وهل سيحترمك ويثق بك بعدماخنت زوجك معه، اما قصة أنك تعلمين الأولاد وتعملين في البيت وغيره فهذا حال كثير من النساء، المرأة العفيفة ياأختي لو وضعوا لو اجتمعت عليها ظروف الأرض لاتقرب الحرام، فإن كان لابد فاطلب الطلاق ، وقبل أي شئ توب إلى الله واستغفريه وادع الله بقولك ( اللهم اكفني بحلالك عن حرامك، واغنني بفضلك عمن سواك) واقطع علاقتك بالخائن وتذكر حديث رسول الله بمامعناه( من زنا بامرأة متزوجة كان عليه نصف ماعلى الأمة من العذاب، ويحكم الله زوجها في خسناته،،،،)، وحديث رسول الله ( ملعون من خبب(أفسد) امرأة على زوجها)، وحديثه في أن من يزني يخلع عنه قميص الايمان، لاتقنع أحد بمبررات لمعصيتك وصدقيني أنت تفتحين على نفسك عذاب الدنيا والآخرة

  4. صاحبة المشكله
    17/04/2017 at 12:57

    انا بحاول اتكلم معاه وبحاول الفت نظره وهو مش عايز يفهم ولا عنده استعداد يسمعني اصلا . انا بجد تعبت ومش عايزه افضل كده . عايزه اتوب لربنا واخد بالي من بيتي وعيالي وجوزي بس احس اني موجوده وليا قيمه عنده مش مجرد شغاله في البيت وبهلف عيال وبس . وهو معندوش اي مسؤليات تجاهنا غير انه يشتغل ويجيب فلوس . ويقعد بالشهور ميقربليش ولا في دماغه وانا اتعودت علي بعده واستغنيت عنه . لقيت اللي انا محتجاه مع غيره مبقتش اطيقه يقرب مني وكانه غريب عني . وكل ما احاول اكلمه والاقيه مش مهتم وبيتعامل مع الموضوع باستهتار وكمان يحسسني ان هو مش فارق معاه اقول بيني وبين نفسي يستاااااهل والاقي نفسي بقرب للشخص التاني اكتر . نفسي حد يسمعني ويفهمني صح نفسي حد يفهم جوزي يعني ايه جواز وانه يبقي راجل ومسؤل عن اولاد يبقي قدوه ليهم يتعلمو منه ومسؤل عن ست المفروض بتصرفاته معاها واسلوبه يحتويها ويعفها ويغنيها ميحوجهاش لحد غيره . مش طول الوقت لوحدها مسؤله عن كل حاجه لوحدها وكان انا الراجل والست والشغاله والداده ةالطباخه واللي بتودي المدرسه واللي بتعمل كل حاجه لغايه ما اتدفنت بالحياه ووكانها عدت الخمسين وهي لسه في العشرين نفسيه زي الزفت وضغط في كل حاجه ده غير حماتي اللي عايشه معايا في شقه واحده ومتحكمه في كل حاجه حتي في لبسه لازم زوقها وحتي في شغله وطبعا محدش يزعلها ونيجي علي نفسنا عشان خاطرها وطظ فينا عشان خاطرها المهم راحتها عشان متطردناش من شقتها ويوم ما يرضيي عني ويقعد معايا شويه لوحدنا بعد شقي طول النهار من شغلي لشغل البيت للعيال واخيرا هحس اني بني ادمه مش اله . الاقيها تنادي عليه لاي سبب تافه . واحيانا تقوله تعالي نام جنبي او تعالي حميني . رغم انه عمره ما عمل اي حاجه من دي بس دايما بتطلبها تقريبا عشان تضايقني . طب ليه تضايقيني ما هو انا مش ناقصه اصلا . استحملت كل ده ومكنتش باغلط لكن بعد كل ده ضعفت وغلطت ماهو انا بشر وزي ما بعمل اللي عليا رغم انه وحش ومر . بقيت بطريقتي باخد اللي ليا واللي انا محتجاه رغم انه برضو وحش ومر .طب هو انا لقيت الحلو وما اخدتهوش؟!!!!!!!!!! . بجد تعبت

  5. رد
    28/03/2017 at 09:59

    مفيش حد في الدنيا ماعندهوش مشاكل و لو عشنا من غير مايكون فيه مشاكل أو أهداف نبأى مش في الدنيا دي تبأى الآخرة (نعيم أبدي) … و الشيطان بيدخل لبني آدم من سكة مشاكلة و بيديه بيها مبررات لارتكاب الجرائم اللي منها الخيانة … رغم إن الطلاق مكروه إلا إنه حلال و الست الحرة اللى بتخاف ربنا و الراجل الحر ب يباى فكرة الخيانة دي مستحيلة بالنسبة له و أقرب من حل قبل التفكير في المعصية (الخيانة) هو الطلاق … إرجعى لربنا و توبي و ما تنسيش إن الدعاء عباده

  6. ماجد
    13/03/2017 at 12:37

    عندك طفلين هذا المهم , الخيانة ليست لزوجك فقط لكن لاولادك ,الحرام يخرب البيوت ويحل عليها اللعنة , حتى الطعام الذي تصنعيه لاطفالك يتنجس بخطيئتك , في ناس كثير بالدنيا وناس نعرفهم بحياتنا ومن اقاربنا وبالقصص ملئ الحياة من يوم ولدوا الى ان ماتوا لم يقترفوا هذه الخطيئة او يفكروا ان يجربوا هذه الشهوة بالحرام , عقابها ان كان بالدنيا اهلك الانسان ولعن عيشته او ينتظره بالاخرة عذاب وكل شر

  7. ابوالبتول
    06/03/2017 at 23:24

    اختي مهما كانت تصرفات زوجك معك لايجوز لك الخيانة اوحتى التفكيرفها ولو مجرد تفكير اتقي الله عزوجل في نفسك وفي زوجك وفي الحفاظ على شرفه وعلى بيته واولاده اذا كان فعلا مقصرا معك في حقوقك كزوجة من حيث المعاشرة والاهتمام فمن الافضل اشراك احد من اهلك اواهله من العقلاء لاجل الاصلاح بينكما وفكري في مصير اولادك الصغار ربنا يصلح احوالكم ويحنن قلوبكم على بعض ويديم عليكما الخيروالسعادة والاستقرار في حياتكم الزوجية

اترك رداً أو حلاً لهذه المشكلة