مشاكل الخيانة الزوجية

متزوجة وخايفة اخون زوجي على النت من الوحدة

السلام عليكم
انا ست متجوزة و عندي ولدين و زوجي مسافر معظم الاحيان و انا لا ليا صديقات و لا جرات اتعامل معاهم قاعدة مابين اربع جدران حتى اخواتي كل واحد في ناحية الشيء الوحيد الدي كان يخفف عليا وحدتي هو النت دخلت على امل اني اعمل صديقات افضفض  معاهم احسن من الوحدة الي انا فيها بس الزاهر اغلبية الستا مش تعوز صديقات بل اصدقاء و مرة اتعرفت على راجل و اعتبرتو صديق ليا و الله العظيم ماكانت نيتي حاجة تانية كنت بتكلم معاه بمنتهى الادب و قولتلو اني متجوزة كنت بفضفض معاه بس مع مرور الايام صارحني انو بيحبني فقررت الابتعاد عنو عشان عارفه انو ماينفعش اكمل بس و الله ياخواني الوحدة حتقتلني مالياش حد اتكلم معاه و خايفة ارجع للنت و اكلم رجالة مش بعرفهم نفسي يكون ليا صديقات ستات افضفض معاهم و اكلمهم و يكلموني انا مالياش حد اتكلم معاه من فضلكوا ساعدوني اعمل ايه الوحدة حتقتلني زوجي مش يقدر يخدني معاه لاسبا شغلو و لما يكون معايا بيملى عليا البيت بس لما يرجع لشغلو بحس بوحدة قاتلة و مش عارفه اعمل ايه لا بتبخلوا عليا بردودكم الله يجازيكم

مشاكل وحلول ذات صلة

اضيف بتاريخ: Friday, April 15th, 2011 في 13:54

كلمات مشاكل وحلول: , , , , ,

24 رد to “متزوجة وخايفة اخون زوجي على النت من الوحدة”

  1. ابوالبتول
    14/10/2016 at 23:56

    اختي مشكلتك التي تعاني منها هي وقت فراغك والوحدة ليه ماتستغل اوقات فراغك في عبادات الله عزوجل من صلاة وصيام وقراءة القران وتبعدي عن الانترنت والجلوس عليه وتحافظي على بيتك وزوجك واولادك وعايزك تعرفي انومافيش صداقة بين رجل وامراة ده حرام شرعا ومن ابواب الفتن ماخلا رجل باامراة الاكان الشيطان ثالثهما هذا حديث النبي عليه الصلاة والسلام بامكانك تعملي صداقات مع نسوة صالحات حتى تخفف عنك الوحدة التى تعانين منها لبعد زوجك عنك او تجلسي مع اولادك وتذاكري لهم وتقومي على تربيتهم والاعتناء بهم وارجع واقولك احذري من النت ومصايبه والله يصلح حالك ويهديك ويسترعليك ويحفظ لك زوجك واولادك ويسعدكم في حياتكم الاسرية

  2. المتمسكة بحدود الله
    04/04/2015 at 12:05

    ربنا يحفظك وجميع المسلمين من كل سوءنصيحتي لك اختي ان تلجأي لكتاب الله بحفظة وتدبر اياتة سيملاء قلبك وفراغك ويحفظك ويعينك علي كل هم تحسي بية ويبعد عنك شياطين الانس والجن اسأل الله العظيم ان يحفظك واخواتي المسلمات

  3. kind heart
    26/11/2011 at 19:34

    انا بعاني من نفس المشكله بس مش انا دي مرات عمي بتعمل علاقات مع شباب وبتتكلم اسكاي وياهو وهي متجوزه ومعاها 3 اولاد وانا خايفه افول لعمي لاني بحبه جدا وهو مسافر الجزائر وخايفه اكون سبب في انفصاله عن شغله وبيته

  4. KaLoOoSh
    23/09/2011 at 05:44

    انا عايز اقول حاجة للبنوتات القمرات اللى دخلو الصفحة
    وكتبو تعليق مشكورين
    بس معظمكم عمالين تقولو انا زيك بالظبط
    انا زيك بالظبط
    طب مادام انتو زيها ماتحاولو تتصاحبو على بعض
    تملو فراغ بعض واسمكم عملتو صداقات جديدة
    كلمو بعض ع النت كلمو بعض ع الفون مش هتفرق
    المهم تحاولو تكسرو الملل وتفضفضو لبعض وانتو مفيش زيكم فى الرغى 😀
    بدل ماتروحو تتصاحبو على شباب
    مش كده احسن ولا ايه يا جماعة ؟؟

  5. soso
    31/07/2011 at 15:22

    انا كمان عاملة زيكم يارب شو اعمل مابلائي حد احكي الا رجال بس انا مابعمل اي علاقة حميمية الا صداقة

  6. الحب الاهم
    24/07/2011 at 22:57

    انا عامله زيك بس زوجى مسافر السعوديه وللاسف مش هيعرف ياخدنى معاه
    بس والله والله انا حسه بيكى وفكرت اعمل كده وادخل اعمل صداقات بس لما دخلت ولقيت جو النت عرفت انى مش هرتاح لان كل الى كنت بكلمهم رجال خوفت انى افقد احترامى لنفسى وخوفت من انى اعمل حاجه تغضب ربنا وخوفت على حياتى وبناتى لانى عرفه انى لو اتماديت ربنا هينتقم منى بالله عليكى فوقى لنفسك قبل فوات الاوان الى عامل نفسه بيحبك بيتسلى لو كان عنده ضمير كان اتقى الله فى واحده متجوزه ومحاولش انه يخدعك بكلامه انا خايفه عليكى تندمى ابعدى نفسك عن المصيه لانها هتشيلك الهم اكتر وكفايه احساسك بالذنب اتقى الله فى زوجك واعرفى ان كل حاجه بنتحاسب عليها اجلا وعاجلا وربنا يهديكى ويهدينى ويهدى المسلمين اجمعين

  7. ربنا يهدى
    20/05/2011 at 00:03

    حبيبتى أنا حاسه بيكى جدا مع انى زوجى معايا لكن حاسه بوحدة وكنت بستخدم النت فى وقت فراغى لكن مش بكلم حد نهائى وبالصدفة وجدت الموقع ده احكى فيه مشاكلى واتواصل مع الناس بطريق غير مباشر واعرف الدنيا فيهاايه ونسيب ردود على المشكلات ولو انت عاوزة صديقة فانا اتشرف بصداقتك ولو فى تواصل عن طريق ادارة الموقع انا مستعدة اختك فى الله …أم عمر

  8. عازب لسوء الاحوال الجويه
    04/05/2011 at 06:11

    انا عايز الفت نظر الناس اللى بتقول تعليقات لحاجه مهمه جدا وهى ان اى حد بيدخل هنا وبيقول مشكلته وطالب مساعدتناانه اكيد فكر فى الصلاة والصوم والقران بس اى حد بيغلط مش بيفتكر ربنا وقت الغلط بيفتكره بعد ما بيخلصه وكلنا كده محدش معصوم حتى الانتبياء ….ندخل بئا فى مشكلتنا .. وانا شايف ان الاخت صاحبة المشكله قالت حاجه مهمه وجميله جدا ان لما جوزها بيرجع البيت فا بيملى عليها حيتنا وبتكون سعيده وانها قطعت علاقتها بالراجل اللى بيكلمها عشان عارفه انه مينفعش يعنى الست بتفكر كويس وبتحب جوزها وكل اللى محتجاه ان يكون ليها صديقات من الناسئ تتكلم معاهم **

  9. رنا
    27/04/2011 at 20:42

    انا مشكلتي زيك بالزبط الفرق اني مع زوجي فبلد اجنبي يعني بعيدة من اهلي وفبلاد الغربة مبعرفش ولا واحد وزوجي كثير السفر بس انا بحاول املي وقتي بالتلفزيون برامج طبيخ واقوم اجرب الوصفات الجديدة وكمان خلي القران الكريم ونيسك كلما حسيتي بضيق في صدرك افتحيه تلاقي الفرج باذن الله

  10. mohamad
    25/04/2011 at 09:52

    الاخت الفاضلة
    حماك الله من وساوس الشيطان ،كل حب لا يرضي الله ورسوله هو معصية لله وحسرة وندم ،واطلبي من زوجك انك مشتاقة له وان يكون قريب منك ومن ابنائه وان يقنع براتب مهما كان وقربه من زوجته وابناؤه اهم من كل شئ ،والذي يحبك كاذب في حبه لو اراد لك الخير لما قال ذلك فهو يريد ان يحصل على شهوته ويهجرك بعد ذلك .

  11. شهريار
    24/04/2011 at 16:09

    طالما اشتكيتى يبقى انتى انسانه محترمه
    ومفيش حد مش بيغلط
    وخير الخطائين التوابين
    دى نصحتى ليكى
    1- ابتعدى عن النت نهائيا
    2-اشغلى نفسك مع اولادك
    واعلمى ان غيرك عانس وغيرك تتمنى الاولاد
    احمدى ربنا على نعمه الزواج والذريه
    3-صله الرحم
    4-الانشغال بعمل مفيد
    قراه قران – الذهاب للمسجد
    5- تذكرى دائما مواقف زوجك الطيبه معاكى
    وانه فى غربه من اجلكم
    6- تذكرى ان الله يرانا
    7-عليكى بالذكر
    8- حافظى دائما على اللقب الجميل الذى تحمليه
    وهو لقب زوجه وام
    ربنا يباركلك ويهديكى ويحببك فى زوجك ويبعد عنك الشيطان

  12. هدايا
    22/04/2011 at 20:06

    اتقى الله فى نفسك وفى الراجل اللى متغرب وتعبان من اجلك يااما تقنيعيه ان يفضل جنبك وترضى بالرزق اوتبطلى حكاية النت لانه بيفتح مجال للشيطان وان فضلتى على حالك تنفصلى افضلك خشيه من الله

  13. الفيلسوف
    20/04/2011 at 01:42

    اختى لا تعينى الشيطان عليكى ومن رايي انك تقولى لزوجك يفضل جنبك اكتر وقت حتى لو كان يغير شغله او لو حتى هياخد مرتب اقل بس يكون جنبك

  14. etqan54
    19/04/2011 at 10:04

    اختى العزيزة النفس ان لم تشغليها بطاعة الله شغلتك هى بالمعصية ارجو منك ان تشغلى نفسك بالامور النافعة كدراسة او قراءة او حفظ قرآن او تطريز او كل هذه الاشياء واتمنى لك السعادة والتوفيق وابتعدى فوراً عن هذه العلاقات والتى ستؤدى حتما الى الوقوع فى الخطأ

  15. manon
    18/04/2011 at 17:28

    يا اختي العزيزة انت لو مش انسانة كويسة ما كنتيش اشتكيتي لكن انت اصلك طيب ومحترم تقربي الي الله بالدعاء ان يبعد عنك الشيطان

  16. طيبة القلب
    17/04/2011 at 11:35

    انا صاحبة المشكلة اشكرك اخي فارس احلام الضياع على تفهمك الناس الي بترد هنا عاملة نفسها و كانها ملايكة مابتغلطش الانسان بيغلط و يحاول يصلح غلطو هو انتو ايه مابتغلطوش لو حسبتو نفسكو يمكن انا غلطي اهون من غلطكو قبل ماتردو حاولو تحطو نفسكو مكا الانسان دا و ماتقولوش زي مابيقول المتل يانهر مش حشرب من ميتك ابدا الانسان من يوم ابونا ادم و هو بيغلط احنا بني ادمين مش ملايكة بس فيه طريقة نتكلم بيها و نساعد الناس من غير مانتحامل عليهم بنساعدهم مش نعمل القاضي و المفتي ادا كان ربنا عالم بالقلوب بيغفر بتصعبوها انتو ليه ربنا يهديني و يهديكم

  17. Hoss
    17/04/2011 at 07:27

    اقطعي النت وحاولي تروحي تصلي في دار العبادة ( المسجد ) لو انت مسلمة ( الكنيسة ) لو مسيحية وهاتلاقي من الصالحات اللي يخلوكي تندمجي معاهم وحاولي تخلي الصالحات دول يزوروكي في البيت وحاولي تخلقي لنفسك جو اجتماعي واشغلي وقت فراغك بهواية بتحبيها ( رياضة – قراءة – موسيقى – رسم – كتابة قصص – كتابة خواطر – طبيخ – تريكو – كيروشيه . . . . الخ ) من الهوايات اللي تشغل تفكيرك ، حاولي تكلمي جوزك فترات طويلة ع النت ، وحاولي مع جوزك انكو تتلموا على بعض العمر بيجري ويتسرق مننا ودي أحلى أيام عمركم حاولو بقدر الإمكان ماتكونوش بعاد عن بعض
    ربنا يوفقك ويهدي سرك ويجمع بينكم في اقرب فرصة

  18. ناصح لكي أخيتي
    16/04/2011 at 23:21

    السلام علي من اتبع الهدي أختي الحمد لله أن أوقفك عند هذا الحد فإن الله يريد بكي خيراً
    عليك أختي بقتل وقت الفراغ بإنشغالك بشيئ نافع كحفظ القرأن لكي و لأولادك أو الإشتراك في ناشط لأي جمعية خيرية و مصاحبة أخوات لكي من الصالحات و أغلقي مداخل الشيطان و اقطعي النت هدانا الله و إياكي الي الصراط المستقيم

  19. فارس احلام الضياع
    16/04/2011 at 17:30

    اختى الفاضله انا بتأسف على الردود اللى بتدحدف عليكى وكله بيبص من نظارته هو وبس وهو اللى بتبقى عارف ربنا والباقين لا وحده وحده حرام على اى حد يكتب رد بدون ما يحط نفسه مكان صاحب المشكله بحق وحقيقى مش كلنا بقينا بنفتى فى الحلال والحرام المهم انصحك يا اختى ان تذهبى فى صلاه العصر والمغرب الى المسجد وان شاء الله حتلاقى نفسك بتتعرفى على اخوات مؤمنات طيبات ان شاء الله ودول حتكون صداقتهم معك لله فقط وحتلاقيهم بيسألوا عليكى لو فى يوم ماروحتيش تصلى ووحده وحده حيكون لكى صديقات زى الفل ان شاء الله

  20. هلا
    16/04/2011 at 10:29

    السلام عليكم اختي العزيزه لا تتركي للشيطان فرصه حافظي علا بيتك واولادك ودينك وعرظك عليك بصلاه والصوم والقران اماء الانترنت افصليه حتى لا يوسوس لك الشيطان للعوده علا النت استقفري الله واسال الله ان يحفظك ويسهل عليك وحدتك

  21. عاشقة القران
    16/04/2011 at 03:23

    هقولك حاجة هو انت مكنتيش عارفة ان صداقة الرجالة حرام وهتوصلك للانتى بتقولى علية دة؟؟؟
    وكمان انت مش حاسة ان دى خيانة لجوزك اللى انت بتحبية؟؟؟ولو لا طيب لية وقفتى ؟؟؟وتقدرى تقولى لجوزكعلى حاجة زى كدة؟؟؟واخر حاجة وهى فى الحقيقة اول حاجة
    مش خايفة ولا مكسوفة من ربنا؟؟؟؟؟؟؟؟؟؟؟؟؟؟؟؟؟؟؟؟

    اكيد لو كل واحدة سالت نفسها الاسئلة دى قبل متكلم اى راجل وحطت دة فى اعتبارها اكيد هتكتشف ان الوحدة احسن بكتير من عذاب ربنا اسفة اقصد من صداقة الرجالةووقتها هتدخلى وانتى واثقة فى نفسك ومطمنة على نفسك واكيد النت فى حاجات كتير ومعلومات اكتر ممكن تشغلك عن اىحاجة تانى

  22. فاعل خير
    15/04/2011 at 23:00

    انا لله وانا اليه راجعون .الاستعاذة من الشيطان الرجيم حرز ينقذ العبد من الوقوع بشبكة ابليس اللعين. والدردشة على النت مع رجل غريب محرمة اصلا لانها من اخطر خطوات شياطين الانس والجان المؤدية الى النار.عليكِ بقراءة كتاب الله تعالى ستشعرين بأنكِ تتحدثين مع الخالق الرحيم .وعلمي أولادك قصص القرآن من النت كذلك تعلم قراءة القرآن الصحيحة. .واتقي الله .ويحدد لنا رسول الله صلى الله عليه وآله وسلم صفات الزوجة الصالحة فيقول: … العابدة التي تحفظ نفسها وتحفظ زوجها في نفسه وعرضه وتحفظه في ماله وولده …. بأمكانك التحدث مع زوجك وان تطلبين منه بكل محبة ان يُكثر من مجيئه اليكم وان الاولاد يسألون عنهُ أو تنتقلون معهُ الى منطقته أو يتحدث معكِ بالتلفون . اللهم يفرج عليكِ ويحميكِ من كل شر.عليكِ ان تكوني قوية الأرادة والأتكال على الله وهو حسبنا ونعم الوكيل.(اللهم ماعملتُ في يومِي هذا من خير فهو لإبتغاء وجهك.وما تركتُ فيه من شر فهو لنهيك).قولي هذا الدعاء في كل صباح ومساء.وأخيراً ( ان الصلاة تنهى عن الفحشاء والمنكر.والسلام عليكم

  23. رضا ابو السعود
    15/04/2011 at 14:21

    انا معاكى ان الوحدة بتموت وتخلى الواحد يفكر فى كل حاجة بالزات لما اكون محرومة من حجات كتير واولها الجنس واهمها بس احنا مسلمين والحمد لله ديننا عمل لنا حدود محدش يئرب منها علشان الفوز بالجنة بعد الموت نصحتى ليكى خلى بالك من اولدك واشغلى نفسك بيهم وحفظيهم القران وعلميهم الصلاة وانتى معاهم خلى الكمبيوتر يئربهم لربهم وانتى معاهم وميكونش وسيلة للبعد عن ربنا

  24. المعلم
    15/04/2011 at 14:19

    انصحك بى الصلاه وذكر الله او الصوم ودايما اشغلى نفسك بالقراءه فى اى شىء وابتعدى عن النت علشان ممكن تتعلقى بى العلاقه الى على النت ودمرى بيتك واسرتك والست الطيبه الى متربيه كويس وبتخاف الله تبتعد عن هذه الاشياء وركزى فى اولادك وعلميهم كويس وعلميهم الصح والخطاء والحلال والحرام كونى انسانه متحضره وراقيه والرقى والتحضر قمة الاخلاق والله يبعد عنك الشيطان ويوقفلك اولاد الحلال وصلى وركزى فى الصلاه واكثرى من الدعاء ولك تحياتى

اترك رداً أو حلاً لهذه المشكلة