مشاكل الزواج

حبيتها من النت وطلبت منها الزواج لكن

اول مره قابلتها كانت بعد فتره حب انا خرجت منها وحكتلها عليها واتعرفنا على بعض وقتها واتكلمن كتير وبعده طلبت منها رقم الموبايل وكلمتها وبقينا نعد على النت ونتكلم موبايل واستمرت العلاقة بيننا سنتين نتكلم مع بعض
وفى الفتره دى قابلتها اربع مرات واخر مره قبلتها كنت اول مره اقولها بحبك بس انا عايز اقولها قدام الناس مش نبقى كده وقررت انى اتقدملها ورحت انا واهلى وهما كانوا موافقين بس قالوا نسأل عليك وبعدها مشينا وهما جم يسألوا علينا جوم وقمنا معاهم بالواجب
وبعدها مشيوا وقالوا كلام على ابن عمى ما قالهوش عليا بس انا صدقتهم وعملت مشكله مع ابن عمى وبعدها قالوا ما حصلش حاجه بس ابن عمك قال بس احنا مش عايزين مشاكل
وانا كلمتهم وقلتلهم انى اتوا وقعتو ما بنا يبقى بلاش منها الجوازة  دى  طول ما من اولها هيكون فى مشاكل انتوا وقعتوانى انا واهلى يا عالم هتعملوا ايه بعد كده
ورجعت احن تانى بس خايف ممكن تحصل حاجه وخوفى اكتر ان ممكن يوقعونى انا واهلى قلولى انسى ام ارجع لها تانى
وايه الحل

مشاكل وحلول ذات صلة

اضيف بتاريخ: Sunday, January 16th, 2011 في 08:40

كلمات مشاكل وحلول: , , , , , ,

5 رد to “حبيتها من النت وطلبت منها الزواج لكن”

  1. همسه
    18/01/2011 at 05:35

    الحكايه اللى اولها عك ووجع قلب بتكون مليانه مشاكل بعد كده لان واضح ان اهلها بتوع كلام كتير وحوارات والنسب زى اللبن لو يتعكر مش بيروق تانى والجواز عيلتين بيدخلو فى بعض مش واحد وواحده وبس والطبيعى انك تحن للبنت عشان اتعودت عليها بس لو سيبتها حتتعود على واحده تانيه وتحبها برضوة بس يكون اهلها كويسين

  2. توتا
    17/01/2011 at 16:42

    هما ابتدوا الموضوع بمشكلة وتوقيع بينك وبين اهلك يبقى دة اسلوبهم لو هتقدر تعيش فى مشاكل يبقى اخطبها ولو مش عاوز مشاكل الباب اللى يجيلك منة الريح سدة واستريح لو بتحبها ومش هبقدر تستغنى عنها اتوكل على اللة وانت ونصيبك بس فى حاجة اوعى فى يوم من الايام تيجى على اهلك عشانها

  3. امير القلوب
    17/01/2011 at 00:56

    لو قدرت تنساها يبقى افضل ولو شايف انها كويسه وتقدر تأثر على اهلها يصلحوا العلاقه بينك وبين ابن عمك ويرجعوا المياه لمجاريها تمام
    لو مكنش هتعييش طول عمرك فى مشاكل
    بالتوفيق ان شاء الله

  4. جميلة
    17/01/2011 at 00:36

    البنت ملهاش ذنب انت اتوكل على الله واخطبها وبلاش تخليها تيجى عندكم كتير وبكره تبقا فى بيتك وكل العائلات فيها القيل والقال يعنى اى جوازة يببقا فيها كلام ومشاكل

  5. إسلام
    16/01/2011 at 12:12

    هما غلطانين والى زى دول ابعد عنهم بجد النهارده قالولك ابن عمك بكره هيقولولك اخوك واختك وابوك قال وامك عملت.
    كبر دماغك يا صاحبى

اترك رداً أو حلاً لهذه المشكلة