مشاكل الخيانة الزوجية

ندمانة على حب عمرى من خيانة زوجي

السلام عليكم ورححمة الله وبركاته ……. مش عارفة اكتب أيه بس أرجوكم عايزة ردكم لأنى بجد محتارة أوى …… وأنا فى الجامعة كنت رافضة الأرتباط بأى ولد لغاية ما ظهرلى شاب عمل المستحيل علشان يوصلى .. المهم أرتبطنا ببعض ..وصارحت أهلى وطبعا رفضوا فى البداية وأتقدملى الشاب دا مرة واتنين وأترفض لأنه كان بيشتغل ورافض يكمل جامعته….. أستمرينا مع بعض 8 سنين ..حاربنا الدنيا كلها وأتجوزنا وبالفعل كمل جامعته.. كنت واثقة فيه جدا وهو كمان بيحبنى جدا جدا ……بس للأسف بعد الجواز لقيته حاجة تانية على طول بيكلم بنات ويديهم رقمه وعلى النت وكل ما أتكلم معاه يقولى دا مجرد كلام ….. استحملت ظروفه المادية ودخل الجيش وبرده استحملت ….. اضطريت اشتغل واصرف على نفسى علشان ما احتاجش لحد وهو فى الجيش ……. استحملته سنتين ونص لحد ما خلص الجيش بتاعه…….. ويوم ما اخلص يوم ما ربنا رزقنا ببنوتة جميلة…… ولقيته برده بيكلم بنات بس الكلام اتطور أوى ..الكلام خد اسلوب تانى …. حصل بينا مشاكل كتيراوى وفى كل مرة يوعدنى مش يعمل كدا تانى….. ولما طلبت منه الطلاق عرفت ان البنت الى بيكلمها دى بتهدده انها تفضحه لانها عندها بنت منه وعيزاه يعترف بيها……مش عارفة أعمل ايه …….. ازاى قدر يخونى بالسهولة دى وازاى هنت عليه………… ولما بعدت عنه اسبوعين اتجنن لدرجة انه صعب على اهلى اهلله لانهم طبعا ميعرفوش اى حاجة عن حياتى…..اعمل ايه ؟ انا اتاكدت ان البنت دى مش بنته …… بس مش قادرة افضل معاه حاسة انى خلاص كرهته………والأكتر من كدا ان الست دى متجوزة وعندها اطفال ولما سالته كنتو بتتقابلوا ازاى قالى كنت بروحلها بيتها بعد جوزها ما يخرج وأطفالها الصغيرين يعرفونى………… قولولى اعمل ايه انا بجد تعبت ….. خايفة اظلم نفسى لو فضلت معاه وخايفة اظلم بنتى لو بعدت عنه…..

مشاكل وحلول ذات صلة

اضيف بتاريخ: Sunday, March 8th, 2015 في 14:50

كلمات مشاكل وحلول: , , , ,

5 رد to “ندمانة على حب عمرى من خيانة زوجي”

  1. ادهم
    26/04/2015 at 12:01

    اختيار غلط من البدايه للاسف الحب لوحده مش كفايه لنجاح علاقه واستمرارها بدون وجود تكافىء .. على اى حال انتى صارحى نفسك ..هو مش حيتغير اما تكونى صريحه مع نفسك انك حتستحملى الوضع ده لانك مش حتقدرى تعيشى بدونه او انك حتقدرى وحتقدرى تنسى القصه دى وساعتها تطلبى الطلاق وهو الاصح فى حالتك والله اعلم

  2. نصيحه لله
    02/04/2015 at 18:57

    اذا تأكتي ان البنت مش بنته ممكن تسامحيه علشان بنتك وعلشان تديله فرصه تانيه وتالته وادعيلو عسي ان الله يهديه وشوفي ايه اللي خلاه يبص بره وحاولي تصلحي اي غلط موجود حاولي تساليه ليه بيعرف الست دي بالذات وممكن واحه واحده يرجع للصواب انما اذا كانت البنت بنته فهنا مشاكل كتير زواج الست دي من راجل غير جوزك مشكله واولادها مشكله وانتي وجوزك وبنتك اصبحتو بالفعل مشكله لو البنت تاكدي انها بنته لابد من نسبها له باي تمن لو حتي طلقتي منه علشان كده دخلنا في الشرع والحرام والنسب انما لو انتي متاكده انهلا ينجب منها حاولي معاه عسي تجزين خير علي هدايته وربنا معاكي

  3. ابواميرة
    19/03/2015 at 17:56

    هي دي محتاجة تفكير او مشورة من احد اطلبي الطلاق فورا من هالسافل الخاين الزاني وتاكدي انه لاجدوى من اصلاحه وتغييره واشتري كرامتك وعزةنفسك وربك بيكرمك بخيرمنه مليون مرة وهتلاقي ابن الحلال اللي بجد يستاهلك ويعرف قيمتك ويسعدك

  4. moaa
    09/03/2015 at 14:56

    من الاخر هو مش هيتغير لان الي اتعود على الزنا هيفضل يزني عمره كله وممكن ينقلك امراض تجيبلك عقم او الايدز وممكن من بوسه لبنته الصغيره يجبلها مرض الايدز او الزهري او حتى فيرس الكبد الوبائي الي زي جوزك دول ناس مقرفين هتعيشي معاه ازاي وهو ممكن ينقلك مرض انتي وبنتك وربنا قال الزاني لاينكح الازانيه يعني لو انتي فضلتي على زمته تبقي زانيه زيه سبيه لاجل رضا الله لان حرام انك تفضلي على زمته اصلا بامر كتاب الله وابعدي بنتك عنه وادعي ربنا يرزقك بواحد احسن منه وقولي لاهك السبب الحقيقي قوللهم انه زاني اذا كان هو مخفش من ربنا يبقى انتي خايفه عليه من نظرة اهلك

  5. عزام
    09/03/2015 at 10:59

    هناك بعض الغموض او عدم الشرح -مثلا ذكرتي-انا اتاكدت ان البنت دى مش بنته-كيف تاكدتي?-عموما واضح انك لم تدرسي الموضوع منذ بدايته وانجرفتي في عواطفك دون معرفة جوانب شخصيته-يبو لي انه غير حريص عليك وعلى اسرته-انه من نوع الشباب الغير مكترث وغير متحمل مسؤؤليته وعدم درايته بالاسره والزوجه وواجباته٠ حاليا نصيحتي وضع النقاط على الحروف بمعنى تحدثي معه بشكل رسمي وبدون مجاملات او عواطف عنحاله وحال حياتكم معا-هدديه بفضح امره عند اهله ان لم يلتزم ولم يترك افعال المراهقين التي يحرص عليها-اعطه فرصه اخيره واتركيه يقرر-اعتقد من شرين الى ثلاث مده زمنيه كافيه للتغيير٠انتي لحد كبير طيبه وعاطفيهفلا تعتمدي على قلبك انما عقللك في التحكم بالامور وكوني واعيه وحريصه على الاصلاح وليس الهدم-اسهل الامور الهدم٠ان لم يتحسن الحال فاعتقد خيار الانفصال وبدء حياه جديده مستقره نفسيا هو اسلم حل ولكن ابغض الحلال٠

اترك رداً أو حلاً لهذه المشكلة