بسم الله الرحمن الرحيم …
السلام عليكم ورحمه الله و بركاته
انا مشكلتى باختصار اخونا الكرم انا شاب عندى 22 سنه متخرج من الجامعه بقالى سنتين …. بحب زميلتى فى الشغل بنت كويسه و على خلق هى عندها 19 سنه و فى سنه اولى جامعه …فى ثقه ما بنا و لو فى اى حاجه مديقهاها ممكن تحكهالى و انا برضو … متفقين و متشابهين فى حجات كتيره … انا دلوقتى عايز اتقدملها بس انا عندى مشاكل كتيره جدا …. انا لسه فى بدايه حياتى و الشغل اللى انا فيه حالا مؤقت لحد ما القى شغل تانى و بشكل كبير هسيب الشغل و اروح شغل تانى اصعب و لكن مرتبى فيه زياده عن المكان اللى انا فيه …. مستنى دورى زى اى شاب انه يحصل على شقه و انا من محافظه ناقيه ممكن اسمى يجيى عليه الدور ولكن مقدم الشقه كبير جدا مش باستطاعتى توفيره …. والدى هيتجوز الفتره القادمه علم بان والدتى عيشه ربنا يديها طوله العمر و لسه فى زمه والدى و لكن هى رافض الامر و ممكن البيت يتفكك بسبب الموضوع 🙁 … انا عايز اعرف لو حكتلها و قولتلها انى عايز اتقدملها هتوافق و تقبلى بظروفى و انا والله ما مستعجل و انا كنت حاطت على نفسى شرط انى مش هتجوز قبل 3 سنين على الاقل حتى لو هى عيزه تستنى 10 سنين انا معنديش مشكله …. ناس كتيره قالت لى اتقدم و سبها على الله طلما نيتك فى الخير و هما لو شفوك انك بتعمل المستحيل علشان بنتهم هيوفقو عليك و ناس قالت لى انسى الموضوع انت لسه معكش حاجه تتقدم بيها لا شقه ولا اى حاجه و طبعا مش هيوفقو بيك …انا احترت والله الهم الاكبر فى الموضوع دة انى مش عايز اظلمها معايا لو وفقت … ممكن ارجوكم حل ؟ 🙁
اخي العزيز اذا كنت ترى ان البنت دي هي الزوجة المناسبة لك وفيها كل الصفات الحسنة من دين وخلاق وتربية واهلها ناس كويسين فلا تضيع الفرصة من ايدك توكل على الله وتقدم لها فورا وان شاءالله اهلها يقفوا معاكم ويساعدوكم اذا راوا انك ابن حلال كويس وجاد في الارتباط وخلال فترة الخطوبة تكون قد جهزت نفسك ومعاك شقة ومستعد للزواج وتقدر تبحث لك عن عمل ووظيفة محترمة براتب زيادة عن اللي تقبضه الان في عملك واجتهد وكافح الحياة تتطلب منا التعب والكفاح ومافيش حاجة تجي بالسهل ربنا بيكرمك ويفتح عليك ويرزقك من اوسع ابوابه لانك تريد الحلال وتسعى لاكمال نص دينك والله بيوفقك وبيسير امورك ان شاء الله
بص مبدأيا مش عايزك تدايق منى لكن هوا والدك سايبك خالص من غير اى مساعدة فى زمن زى دا ورايح هوا يتجوز ؟؟ لو فى بلد تانية ممكن واحد هيعرف يبنى نفسو بالمجهود بس لكن فى البلد دى الكلام دا فارغ فوالدك كدا ظالمك ومش انت بس كدا ظالم حتى اللى هتتجوزها ايا كان اللى فى النصيب .. تانية حاجة بالنسبة لموافقة اهلها او رفضهم دى حاجة ترجع لنوعية اهلها نفسهم مش هقولك كلو مبيقبلش بس فى ناس فعلا ممكن تقبل بيك مدام انت باقى على بنتهم وفى تقدم انت بتحرزو فى حياتك بشكل ملحوظ وفى ناس بيحبوا يقبلو بس حد مضمون اكتر من الناحية المادية فا دى بقى حاجة انت ونصيبك بس عندك طبعا فرصة اكبر للقبول لو البنت نفسها عندها استعداد انها تخلى اهلها يوافقو .. فعشان كدا كلام دا طبعا بعد صلاة استخارة ربنا هوا العالم شخصيا شايف انك تروح تتقدملها ولو هيا موافقة عليك تقولها على ظروفك ووضعك .. ولو فكرت فى الموضوع من ناحية تانية سواء كان الموضوع راح للقبول او للرفض فدا ملوش علاقة بالتأخير مدام خير خد خطوة ادام وتوكل على الله وزى متيجى تيجى …. بس عشان تنجح لازم تحط خطة حقيقية لتحسين حالتك المادية يعنى تلاقى كلام منطقى يتقال لما تكلمها او تكلم اهلها غير كدا موقفك هيبقى ضعيف