مشاكل الزواج

بحب خطيبتي لكنها لا تنجب

أولاُ أحب أشكر كل العاملين علي موقع مشاكل وحلول شكراً جزيلاً , انا شاب عندي 25 سنة وبعمل بالكويت ومرتاح نفسياً جداً و  خاطب بنت امورة ومؤدبة جداً وبنحب بعض جدا جدا أهلي وأهلها متوافقين جدا جدا جدا يعني كل الأمور ماشية زي السكر ولكن المشكلة انها كشفت عند الدكتور وقالها انك من المستحيل انك تخلفي عشان عندك عاهة في الرحم وأنا أموت بس أبقي أب ولو أتجوزت حد تاني حظلمها عشان لغاية أخر يوم في عمري مش ححب غيرها ولو أيه حتى وعشان كده تحب تقولي ايه ؟؟؟؟؟؟؟؟؟؟؟ نأسف للإطاله عليكم أخواني وأخواتي الكرام

مشاكل وحلول ذات صلة

اضيف بتاريخ: Tuesday, January 18th, 2011 في 12:43

كلمات مشاكل وحلول: , , , ,

23 رد to “بحب خطيبتي لكنها لا تنجب”

  1. مجنون نسوان
    16/02/2016 at 07:59

    اخي الفاضل دام انكم تحبوا بعض ومش عاوزين تخسروا بعض اوتبعدوا عن بعض فمن رايي انكم تتزوجا والبنت تحبك وعلى دين وخلق حميدة واهلها اناس طيبيون توكل على الله وتزوجها ومسالة الانجاب والخلفة دي بيدالله عزوجل قال تعالى – يهب لمن يشاء اناث ويهب لمن يشاءذكورا اويزوجهم ذكراناواناثا ويجعل من يشاء عقيما -ونبى الله زكريا عليه السلام كان عقيما لم تخلف زوجته وكان يدعى ربه – ربي لاتذرني فردا وانت خير الراحمين – فاستجاب الله لدعائه ورزقه باابنه يحي وكان قد بلغ من العمر عتيا يقال انه كان في سن التسعين من العمر او مايزيد وخلاصة القول ان الانجاب ليس بيد احد من البشر وانما هو باارادة الله عزوجل متى ماشاء لشئ يكن فيكون فوض امرك لله عزوجل وتزوج بمن احببت واختارها قلبك واترك الامر لله عزوجل فهو الرزاق وهوالوهاب وهوالمعطي وهوعلى كل شي قدير واتمنى لك دوام التوفيق والسعادة في حياتك القادمة

  2. عبدالرحمن
    10/02/2015 at 14:24

    لازم تشترط عليها أنه في يوم من الأيام راح تتزوج عليها

  3. ayosha
    25/07/2011 at 15:19

    على فكره القصه دى بتاعت ربنا لان فى واحده قربتى قبل ما تتجوز عملت فوحصات والفوحصات اثيتت انها مش هتخلف لان عندها اعاقه فى الرحم وخطبها كان بيحبها زيك كده بس اتجوزها وقال يحصل الى يحصل واتجوزا وهما دلوقتى معاهم 3 ولاد والله العظيم

  4. احمد ايطاليا
    23/07/2011 at 22:06

    ياخي الاود نعمة من الله وزى ماهي نعمة هي بايد الله عز وجل انا هقولك علي موقف حصل لاحد اقاربي بنت عمي ابواي خلفت بعد جواز 25 سنة بعد مافقدت الامل في انها تخلف خالص يعني كل شيء بايد ربنا وما خلق الله من داء الا وخلق لة الدواء توكل علي الله واتجوز وربنا اكيد هيعوضك لو حتي مافيش اولاد يكفي انة هيعوضك بزوجة صالحة براحة النفس بالطمانينة بدخول الجنة اظن كل داة افضل من مليون طفل فكر كويس وتوكل علي الله

  5. عاشق الابتسامه
    05/06/2011 at 05:32

    بص انتا تشرط عليها قبل الجواز انك ممكن في يوم من الايام تتجوز عليها و دا بسبب الاطفال فقط و تفهمها انها هيا اللى في قلبك و حتى اللى هتيجي عليها مجرد واحده علشان تخلف منها بيبي بس طبعا مش هيكون الكلام دا لازم المساواه و ربنا يوفقق يا اخي انا عارف انه صعب عليك تسيبها

  6. سندريلا
    17/04/2011 at 05:00

    فى واحدة الدكتور قالها عندك عيب فالرحم وكانك واحدة عندها سنتين مفتش شهر على كلام الدكتور ولقت نفسها حامل ودلوقتى معاها 3عيال رخمين اوى ويكرهو الواحد فالعيال

  7. نسيم الزهور
    12/04/2011 at 15:34

    طب تفتكر لو انت ايلى طلع منك التعب دا هى هتسيبك ؟ فكر كدا شويه

  8. احمد شعبان
    11/04/2011 at 23:04

    انا رأيي انك تتجوزها والخلفة دي بتاعة ربنا وكل شيء بإرادته وطالما كل الظروف تمام اتجوزها يبقي ليه التردد وان شاء ربنا يكرمك بالذرية الصالحة ويسعدكم

  9. nona
    23/01/2011 at 12:25

    اتجوزهااااااااااااا كفاية اقولك انها صرحتك وما خبتش عليك ودى ان دل يدل على انها فعلا انسانه كويسة يعنى معك زوجة صالحة وهى خير متاع الدنيا وانت نفسك بتقول انك مش هتستريح لو اتجوزت غيرها على العموم صلى استخارة واتكل على الله انت اللى هتعيش وانت اللى لازم تكرر

  10. زملكاوى
    22/01/2011 at 23:07

    سبحان الله !!
    اسمع الكلام دا :
    – الدكتور ” عمرو خالد ” اكيد كلنا نعرفوا ؟ مراته مكنتش بتخلف واعدت 9 سنين اظن
    وهو فى الحج قام دعى ربنا انه يشفى مراته ويرزقه بأطفال
    تانى يوم على طول مراته اتصلت بيه وقالتوا ان كنت عند الدكتور وقالى انى حامل
    وربنا رزقه الحمد لله اهو حالياُ بولدين وبسم الله ماشاء الله زى العسل وتتمنى تبصلهم
    – فوض امرك لربنا وان شاء الله ربنا هيقدم اللى فيه الخير
    ولو اتجوزتها جايز تخلف وكلام الدكاتره دا بتغير
    قدرة ربنا أكبر من اى حاجه
    وياعم انت معاك جمال وأدب
    احمد ربنا بدل ما تتجوز حد بتخلف وتطلع عينك , او تخلف ولا قدر الله يطلع فيه عيوب خلقيه
    وممكن برضوا تخلف من حد تانى وتبقى حياتك كويسه
    فالأمر كله راجع لربنا
    – ومش هقلك اتجوزها برضوا لأن دا قرار صعب وكلامنا دا سهل غير لما نتحط فى موقف زى دا فعلاً
    استخير ربنا وان شاء الله ربنا يقدملك اللى فيه الخير واوعى تعمل حاجه الا لو كنت مستريح نفسياً

  11. واحد من الناس
    20/01/2011 at 10:14

    معلهش انا غير من سبقونى
    يا جماعه احنا بشر يعنى انا ربنا اللى ربنا بيرزقه ببنات يبقى عايز يخلف صبيان واللى بيخلف صبيان بسى يبقى عايز ربنا يرقه ببنت واللى مش مخلف عايش فى جحيم لان الابناء يعتبرون زينة الحياة الدنيا
    اى نعم دلوقتو بيحبو بعض ولكن المشكلة ومش مشكلة ان هو بيحب الاولاد دى فطرة الحياه

    انا انصحك ده قرارك لوحدك ان كنت بتحبها وبعد كده مش هتفكر فى الاولاد خدها
    اما غير ذلك فلك مطلق الحرية
    وفقك الله

  12. رومانسي
    20/01/2011 at 01:44

    عن تجربة شخصية. عمى اعد 20 سنة من غير اولاد ومفيش اى مشكلة ولا عندة ولا عند زوجتة ولاكنها حكمت ربنا .ربنا مش رايد.المهم جابو بنت كفلوها واعدة عندهم يشاء الرحمان ان مراتة تحمل وهى فوق 50بس ربنا رايد.اقصد اقول كلو عند ربنا وادام ما بتحبها ماتتخلاش عنها مايمكن اختبار من ربنا .ولو ربنا مرزقش اكفلو طفل تدخلو بية الجنة لو لو تقدر تجمع بين اتنين ربنا يوفقك للصالح

  13. حبيبة
    19/01/2011 at 23:42

    انا اعرف ناس متجوزين من عشر سنوات ولم ينجبوا ولما كشفوا عند اكبر الاطباءاكتشفوا انهم زى الفل ومفيش عيب فيهم والحكاية كلها ان الخلفة دى رزق ومسالة نصيب مش اكتر والدكتور اللى قال لخطيبتك انها ما بتخلفش لم يتطلع على الغيب ولم يكن الله (معاذ الله) وان شاء الله من كتر حبكم لبعض هتحمل وانت هتكون احسن اب فى الدنيا لسبب بسيط ( ان الله على كل شىء قدير) وهو ايضا( يرزق من يشاء بغير حساب

  14. لحظة حب
    19/01/2011 at 14:30

    اتوكل على اللة واتزوجها لانك مين عارف لو رحت اتجوزت يمكن متريحكش اهم حاجة انك تكون مبسوط معاها وربنا مش بيسيب حد ربنا رزاق ممكن دة يكون اختبار من ربنا عايز يشوف ايمانك اوعى تسيبها واتجوزها

  15. الحل من وجهة نظرى
    19/01/2011 at 14:04

    اجوزها ….. اجوزها …….اجوزها
    بيكلمك راجل ….. تذكر سيدنا زكريا …. تذكر سيدنا ابراهيم وخد عبرة منهم ومن طريقة دعائهم
    وادعى ربنا و لو انت اتجوزتها ده دليل منك و ايمان صادق ان الله سبحانه وتعالى قادر على كل شئ يخرج الحى من الميت و يخرج الميت من الحى
    واكيد ربنا حيكرمك و يكرمها لان البنت دى من النادر انك تلاقى زيها

  16. فى الخير
    19/01/2011 at 11:21

    اخى الشاب المجتهد صلى على النبى انت قلت ان انت بتحب اللى هتبقة انشاء اللة زوجتك والامور كلها زى السكر انا شايف ان مفيش مشكلة 0عسى ان تكرهوا شياء وهو خير لكم انت ممكن تعمل حاجة انا من رائى انها ليها اجر عند اللة كبير جدا جدا جدا ممكن تدخل بية الجنة الى جانب الرسول علية الصلاة والسلام ممكن تكفل طفل يتيم هيعوضك عن الابن وعلى فكرة هتلاقى الابن دة بار بيكم انتوا الاثنين فى الكبر المهم تربية زى ابنك من صلبك بالضبط وبجد بجد تعتبرة ابنك ويا سيدى سمية زى ما انت عايز وعلى فكة كمان انت كدة هتبقة اب جرب كدة وبعدين الحب هو اللى بيخلى الأنسان سعيد مش العيال والله ياما ناس خلفت وكان سبب تعستهم عيالهم وبعدين يمكن ربنا وسع فى رزقك عشانها عشان الطب فى حاجات كتير قوى للمواضيع دى وبعدين يوم ما حتقف جمبها عشان متكسرهاش ربنا حيقف جمبك ( من فرج كربه على مسلم من كرب الدنيا فرج عليه كربه من ككرب يوم القيامة )

  17. ronaldo7
    19/01/2011 at 05:09

    بصراحة انا لو مكانك اوافق على طول طلاما صرحتك بحاجة زى دى يبقى عمرها ما حا تكذب … و يا ريت انت كمان متسبهاش و الانسان مش بياخد كل حاجة
    انت ليك 24 قيراط و مش حا تاخد اكتر منهم

  18. همسه
    19/01/2011 at 00:42

    الى صاحب المشكله ياخى بالله عليك مين ضامن نفسه افرض كانت زى الفل وانت اتجوزتها وحملت فعلا وحصلتلها اى حاجه هى والمولود ومنفعش انها تحمل تانى حتسيبها ولا حتفضل معاها البنت بتحبك وانت بتحبها ومالهاش زنب فى اللى ربك ابتلاها بيه يعنى مش كفايه احساسها انها مش حتخلف كمان تفقد اللى بتحبه بسبب حاجه هى مالهاش يد فيها خليك معاها واقف جنبها فيه تطور كبير اوى فى الحكايه دى ولو منفعش ربك شرع الجواز وهى حتكون متفهمه ولو مقدرتش تتجوز عليها وهو صعب انا عارفه يبقى ليك فى كفاله اليتيم ثواب وفرحه فى الدنيا والاخره وخلى بالك الدنيا مش مضمونه يعنى انت متضمنش انك انت تقدر تخلف ولا لاء ربنا بس هو اللى بيوهب ولو مالكش نصيب فى عيال والنبى لو عملت ايه مش حتخلف ربنا يخليهالك اوعى تسيبها ويخليك ليها وان شاء الله القادر يوهبكم من فضله العظيم اللى بتتمناه

  19. توتا
    18/01/2011 at 22:31

    طبعا دى انسانة محترمة جداا وتعرف ربنا اوى لانها صارحتك بحاجة زى كدة بلاش تتخلى عنها بسهولة اعرضها على داكترة كتير وشوف انشا اللة يكون فى حل وانها تخلف وتتجوزها يارب يكون فى حل لمشكلتها ومتسبهاش وتفضل معاها ربنا يكرمها يارب مفيش حاجة مستحيلة عند ربنا ربنا بيقول كون فيكون ابقى طمنا عليها

  20. المؤمنه
    18/01/2011 at 18:32

    بسم الله الرحمن الرحيم انا الله سبحانه وتعالى يقدر على كل شيئ فمن الممكن تكون هذه أراء جميع الدكاتره ولكن الله يخلف الظنون ومن الممكن أن تتزوج من غيرها ويجمع الاطباء على أنها سليمة ولكن بعد بعد الزواج يحدث العكس ولا تنجب أن الله تعالى قادرا على كل شى أتعلم ما الذى حدث مع إمراة سيدنا زكريا عليك بالتحلى بالصبر والايمان وأن تعرضها على أكثر من طبيب وتعرف إذا كان من الممكن علاج هذه العاهة أم لا فأنا أعرف سيدة كانت لاتنجب بإجماع الاطباء ومنذ أسبوع حملت فى ثلاث تؤأم لعل الله يرزقك بعد الزواج مثلها وأدعو ربك وأستخره

  21. حبيبة الرحمن
    18/01/2011 at 16:38

    انتا اعرضها علي دكتره مش واحد ولا اتنين كتير وشوف لو نفس الراي انها مش هاتخلف يبقه ربك مش كاتب ليك فيها نصيب لو هاتتزوجها وهاتقدر انك تترحم من قولت بابا يبقه خلاص مش هاتقدر يبقه سيبها وربك هايكرمك بزوجه غيرها والحب صدقني هاتلاقي غيره وكون بنت الناس صرحتك يبقه دي امينه وربي يكرمها بس كل شي قسم ونصيب واستخير ربك

  22. اختك بالله
    18/01/2011 at 16:19

    الحب الجميل لا يعوض اعرض خطيبتك الى عده طبيبات متخصصات واعرف المشكله بالتفصيل وان شاء الله هناك حلول والله معك ويرحم بحالكم اميييييييييين

  23. صلوا على نبيكم محمد)(مسلمه
    18/01/2011 at 13:39

    واضح ان خطيبتك عاقله وصارحتك بالحقيقه علشان متصدمش بعد الزواج وتجرحها على العموم حاول انك تعرضها على كذا طبيب لان دلوقتى العلم تقدم واصبح فيه حلول كثير بمشيئه الله للانجاب وطالما خطيبتك عندها مبايض شغاله ورحم يبقى ان شاء الله تقدر تخلف باذن الله اما عيوب الرحم فمن الممكن علاجها ان شاء الله عرضها على كذا طبيب

اترك رداً أو حلاً لهذه المشكلة