مشاكل الزواج

خطيبتي مش البنت اللي اتمنيتها لنفسي اسيبها ولا اكمل

مشكلتي اني في قمة الحيره من أمري.
أنا خطبت بنت محترمه وعلي أخلاق وعلى قدر من التدين ومعقوله من ناحية الجمال لكن مشكلتي تنقسم الي جزئين
أولا : بالحسابات النظريه والعقليه البنت كويسه جدا وأهلها ناس طيبين ومحترمين ولكن البنت سنها كبير نسبيا 27سنه وأنا 28 سنه وأنا كان نفسي ارتبط بواحده اصغر مني علي الأقل بأربع خمس سنين يعني سنها لا يزيد عن 22 : 23 سنه ( أنا تعرفت عليها عن طريق خالتها فيما يعرف بزواج الصالونات وأخبرتني خالتها أنها في نهاية ال25 من عمرها وكنت متردد بسبب ذلك ولكن ذهبت وشوفتها وبعد ما اتفقت انا ووالدها ومن خلال احدي المكالمات سألتها عن سنها لأفاجأ أنه 27 سنه وشهور بسيطه)
ثانيا : أنا كنت خاطب واحده قبل كده ( كانت مهندسة )-وأنا أيضا أعمل مهندس….المهم أنا حبيت البنت دي بجد ولكن لم تكتمل الخطوبة لأسباب يطول شرحها ( محصلش نصيب)— المهم بعدها حاولت أخطب واتعرفت علي واحده صيدلانيه ولكنها رفضت الخطوبة بعدها عرض علي دكتورة ومن بعدها صيدلانيه ولكن الامور كانت تتعقد ولا تتم الخطبة  –الحمد لله أنا انسان علي خلق ودين وكثير من البنات تتمني الارتباط بى ولم تكتمل أي من هذه المواضيع ليس اعتراضا علي شخصي ولكن مرة بسبب الظروف الماديه أو الطلبات المبالغ فيها أو تمرد الأهل أو دلع البنت – لم تحدث خطبة ولكن كلام في الأول أو زياره في منزل( أنا لم أخطب الا مره واحده – المهندسة -التي ذكرتها في أول الحديث-.
المهم
أنا كان نفسي أخطب واحده صغيره في السن نسبيا ( أنا 28 سنه والحمد لله ظروفي الماديه معقوله )-وكان نفسي أخطب واحده دكتوره أو صيدلانيه
ولكني خطبت هذه الانسانه التي معي -هي رفضت الكثير من العرسان قبلي حتي وصل سنها 27سنه لان لها مواصفات خاصه حسبما عرفت وكذلك لأن عندها أخت أكبر منها بسنه ولم تكن ترغب أن تتزوج قبلها- هي حاصله على كلية تجاره وموظفه محاسبه في مكان كويس.

خلاصة القول بالعقل والمنطق هي مناسبه وأعرف ذلك ولكن ينتابني احساس دائما أني انضحك علي – اتلفيت-خصوصا في موضوع سنها
واحيانا انجذب اليها واقول لنفسي حكم عقلك ولا تحكم قلبك—ولكن قلبي لم يدق لها حتى الان ولم أحدثها أي حديث رومانسي مطلقا–وللعلم هي تتمني لي الرضي أرضي وأهلها ناس كوييسين وطيبين وكانوا في منتهى المرونه في الاتفاق-ربما حتي لا يطفشوا العريس ولأن ابتهم كبرت -وكذلك كل أهلي من حولي يقولون لي أنها مناسبه جدا وخد اللي شاريك وما تاخدشى اللي انت بتجري وراءه.

آسف جدا للاطاله
بالله عليكم أفيدوني برأيكم أعمل أيه لأني في قمة الحيره ومش عارف أعمل أيه

مشاكل وحلول ذات صلة

اضيف بتاريخ: Friday, January 7th, 2011 في 21:21

كلمات مشاكل وحلول: , , , , , , , , , , , , ,

37 رد to “خطيبتي مش البنت اللي اتمنيتها لنفسي اسيبها ولا اكمل”

  1. ابوالبتول
    28/06/2017 at 03:03

    في واحد صاحبي زيك كده شاب عنده 26سنة ومن عيلة كويسة ومحترمة تقدم لخطبة فتاة على دين وخلق واهلها ناس طيبين وعلى قد حالهم لكنه رفض الاستمرار في الخطوبة لمجرد الافكار التي تفكر فيها وتقول عنها وحطم قلب تلك الفتاة المسكينة التي احبته وتعلق قلبها به وفكرت انه العريس المناسب لها وشاءت الاقدار ان ربنا ينتقم من هذا الشاب الذي ترك تلك الفتاة المتدينة والخلوق والمتربية بلا ذنب اقترفته في حقه اوفي حق اهله وخطب فتاة اصغر منه بثلاث سنوات كانت فتاة متحررة ودلوعة اهلها ظن انها الزوجة المناسبة له وفيها كل المقومات التي يبحث عنها من تعليم راقي وجمال لايضاهي وثراء فاحش ولم يسال عنها جيدا ولاعن دينها اوخلاقها ولاعن سيرة اهلها خطبها فورا من اهلها وارهقوه بكثرة الطلبات لابنتهم المدللة واسرعوا بزواجه منها لاجل يرتاحوا من اعباءها وصاحبنا مجنون بها لحد الثمالة فاخبرني واقسم على ذلك انه في ليلة الدخلة لم يجدها عذراء وكذبت عليه واوهمته انها لما كانت صغبرة تمارس العادة السرية افقدنها غشاء بكارتها وهو المغفل صدقها تمام وكل مرة سفريات للخارج ومصاريف باهظة الثمن لملابسها من افخم بيوت الموضة العالمية واشترطت عليه شراء شقة تمليك وكتابتها باسمها في ارقى الاحياء السكنية وسيارة فارهة بسائقها تحت تصرفها وخدامة في المنزل وصاحبنا نفذ لها كل هذي المطالب واكثر من ذلك ولكنه لم يذق طعم السعادة وراحة البال معها ابدا كما قال لي كل ليلة سهرات مع صديقاتها ورفيقاتها لاخر الليل وذات مرة قال لها انه مسافر لاجل انهاء بعض الاعمال الخاصة بالشركة التي يعمل بها وقد يغيب 7ايام اواكثر وانتهزت الفرصة عندما سافر زوجها واستدعت صديقاتها للسهر في بيتها ولايحلو السهر بدون وجود شباب معهن على المسكرات والفجور والدعارة ولكن الزوج كان قد الغى سفره المفاجي وعاد وشاف المصيبة الكبرى التي تفعلها زوجته تلك الفاجرة الخاينة اللعوب وعندما اقترب من باب الشقة سمع اصوات الصخب والضجيج يتصاعد من شقته فطرق الباب ولم يجبه احد ودق الجرس ولم ينتبه احد وعندها قرر اقتحام الشقة عليهم فراى الهول والعجب فقد راى زوجته شبه عارية وهي في احضان احد الشباب ورفيقاتها الاخريات كلوحدة مع شاب في وضع غير اخلاقي وتعالت الاصوات والصراخ حتى جاوا الجيران واستدعوا الشرطة وتم القبض عليهم جميعا وهناك اعترف الشباب والفتيات بان تلك المراة الزوجة هي صاحبة الفكرة وهي من استدعتهم للسهر في بيتها وممارسة الرذيلة وشرب الخمرة وطلقها الزوج فورا وهي الان في السجن مع شلتها الفاسقة وصاحبنا تندم كثيرا الندم على انه تزوج من تلك الفاجرة اللعينة ولكن بعد فوات الاوان بعد ان جلبت له العار والفضيحة ولطخت اسمه وشرفه وبيته بافعالها المحرمة ودي هي الحقيقة التي يغفل عنها كثيرا من الناس عندما يقرروا الزواج ولايحسنون الاختيار للزوجة تكون هذى هي النتيجة الحتمية لاختيارهم

  2. ابوالبتول
    28/06/2017 at 02:25

    يااخي العزيز رسولنا الكريم عليه الصلاة والسلام قال – تنكح المراة لاربع لدينها وخلقها وجمالها ونسبها فاظفر بذات الدين ترابت يداك – اهم حاجة في الزواج ان تكون الزوجة على دين وخلق وتربية وكل الصفات دي متوفرة في البنت هذة واهلها ناس طيبون ومحترمين فلاادري لماذا انت متردد في الزواج منها دي نعمة كبرى غيرك يتمناها تتوفر في الانسانة اللي عاوز يرتبط بها اما مسالة فارق السن بينكما انت 28 وهي 27سنة مش فارق كبير وعقبة في عدم زواجك منها ومن رايي ان السن دي افضلك من فتاة صغيرة جاهلة لاتعرف شي عن الحياة وغير متفاهمين ولا في انسجام بينكما توكل على الله وتزوج بها وصدقني انك انت الكسبان واحسن لك من زواج من دكتورة اوصيدلانية او مهندسة طز فيهن وفي الشهادات اللي معهن لاتضيع البنت من يديك فتندم طوال العمر وخصوصا وانك قلت ان اهلها شارينك بالغالي وياليت لاقي وحدة زيها كده واتزوجها فورا بدون تردد او تفكير

  3. مجنون نسوان
    05/01/2016 at 02:58

    للاسف رغم كل العلم والشهادةاللي معك الا ان عقلك ناقص تماما كل المواصفات الجميلةوالحلوة في البنت واهلها وبرضو مش عاجب حضرت جنابك انت عاوز ايه بالضبط مهندسةودكتورةوصيدلانية رفضتك في السابق حسب كلامك انت وارى انهم على حق دامك بالنظرية التشامية الغيرمقبولة اطلاقا اعتقدانك بحالة نفسية صعبة من حيث التفكير ومعقد وفاقدالظن بالاخرين اذهب لدكتور نفسي يشوف جنابك مش عيب انك نروح لطبيب نفسي ياما مشاهير كبارفي العالم يذهبون اليهم عشان تتخلص من الاوهام والافكار اللي في مخيلتك واللي هتدمر حياتك وتكره الناس فيك واولهم اهلك كل الكلام اللي قلته مرفوض جملةوتفصيلا ولااحد عاقل يقبل به نهايئا توكل على الله وتزوج من الفتاة دي قبل فوات الاوان وقبل ان تخسرهاللابد بعنادك وافكارك السودة وربي يوفقك ويهديك ويسعدك في حياتك مع الانسانةاللي اختارهاقلبك

  4. وحيدة
    09/03/2015 at 10:14

    اخي العزيز اذا اعدنا لحد صبح ننصحك بكلامنا مارح نفيدك بشيء انت من جواتك بتعرف تقدر تكمل مهاها ولا لا حدسك دائما بيقولك صح اقتنعي بحدسك وا رح تندمي هي كويسة معاك دلوقتي بس هي كمان يشعر بشعورك و يتغير معاكي واذا تعرفين ما تقدر تكمل معاها من دلوقتي خلص حالك ما تخليها يشعر بلاهانة اكتر احسن من بعض كم سنة وتجيب و الاولاد و يكونو ضيحية وبعدين فرق سن مايكون مشكلة ابدا رسول محمد( عليه صلاة وسلام ) كان متزوج خديجة و اكبر منه ب عشرين سنة تقريبا و كان بيحبها اكتر من نفسه حاولي تروحي لماكن بعيد و شوفي اي اكتر حاجه انت بتحني لي و قرري ان شاء اللة مارح تخسري نفسك و ما تعزبي خطيبتك
    واللة مقرر شو بيصر معك اذا كملتي مهاها ولا لا

  5. ابوبتول
    29/08/2014 at 20:25

    اتفق مع اخونا ابواميرة بارك الله فيه كلامه عين العقل والصواب ولاازيدعلى كل ماقال

  6. ابواميرة
    06/12/2013 at 23:46

    حضرةالباشمهندس المحترم جنابكم مش عاوز الادكتورة اومهندسةاوصيدلانية يااخي ايش هالمنطق الغيرمقبول اطلاقامن انسان متعلم ومثقف زي حضرتك فيهم ايه البنات الاخرين اوذنبهم ايه انت وغيرك من الشباب المتخلفين اوالمتعاليين مايفكروش الا في البنت اللي معهاشهادة عليا لعلمك انو في بنات ناس محترمين اووي احسن من اللي معهاالشهادات مليون مرة في الاخلاق والادب والجمال وبنات اصل وفصل وحسب ونسب ويعرفواالعادات والتقاليد احسن من البنات المتعلمات دول واعرف شخصيا نساء كثيرات منهن متزوجات ومربيات اجيال فاضلة وسمعتهن احسن بكثير من البنات اللواتي معهن الشهادات وكم من دكتورةاومهندسةاوصيدلانية تحصلها خاينة لزوجهااوسيرتهاوحشة وتمشي مشي غير اخلاقي ومنحرفة وفاسدة ماتسمع عن مشاكلهن وفضايحهن عبر النت او المجلات والصحف وكل يوم تطلع لنا مصايب اوفضايح من تحت رءووسهن اليك قصة حصلت لوحدةدكتورةكانت تعمل في مستشفى خاص كبير في الخليج وكانت مسوولة عن قسم التمريض في المستشفى تم ضبطها في خلوة غير شرعية مع ابن صاحب المستشفى وتكررت اللقاءات بينهما حتى تم فضح المستور وصارت فضيحة كبرى لهاوللمستشفى وفي الاخرتم ابعادهامن البلاد وغلق هذا المستشفى لمدة4شهور واذا تريد المزيد من فضايح هولاءالبنات اللي تفاخربهن اذهب الى موقع قوقل وابحث عنهن تجد الادلة والبراهين الناصعة لكل ماقول ومااخبرك به هي الحقيقة وتاكد ان الزواج عشرةوتربيةاولاد والفةومودةومحبة مش اطلاق القاب زوج الدكتورة اوحرم المهندس وغيرها خذلك واحدة ولو فقيرة وماعندها الا الابتدائية خير لك من صاحبة الشهادةالعالية لان رضا الناس غاية لاتدرك والقناعة كنز لايفنى وربي يصلحك ويهديك وجميع المسلمين

  7. ماجد كارزما
    29/11/2013 at 08:28

    السن مش مشكله لو احساسك اتحرك نحيتها وبتحبها فعلا . اوعاك تسيها لانك هتندم خالص .. وبعدين ايه يعني ماهي قريبه منك ف السن والفرق بينك وبينها متقارب جدا . فرضا لقيت الي 22 صدقني مش هتلاقي فيها مواصفات خطيبتك بتاع 27 …….. هتندم يا صديقي . لوكانت المشكل ف الشخصيه او الاسلوب او الطبع او العيله كنت حفزتك علي فك الخطوبه . لكن مشكلتك غرورك يا صديقي وسامحني

  8. محمد
    28/10/2013 at 01:19

    اسمع منى كويس انتا مهما تشرح لنا مش هنقدر نفيدك صدقني احساسك اهم شيء تاخد منه القرار الجواز فرحه انت فرحان ؟؟؟

  9. بنى ادمة
    12/10/2013 at 01:21

    حقولك ايه لو هى اللى بتفكر زيك كنت حتشوفها انت وكل المجتمع المتخلف اللى احنا فيه انها فاسقة ومجرمة وتستحق الحرق اما سيادتك عشان راجل تلاقى اللى بيطبطب عليك انا راى سيبها حرام تتظلم مع واحد زيك تافه وبيدور على الشكل والجسم الى سهل يتغشوا الايام دى والسن حقول ايه سيبها حرام انشاء الله ربنا حيرزقها بالاحسن منك وبمراحل حسبى الله ونعم الوكيل

  10. سمرة
    20/09/2013 at 07:56

    بجد انا زيك بالظبط .. عندى 28 وكنت خاطب الاولى وبحبهاومحصلش نصيب وكانت 20 وجميلة … وبرضه خطيبتى الحالية معرفة قريبتى وقالتلى 25 ورحت واتعرفت على اسرتهم 3 زيارات واستخرت الله وقررت اتقدم لانها مقبولة شكلاً ومتدينة وعاقلة واهلها سمعتهم كويسة وسنها 25 مقبول يعنى .. لكن بعد ما اتخطبنا سالتها عن تاريخ ميلادها لقيتها 27 ونص يعنى بينا 5 شهور بس … ومن ساعتها وانا محتار كان نفسى فى واحدة بينى وبينها 3 سنين ع الاكثر والجمال بصراحة مقبول بس لما باشوف واحدة حلوة فى الشارع او التليفزيون مش عارف ليه بافكر ان جمال خطيبتى مش هو اللى يكفينى اضف لذلك بقى ان انا وهى بقالنا 6 شهور خطوبة بس لسة ما مسكتش ايديها وهى مش راضية ومش عارف احس معاها بالرومانسية وبالتالى رغبتى العاطفية معاها شبه معدومة .. والله يشهد على انى كل شوية باحاول اقرب لها واكلمها كلام حلو على امل اننا نكسر الحاجز العاطفى ده وانسى الافكار المحيرة دى بس للاسف ما حصلش .. ومحتار اسيبها باى حجة ولا باى سبب لان انا انسان عاقل واكيد الجمال والسن والرومانسية مش حجج انسان محترم وعاقل بس ده للاسف له صدى فى قلبى ومخلينى حاسس انى مش خاطب وانها زى واحدة قريبتى لكن … لو سبتها هتبقى صدمة وجرح ليها ولو كملنا فالمستقبل مالوش مقياس الا الحاضروده مقياسة احترام وتقدير لكن من غير حب وعواطف ؟؟؟؟ استخرت الله كثيراً ولم تأتينى اى علامة او اشارة تريح قلبى اكمل ولا ما اكملش .. يا صاحب الموضوع كان الله فى عوننا ويريح قلبينا بما فيه الخير لنا ويبارك لنا فيه

  11. ابواميرة
    11/12/2012 at 20:00

    يااخي انت عاقل ولامجنون بنت لقطة زي هذة ماتضيعهامن يدك والافانت برياله مش مهندس ومتعرف حاجة البنت محترمة واهلهاطيبين ومحترمين ايش عاوزاكتر من كدا توكل على الله وتزوجهاولوعمرها50سنة ربنا يسعدكم ويهنيكم

  12. تبا للنقود والماديات اين انت يا حب
    05/03/2012 at 13:29

    متبقاش مرتبط بالسن بعدين الرجل الشرقي دائما يحسب عمر الفتاة بالطريقة التي يريد هي اصغر منك بسنة اساسا ومش النب قدوة ليك كانت متزوج ست اكبررر منو وهي كويسة ومفيهاش حاجة تخجل يبقى شوف حسناتها والحاجات الجميلة فيها ولو قبلت عليك بدل اللي فاتو يبقى قدرت تشوف فيك انسان جميل انت مش شايفو يبقى فووق ومضيعش بت ناس

  13. رولا
    26/02/2012 at 13:23

    ادا البنت حلوه و اخلاق و كل شي فيها حلو توكل ع الله بعتين احنا يالبنات نبي زوج يخاف رب العالمين و يرحمنا مو قولت انك ماتخاف ربي لا بس اخنا يا البنات او الحريم نبي زوج يدلعنا يخاف علينا متل كيدا جرب غازلها ادا حسيت انها تبادلك نفس الشعور توكل ع الله و انتبه الزواج يكون الحب من طرفين مو من طرف واحد ولا تحسب الزواج لازم قبله علاقه لا الحب يبدا من زواج

  14. HanyMoh
    25/11/2011 at 02:20

    ربنا يهديك…

  15. حبيب الرازي
    24/08/2011 at 15:48

    ياحبيب قلبي ياعيوني …انتا شكلك مش عاوز تتجوز ومش لاقي حجه اصلا
    فلو حاسس انك هتظلم البنت دي معاك سبها احسن علشان ربنا يرزقك ببنت حلال احسن منها ……وعلي فكرة انا عملت زيك كده مرة واكتشفت ان المشكله مش ف مراتي الوقتي وخطيبتي سابقا المشكله اني كنت برسم صورة خطيبتي الاولانيه ومكنتش متخيل غيرها وكنت بقيس كل شيء عليها زي منكون مفترقناش وسبنا بعض …..ونصيحتي يا حبيب قلبي عيش حياتك وحاول تنسي انك فاشل كلامي ممكن يزعلك بس صدقني لو حسيت من جواك انك جدير بالانسانه دي هيا هتقدر توصلك الاحساس الي انتا عاوزة
    واعزرني حبيبي علشان كنت قاسي معاك بس صدقني لو تخيلتها ثواني وهيا بتصحيك من النوم وبتقولك اصحي يا حبيبي صلي الفجر وانا هجهز الفطار علي متيجي هتقول يااااااااااااااه الله يرحم ايام العزوبيه
    سلام يا جميل

  16. احمد شعبان
    11/04/2011 at 23:23

    انا رأيي انك تتوكل علي الله وتتجوزها لانها بنت كويسة واهلها شارينك واللي مخليك مش عارف تحبها هو صدمتك وجرحك القديم بس ده مش ذنبها وعشان تتطمئن اكتر استخير ربنا وهو هيبين لك الخير فين

  17. اختك اللى خايفة عليك
    07/04/2011 at 11:52

    ياريت ماتزعلش من اللى هقولهولك انت باين عليك بتحب المظاهر والمظاهر عمرها مابنت بيوت ولا عمرتها طول ماانت عايز الاحسن مش هتقتنع باى واحدة ارضى بنصيبك الللى ربنا كتبهولك وحاول تحافظ على نعمة ادهالك ربنا .كلمة محترمة تستاهل انك تعمل المستحيل عشانها وكفاية انك حسيت فيها الاحترام ولعلمك النهاون معاك فى الطلبات مش عشان هى سعرها بيقل لانها كبيرة لا ده عشان انت شب بتبتدى حياتك مش عايزين يصعبوها عليك واديك انت علقت على الصيدلة والدكاترة الللى قبلها وقلت البنت بتتدلع والطلبات مبالغ فيها احسنها واحسبها صح ربنا لغاية دلوقتى معاك لوحبيت تعترض هيسيبك وهيقولك اختار واكيد هتسئ الاختيار لانى الموقف يختلف لما نختار لوحدنا ولما تختلر بربنا مانصحكش انك تسيبها لوسبتها هيفوز بيها غيرك ولو على الخدعة فى السن خالتها اكيد حبت انك تعرفها الاول كانسانة واكيد هتغير وجهة نظرك فى السن لما تعرفها

  18. المعتصم
    15/02/2011 at 11:07

    يا أخي عندما تختار زوجتك اختار صاحبة الدين….واذا كانت هذه البنت علي دين فلا تفرط فيها وفي هذا الزمان الذي قل فيه الحياء والاخلاق من الصعب ان تجد انسانه ذات دين وخلق وترضي باليسير والقليل….من الواضح من كلامك انها اتسانه محترمه وعلي خلق …فلا تفرط فيها…وان كنت لا تستطيع التجاوب معها مطلقا حتى لا تظلم البنت ..فالتراجع الان اسهل وافضل من بعد ذلك….فامساك بمعروف او تسريح بإحسان……ولكن نصيحتي الاخيره لك فكر الف مره وصلي استخاره وحكم عقلك قبل قلبك لانك من الصعب ان تجد مثل هذه المواصفات هذه الايام …وربنا يوفقك

  19. Mandolina
    08/02/2011 at 05:02

    واضح من كلامك إنها بنت كويسه وأهلها ناس كويسين وطيبين .. والبنت كانت بترفض اللي اتقدمولها علشان ليها مواصفات معينه يعني عارفخه هي عاوزه ايه وبتعرف تفكر مش سطحيه أو هوائيه ومطلوب جدا في البنت ان تكون بتعرف تفكر وتاخد قرار .. انت اللي حاطط في دماغك فكره انها وافقت علشان سنها كبر شيل الفكره دي من دماغك خالص وشوف فيها الصفات الكويسه وشوف إللي حواليك ممكن تلاقيها أحسن من ناس كتييير تانيين وحاول تخلي بينكوا حاجات مشتركه واتعامل على ان هي دي خطيبتك خلاص – انت ممكن تكون مش عارف تحبها علشان طول الوقت بتفكر تكمل معاها ولا لا – بس لو حاولت وبرضو مش عرفت تحس بيها او تحبها يبقى لازم تفكر كويس جدا ولو لقيت نفسك مضايقاك برضو الأسباب إللي انت قلتلها يبقى متظلمهاش معاك وخد قرارك ونفذه بسرعه علشان لو فضلت الفكره دي في دماغك مش هتكون سعيد معاها ومش هتعرف تسعدها وطبعا كدا حرام – انت من حقك تفرح بمراتك وهي كمان من حقها تحس انها مرغوب فيها وجوزها بيحبها – انت كدا ممكن بعد الجواز لو شوفت اي واحده فيها المواصفات اللي انت كنت عاوزها هتقول ياريتني مااتجوزتها ولو صبرت كنت هلاقي أحسن منها وبالتالي هتبقى الحياه بينكوا رخمه جدا .. يبقى من دلوقتي تفكر وتاخد قرارك صح وعن اقتناع جدا أيا كان القرار وتنفذه – سواء كنت هتفركش أو انك تقدر انها بنت ناس ومحترمه وبتحبك وانت كمان تقدر تقرب منها وتحس بيها -وتكمل معاها بما يرضي الله ………………….. خلاصة الكلام لو انت مش قادر تشيل الأفكار دي من دماغك ومش بتحب البنت دي يبقى سيبها بسرعه علشان انت تلاقي اللي تناسبك وتكون فرحان بيها وتعرف تحبها وهي كمان تشوف نصيبها .. ربنا يكتبلكوا الخير يارب .. وربنا يكرمها ويسعدها

  20. رحمة
    07/02/2011 at 03:29

    بص انا عارفة ان احساس الواحد انه اتضحك عليه احساس صعب قوي واعتقد ان ده هو السبب الحقيقي اللي مخليك متجمد من ناحية البنت ومفيش اي مشاعر عارفة تطلعها لانك بكل بساطه قافل علي مشاعر ومش واخد بالك لكن انت بتقول ان خالتها اللي قالتلك كده مش البنت يعني خطيبتك ملهاش ذنب وكمان انت بتقول انها محترمة وكويسة يبقي ايه الداعي لانك تسيبها؟
    كمان عايزه اقولك علي حاجة اوعي تبص لها علي انك المنقز لها من العنوسة وانهم سهلوا لك الامور عشان ماتطفش منهم هو كونهم ناس محترمة نحكم عليهم بكده؟
    بكل صدق حكم عقلك وقلبك ومشاعرك بس بعد ما تفتح الباب وتسيبهم الحكم لهم
    وطبعا تستخير الله سبحانه وتعالي لكي يوجهك لما فيه الخير لك الذي لا يعلمه إلا هو

  21. طبيب القلوب
    21/01/2011 at 18:24

    ياابني الزواج مسئوليه كبيره ويختلف تماما عن أمور المراهقين وله حسابات أخري غير تلك التي تكون في قصص الحب الملتهبه….قد تكون هناك قصة حب ملتهبه قبل لزواج ولكن سرعان ما يتلاشي هذا الحب الوهمي عندما يصطدم بالواقع ومتطلبات الحياه…أنا لا أسود الدنيا في عينيك ولكن أحب الواقعيه…توكل على الله واتمم هذا الأمر وأهم حاجه في البنت التى ستتزوجها أن تكون شارياك ومستعده أن تضحي من أجلك وأن يكون هناك تفاهم بينكم…أم الحب فسوف يأتي بالعشره ومرور الايام وربنا يوفقك

  22. الرشد
    19/01/2011 at 16:09

    انت تريد وانا اريد والله يفعل ما يريد.الزواج رباط مقدس وأهم شئ في الانسانه اللي هاتتزوجها تكون بنت ناس وتتقي الله فيك وفي بيتك…دعك من أمور المراهقين….الحب الحقيقي الذي يأتي بالعشره وبمرور الايام وبما يقدمه كل واحد مناجل الاخر….معظم قصص الحب الملتهبه قبل الزواج ..مشروع الزواج نفسه يفشل ..لان الحياه تتختلف بعد الزواج عنها قبله….نصيحتي لك تزوج الانسانه التي تريدك هي لنفسها لانه في هذه الحاله ستكون اكثر تمسكا بك وحرصا عليك…ودائما أبدا لا تفرط في انسان شاريك….وربنا يوفقك

  23. المهتدي
    18/01/2011 at 16:13

    توكل علي الله وربنا يوفقك ….من المواصفات اللي حكيتها دي بنت ممتازه هوحد يعرف يلاقي المواصفات دي اليومين دول…احمد ربنا وما تتبترش على النعمه حتى لا تندم

  24. قلب نابض
    17/01/2011 at 19:57

    يا أخي شيل وساوس الشيطان دي من دماغك…لانه واضح من كلامك ان البنت كويسه وتذكر ان الكمال لله …..توكل على الله ولا تظلم وربنا يتمم بخير

  25. قلب حر
    16/01/2011 at 16:46

    على فكرة اولا كلامك متضارب شوية وثانيا من كلامك عليها ياخى بوس ايديك وش وضهر وقول الحمد لله على االنعمة الى انت فيها من وصفك ليها وبعدين مانت ممكن تقع فى سفيرة مش دكتورة تخلص قديم وجديد وتخلى ايامك سودة قول الحمد لله وشيل الشيطان من دماغك الواحد ممكن يدور عمرة كله على بنت ناس بالوصف الى انت قلته وربنا يوفقك بس عن راى انا اتجوز دى واعتمد على الله زمان قالو الى تخاف منه ميجيش احسن منه
    وان علمتم الغيب لاخترتم الواقع متغيرش انت بقى

  26. محمد شهريار
    13/01/2011 at 18:56

    صلى صلاه استخاره
    وتوكل على الله
    لعل فى البنت دى الخير كله
    والف مبروك

  27. جبل هم و مشاكل
    09/01/2011 at 22:06

    اخى الفاضل انت تريد وانا اريد والله يفعل مايريد لم يكن لك نصيب لا فى المهندسه ولا الكتوره ولا خلافها ربنا اراد ان تدخل هذا البيت ويكونوا مرنين معك فى طلبات الزواج والبنت فى سن مناسب جدا متقارب مع سنك وجميله بعد الزواج وامعاشره يا اخى سوف تاخد عليها وتاخد عليك ويولد الحب والوداد بينكم لكن لاتفكر فى موضوع ان خالتها قالت 25 سنه وهى عندها 27 خلتها مش ماسكه شهاده ميلادها فى جيبها يعنى مش تفهمها بالمنطق اللى انت ذكرته انهم لافوك توكل على الله بارك الله لكما وفيكم

  28. توتا
    09/01/2011 at 17:19

    حاول تدى نفسك فرصة تقرب منها وتفهما وسيبك من السن هى مش اكبر منك عشان تحتار اية يعنى اصغر منك بشهور دة مش سبب وانت بتقول انها كويسة وشرياك حاول تقرب منها فكر كويس عشان متندمش البنت واضح من كلامك انها على خلق وكويسة لو مقدرتش تحبها او ترتاح يبقى افسخ الخطوبة عشان متظلمهاش وتحب عليها بعد الجواز

  29. هوان الحب
    09/01/2011 at 16:57

    حضرتك كان ممكن تزعل منهم لو هما اللى كدبوا عليك فى موضوع السن لكن ده خطأ غير مقصود من خالتك والدليل انك اول ما سألتها عن سنها اجابت بصراحة وخمسة وعشرين او سبعة وعشرين مش فارقة كتير انا حاسة انك بتقارنها مع خطيبتك الاولى من حيث الجمال والتعليم 000الخ وهو ده اللى تاخد بالك منه مفيش حد زى حد حاول تقرب منها وتتفاهمو يمكن تقدر تحبها واذا لم تستطع يبقى تبعد حرام تظلمها معاك يمكن ربنا يكرمها بواحد احسن بس استخير ربنا كتير وربنا معاك

  30. اختك بالله
    09/01/2011 at 14:59

    لو ماكنت مقتنع الان الانفصال احسن بس السن عمرى ماكان مشكله في الي يتزوج اكبر منه وعايش حياته اهم شي المشاعر تاكد من مشاعرك واستخير اي قم بصلاه الاستخاره بعد هذي الصلاه باذن الله اذا ارتحت للموضوع كمل واذا لا انفصل بهدوء بدون جرح البنت

  31. ahlam
    09/01/2011 at 12:41

    اد انت مش واجد الراحة معاها ففسخ الخطوبة دا احسن من ان تتزوجو مع بعض ومن تم طلقها او تتزوج وحدة تانية غيرها وتهدم لها حياتها بس بدي ادرك بشيئ السن ما يهم في كثير شباب والله تزوجو بنات اكبر منهم وهم سعداء مع بعض المهم هو انها تكون تقية على قدر من الجمال بنت ناس طيبين اما الحب اد انت حاولت دخها القلبك وتشوف فيها كل شيئ تمام وانك تقرب منها اكثر وتشوف عقليتها وتقفتها وتفكيرها اكيد راح تحبها .السن ما يهم المهم التفاهم
    والله يوفقك للخير انت وهي

  32. حبيبة الرحمن
    08/01/2011 at 19:34

    نصيحه لو مش مرتاح او مقتنع بيها يبقه انسحب بهدؤء ده جواز وعاشره وهايبقه في اطفال بس مش شرط فرق السن اللي انتا عاوزه كل مالبنت بتكون كبير بتكون عقله وراسيه

  33. صرخت صمت
    08/01/2011 at 16:45

    انا معاك ان الحيره صعبه اوى وانا حساها لانى مجرباهااكتر الناس هتئولك مدام محترمه وبتتقى ربنا فيك ماتسبهاش وان الحب بيجى بعد الزواج صدقنى ده كله مفاهيم غلط اهم حاجه الحب وطبعا الحب مترتب عليه حاجات كتير اولا اكيد اللى هتحبهااكيد هتحترمك برضه اهم شئ قبل تفكر ف اى شئ صلى صلاه استخاره وشوف ربنا هيبينلك ايه واياك والظلم لو خير ليك حاول تقرب منها بكلمه حلوه وبلمسه باى شئ المهم انك تقرب منها علشان تحس بيها وساعتها تبئى احكم مش تحكم وانت مش عملت اى شئ غير انك بتتصل بيها علشان تطمن عليها وخلاص صدقنى حاول تقرب قبل ماتظلم ولو مرتحتش ماتجيش ع نفسك وتكمل حياه فيهاالانفصال صعب اوى

  34. المهتدي بالله
    08/01/2011 at 14:56

    توكل على الله وكمل معاها وادي لنفسك فرصه انك تقرب منها وتفهمها ولو لقيت نفسك مش قادر يبقى كل واحد يروح لحاله….وربنا يوفقك ويهديك الى سواء السبيل

  35. أبو البنات
    08/01/2011 at 00:41

    ربنا يستر بنات المسلمين جميعا
    دى مش اكله او بنطلون هترميه اولا هتظلم نفسك وتظلم بنت الناس معاك
    انصحك بان تحاول تتقرب ليها وتشوف مميزتها وفرق السنه بينكم مش مشكله ممكن تكون معاك بنفس الجامعه يعنى سنها من سنكلكن عدم اقتناعك بها دة هو المشكله حاول تقرب منها ومش ينفع تاخدها شفقه او احسان او احراج او او او دى بنت ناس وممكن نصيبها فى اللى احسن منك كمان
    انت لسه على البر فامساك بمعروف او …. باحسان
    وربنا يكرم الجميع ان شاء الله

  36. العاقلة
    07/01/2011 at 21:44

    اولا يااخى العزيزاحب احييك على صراحتك ثانيا انا شايفة من وجهة نظرى ان مادام الانسانة دى كويسة زى ماباين من كلامك وان اهلها ناس كويسين يبقى دى فرصة بجد ليك انما بالنسبة لموضوع السن وكدا ده ميفرقش خالص لان انت ممكن تخطب واحدة صغيرة عن كدا زى مانت بتقول وتكتشف ان هى مش كويسة وترجع تندم فانت شيل موضوع السن ده من دماغك خالص واعتبر ان هى فعلا عندها 25 سنة زى ماقالوا فى الاول وبتهيالى ده مش هيفرق كتير فانت احمد ربنا على اللى قسمهولك وصلى استخارة بردو يمكن يكون ان شاء الله ده خير ليك وربنا يوفقك ويتتم بخير ان شاء الله

  37. دودو
    07/01/2011 at 21:41

    نصيحة انتو داخلين على حياة الانفصال فية صعب فلو مش مرتاح دلوقت مش هترتاح بعدين لانى فى نفس وضعك مكنتش مقتنعة من الاول ودلوقت بندم فلو مش مقتنع انتو لسة على البر انما متبنيش حياة من الاول على عدم الاقتناع

اترك رداً أو حلاً لهذه المشكلة