مشاكل الخيانة الزوجية

خايفة اخسر زوجي لو اعترفت بعلاقاتي على النت

انا مدام تبلغ من العمر 24 سنة متزوجة من 4 سنوات عندى بنتين بحب جوزى جدا وجوزى كمان بيحبنى هو سافر بعد سنة جواز وسابنى وبقا يجى اجازات فى اول فترة مكنش فى نت عندة وكدة ولا حد اكلمةومش ليا اصحاب فى المكان الا انا فية انشغلت بالنت والشات كلمت ناس كتير شباب وفتحت كام واتكلمت فى كل حاجة تتخيلوها شافوا صورتى معرفش عملت كدة لية تعبت اوى انا مش كدة ومفيش سبب للى عملتة وعشان كدة مش عارفة اغفر لنفسى روحت لدكتورة نفسية اتعالجت عندها بدون علم زوجى او اهلى مفيش غير واحدة صاحبتى عرفتها كل حاجة وساعدتنى وبدات بالعلاج انسى او اعمل نفسى نسيت الا عملتة تعبت اوى حاسة بتانيب ضمير طول الوقت عاوزة اعترف لزوجى خايفة اطلق واسيب بيتى وبناتى واطلع بفضيحة والله بحب زوجى اوى وبناتى بس انا معرفش عملت كدة لية حالتى النفسية صب زيرومش عارفة اعمل ايةندمت وتوبت لربنا الموضوع دة بقالة فترة بس دايما خايفة ان يكون حد سجلى كام او مايك صوت او معاة صورة لقطها من الكام وجوزى يعرف باى صدفة انتوا عارفين النت شبكة موصلة لبعضها والدنيا صغيرة وربنا يمهل ولا يهملوخايفة ينتقم منى بدعى ربنا كل يوم بالستر وعدم الفضيحة حد يرد عليا ويساعدنى اعترف لزوجى ولة انسى وربنا هيقف جنبى وميفضحنيش عشان خاطر بناتى وجوزى والله بحب بيتى وجوزى وبناتى وندمانة ندم الدنيا والاخرة بس خايفة من انتقام ربنا ليا يكون فى فضيحتى وهدم بيتى وبعدى عنهم ندمانة وتوبت لربنا عايزة ردود تريحنى نفسيا لانى تعبانة ارجوكم فيدونى

مشاكل وحلول ذات صلة

اضيف بتاريخ: Friday, July 1st, 2011 في 14:12

كلمات مشاكل وحلول: , , , , , ,

36 رد to “خايفة اخسر زوجي لو اعترفت بعلاقاتي على النت”

  1. ابن السعودية
    05/10/2014 at 17:03

    الخيانةوماادراك ماالخيانة انها دمارلكل حياةزوجية وشقاءوتعاسة لكل اسرةوعذاب وسخط في الدنياوفي الاخرة ولامفرلك الا من التقرب لله عزوجل والمبادرةبالتوبةالصادقة وكثرةالاستغفارمن الذنوب والمعاصي والندم على مافات مع عدم الرجوع له واحفظي زوجك وشرفك وبيتك واولادك في كل الاحوال سواكان زوجك معك اومسافرعنك اشغلي اوقاتك بذكرالله وطاعته من اداءالصلوات في اوقاتها وقراءةالقران الابذكرالله تطمئن القلوب والصوم جنةووقاية لك من المحرمات والمعاصي واحذري النت فهوسلاح ذوحدين فيه الخيروفيه الشر احسنى استعماله في امورحياتك وبيتك ولاتسي استعماله فيمايغضب الله عزوجل وصوني شرفك وكرامتك وبيتك واولادك من كل مايسي لهم والله الستارعلى عباده فلاتفضح سترالله عليك هداكي الله واصلح احوالك وبارك لك في زوجك واولادك واغناكي بالحلال وابعدكي عن الحرام

  2. ام محمد
    12/04/2014 at 22:08

    ربنا اسمه الستار انت حافظى على جوزك وبتيك اجمل شى فى الدنيا ان الانسان يكون عنده وفاء واخلاص للانسان اللى شيله اسمه تتخيل يااخت لو بعد الشر صور نزلت ليكى ع النت ةبناتك كبروا حيقولوا عليك ايه مش حيقولوا بابا كان مسافر وسيبهاماما لوحدها لازم جوزك يحس انه سايب رجل فى البيت بتحفظى على كرامته وعلى شرفه فى غيابه انا واثقة انك مش حتعملى كدة تانى وممكن تقولى لجوزك انك تسفرى معاه

  3. يزن
    27/03/2014 at 03:31

    انا مره اتكلمت مع بنت زيك وحبيتها وماكنتش عارف انها متزوجه وتكلمنا بحجات كتير على النت وعلى الموبايل وعندي الها صور كتير بس مافكرت ولا مره اني انشر صورها او استغلها حتى بعد ماعرفت ف يا اختي لا تخافي ما بظن حدا ممكن ينشر شي وانتي لا تخبري جوزك استغفري الله وانشاء الله الله بيقدملك الخير .

  4. ابواميرة
    30/10/2013 at 01:19

    اختي ربناستاررحيم بعباده اهم حاجةانك ندمانة على اللي حصل منك وتوبت لله والتايب من الذنب كالذي لاذنب له وكثري من الاستغفارلله عماحصل معك واشغلي اوقاتك بالذكرلله والصلاةفي اوقاتهاوقراءةالقران واحذري من النت لايغويك الشيطان فترجعي للمعاصي والذنوب واستري نفسك ولاتخبري زوجك بماحصل منك انسي وفكري في رضازوجك واسعاده واحفظ زوجك في غيابه تنالي رضاالرحمن عنك وربي يبارك لك في زوجك ويرده لك بالسلامةويسعدكم في حياتكم

  5. الى صاحبة الرد حرام عليكي يا شيخة
    06/03/2013 at 22:50

    كيف تحكمي على انسانة بالحرق في أي شرع أو دين وجدتي هذا الحكم؟يا أختي نحن بشر نسير وفق شرع وضوابط ومعنى بشر أننا مخلوق كائن حي له مشاعر وأحاسيس وقلب ويحب ويكره ويسعد ويشقى ويفرح ويحزن وكذلك وقبل كل شيء مؤمنين وايماننا يزيد وينقص يزيد بالطاعات وينقص بالمعاصي وماحصل لأختنا بسبب أنها كانت في فترة ضعف وكلنا نمر بمرحلة ضعف ولكن تتفاوت من شخص لآخر.أي نعم هي عاقلة وفاهمة وواعية ولكن لا تنسي أن الوقوع في المعصية سببها هو الشيطااااان وليس عدم الوقوع فيها بسبب العقل والفهم ووو.وهى الآن تابت وندمت وتطلب العون والمساعدة من أهل الخير والحمد لله باب التوبة مفتوح والأخوة اللي قبلي في الردود ما قصروا.وكيف لكي أن تقولي لا تقولي أنا أحب زوجي وأولادي؟ نعم هي تحب زوجها وأولادها لذلك بادرت بالتوبة وشعرت بالندم.فلا تحكمي ياأختي على الناس بمجرد الوقوع في الخطأ أو المعصية بالحرق أو العدم أو ما شابه. ولأختنا اللي طلبت المساعدة اقول كما قال الكثيرين بأن تستري على نفسك وتتوبي الى الله توبة نصوح ولا تخبري أحدا اطلاقا واستعيني بالصلاة وقراءة القرآن والذكر والدعااااااااء فهو سلاح المؤمن وحذاري يا أختي من خطوات الشيطان.وأنصحك بأن تستشيري شيخ من المشايخ يكون ثقة سترنا الله واياك وهدانا للصراط المستقيم. وفقك الله

  6. الماجد
    30/12/2012 at 21:20

    اسمعي اختي العزيزة كلنا خطاؤون ومذنبون, واعلمي ان خير الخطاؤون التوابون, وان الله قد سترك وكتب لك التوبة فاستري نفسك ولا تخبري احدا وعيشي حياتك طبيعي واكتري من الاستغفار.

  7. ابواميرة
    30/11/2012 at 21:53

    استري علىنفسك وتوبي لله ولاترجعي للطريق ذا واشغلي فراغك بالعمل والقراءة والاهتمام بشوون بيتك واسرتك واياك واستخدام السي للنت ربنايهديك

  8. الحل المثالى
    17/09/2012 at 01:43

    بجد موضوع يحير بصى يابنت الناس اول حاجه انتى غلطى تستحملى نتيجه غلطك الصراحه مفيش اجمل منها خوديه بهزار ف مره واعملى نفسك مش عارفه وقوليلو فى مره بكلم واحد من عالشات حكالى قصه غريبه وقوليلو اى قصه وهميه بس تكون مثيره وبكده يبقى اخدتى اول خطوه عرفتيه انك بتكلمى عالشات شوفى رده لو عادى اصبرى يومين واحكيلو قصه كمان لو ادايق اعتزرى له وقليلو انا اسفه مش هكررها تانى انا مليش غيرك يا حبيبى وشويه حنيه وقوليلو انا بتسلى اصلى ببقى مخنوقه وانت مسافر مبلقيش حد يكلمنى بس انا بحبك وعشان كده انا خلاص هبطل اكلم اى حد عشان انته متزعلش واديلو ف الليله دى اكبر قدر من الكلام الحلو والحنيه واعملى كل الى بيحبو وهتعدى ان شاء الله وتبقى صارحتيه لو لقدر الله حاجه ظهرت ان شاء الله هيسامحك خصوصا انك مصرحاه هيعرف انك مشبتكدبى عليه وصارحيه دايما بكل كبيره وصغيره عشان يعرف انك بتحبيه ومبتخبيش عليه حاجه وان شاء الله محدش مسجلك حاجه

  9. بوحميد
    06/09/2012 at 21:21

    انا اقول استري على نفسج و خافي الله في بناتج و زوجج و توبي إلى الله
    ما بقول غير … يا شماتة ابله ظاظا فيكي

  10. اسلام
    19/04/2012 at 15:23

    الاخوه اللي حنينين قوي وبيقولو متفضحيش نفسك واغلبهم من الستات اللي بيدارو علي بعض هي اصلا مش ملك نفسها علشان متفضحش نفسها لابد جوزها يعرف وهو وحده بعد ربنا سبحانه وتعالي اللي يقرر مش انتو

  11. هشام
    19/04/2012 at 15:16

    لو انتي شايفه ان فعلا جوزك انسان مش كويس ويستاهل اللي انتي بتعمليه فيه لا تعترفي له وان كان العكس اعترفي له بكل شئ وبكل صراحه وهو صاحب القرار في اي شئ وصدقيني لو عنده دين مش هايعمل اي شئ يؤذيكي لاكن الخيانه شئ فظيع واعلمي انه من حقه ان يعلم عنك كل شئ واللي انتي فيه ده انتي سببه مش هو وربنا اذ شاء وعلم بأي طريقة كانت لا تلومن الا نفسك ولاكن الصدق منجي

  12. زينا
    23/03/2012 at 23:39

    ان الله حليم ستار انتى شكللك عايزة تتوبى واول طريق التوبة الندم علة مافعلتيه استغفرى ربنا وانتى كنتى بتعملى كدة من الفراغ اللى انتى كنتى فيه وربنا طالما سترك ماتفضحيش انتى نفسك ووجوزك عمروا ما هيغفرك دى يعتبر خيانة وكمان لوغفرك هيفضل طول عمروا يشك فيكى

  13. samy
    13/01/2012 at 21:53

    الغي كل اصدقائك واعملي اميل ليكي خاص وطالما الاخر وجد فيكي طلب الستر محدش هيضرك واهي تجربه اتعلمي منها متخفيش
    ولا تكركرها

  14. marwa
    10/12/2011 at 21:27

    انتى واشكالك منكم لله بتخربوا بيوت كتيرمن غير ما تحسوا . واحدة من امثالك عملت كدة مع زوجى وانا لسه متزوجة بقالى تلات سنين وعندى طفلين .ح يتربوا فى جو زى الخيانة ازاى من وقت ما عرفت حياتى جحيم . مش طايقة زوجى ولا حياتى معاه . حرام عليكوا بقى . خايفة من الفضيحة ؟؟؟. تسببتى بهدم كام بيت مسلم !!!!وشردتى اطفال !!!. ولادى لسه صغار وبيتى شبه محطم . مهما حاول يراضينى الشك مالينى والبكاء ليل ونهار . ليه بتستعطفى الناس بانك خايفة على بيتك . .

    ربنا ينتقم من كل خاينه مثلك . حسبى الله ونعم والوكيل فى كل امثالك .

  15. سعودي
    16/11/2011 at 03:20

    أنا سأقول لك الحل..
    أولا إياك أن تخبري زوجك، وقبل ذلك اصدقي في توبتك، وليكن خوفك من الله أولا..ناجيه..اشكي له.. استغفري لذنبك، وإذا صدقت مع الله في توبتك، فانسي الأمر وتأكدي أن الله سيسترك..
    لو علم زوجك، وهذا ما أستبعده تماما، لأني على يقين أنك إذا صدقت فإن الله سيسترك، ولكن لو علم، فأخبريه أنها فترة مرت وكنت فيها في حالة نفسية سيئة، وأن الأمر مجرد كام ليس إلا.. وسيلحظ هو التغير الديني الذي حدث لك وسيصدقك
    سيسألك سؤالا مهما: لماذا أخفيت الأمر عني؟ قولي له إنه لا فائدة من إخبارك، فستحمل هما وستشعر بضيق، لسبب لم تقترفه، فلا أريد أن أعاقبك بخطأ ارتكبته أنا وليس أنت..
    طبعا، أكرر تأكدي أن رب العالمين لن يخذلك إن صدقت معه، فتوبي بصدق وانسي الأمر.. وكرسي حياتك لبيتك وأولادك..
    أسأل الله لك ولي الهداية

  16. سراج الدين
    14/10/2011 at 00:17

    لافضحي نفسك فقد سترك الله وسيسترك دائمكا وثقي في الله فإنه يحبك لأن وجهك لطريقه السليم

  17. fathysafa
    10/10/2011 at 15:41

    سيدتى لا تقلقى طالما توبتى توبه نصوحه وندمتى على ما فعلتى ودائما اقتربى من ربك وصلى وأقرئى من القرآن الكثير وأكيد ربنا مثل ما سترك فى الأول هيسترك فى الأخر أن شاء الله

  18. نهى
    08/10/2011 at 01:00

    اختى العزيزة ربنا مبيفضحش حد ستره ولو كان توبتك توبه نصوحه صدقينى ربنا غفور رحيم واعلمى تماماربنا هيقف جانبك بس لو انتى كنتى صادقه ومتخفيش ربنا معاكى وصدقينى ربنا بيسترها مع العبد اكتر من مرة بس لما بيلقيه مصصم على المعصيه بيسلط عليه اللى يفضحه وخل عندك ايمان بالله انا الله اسمه الستار صدقينى وانسى وعيشى حياتك الطبيعيه وانسى الموضوع ربنا يسترها معاكى قولوا امين

  19. اااااااا
    28/09/2011 at 22:17

    اختى إذاكنت زنيت أو وفعت فى الخطأ احذرى ثم احذرى الف مليون مرة من الأعتراف لأحد طالما ان الله تاب عليك

  20. KaLoOoSh
    23/09/2011 at 06:05

    بصى يا ابله
    لو جوزك من النوع اللى مش غيور وفى رجالة كده
    اعترفيله عشان لو مرت الايام وعرف ده لواحده من بره مش منك
    هاتبقى المصيبة اكبر
    لو ماكنش كده بقى
    مادام توبتى توبة نصوحة يبقى اهتمى بجوزك وعيالك
    وربنا غفار

  21. صابرة
    19/09/2011 at 18:58

    اوعي تجيبيله سيرة انتي تبتي وربنا اكيد اتقبل تبتك يااختي وحاولي ماتحسيش بالذنب عشان ربنا اكيد عفى عنك والدليل على كده انه سترك فليه بئى تفتح الموضوع دهزوجك يااختي عمره ماهيفهم ليه انتي كنت بتكلمي شباب عالنت غيره وعمره ماهيتقبل

  22. الطيار الرايق
    15/09/2011 at 10:36

    ربنا معاك ويقب توبتك واهتمى ببيتك وزوجكك

  23. خالد
    19/08/2011 at 04:11

    ستر الله عليك فلا تفضحي نفسك
    توبي لله و لا تخبريه و عيشي حياتك بسعادة

  24. HanyMoh
    15/08/2011 at 18:12

    إذا وقعت فيها ما هو الحل؟؟؟
    ماذا إن حدث ووقعتِ في المشكلة كيف تخرجين منها بغير خسائر أو بأقل الخسائر..

    كما قلتُ مسبقا يجب عليك ألا تخبري أحدًا بالأمر،، إلا إذا كنتِ على ثقة كاملة بأنه لن يُخرجَ هذا الخبر،، وأيضا أنه لن يضرك..

    فكثيرا ما تقع جرائم القتل أو غيرها من جرائم الضرب من الأهل على الفتاة التي أخطأت،، فهم يُنصّبون أنفسهم قضاة وجلادين،، فإن كان أهلك من هذا النوع فلا تخبرينهم..

    أما إذا كان أهلك من النوع العاقل المفكر الهادئ،، فأخبريهم بالأمر ولكن متى تخبرينهم..

    إذا كنت قد فقدتي عذريتك فهم قد يساعدونك بالزواج من هذا الشخص بالتحدث مع أهله والضغط عليهم سريًا..

    أما إذا كان قد حدث لك حمل من جراء الخطيئة،، فيجب الإسراع بإعلام الأهل،، لأن اليوم الذي يمر بغير إيجابية يكون في غير الصالح..

    وإذا فشلت في ذلك بشكل ودي،، عليك بإسقاط الجنين قبل مرور أربعة أشهر من الحمل،، لأن الروح تدب فيه بعد الأربعة أشهر،، وإسقاطه بعد هذا التوقيت يكون قتلا للنفس،، ومحرم شرعيا وقانونيا..

    أما إذا لم تفقدي عذريتك،، ولم تحملي،، فلا داعي لإخبار أي شخص،، بل لا داعي لمجرد التفكير في الأمر مرة أخرى إلا للتوبة والاستغفار من الله وطلب الهدى والعفاف،، فإن الله أراد لك الستر فاستري نفسك بستر الله.

    أما إذا رفض شريكك في المشكلة الزواج منك فيجب عليكِ أن تكتمي هذا الخبر ولا تخبري أحدا به طالما أن أهلك قد فشلوا في محاولة الإصلاح الأولى..

    وبعد ذلك عليك أن تعيشي حياتك بشكل طبيعي،، وعليك بالتوبة إلى الله فإن الله يغفر الذنوب جميعًا،، وانتظري الرجل الذي كتبهُ لك الله والذي يستحق طيبتك وتوبتك النصوح وصدق روحك إن كنت صادقة حقا..

    وكما وثقتِ في الأول،، لا تثقي في الثاني،، وكما ستركِ الله فلا تفضحي نفسكِ أمام أحد..

    فلا تخبري خطيبك بما حدث في الماضي،، واستري نفسك بستر الله..

    حتى إن كشفَ أمر فقدك عذريتكِ فلا تخبريه بالأمر،، فقط تظاهري بعدم المعرفة،، فأرى الكذب هنا أمرا مباحا لك،، لأن الصدق لن يؤدي إلى إصلاح وسيفسد كل شيء مثل إفساد العلاقة بينك وبين خطيبك أو زوجك وأيضا قد يكون زوجك معدوم الضمير – وما أكثر هؤلاء – ويخبر الناس بالسبب وراء تركه لك وبذلك ستفقدين سمعتك وشرفك للأبد،، بل قولي له أنك ولدتِ هكذا أو حدث لك حادث أفقدك العذرية وهذا كثير أيضا..
    */*/*/*/*/*/*/*/*

    وبهذا أكون قد انتهيت من الشق الأول والأساسي في الأمر..

    الشق الديني

    هل لي توبة بعد الزنا؟؟

    هل أخبر زوجي بأني زنيت أو خطيبي؟؟

    ما أفعل إن صارحتني خطيبتي بأنها زنت مع شخص قبل أن أخطبها؟؟

    هذه بعض التساؤلات الهامة التي يسأل عنها بعض المخطئين وبعض من حولهم..

    /*/*/*/*/*/*/

    التساؤل الأول..

    هل لي توبة بعد الزنا؟؟

    بالطبع لك توبة فلا ننس قوله تبارك وتعالى ” قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ “[الزمر : 53]

    فليس بعد كلام الله كلام يقال أو شيء يُذكر..

    التساؤل الثاني..

    هل أخبر زوجي بأني زنيت أو خطيبي؟؟

    بعدما وقعت الفتاة في الزنا هل يجبرها الشرع على إخبار زوجها أو خطيبها..

    بالطبع لا لأن الله أمرنا بستر أنفسنا..

    وقال صلى الله عليه وسلم كل أمتي معافى إلا المجاهرين

    وقال أيضا

    موطأ مالك > كتاب الحدود > باب ما جاء فيمن اعترف على نفسه بالزنا
    حدثني مالك عن زيد بن اسلم :(أن رجلا اعترف على نفسه بالزنا على عهد رسول الله صلى الله عليه وسلم فدعا له رسول الله صلى الله عليه وسلم بسوط فأتي بسوط مكسور فقال فوق هذا فأتي بسوط جديد لم تقطع ثمرته فقال دون هذا فأتي بسوط قد ركب به ولان فأمر به رسول الله صلى الله عليه وسلم فجلد ثم قال أيها الناس قد آن لكم أن تنتهوا عن حدود الله من أصاب من هذه القاذورات شيئا فليستتر بستر الله فإنه من يبد لنا صفحته نقم عليه كتاب الله(.

    ————-

    فلقد أمرنا الرسول الكريم صلى الله عليه وسلم باجتناب الزنا وطلب منا أن نستتر بستر الله إذا ما وقعنا فيه ونتوب لله أيضا،، لأنه من يخبرنا ويعترف لنا فإن العقاب سيلحق به وبالطبع هو ولي الأمر وليس الأب أو الأخ أو حتى الزوج..

    التساؤل الثالث

    ما أفعل إن صارحتني خطيبتي بأنها زنت مع شخص قبل أن أخطبها؟؟

    الأمر يكون صعبا جدا على الشاب مهما كان تقيا،، فقد يكون الشخص الذي ارتكب معها الخطيئة يعرف هذا الشاب الذي هو خطيبها أو زوجها والأمر يصعب هنا أكثر،، لذا نصحنا الفتاة بعدم إخبار خطيبها..

    ولكن ماذا على الشاب إذا أخبرته الفتاة بذلك..

    بالطبع لك مطلق الحرية في تركها من عدمه،، ولكن تذكر قوله صلى الله عليه وسلم: من ستر مسلما ستره الله يوم القيامة . رواه البخاري ومسلم .

    فسكوتك عن فضحها ستر لها،، وزواجك بها ستر لها أيضا،، لأنها قد تقع مع شخص غيرك فيفضحها..

    لا أجبرك على القبول بها،، ولكن إن تابت وأنابت بحق فهي بإذن الله تكون أفضل من غيرها،، واعترافها لك سذاجة أكثر منه صدقا..

    فطلب منا النبي الكريم عدم الاعتراف أمامه أو له أو لأي حاكم مهما كان،، فكيف تعترفين لشخص لا تعرفينه!!!!

    وإن كنتَ لا تريد القبول بها فعليك بنصحها ألا تخبرأحدا بذلك أبدا،، وتؤكد لها أن سرها لن يعرفه أحد أبدا ولن تخبرَ به أحدا،، وتعتذر لها بشكل غير قاس حتى لا يكون لذلك آثرا سيئا في نفسها وتتركها وترحل بغير إهانة أو توعد بالفضح..
    وختاما أدعو الله أن يسترنا جميعا في الدنيا والآخرة..

    والسلام عليكم ورحمة الله وبركاته..

  25. shams
    14/08/2011 at 22:53

    بسم الله الرحمن الرحيم .. و من تاب من بعد ظلمه و اصلح فأن الله يتوب عليه أن الله غفور رحيم .. صدق الله العظيم مدام انتى توبتى توبه نصوحه يبقى ربنا هيقف جنبك و متفكريش فى اللى حصل و ابدائى من جديد و متقوليش على اى حاجه انتى عملتيها غلط لأى حد .. قال رسول الله صلى الله عليه و سلم .. (كل أمتى معافى عدا المجاهرين .. صدق رسول الله صلى الله عليه وسلم ياعنى ماتفضحيش نفسك سورى ماتقوليش ياعنى لحد ولا حتى لزمايلك مدام توبتى الى الله

  26. الصحراويه
    14/08/2011 at 19:25

    خففي عن نفسك وشوفي انا حصلي كيف محصلك بس انا خفت اعترف يطلقني زوجي ومقدردش امنع نفسي لان الانسان ال كنت بكلمه كان واخد تلفوني وكشف الموضوع جوزي وكانت المفاجه كبيره والصدمه قويه اسال الله ان جوزك ويعرفش وربنا يسترنا جميعا

  27. مدمنة السهر
    03/08/2011 at 09:34

    سبب كل هذه المشاكل هو بعدنا عن الله ..نلجأ في اوقات فراغنا الى اي شيء وننسى خالقناالذي ينتظرنا في اي لحظة نصحو من غفوتنا فيها ..انا لا الومك على ما فعلتي لأننا بشر وكلنا معرضون لمثل هذه الذنوب لكن أنا اقول لك بأن ما تشعرين به الآن هو نابع من توبتك لله عز وجل احمدي ربك على هذا الضمير الذي غاب عن ناس كثيرين وأي شخص اخطأ وأنبه ضميره يجب أن يدرك بأن الله منحه هذا الشعور لأنه سيتقبل منه توبتك نعم إن الله سيغفر لك وبعد كل هذه الآلام التي تشعرين بها سيجيئ يوم وترتاحين وحين ترتاحين ستعرفين بأن الله غفر لك ذنوبك ولو كانت مثل زبد البحر كل ما أنصحك به هو الصلاة ليست الفرائض بل صلوات التطوع وكذلك تلاوة القرآن والأكثر من هذا الدعوات ابكي لخالقك ولا تبكي لأحد ولا حتى لصديقتك ولا تذهبي لاي طبيب نفسي استري نفسك ولا تبوحي بذنوبك لغير الله لان الله لو غفر لك لن يذكرك مرة اخرى بها لان التائب من الذنب كمن لا ذنب له ..لكن اي انسان يجيئ يوم ويذكرك بما فعلت ..ومن كلامي هذا من المأكد بأنك عرفتي رأيي في موضوع اخبار زوجك أقولك لك لا وألف لا لانه لن يغفر لك وكذلك ستعيشينه في جحيم وبما انك تحبينه من المأكد انك لن ترضي له بذلك حاولي اسعاده بكل الطرق والله معك ودعواتي لك الله يطمن بالك وقلبك ان شاء الله والسلام عليكم ورحمة الله تعالى وبركاته

  28. أبو يوسف
    23/07/2011 at 16:23

    توبي لله واستغفريه وبالنسبة لخوفك منهم إنهم يفضحوك ويعرفوا جوزك ادعي ربنا بتضرع وذل التائبة النادمة وقولي: اللهم اكفنيهم بما شئت وكيف شئت وادع ربننا بالستر: ربنا يسترك ويباركلك في حياتك. اللهم اسرنا واجعل تح الستر ما تحب

  29. banota
    12/07/2011 at 07:51

    روى الإمام البخاريّ رحمه الله تعالى عن أبي هريرة رضي الله عنه قال: سمعت رسول الله يقول: ((كلّ أمّتي معافًى إلاّ المجاهرين، وإنّ من المجاهرة أن يعملَ الرجل بالليل عملاً ثم يصبح وقد ستره الله فيقول: يا فلان، عملتُ البارحةَ كذا وكذا، وقد بات يستره ربّه، ويصبِح يكشِف سترَ الله عليه)).

    استري علي نفسك ومتفحيش نفسك بس قبل ده
    توبي لربنا توبة نصوح
    والتوبة ليها شرطين
    عزم النية علي عدم العودة للذنب مرة اخري ابدا مهما حصل
    وانك تانبي نفسك وتتقطعي من جواكي علي اللي عملتيه

    وقتها ان شاء الله ربنا هيغفرلك كل ذنوبك

    بس خللي بالك لو رجعتي لذنبك ده تاني اتاكدي ان ربنا هيفضحك
    اه ستر عليكي بس اياكي تعمليها تاني
    لان اول مرة اوكي غصب عنك
    تاني مرة مش هتسلمي منها ابدا
    ومش كل مرة تسلم الجرة
    واتاكدي
    لا ينكح الزاني الا زانية او مشركة
    يعني زي ما تحبي تلاقي زوجك اعملي انتي
    اتقي ربنا فيه عشان هو كمان ميخونكيش ويتقي ربنا فيكي
    وافتكري ديما
    قال الله تعالى : ( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ )
    صدق الله العظيم
    وربنا يهديلك الحال يارب ويسعدك ويستر عليكي
    اياكي تفضحي نفسك
    ربنا يكرمك يارب ويسعدك ويغفرلك ذنوبك ويثبتك ويتوب عليكي

  30. مفتقدة اهلها
    09/07/2011 at 06:58

    اتمني محدش يغلط في جوزي بااي لفظ من الالفاظ في الردود وكمان اتمني دعوة بظهر الغيب ان ربي يتوب عليا مع العلم اني اتعلقت بشخص جداااااا بس وربي غصب عني بس لا شافني كام ولا اي شيئ من الاخت صاحبة المشكلة قالت عليه اكتر من الكلام مايك محصلش وصورةوبس

  31. مفتقدة اهلها
    09/07/2011 at 06:54

    اولا السلام عليكم ورحمة الله وبركاته اختي ااقدر اقولك انا مشكلتي نفس مشكلتك بس انا بقي جوزي مش مسافر موجود معايا وكان بيشفني وانا بتكلم مع شباب في الشات بس كتابة وعمره ما قالي بلاش كدا باالعكس كان لما اجي اقعد معاه شوية ونتجادل في اي شي يقولي قومي اجري شوفي اصحابك علي النت يعني هو السبب في اللي انا وصلتله وفي مرة من المرات قولتله ازاي راضي بكدا رد عليا وقالي انتي اخرك هترجعيلي وانا كمان واثق ومتاكد انك عاقلة ومتربية بس هو ميعرفش اني بشر وليا مشاعر واحساسيس اسال الله العفو والعافية اللهم ارزقني حسن الخاتمة وقني شر نفسي وشر الشيطان وشركه آآآآآآآآآآآآآآآآمين يارب العالمين

  32. نرمين
    05/07/2011 at 14:11

    أنا مع الأراء التى ذكرت أن الله سترك فلا تفضحى نفسك
    ثم إنتى خايفة من أيه ؟

    – هل الصور كانت غير محترمه؟؟ أسفة فى التعبير
    – لو صور عادية لا تجرح المشاعر فلا تخافى حتى لو ظهرت فى المستقبل لأنها لن تصل لخراب البيت .
    – ولن تجرح مشاعر البنات .
    و إذا كانت غير ذلك فأدعى الله و حاولى تنسيها وربنا أسمه الستار و طالما تبت فلن يفضحك الله أبداً فثقى فى الله.

  33. etqan54
    03/07/2011 at 13:39

    انصحك بأن تسترى على نفسك ولا تقولى لأى انسان كائنا من كان وان شاء الله سوف يتم الله عليك ستره طالما انك لم تفضحى نفسك وادعو الله لك بالستر فى الدنيا والاخرة اللهم امين

  34. ايه
    02/07/2011 at 03:36

    يا حببتى ربنا غفور رحيم وستار وهو غفرك وسترك متفضحيش انتى نفسك وانتى توبتى من قلبك خلا صربنا رحمتو واااااااااسعه جدا خففى عن نفسك عشان متتعبيش نفسيا كل اننسان منا بيغلط وربنا بيقو غير الخطائين التوابين خليكى قويه الايمان وحاولى تتفربى من جوزك وتشاركيه وكلميه على النت على طول وربنا يسترها عليكى يارب

  35. حرام عليكي يا شيخة
    02/07/2011 at 00:20

    معلش انا هقولك حاجة وانا عارف انها صعبة عليكي اووووووي
    بس انتي إللي زيك محتاج الحرق اووووعي تتكلمي عن الحب ولا تقولي انا بحب جوزي وأولادي دي تاني
    الحب ده المفروض كان يمنعك انك تعملي اي حاجة انتي أكيد ساعتها مش مش كنتي في عقلك
    انتي كنتي في عقلك وفاهمة وواعية انتي بتعملي ايه كويس
    بصراحة انا مش عايز أخرب البيوت بس حرام حرام حرام جوزك يعيش مع واحدة خاينة زيك والله العظيم حرام هو ايه ذنبه انو سافر ، ذنبه انو سافر عشان يأكلك ولا عشان يدفعلك اشتراك الانترنت عشان تخونيه منك لله وربنا ينتقم منك
    مش هقولك أكتر من كده بصراحة

  36. داوو مرضاكم بالصدقه (مؤمنه
    01/07/2011 at 15:01

    يا اختى طلاما ندمتى واستغفرتى ربنا وتوبتى وعزمتى على عدم الرجوع الى هذا الذنب مرة اخرى تاكدى ان ربنا غفور رحيم ورحمته وسعت كل شىء بس اهم شىء انك لا تعودى الى الذنب مرة اخرى اما بالنسبه لزوجك لا تقولى له شىء انتى ربنا سترك ومحدش عرف بذنبك يبقى انتى كمان تسترى على نفسك كما سترك ربك وانسى الموضوع ده خالص طالما ربنا معاكى يبقى ميهمكيش حاجه خالص اتوكلى على ربك الغفور الرحيم واستغفرى ربنا ولو مش بتصلى صلى ولو مش محجبه اتحجبى واقربى من ربك اللى سترك

اترك رداً أو حلاً لهذه المشكلة