مشاكل الخيانة الزوجية

زوجي جرحني ومش حاسة معاه بامان

السلام عليكم ورحمة الله
انا سيده متزوجه عمري ٣٠ و زوجي عمره ٥٠ عرفنا بعض بالصدفه وكان لسه بيخلص من تجربة زواج فاشله بعد ٢٧ سنه ولقيني في وشه فيني كل المواصفات الي بعقلها الشخص وبشوفها مناسبه لوضعه وبرستيجه
المهم وافقت و اتزوجنا خلال شهر بعد الزواج حبيته حب خيال تحملت مشاكله القديمه ومتعلقاتها وسعيت كتير علشان اخلصه منها محاكم ومحاميين الخ … والحمدلله خلصنا منها .. بعد وقفتي معاه طبعا كانت مكافئتي الخيانه
جاله شغل ببلد افريقي وسافرت معاه رغم تعلقي الشديد ببلدي و اهلي و قلت معلش علشان جوزك واستقرارك وبعد ماسافرنا قعدنا فتره كويسين وبعديها اضطريت ارجع لظروف عائليه قعدت شهرين وبعدين رجعتله ولهفة الكون بقلبي مشتقاله بجنون وبحلم بلحظة لقانا عدا اول يوم بكل الحب و الهيام وتاني يوم بلعب بموبايله لاقيت صورة افريقيّه بمطبخي
انهبلت و صرت الطم وانهرت من شدة الصدمه صعبت عليه وحلف عالقرآن مش هيخون
المهم حاولت اسامح ومشيت الامور واديته اعذار انه لسه مابقالناش سنه متجوزين و تجربته السابقه مأثره فيه و بلا بلا بلا
بعد كم شهر اضطريت اسافر تاني بظروف صحيه قهريه لوالدتي وكنت بنام معاها بالمستشفى ووضعها كان صعب للغايه وهو عارف الكلام ده وكل يوم بيكلمني وانا بعيط خايفه على ماما والاستاذ هنا بيدور على نسوان
تحسنت حالة ماما الصحيه ورجعتله مشتاقه وعايزه استقر خلاص لقيت بتلفونه محادثه برضو مع وحده تانيه انه استمتع بالليله و هي بتقول وانا كمان طبعا هنا كانت صدمة عمري بين اني تركت امي وهي بأمس الحاجه ليا علشانه وبين انسان مارعاش ربنا فيي وفي ظروفي وحالتي النفسيه
انهرت طبعا وبعد اعتذارات برضو حاولت اسامح وبقالي شهر وانا في صراع هو طبعا بيحلف انه مالمسهاش بس بصراحه كلها بنظري خيانه
المهم اول اسبوعين ضغطت على نفسي وعديتها ومابقصرش فيه ابدا و بالعكس صرت بركز اكتر عالعلاقه الزوجيه لغاية قبل كم يوم بفتح بالفيس بوك لاقيته عامل اضافه لوحده مالهاش داعي خالص انها تكون عنده بالليسته فتعصبت وطلعت كل القديم والجديد وخدت موقف جامد وبقالنا اسبوع بنتعامل رسمي وللضروره القسوه بتصل فيه وهو بالشغل بعد ماكان بالنسبه لي محور حياتي خصوصا اني ببلد معرفش فيها حاجه
انا مش حاسه معاه بأمان خالص و بعد ماكنت شايفاه هرم صرت شايفاه زيرو عالشمال ده لو منت شايفاه اصلا
حبيته اوي و دللته كتير لدرجة انه صدّق ان حياتي مش هتمشي من غيره و انه هو حلم حياتي وبصراحه كان عنده حق يوصل للدرجه دي لاني اديته اكبر من حجمه من الاول
البي اتوجع منه وهو مش مبدي اي ندم بالعكس ده بيعاند وبيفضل قاعد ساكت طول محنا قاعدين و بسيبه وبخش انام
اعطوني رأيكم بليز

مشاكل وحلول ذات صلة

اضيف بتاريخ: Sunday, May 10th, 2015 في 20:33

كلمات مشاكل وحلول: , , , , ,

7 رد to “زوجي جرحني ومش حاسة معاه بامان”

  1. ابوالبتول
    11/06/2016 at 01:23

    اختي العزيزة الحياة الزوجية قائمة على الحب والاخلاص والوفاء والمعاشرة الحسنة وزوجك لايعرف عنها اي حاجة ولايمكن ان يقدرها اويصونها ولاخيرفي البقاء معه على امل صلاح حاله حافظي على كرامتك وعزةنفسك وحقوقك كزوجة واصري على طلب الطلاق منه دون تاخير لخاينته المتكررة لك وفساددينه واخلاقه وتاكدي ان الله عزوجل بيكرمك ويعوضك احسن منه مليون مرة هتلاقي الزوج الصالح ابن الحلال اللي يقدر الحياة الزوجية ويحترمها ويصونك ويسعدك في حياتك الجاية

  2. مجنون نسوان
    26/01/2016 at 11:28

    اختي الفاضلة السلام عليكم ورحمةالله وبركاته عزيزتي الخيانة محرمة في كل الاديان السماوية ولافي عاقل يرضى بهاعلى الاطلاق وهي دماروخراب لكل حياةزوجية بين الاثنين انت من الاول لم تحسنى الاختيار الجيد للزواج قبل السؤال عن الرجل وعن دينه واخلاقه وماهي اسباب طلاقه في السابق تسرعت في القبول به ربما لانه غنى وعنده اموال طائلة اوفي نظرك انه ممكن يحقق لك السعادة التي تتمنيهافي حياتك ودي كلهااوهام كاذبة وقعت فيهاللاسف الشديد اتضح لك بالبراهين والادلة الدامغة على انه شخص خاين وسافل وحقير ولاامان له لم يحترم الحياة الزوجية ولم يتقي الله فيك ولاقدر ظروفك وانت مع امك المريضة وهويلهو ويمارس الرذيلة مع كل ساقطةوعاهرة لاعذرله في كل مافعل ولاجدوى من صلاح حاله اوتغير طباعه اللي يخون مرة اوثلاث يخون العمر كله ولاانصحك بالبقاءمعه نهاية اطلبي الطلاق منه فورا كي تردي وتصوني شرفك وكرامتك وكرامةاهلك ودعيه لحياة الفجوروالرذيلة مع النساء الفاسقات العاهرات وربي نشاءالله يريدبك الخيرانه كشفه لك على الحقيقة ونشاءالله بيكرمك بالزوج الصالح اللي يستاهلك فعلا وقادرعلى صون شرفك وكرامتك وتلاقي معه كل الخيروالسعادةوراحةالبال والاستقرار في الحياة

  3. دودي
    19/05/2015 at 09:38

    صباح الخير
    مش متخييلين ردودكم اسعدتني اد ايه
    انا فعلا كنت محتاجه النصيحه ومحتاجه حد يطمن البي لان حياتي كانت جحيم معاه
    فكرت بالانفصال واسيبه يراهق براحته ومش هضيع عمري معاه بالغربه وبالاخير يخون للمره التالته
    بس هو ربنا يهديه مامتي اتكلمت معاه و اقتنع ان احنا نرجع خلاص مانفضلش هنا او مايخلص العقد بعد ٣ شهور
    انا لزقاله جدا مش متنفس بس لاني اتلسعت منه لسه بشييك على تليفوناته من غير مايعرف ولحد دلوئت مالقيتش حاجه الحمدلله
    بس برضو خايفه يخلى بيّه ويعملها تالت مره واكون بكده خسرت حياتي
    بتمنى تقولولي ايه الحاجات الي ممكن تعلقه بيّه
    هو هادي جدا ومش بيشجعني اعمل اجواء بئت حياتنا روتينيه خالص
    الف شكر على اجاباتكم

  4. momo
    13/05/2015 at 01:33

    السلام عليكم
    كما هو معروف اﻷولى نعديها الثانية نعديها والثالثة ثابتة مافيها كلام
    لهذا اختي مبين من قصتك انه كل مايفقدك يروح يحط عينه على وحدة ثانية لهذأ حاولي تحسسيه انك رائعة وكل شيء فيك جميل سولفي معه واضحكي معه واغمريه بحنانك وعطفك حاولي تعملي له مفاجأت كثيرة واﻷشياء اللي يحبها فلما تعملي كدأ مارح يملئ عيونه ولا حياته وحدة غيرك رح تكوني اﻹنسانة الوحيدة في حياته ان شاء الله ومارح يناظر لوحدة غيرك هذأ شيء والشيء اﻷهم من كل هذا وذأك ادعي له بالهداية في كل صلواتك وهذأ اﻷهم الدعوة بالهداية

  5. Osama tawheed
    12/05/2015 at 22:07

    اختي الراجل مثل الطفل الصغير يحتاج للرعاية الاهتمام وخصوصا في هذا العمر فزوجك لايستطيع العيش بمفرده في الغربه فمعظم الرجال هكذا وهو أن خانك فعلا ليس لعدم اقتناعه بكي ولكن لاحتياجه الشديد بأنه يستطيع أن يقوم بدور روميو أو بمعنى أصح هي المراهقه المتاخره فكونى مع زوجك أينما يكون ولاتتركيه مهما حدث واصبري عليه وسامحيه ولا تكوني قاسية لهذا الحد وتاكدي بأنه سوف يكون كما ترغبين وأكثر وابحثي مع نفسك عن ماذا يحب وافعليه معه وربنا يوفقك

  6. بكار
    12/05/2015 at 21:24

    الخطأ الكبير أنك تركتي زوجك بحجة الاقامة مع والدنك الا توجد أخت لك أو اخ يقوم بتلك المهمة؟ عليك بالسفر مع زوجك والزقي له هذا سوف يبعده عن الافريقيات زوجك في الغربة يحتاجك وانه رجل وله احتياجات وقد يضعف وهل يلجا لتلك العلاقات المحرمة بسبب احتياجه للجنس والوحدة ووقت الفراغ الذي يعيشه في الغربة عليك بالاقامة معه وان ششاء الله ينصلح حاله

  7. shery
    12/05/2015 at 07:23

    سبب انفصاله ايه من زوجته الاولى الخيانه بردوا انتى بتقولى عرفتيه فى شهر واتجوزتيه شهر مش كافى ابدا انك تصاحبى حد مش تجوزيه عمتا هو خلاص زوجك وسن الخمسين ده بيبقى الراجل راجع لمراهقته من تانى كل اللى عليكى حاولى الفتره اللى جايه لا تترمى عليه اوى ولا تتجاهليه اتعاملى رسمى زى ماانتى وشوفى الموضوع فارق معاه ولا لا معلش ديمابنقول الحاجه لمابتيجى بسرعه بتروح بسرعه والراجل بيحب الست اللى تدوخه دى حقيقه انتى بقى ارجعى قيمى الموضوع من اول وجديد واشغليه بحبك انتى واتقلى عليه وفارق السن ده فمصلحتك انتى فى عز شبابك وهو على كلامك اكبر ب20سنه ده يخليكى تدلعى عليه براحتك وتحببيه فيكى اكتر وبينى ثقتك بنفسك قدامه انه لو سابك هو الخسران واعملى حياه لنفسك اشغلى نفسك عنه بشغل بدراسه جديده ماتخليهوش محور حياتك

اترك رداً أو حلاً لهذه المشكلة